sweet like a rose

العطلة الصيفية جاي :)

2009-05-28T03:52:00.000-07:00

احنا هلا بنشهد مرحلة هدوء ما قبل العاصفة ...

هاي الفترة فترة الامتحانات النهائية .. طلاب الجامعات والمدارس بيمتحنو ومشغولين بالدراسة ..

والمعلمين والدكاترة مشغولين بكتابة الامتحانات والتصليح ..

كلو مشغول ..

الوضع بالنت هادي ..

اول ما تيجي العطلة الصيفية كلو بيفيع ... بتصير السهرة صباحي :)

يالله ازهئت من الدراسة والمدرسة والامتحانات ... :(

بنا نخلللللللللللللللللللللللللللللص

ملفات اخرى

2009-05-22T22:58:00.000-07:00

العمل بالمدارس الخاصة يعني مهمة مهلكة تماما ... قبل ما اصير انا معلمة بالمدرسة المشؤومة اختي اشتغلت معلمة اول ما تخرجت بالكلية العلمية الاسلامية ... وان كيس ( محاولة للتحضر معناتها الهندي في حال ) ما حدا بعرف قرف التعامل مع المدارس الخاصة .. فممكن تكون هاي المدرسة اكتر مدرسة التعامل معها مؤذي من الناحيتين النفسية والجسدية .. وطبعا اختي ما تحملت تركتهم من الفصل التاني ودفعت البند الجزائي الي كان عليها واشتغلت بالبنك ... كان وئتها المدير العام للمدارس الدويك ... بعد فترة اقالوه لانو اتوقع كان مريض نفسيا بطلع كل مرضو على الطاقم التعليمي والاداري .. بيحكو صارت المدرسة ارحم شوي من اول مع استلام الادارة العام شخص تاني ... هلا المدارس الاردنية الدولية الي انا بشتغل فيها صارت افظع من الكلية العلمية الاسلامية بسبب انشغال المديرة :: زوجة الدويك :: بمئاهرة المعلمات وعمل بعض التصرفات المزعجة متل اختراق كل القوانين البشرية والعمالية وكل شي بدكم تعرفو .. يعني نئلت وباء مرض الدويك من الكلية العلمية للمدارس الاردنية ... ما عاد في بني ادم بدو يضل عندهم .. طاقم الاساسي ما ضل منو غير 4 معلمات من اصل 25 اشي هو طفش واشي هم فنشوه..

سياسة المدرسة بعد المديرة الجديدة ما استلمتها ...:

اولا المديرة هاي ما عندها اولاد ... وعلمكم لما مرة متسلطة فاضية اشغال واعمال تستلم ادارة مدارس ضخمة .. اول شي بتعملو بتبدأ تتفلسف على المعلمات .. وبتبدأ اطلع كل الامراض النفسية وعاهاتك يا وطن بالمعلمات .. وخصوصا معلمات الاساسي ...

فرق كبير بين التعامل مع معلمات الاساسي والثانوي ... وهي بعض الفروق وقارنو :

1) الاساسي بشغل بكل طوابق المدرسة اما الثاوني ما بشغل الا بطابقو .. وعلى هادا الحكي احنا ازا بكون عنا 6 حصص يوميا من اصل 8 حصص بنشغل السابعة ..ومو بس هيك ... بنشغل عند النبات الكبار .. وشوفو المسخرة

2) الاساسي ممنوع يشوفوكي ئاعدة لانو يعني انتي هيك ما بتحللي الفلس الي بتاخديها .. طيب نصاباتنا كتيرة وشغلنا متعب خلونا نئعدلنا حصة .. بمرضو .. طبعا الثانوي ما حد بيحكي معهم وين رايحين ..ولا ننسى انو شغل الاساسي ما بعرف من وين بيجي .. والله بطلعو الشغل من تحت الارض .. وبعقدو الامور لما بدهم يعقدوها ... بتصير الوحدة بدها تغتال المسؤولة عنها ..

صحيح نسيت احكي انو من الاسباب الي حتنهار المدرسة بسببها وانا متأكدة والكل نازل اسافين بالتاني .. هو انو في اكتر من راس كبير بدو يثبت حالو... مثلا انا مسؤول عني 6 ادارات .. المديرة العامة للمدارس الدويك .. والمشرفة العامة للمدارس ... وبنت صاحب المدرسة ... ومديرة قسم الاساسي المديرة المباشرة ... ومشرفتين لغة انجليزية ...وكل حد عندو رأيي وبيزعل ازا ما طبئتيه ومين بروح فيها؟؟ احنا المعلمات ...

3) لما يجو يختار المعلمات .. الثانوي بختاروهم على الخبرة ... الاساسي بيختاروهم على الحلاوة .. وللاسباب التالية :

أ) لازم لما يجي الاب يتعامل مع الملعمة يشعر بجمالها الخلاب .. ويبطل يركز شو بدو يحكي او يبطل بدو يشرشح ..

ب) لازم المعلمة الحلوة تكون لزيزة مع الاطفال .. اما ازا كانت بشعة بخافو منها الاطفال ... وببطلو يحبو حصتها .. وتعالو وشوفو طاقم المعلمات عنا بالمدارس اتحداكم ما تحكو نفس هالحكي .

ج) المدارس كتيرة برامجها الترفيهية ( بتسوق لنفسها عن طريق المهرجانات والالعاب وبتنسى التعليم نفسو ) وبما انو برامج المدرسة كتيرة فبكونو معلماتها الحلوات باستقبال الاهالي بمتل حفلة عيد الام و اليوم المفتوح وهاي الحركات الفاضية ..

بتزكر وئت عيد الام ... ئعدنا نشتغل شغل مو شغلنا ... نعمل كروت للأمهات قال ونعمللهم هداية وشموع مع طالبات صفنا .. وطبعا راحت حصصنا لمدة اسبوعين بين الاعمال الفنية وتدريبات البنات على الفقرات ... تحولت حصص الانجليزي لحصص فن ودراما الحمد لله والشكر ...

واسباب اخرى طبعا ..

غير انو لازم احنا معلمات الاساسي نشتغل شغل مضاعف ..

انا شخصيا دخلت نظام جديد اسمو ورق العمل المكثف : من هبلي طبعا :: وكان بعتمد على اكتر من ورقة عمل واحدة للوحدة ... بالاضافة لتلخيص الوحدة كاملة ... مع رسومات واشياء .. وكل شي مطبوع على الكمبيوتر .. بس للأسف صارت معي مشكلة ببداية الفصل الثاني .. وسببها نئل حكي كزب من احدى طالبات خامس لاهلها .. وهون بننتقل للنقطة الاهم ... انو المعلمات غير محميات بالمدرسة بسبب سياسة الدويك ... الاهل دائما على حق .. واكتر من مرة مشرفة الاساسي بتحكيلي انو اعتبري نفسك بمطعم والزبون دائما على حق ... عادتها اكتر من مرة رحت عصبت وحكيتلها .. احنا هون مو بمطعم ومو جايين نرفه الاولاد والطلاب .. احنا هون بمهمة تعليمية .. وبحال انك نسيتي يا مس .. احنا هون بنتبع لوزارة التربية والتعليم ومو لوزارة السياحة ... ( كنت حاخد انذار :) ::

وبالاخير بحكي .. انو الشغل بهيك مدرسة ئرف ... وازا كانت كل المدارس مئرفة متل هيك فالله يغنينا .. لانو بالنهاية شو الراتب الي بناخدو على التعب الي بنتعبو ؟؟؟ ولا بنروح شغلنا معنا ... والله احيانا كنت انسى اكل من اد ما مرئت علي فترة صعبة ومو فاضية فيها ابدا.... غير انو ما في امان وظيفي ... ابل يومين فنشو 7 معلمات كانو مجددين معهم عقود للسنة الجاي .. طبعا لا اخلاق ولا ذمة ولا ضمير ... ومعظهم معلمات مسكينات .. متى فنشوهم؟؟ لما اطمنو المعلمات انهم خلص حيشتغلو هون وما راحو دورو على شغل تاني ... طيب هاي مو نذالة؟؟ على اخر السنة بعد ما صارت المدارس موقعة عقود مع المعلمات الي بدهم اياهم؟؟

بس الظلم بهاي المدرسة على كف مين يشيل ... وانا وقعت لا ارغب من البداية لاني سعيدة اني تخلصت من هيك ناس :)

والله الو حكمة لما خلى رزئة العبد بإيدو ومو بإيدين الناس

هيك شكل اوراق العمل الي بعملها:

invisible (part 1)

2009-05-19T07:09:00.000-07:00

What would u do if u were invisible?

كبرت افكاري

2009-05-12T10:59:00.000-07:00

مو عارفة يا جماعة من وين ابدأ ... طبعا هدول شهور وشهور الي غبتهم ورجعت ولئيت كل شي مختلف ... كتير ناس راحو ما عاد بنلائيهم وكتير ناس من الي بحبهم وبعزهم ما زالو والحمد لله بالمدونات ... ناس كتير سكرت مدوناتها وحذفتها مع انها كانت رائعة .. وناس كتير فتحت المدونات لناس معينة وانا كنت افوت على المدونة مرة كل ستة اشهر :: مش عارفة ازا الي ست اشهر غايبة ولا اكتر::

بس بالنهاية سعيدة اني رجعت وححاول قدر الامكان اكتب واعطي الي عندي .. لاني واخيرا بحب اني ارجع للمساحة الي كنت اكتب فيها النهفات الي كانت تصير معي .. وما تتخيلو كم بضحك لما اقرأ الاشياء الي كاتبتها ايام الجامعة .. واااااااااااااااااااو كأنها الها عمر ..

من لما تخرجت من الجامعة الي بالتأكيد كنت اغلبكم بعرف اني ما كنت احبها .. من وئتها وانا مبسوطة اني تخرجت .. ما بعرف صراحة ما بحس حالي ندمانة اني تخرجت .. يمكن بشتائ للجامعة 10% كل شهرين مرة .. :: لاحظو اناما بحكي بالاشهر صرت اخوف :: بس صراحة عالم الشغل عالم غريب غريب غريب ما فيني احكيلكم كيف انا شفتو ...

اشتغلت معلمة .. طبعا لهدف ببالي فكرت انو سهل اني اوصلو .. اكتشفت انو مو سهل واني يمكن اضطر اشتغل معلمة سنتين تانيات لحتى ائدر اوصل لهدفي ... مترجمة ... مترجمة محترفة .. لانها بدها دورات وخبرات وتدريب ..

درست في مدرسة خاصة .. ما ححكي اسمها هلا ... وما ححكي شي عن الظروف الي عشتها ... بس انا اكتشفت من خلال التدريس بهاي المدرسة انو الشغل مو متل ما انا كنت متوقعتو .. اصطدمت بالواقع واخيرا ... حلو اه .. بس التعامل مع اصحاب الشغل شي سيئ ... خصوصا ازا ما كانو بخافو الله .. بس الحمد لله طلعت من التجربة مبسوطة بإني فدت واستفدت .. وتعرفت على مجموعة طيبة من البنات الي جد حبيتهم ... من معلمات او طالبات ... ما فيني احكيلكم جو المعلمات شو جو ------ :: مشفرة :: لكن جد تعيس .. ومع ذلك ممنونة للخبرة الي اخدتها بالتعامل مع الناس وممنونة انو اتيحت الي فرصة اكون معلمة ...
ورح يطلع كتاب حسميه " المعلمين في ضرب الاسافين " قريبا ترقبو :)

درست ولاد وبنات .. وبالتأكيد ححكي ببوست تاني على رواء عنهم .. لكن خلي هاد البوست افتتاحية ... وان شاء الله ائدر اضل مستمرة هون ...

بالاخير بحكي لكل الي حكولي الشغل عالم اخر : انا هلا صرت بآمن بهاد الشي ... ومقتنعة

ياريتني ارجع طفلة .. بنت مدرسة بتلبس زي المدرسة وبتحمل الشنتة ام 10 كيلو :)

2009-05-11T04:14:00.000-07:00

Guess who comes back??????

IT'S ME

من اجل حجابي

2008-08-04T09:23:00.001-07:00

اجاني ايميل كتير حلو من مجموعة ابو نواف ... عجبتني الفكرة ...

ومن شان الغيبة .. في بوست ان شاء الله مطول .. :)

no one else can feel it for u

2008-07-24T09:24:00.000-07:00

Feel the rain on your skin

No one else can feel it for you

Only you can let it in

No one else, no one else

Can speak the words on your lips

Drench yourself in words unspoken

Live your life with arms wide open

Today is where your book begins

The rest is still unwritten

مواقع الزواج

2008-07-15T06:07:00.001-07:00

اضغط على الصورة لتعبي عينك ...

هلا فجأة وانا عم بطلع على ايميلاتي الي بعفو عليها الدهر وانا مش شايفتها ... لقيت ايميل من موقع اسمو قران بكسر القاف ... وطبعا انا مش عارفة شو هالموقع ومن الايميل فهمت انو في حدا معجب فيني .. :: احم احم :: يا جماعة انا مو مسجلة بالموقع مين مسجلني؟؟؟؟؟؟؟؟ يعني احلى شي حدا من صاحباتي تكون عاملة مزحة خفيفة دم متل هاي ... والله وفتت على الجوجل وحطيت الموقع وطلعلي هيك :

ركزو معاي منيح :

meet attractive single muslim men and women ..

بالله عليكم هادا حكي؟؟ مين الي بيستخدم هاي المواقع؟؟ ومعقول في ناس بتستخدمها؟؟؟؟؟؟ يا عمي انا شايفة الحياة كلها صارت تمشي على النت .. حتى الزواج يا جماعة على النت؟؟؟؟؟؟!!!!!!!!!!

يعني هلا هادا الموقع شو فرق عن موقع الشات؟؟؟ شو بيفرقوعن بعض يعني؟؟

يعني مثلا البنت الي بهادا الموقع نيتها شريفة اما الي بالشات معناتها هاي بنت عاطلة .. او لاء استنو اصوغها بطريقة تانية ,, الشب الي بالشات هادا بتسلى وبضيع وقت مع هاي وهديك اما بهادا الموقع هو جدي وببحث عن زوجة المستقبل ...

ازا كان هيك انا بحكي لأمهات الشباب مبروك الكم جميعا يا ايتها الامهات العظيمات اللواتي تخفن على ابنائكن وتردن لهم الافضل ... مبروك لكن يا حموات المستقبل الشريرات ... وحظا اوفر لزوجة الابن المتعوسة ... ببشرهم وبباركلهم انو هادا موقع بيعطيكي امكانية تحقيق حلمك وهو وجود شركة المواصفات والمقاييس .. ما عليكي غير تحطي مواصفات شريك حياتك .. امم عفوا شريكة حياة ابنك وبتلاقي على السريع بعملك بحث بدعسة انتر وحدة على كلمة سيرتش .. هادا ازا كانت بتفهم امهاتنا العزيزات معنى كلمة سيرتش .. او بالاحرى لازم نفهمهم انو الي بتدور على بنت الحلال الي اخلاقها منيحة :: كلهم بحكو هيك بس بيركضو ورا الشكل .. خليهم يركضو بلكن نحفو شوي :: لازم نفهم الامهات انو هادا اسمو :: سيرتش :: ولما ما يلاقو بكون :: هارد لوك :: ولما يلاقو بيكون :: كونجراتيوليشن ::

بنوه عناية الامهات العزيزات انو هادا الموقع بسمحلهم يبحثو عن الطول بالسانتيمترات .. يعني ممكن تطلب 186 او ممكن 152 وكمان بيسمحلهم يعطو درجة الصبغة وانحراف العين وطعجة الرموش وطول النظر وقصره ...

زمن الزواج التقليدي ولاَ .. وزمن المواصفات والمقاييس يفتح ابوابه على العالم ...

مبروك لجميع من تسول لهم انفسهم انهم يتزوجو عن طريق النت .. فهذه طريقة اصح وازبط من الشات الملعون ...

باي ذا وي : مالي ومال هادا الموقع .. ؟؟ بنرجع وبنحكي حرية رأي ... وانا حرة .,.. بس ما تبعتلو ايميلاااااااااااااااااااااااااااات منشان الي خلقكم

هو صحيح سؤال .. هادا الموقع من زمان؟؟؟؟؟؟؟؟؟؟؟؟؟؟؟؟؟؟؟؟؟؟؟

the funniest lover EVER... :)

2008-07-14T05:27:00.000-07:00

this is the funniest conversation EVER !!!!!!!!!!!!!!!!!!!!!!!!!!!!!!!!!!!!!!!!!!

I really laughed from the bottom of my heart :P

breathless says:
she is sweet but she shouldn’t have said this

says:
laish she shouldn;t

says:
ya shai5a sho feeha

says:
el benet mo3jabe

breathless says:
noth

breathless says:
ahaaaaaaaaaaaaaaaaaaaaaaaaaaaaaa

says:
mamnoo3 ashoof 7ali shway ??

breathless says:
is it the case?

breathless says:
shoooooooooooooooooooooooof

says:
of course

breathless says:
this is what i want

says:
ba3tatli resalet '3arameyyeh aslan

breathless says:
of course kaman?

says:
yes

says:
7akatli bl resaleh

says:
حبك طعوجني

breathless says:
ho hooooooooooooooooooooooooooooooo

says:
3meltelha reply oltelha

breathless says:
hehehehehehehehehehhehehe

breathless says:
?"

says:
yen3an 3omri !

breathless says:
hehehehehehehehehehehehehehhehehehehehehe

says:
ba3tatli reply bet2olli

breathless says:
looooooooooooooooooooooooooooool

says:
amooot 6aa5555 bi fard mayye !

breathless says:
hehehehehehehehehehhehehehe

breathless says:
watch out man

says:
raddait 3alaiha oltellha "3al jellaaat za7laga "

breathless says:
hehehehehehehhe

says:
3al jellat za7laga = 3arasi za7laga = 3arasi

breathless says:
for God's sake

breathless says:
sho hal7ob?

كانسة الالغام

2008-07-11T11:15:00.000-07:00

الشكل اعلاه يبين كانسة الالغام التي لم استطع كسر رصيدي السابق فيها

من الزهق مو عارفة شو اكتب يا جماعة ... قررت اكتب عن كانسة الالغام :)
عمركم حسيتو انو في لعبة بتلاحقكم حتى في منامكم؟؟
مرت علي فترة بحب العب علاء الدين .. بس بسبب الفشل الذريع تاع كمبيوترنا :: مو فشلي يعني :: طبعا ما كملتها .. وصرت العب العاب تانية .. ابسط .. ما بدها نط ونار وسيف وما بعرف شو كمان .. في العاب الفيس بوك حلوة .. بس كمان زهقت منها مليت على الاخير بدي لعبة فيها حركة بالمخ .. وانطلاقا من مبدأ اللعبة التي فيها ذكاء ورغبة من حضرتي بتقوية سرعة البديهة عندي ..قررت حضرتنا انو نبدأ بلعب لعبة كانسة الالغام ابتداء من قبل سنة كاملة ...
اللعبة صعبة ومو سهلة وطول عمرها موجودة بالكمبيوترات بس انا ما كنت افهمها ابدا .. لكن لما صرت افهمها صارت من اكتر الالعاب الي بحب العابها واثبت فيها سرعة البديهة عند حالي .. وطبعا ما حدا فاهمها ولا حدا راضي ينافسني
عشان تحلى اللعبة رحت صرت العبها بنفسي ... ومع حالي .. احاول اكسر اعلى رصيد بوصلو .. طبعا مش عارفة ,, ابصر شو مالي .. بتمنى انو اقدر اكسر الرصيد واكسر ورا جرا :) قد ما زهقني

هلا لما صرت احط راسي على المخدة وبدي انام ... صرت اتخيل الكمبيوتر قدامي وانا قاعدة عم بلعب فيها .. وارقام بطير يمين وشمال وفوق وتحت ...

شوفو ال هابي فيس بصيف لما تفوزو باللعبة بحبو :)

.....................................................................................

update:

هلا هاي اللعبة سهلة بس بدها تفكير سليم وعاقل مكتمل وذهن صافي مافي وراه شي .. فإزا كنت بالشغل نرجو من حضراتكم انكم تتركو الشغل وتحطو كل تركيزكم باللعبة .. وازا كنتو طلاب .. نرجو منكم تتركو دراستكم وتركزو باللعبة لانو زي ما حكينا بدها ذهن صافي ..

وهلا الشرح:
بسيطة كل رقم واحد ازرق معناتها الو قنبلة وحدة بس
يعني وين ما لفيتو او درتو القنبلة وحدة وبس ما لازم تلمسو قنبلة تانية

اما الرقم 2 فمعناتها بس حولينها وبيلمسها قنبلتين من كل الزوايا

وطبعا كل رقم معناتها عدد القنابل

الي بيفهم الصغيرة بيفهم الكبيرة

هي صورة توضيحية عشان ما تقولو بخيل

المربع الاخضر معناتها امان اما الاحمر معناتها قنبلة

مسلسل نور :)

2008-07-11T07:38:00.000-07:00

ملاحظة: البوست طويل بس حكيت كل الي بنفسي :)

من اكتر المسلسلات الي عملت ضجة هو مسلسل نور .. الصراحة عمل ضجة اكتر من باب الحارة .. ايام باب الحارة كان كبار صغار يحضرو .. بس الكبار كانو يحبو .. ما بتلاقي اب منع بنتو او استعجل بالرواح على البيت بس عشان البنات والمرة ما يحضرو المسلسل .. ما بتلاقي ناس اطلقت من ورا راس المسلسل ... ما بتلاقي ناس بتاخد وصلات التلفزيون بوقت المسلسل .. لانو باب الحارة بكل بساطة بيحكي عن حياة اجتماعية بوضع كان في ادب واخلاق وما ببث في الناس الي بيحضرو افكار ايامنا هاي .. فالأهل لما كانو يقعدو مع ابنائهم يحضرو باب الحارة كانو يكونو متأكدين ومبسوطين انو هاي كانت الحالة الي عاشوها قبل سنين لما كانو شباب .. وبتمنو هاي الايام ترجع .. اما نور؟؟ فهو مسلسل سبب مشاكل اجتماعية رغم انو مجرد مسلسل .. والسبب؟؟ مهند

...........
مهند عمل ضجة كبيرة .. هو كبطل يعني ربنا الله مزبط الدور على داير المليم ... بس الصراحة انو هو حليوة .. والبنات منجنات عليه ..
المشكلة عم بتصفي عكس باب الحارة ...بعض اللقطات غير لائقة نهائيا للأطفال .. وللأسف في كتير اطفال بيحضرو هادا المسلسل ...

بعض المواقف الي صارت عليه :
- الاطفال من سن 3 سنوات فما فوق بيسألو عن مهند ونور وبيحضروه... حتى في شبس وخداديات اسمهم نور ومهند .. وهاي موجهة لفئة الاطفال ...

- واحد راجع من شغلو تعبان ومرتو عم بتحضر نور .. فات وسلم ما ردت حكى لا حول ولا قوة الله بالله ... فات على المطبخ يسخن الاكل ما لقاه .. حكالها يا مرة وين الاكل ؟؟؟ ما ردت ... رجع حكالها وين الاكل .. ما ردت المرة التالتة وقف قدامها وصرخ فيها حكالها من شان الله تحركي عيونك عن الزفت هالتفلزيون وتردي علي .. وين الاكل جوعان ميت جوع بكفي انك ما رديتي السلام ولا حكيتيلي كلمة حلوة .. قامت حكتلو : زيح زيح خليني اشوف هاللقطة شكلها حامية ... حكالها: خلقة شب مش عارف شو عاجبكم فيه :: كل الشباب ترا بكروهو لمهند بغارو :) :: حكتلو بالله هو خلقة وانت خلقة ؟؟؟ هادا سؤال تسألني اياه ..؟؟ حكالها وانتي طالق بالتلاتة .. وهاي قصة صارت عنجد ..

- قصة تانية ... : الاب قعد يحضر .. وبسبب بعض اللقطات طلب من بناتو ما يحضرو .. والبنات طبعا شو بقنعهم؟؟ صارو ما يحضروه على ال 10 يحضرو على الاعادة على ال5 واكتشف الاب وتشرشحو وانمنعو يحضروه .. لاقو انو بينعرض بعد ال 2 بالليل .. صارو يعملو حالهم نايمين ويصحو بعد ال 2 يحضرو .. ولما اكتشف الاب ضربهم كلهم وكسر التلفزيون ..
بعض الاباء جدا محافظين ... وانا صراحة ما بلومهم .. بس اتخيل بالاقناع كل شي بيجي احسن من إنا نمنعهم وما نشرحلهم ليه ؟؟؟
وكتير قصص الاب منع .. وهم صراحة الام بي سي نقلتو على ام بي سي 4 عشان تجيب الي بدها اياه وما حدا يحكيلها وين رايحة؟؟واساسا المسلسل متوفر بكل الاوقات ... يعني الي بشتغل او الي ما بقدر يحضرو بوقت في اوقات تانية بنعاد .. بالعربي الهنداوي ما الو حجة عمي :)

وصلنا للحدث الاهم ... عابدين الزفت .. من انذل الادوار الي بحضرها دور عابدين .. وحتى شكلو استغفر الله مش شكل ... مبين مخيف ومو مريح من البداية ... وانا من البداية ما ارتحتلو ... اساسا الي بيرجع بيتزكر لما التقى بنور كيف كانت حركاتو بيعرف انو هادا نيتو مو شريفة ....
وباقي البنات .. جايبينلي عارضات ازياء يمثلو .. كلهم نحاف بصورة رهيبة وطوال ما بعرف من وين جايبينلي الطول وعندهم درجة حلوة من الجمال ... بيورونا انو الاتراك كتير حلوين ... اي الختيارة الي هي الختيارة شريفة حلوة ومرتبة .... هاي بالتأكيد فئة صغيرة من مجتمعهم .. والشي الي بيقهر انو ما بتروح الا على الصبايا البسيطات .. بصيرو الشباب بدهم الفئة البسيطة هاي وباقي ما باقي ما بيعجبهم ... يجعلهم ما تزوجو .. اخريتو الواحد لو اجى النصيب يتزوج وحدة ولا بتنطبق عليها نصف مواصفاتو ..
اما مسلسل سنوات الضياع فأنا مو من عشاقو .. الصراحة انو انا ما بحب اللف والدوران الزايد الي فيه .. وبمطو بالاحداث بصورة خرافية .. عم بيضعيو قصتو ..

بالمناسبة: عابدين لازم يموت ... اساسا انا سمعت انو بيموت ما بعرف ازا بيعيش .. ازا عاش بيكون نعي كازب :: :)
مع تحيات الناقدة الكبيرة سويت لايك اروز :)

tagged by Adoooosh ... :)

2008-07-07T04:22:00.000-07:00

- What is the color of ur wallet?
Dark blue with yallow flowers :)

- Do you have pics in your wallet? La meen?
Yes .. ele, la awlad ele badares-hom w la damdome bent 5ale .. w la sweet love :)

- What is the most precious gift you have ever received and you love it still?
A heart …

- Ever had an imaginary friend? If not, name your childhood friends.
No la2ene mo fadye ykoon 3ende 7a2e2yeen la ykoon 3ende imaginary?
W my childhood friends are: Heba,aya,3beer,sari,hana2,batool,rasha,arwa,3’ada and shereen ..
Bas ma t5afo ma dal 7ada :)

- What is the color of your shoe/ slipper at this moment?
Brown

- Drinking something? What?
No..

- What do you want to do at this moment?
Be with someone special ...

- What is the first thing that comes across your mind when u read or hear the name of the blogger who tagged you?
Adoosh???????? Ta7sheeeeeeeeeeeeeeeeeesh :P

and now I'll tag:

-Noura

-Abed

-razan

-mayasee :)

مجموعة عبر مستفادة :)

2008-07-02T07:16:00.000-07:00

بما اني قاعدة بالبيت لا شغلة ولا عملة الحمد لله والشكر .. ولاني انا من النوع الي ما بيحب يقعد هيك فاضي من دون ما يعمل شي ... مبارح ماما استنجدت فيني خلينا نلف ورق عنب :: دوااااااااالي :: وانا مش انو بحب هادا الشي بس بدي اتعلم صار عمري 13 سنة وانا لسا ما بعرف كيف ورق الدوالي بنلف ..:: تركزوش كتير على العمر :: وبلشتلكم ياسلام بأول ورقة .. تقولو كرة!!! ولا برميل !! واتاريه اللف صعب ببدايتو .. وبدأت اعصب مش راضية ولا وحدة تزبط .. بعدين حكيت هي مطولة الشغلة؟؟ وهاااااااااا صرت الف من غير ما افكر .. والله انهم زبطو .. وطلعو جميلات بنافسو لف ماما كمان .. بس الاولات عار على الانوثة كلها انو حدا يعرف انو بنت الي لفتهم مو ولد صغير :)
وبس جهزت الطبخة اكلت صحن وقعدت على مدونتي الحبيبة وما قمت الا هي الطبخة سلامتكم .. خلصت

وصلنا للعبرة المستفادة من هاي القصة :" بالاصرار والعزيمة يحقق الانسان اهدافه " من اقوال الكابتن رابح الله يرحمو ويعفو عنو ..

...................................................................................................

اليوم وانا رايحة على الجامعة اجيب شهاداتي .. جبت شهاداتي :: :) :: طبعا مو بهاي السرعة بس يعني انو اتوقعو وماشاء الله عنهم المهم وانا مروحة :: صرنا بالرواح :: المهم ركبت بالغلط مع باص شكلو والله العليم البنزين عندو داعس ... وطار الباص متل الصحن الطائر .. وحسيت حالي بمدينة الملاهي .. ولا احكيلكم؟؟ بالبلاي ستيشن ولا شغلة متل هيك .. الباص كان رايح جاي يمين شمال ويعدي عن هاد وينط الا هو هون وشوي بتلاقيه باليمين وبثواني بنحرف الى الشمال بتحسو حالكم راكبين بباص سكران .. بالنهاية كان حيعمل حادث ..

العبرة المستفادة من هاي القصة : الباصات بعمان بتسرع :(

....................................................................................................

اليوم لما رحت اجيب الشهادة :: رجعنا لموضوع الشهادة :: طلب مني عمو المسجل اعطيه هويتي .. سألتو هوية الجامعة ولا الهوية المدنية ؟؟ حكالي لا ياعمو هوية الجامعة ... فكرتو مقلب انا لانو انا حكيت انها مو معي ودفعت غرامة وكمان ارجع اعطيهم اياها بإيدي؟؟ طلعتلو الهوية المدنية وما حكى شي وراح جابلي شهاداتي وحكالي روحي وقعيهم بالطابق التاني .. وفعلا متل الخيل الاصيل :: ما حدا يسألني شو هالتعبير هادا مجاز السرعة :: طلعت ووقعت الشهادات .. وب5 دقايق كان كل شي خالص .. وحكولي الله معك يا عمو .. طلعت من المبنى واطلعت شوي .. حكيت بعقلي لا يابنت مو معقول ارجعي وشوفي لا يكون في شي ناقص .. حملت حالي ورجعت ...سألتو للزلمة في شي ناقص ؟؟ضل شي اعملو؟؟ حكالي لا الله يسهل عليكي والف مبروك التخرج وزي بحكي انقعلي ورانا شغل ..

انصدمت من السرعة الي انجز فيها طلبي .. ولا اشي .. ما كان في اي نوع من انواع التعقيدات ما صدقت حالي وفكرت حالي انا الهبلة .. وهو بالنهاية طلعت انا الهبلة بكل الاحوال .. بعد التعب الي تعبتو بالجامعة اخد الشهادة ب5 دقايق والله يمكن اقل ؟؟؟

العبرة المستفادة : " الاعمال بخواتيمها"

The sadness delayed

2008-06-30T04:49:00.001-07:00

I don’t know what is going on with me these days .. maybe being free with nothing to do is destroying my life :: yes lahaldaraje ::, I got used to work .. I got used to be very very busy and now I have nothing to do except searching the internet for something interesting to do … I read blogs , I play stupid games, I even stare at the computer without doing anything .. the worst is that I keep THINKING ...

Watching T.V is not a very good idea since I’m not that kind of people who get themselves engaged with watching the shows and the series w hai el5orafat .. going out hanging with friends seems to be a great idea except that I don’t have a free friend to hang out with .. they’re all at WORK ..

I still have some issues that have not been solved yet .. I wish if I can just relax and throw the burden out of my shoulders … I want many things to happen w I’m waiting and waiting but nothing happens .. how long should I wait till what I dream of become true?? Thought I assure u it’s an easy thing but life with its complicated principles makes things difficult for me ..

Can we just forget what we want so bad so easily?? I’m not sure that I can .. and I can’t betray myself and the ones who care for me .. I just don’t know how can I express the anger that dwells inside me from the first day I started dreaming and dreaming of this thing .. and believe me there is one more thing that is more difficult than losing hope which is disappointment ..

I’m not writing this to say I’m sad .. I just wanted to express myself in my space ,, up till now things are somehow calm and I’m glad for this but after 2 weeks from now I know I’ll need some help … this is what I call : the sadness delayed …

تضامنا مع اخواننا الشباب

2008-06-27T07:48:00.000-07:00

مش عارفة شو هالضجة الكبيرة الي بيعملوها الناس لكأس امم اوروبا ,, او شكلي انا مش عايشة بهالدنيا والاحتمال التاني اقوى واصح ...

انا ما بحب المبارايات .. كلها نفس الشي يالله .. كلها فيها 12 لاعب او صححولي معلوماتي يمكن 11 وكلها فيها فريقين وكلها فيها مرميين وحارسين وسبحان الله القاسم الي بيجمع بين كل المبارايات هو كرة القدم الي بتنلطش بالاجرين من هادا وهاد .. كيف بترضى على حالها بالاهانة .. ولا احنا نظرنا بيكون عليها قال .. وبنلاحق فلان وفلان .. شووووووووو المتعة بالفرجة على المباراة؟؟ نفسي افهم شو المتعة؟

على كل حال بالتأكيد في امور احنا البنات ما بنفهمها ... والصراحة كرة القدم عمرها ما كانت حكر لحدا .. في كتير بنات بشوفو وبشجعوا وبيلعبوا كرة قدم كمان .. ما شاء الله عليهم ..

الامر بالتأكيد ما بيخلو انا بحب مباريات كأس العالم .. وبشجع الفريق الالماني والفرنسي والتركي .. انا الحمد لله مريحة راسي ازا خسر واحد بننتقل على الي بعدو ... وانا بالتأكيد بنبسط لما اعرف انو الفريق الي بشجعو وبس ما بحضرلو مباريات فاز .. وطبعا انا بتفلسف الي بسمعو من هالناس .. بس الي صدمني انو معظم الفرق الكبيرة طلعت متل ايطاليا وفرنسا .. يعني ما هاي فرق بتاخد بطولات كأس العالم شو مالهم؟؟ ولا وكمان صدمني :: هم هيك الناس بيحكو يعني :: انو المانيا ما لعبت متل ما بتلعب دايما يعني ما اعطت الاداء المطلوب .. على كل حال .. بديش اتفلسف كتير بشي ما بعرفو .. بس ان شاء الله تفوز المانيا مع اني والله ما بعرف شو الي بيصير ولا مواعيد المباريات ولا مين بيلعب ومين بيخسر ولا شي صراحة ولا شي .. بس هيك يالله دعم من بعيد لبعيد .....

السبب الي بخليني ادعم فريق المانيا هو انو لعبهم حلو كتير وهم حلوين صراحة ... وكمان وجود :

والسبب الي بخليني ادعم فرنسا وجود :

وسلامتكم .. ما ضل مواضيع نكتب عنها غير المباريات ...

تخرجت

2008-06-26T01:24:00.000-07:00

شعور حلو كتير انو الواحد بعد اربع سنين تعب بالجامعة يوقف على المنصة وياخد الشهادة ويصيرو اهلو يصوتولو ..

تخرجي كان ب 22/6 وفعلا كان يوم رائع جدا وما تخيلت انو انبسط بالتخرج كل هالقد .. الصراحة انو ما بعرف كيف في ناس بيجيها قلب ما تحضر تخرجها او تخرج ابنائها .. مابعرف بس البروفو الها هيبتها والتخرج نفسو الو هيبتو .. من لما لبسنا ارواب التخرج وفتنا على القاعة الرياضية لحتى نصف واهالينا يتصلو فينا وين انتو واحنا قاعدين هون وفلان قاعد بالمدرج الي هناك وهيك .. وبالتأكيد هادا الرصيد ما حدا يسأل عنو ... بتشحن بنفس اليوم بطير بنفس اليوم :: يمكن شارب ريد بول :: وبعدين لما طلعنا ومشينا حولين الستاد وشفنا اهالينا واديش هم مبسوطين فينا ما بعرف بشو اوصف هالشعور ... شعور جد رهيب ... طبعا والطلاب العرب الحمد لله والشكر انسيت احكي عنهم .. حكولهم ممنوع تفتحو الروب فتحو .. ممنوع تحطو اجر على اجر للي بالصف الاول احتراما للاهل حطو .. ممنوع تحكو تلفونات وانتو قاعدين حكينا :: انا شخصيا حكيت ليه الكزب ؟؟ :: كل شي ممنوع الحمد لله والشكر عملنا ..

الحمد لله تخرجت بعد اربع سنين من الجامعة الاردنية بتقدير جيد جيدا .. تعبت لحتى اخدت الي بدي اياه ,,, صابني نوع من الانقطاع عن الصنف البشري خصوصا بآخر شهر ... بس ارجعت بدي امارس حياتي الاجتماعة حسيت حالي ماوكلي فتى الادغال ... جد اول يومين حسيت حالي مش عارفة اتواصل معهم بسبب الانقطاع الرهيب عن الحياة الاجتماعية سواء بالبيت او بين الاصدقاء او هيك ... بس الحمد لله مرت الامور على خير وصار كل شي بدي اياه ..

الصور لسا ما طلعت حتى انا لسا ما رحت اجيب صور الجامعة الصراحة ... كسل :)

في شي واحد بتمنى يصير من كل اعماق قلبي لحتى تكتمل فرحتي ... الله كريم وان شاء الله بيصير ...

ادعولناااا دعوة صادقة

:)

2008-06-19T01:35:00.000-07:00

بعرف اني زمااااااااااااااااااااااااااااااان ما كتبت بس والله متلي متلكم ما انا عارفة متى حفضى

الصراحة انو ضليت ادرس للامتحانات عشان ارفع معدلي.. كان بدو كم جزء من العشرة برفع لجيد جيدا وانتحرت دراسة فبهديك الفترة كل الي كنت اعملو هو دراسة شغل دراسة شغل دراسة شغل وهيك .. وطبعا ما بدي احكيلكم اديش كنت بستنى 8/6 لانو فكرت انو بس تخلص الامتحانات انو خلص بتهون ..:: كلمة فكرت بتدل على انو الامور لسا ما هانت :: المهم بهديك الفترة قدمت بدي اشتغل والحمد لله طلعلي شغل والمصيبة انهم طلبو مني اوراق وحركات يعني اشي بيوجع الراس لهلأ مافضيت اخلصهم :: لو نستبدل كلمة اخلصهم بكلمة ما بدأ فيهم اصلا بيكون احسن :: .. هادا غير الدورات الي عم بروح عليهم لانو حضرتي فريش ستيودنت .. ما عرفت اتشاطر واتخرج وانا مو فريش .. :: كيف ما بعرف :: المهم .. طلعت اوراقي بالجامعة كمان لازم تخلص ومرضت مرضة مش طبيعية وطبت الحمد لله .. المهم اني اليوم اول يوم بقعد فيه بالبيت من شهر يمكن .. هوووووووم سووووووويت هووووووم ... جد اني مشتاقة اقعد هيك يوسلس بلا فائدة .. والصراحة انو لسا عندي شغل لازم يخلص .. بس خلص من هون لحفلة التخرج ما بدي اعمل شي .. بدي اعمل بس ريلاكسيشن ...

هادا كل مافي الموضوع وعشان هيك انا غبت كل هالقد .. ومش عارفة اقرر متى حفضى نهائي وتبدأ عندي العطلة الصيفية .. يمكن بقنع حالي كمان اسبوع ونص بكون مخلصة كل اشغالي ..

بس حاليا انا بدي احاول قدر الامكان ارجع على المدونة لاني جد اشتقت اكتب واقرأ واعلق ويتعلقلي وهيك اشياء :)

:)

2008-05-05T11:39:00.000-07:00

:) شو اكتب؟؟

راح ارجع بقوة بس استنو علي :) والله :)

هاي من بين قصائد نزار قباني .. كنت عم بقرألو ولقيتها .. حسيتو شرح كل شي عن الحب وعن الشعر وعن الوضع العربي وعن كل شي كل شي .. جد حلوة هاي القصيدة .. مع انها مو من احلى القصائد الي بقرأها ولكنها حلوة كتير لانو ماخلى فيها شي يعتب عليه ... انا بس الي بخلي شي تعتبو في علي :) سامحوني :)

أكثر ما يرعبنيفي القرن الواحد والعشرين

انك لن تكوني فيه حبيبتي

وأنني لن أكتب فيه قصيدة واحدة

في تمجيد العشق

أو مديح النساء

إنه قرن لا قلب له

وليس فيه مكان للحب ... او للشعر ..

اوللكلمات الجميلة

قرن ستنقرض فيه ذرية الإنسان العاشق

والإنسان الحالم

والإنسان الكاتب

أكثر ما يخيفني انهم سوف يبرمجونك

ويبرمجونني

ويتحكمون بحركة شفاهنا

وأصابعنا

وتاريخ لقاءاتنا

وتوقيت رغباتنا

ومواسم ضحكنا

ماذا سنفعل يا حبيبتي في عصر إلتباس الأجناس

وسلطة أقنية الفضاء

والإنترنت

وأشعة الليزر

والوجبات السريعة

وهستيريا الهاتف الخلوي

لست متحمسا لحداثة تأخذ مني نقائي وطفولتي

ولا لحداثة تمحو أبجديتي وسلالاتي الثقافية

ولا لكل الحداثات التي تلغي ذاكرتي الشعرية

لست متحمسا كي أبيع المتنبي

حتى أشتري شكسبير

ولا أن ابيع أم كلثوم

حتى أشتري مادونا

لست متحمسا كي أكون سويديا

ًأو دنمركياً ..

أو نرويجيا

ًأو شاعرا من شعراء الأسكيمو

فالحب تحت الصفرلا يتناسب مع مناخاتي الإستوائية

إنني عربي يصنع القهوةعلى نار الفحم

ويصنع الحب على نار الفحم

ويكتب القصيدة على نار الفحم

ويستقبل النساء وهو مطمور في داخل منقل فحم

لا يمكنني ان احبك في عصر الحداثة

فهو يستنزف إنسانيتي

ويقتل طفولتي

لا يمكنني ان ألمس شفتيك بالريموت كونترول

وأراك كملايين المشاهدين بالفيديو كليب

فهذا اغتصاب لخصوصيتي

وعدوان على رجولتي

لا يمكنني ان اجعلك يا حبيبتي طعاما للكمبيوتر

وتقريراً صحفيا في ثورة المعلومات

لا يمكنني ان أحبك على الطريقة الدادائية او السريالية

فالتجريد ليس من طبيعتي

وسيلفادور

داليوخوان

ميرووشاغ

الوماكس

ارنست

لن يتمكنوا من إلغاء بداوتي

لا يمكنني ان أحبك على طريقة النسّاك والزاهدين ,

والمتصوفين

ولا أن ادخل مع شفتيك في حوار فلسفي

لأن كف المرأة لا يقرأ كتب الفلسفة

ولا يعرف من هو ديكاردو هيغل

.. وابن رشد ..

وابن خلدون والتفري ..

ومحيي الدين بن عربي

كف المراةلا يريد منظرين ..

وأكادميين ..

وفقهاء

بل يريد إنقلابيين حقيقيين

يسقطون نظام العشق العربي

ويرفعون راية الأنوثة

ويغيرون كروية الأرض

لا يمكنك ان تطالبينني أن اكون امامك طفلاً مطيعا ..

ومهذبا

فالأطفال المهذبون ينتهون دائما الى الطبيب النفسي

او الى مستشفى المعاقين

وأنا أريد ان أكون طفلاً طبيعيا

يلعب ..

ويصرخ ..

ويخربش على الحيطان

ويحرق ستائر الحيط ..

ويحطم أوانيه

أريد ان تكوني حبيبتي خارج العصر الجاهلي

وخارج العصر المملوكي

وخارج الفيتو الأمريكي

وخارج العصر الإسرائيلي

الذي ذبحنا كالدجاج على باب الجامعة العربية

كلما أحببتك كبرت مساحة حريتي

إنني لا استطيع ان أعشق إمراةلا تحررني

اذهب الى موعدك لاهثا ومتحمس اومبهورا

ًكما اذهب الى ورقة الكتابة

إعشقي من شئت

وتزوجي من شئت

وسافري مع من شئت

فحيث تكونين

انت جزء من قصيدتي

سوف يأتي يوم لا تجدين فيه امامك على طاولة الزينة

إلا قصائدي

الرجال العرب مسؤولون عن وأد المرأة جسديا في العصر الجاهلي

ومسؤولون عن وأدها ثقافيا في عصر الأقمار الصناعية

لا حياد مع الشعر يا سيدتي

كما لا حياد مع النساء

انني أبحث عن قصيدة تتفجروتفجرني معها

وعن إمرأة ترمي نفسها في هاوية العشق

وتسحبني معها

فحاولي ان تتركيني قلقا ومرتاب اومتحفزا

كنمر أفريقي

حاولي ان تستفزي الشعر في داخلي

أريد منك جوابا على أي شيء

ولا نهاية لأي شيء

فظلي خنجرا مخبوءا تحت شراشفي

لا أعرف متى يذبحني

ومتى يصفح عني

ظلّي الزلزال الجميل الذي انتظره

والموت الذي يأتي ولا يأتي

فأنا لم افكر أبدا في إقامة علاقة مع إمرأة من خشب

او في كتابة قصيدة من خشب

ليه ما زلت أدون مع كل هالغيبات؟

2008-04-13T05:50:00.000-07:00

مع انو انا صايرة من الاشكال الي جد ما بيلبقلها التدوين بس انا بحب مدونتي كتير لانها المساحة الي بتخليني اتواصل مع اشخاص كتار من الاردن ومن خارج الاردن وبالتأكيد انا ما اخترت الا النخبة ..

انا انسانة كتير مشغولة .. ما بقدر اقعد هيك بس واحكي خلص اليوم بدي اطلع مشوار او اليوم بدي اقعد بالبيت اعمل ريلاكس .. كل اسبوع بيكون عندي من بدايتو خطة اسبوعية كاملة لباقي الاسبوع ازا ما كانت لأسبوعين لقدام .. وجد الوضع صار يصير ممل .. انو مافي شي بالدنيا مستاهل اضغط حالي عشانو ..بس المشكلة اني لما اقعد بالبيت ما بعرف شو بدي اعمل ... هي حياة وبتمشي بروتين قاتل جدا .. عشان هيك ومن بداية ما دخلت عالم التدوين كنت كتير احب اكتب .. بس كتاباتي دائما مرتبطة بوقتي .. وياريت لو فيني افك هالربطة ... ازا قدرت اسرق وقت من نفسي واكتب هيني قدرت ازا ما قدرت ممكن المدونة يطلع عليها كومة غبرة لا انا ولا غيري زايرها ...

انا فكرة التدوين كتير عاجبتني ... ووجود مساحة الي بالنت بتسمحلي اكتب الي بدي اياه واتواصل مع اشخاص متلكم كمان عاجبتني .. وانا والله اكتر من مرة احكي مو فاضية مو قادرة اني اتواصل خليني اوقف المدونة للعطلة الصيفية برجع بحكي ممكن اخسر الناس الطيبة الي بحكي معها ... جد والله مو مجاملة انا في ناس كتير ما بتواصل معها الا من خلال المدونات وجد بحب اتواصل مع هاي الناس بسبب عقليتها وسبق وحكيت بالنسبة الي ما اخترت الا النخبة الحمد لله وسعيدة بوجود هيك ناس بالنت

هيك بكون جاوبت على التاغ الي من سنة جدي الاول الله يرحمهم جميعا وهو عندي ...

يمكن طلع عشرة غيرو وانا لسا مو مجاوبتو ,, بس ان تصل متأخرا خير من ان لا تصل ابدا :)

الي معووش ما بيلزموووووووووووش

2008-03-30T02:38:00.000-07:00

يعني انا بعمري بحياتي ما شفت ناس ما معها تتزوج وبدق على بواب الناس ... هلا لو انا رجال وحكيت كلمة والله اموت ولا اتراجع عنها بهادا الموضوع بالزات .. لما تشوف بنت الحلال الي تعجبك كشكل وكمضمون ويعجبوك اهلها وانت ناوي على الزواج ... واتقدمتلهاا وفجأة وبعد ما اتفقت انت واياها واهلها واهلك سهلو عليك المهمة ..بتقرر حضرتك انك انت مو جاهز للجواز!!!!!!

شوفو هالقصة

وحدة بعرفها ومن الناس الي كتير مقربين الي اعجب فيها شب ... وسأل عنها واتقدملها ومشو بالموضوع ... وطبعا اهل البنت سألو عنو والوضع كلو تمام ... اجو اهل الشب واتفقوا مع اهل البنت على المهر وتاني يوم اجى الشب لحالو وقرر انو هو ما بيقدر يدفع هادا المهر بس هو شاري البنت واهلها ... وطبعا ابو البنت من باب التيسير على الشب راح وحكى للشب ماشي بدك ليرة دهب وتجيب وتجهز على راحتك ما عنا مانع وشو ما جبت احنا موافقين وازا نقصكم شي احنا بنعوض .. والشب طبعا اعتمد بعد ما رجع بكلمتو ومشى بالموضوع وراح واجى عند هالبنت وطلعو واشترو الدبل .. وهم بسوق الدهب اكتشف انو الدهب كتير غالي وانو ما بيقدر يجيب دهب ,.. راح حكى للبنت واهلها انو شكلي بدي اعيد حساباتي .. شو تعيد بحساباتك؟؟؟ انت من ال 3 الاف الي طلبوها اهل البنت انت مش حتجيب الا بس الف و500 ولسا بدك تعيد حساباتك؟؟ وطبعا الشب عاد حساباتو ولقى انو مو موفية معاه الزيجة .. وبهديه اغنية بدري عليك بدري ان كنت ما تدري .. هلا جاي تعيد حساباتك حبيبي بعد الهنا بسنة؟

يعني يا ناس الي ما معو يتزوج ليه بيحط حالو بهيك مكان وبحرج نفسو وبحرج اهلو وبثبت للناس انو ولد صغير وما دخلو بالرجولة بشي؟؟؟

انا وانا بنت بستحي ارجع بكلمتي لما احكي كلمة ... وبنات العالم مو لعبة .. ماشي انو الدنيا غالية بس ابو البنت خفف عليك نص المبلغ كمان فوق ما هو استقبلك ببيتو وسامحك بالمبلغ الباقي انت تروح تترك البنت بس عشان طقم الدهب الي طلبتو بألف دينار وبدها كسوة ب 500؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الشباب بعترضو بيحكو بطل في بنات تنفع تكون امهات وزوجات المستقبل وشريكة الحياة .. بس انا بعد هاي القصة اكتشفت انو بطل في رجااااااااااااااال والشباب لا قيم ولا اخلاق ولا دين ولا في شي بالدنيا كلها بيحكمهم كل واحد داير على كيفو ... وانا بحكيلها ولا يهمك ولا تهتمي الي بيزرع قمح ما بيحصد الا قمح وبنات العالم مو لعبة بإيدو وحيجي يوم متل ما املك وبطل عنك عشان الفلوس، وحدة حتبطل عنو عشانو بخيييييييييييل

متابعة

2008-03-26T07:49:00.001-07:00

looooooooooooooooooool

متابعة للموضوع ,.... لماذا يسحل الشب بلطلونه ويرفع شعرو عشرين متر لفوق

العلاقة العكسية

2008-03-21T03:10:00.001-07:00

اضغط على الصورة للتكبير

اسمعت شغلة هداك اليوم وحابة اتأكد منها .. قال صارو بالجامعات يوقفوا الشباب الي مسحلين بلاطينهم ورافعين شعورهم 10 متر لفوق ويعطوهم مخالفة ... في ناس حكت المخالفة 40 دينار .. في ناس حكت المخالفة 8 دنانير ... طيب ممكن انو لو يسمحو ويتكرمو يحلو شوي عن الشباب ويشوفولنا طالبات العلم الي رايحات على الجامعات شو بتفضلو وبلبسو حضراتهم؟؟؟ ولا الاوامر بتقتضي انو الشباب الحزانى بعد كل هالبشوفو :: طبعا هم مو حزانى كتير :: انو جايين نتشاطر على الشباب؟؟ يعني انا مو مع انو الشب يلبس هيك .. بس كمان في امور اهم من امور صراحة ... والبنات بعجبو باللبس .. يا ناس ما صيفت الدنيا لسا والكت نزل على الساحة ... طيب بدكم تلبسو هيك لازم ما ينسمح بالجامعات ... وبعدين بين كل سيارتين بتلاقي تنين مختفيين :: بحطش بذمتي :: والسبب هالمناظر الي يبشوفوها الشباب ... وقال بعدين بحكو ليه هيك بصير بجامعتنا؟؟ وليه هيك بصير ببناتنا ... ؟؟؟؟ سؤالن صعبن سؤالن يحيرني ...

انا اكتشفت انو العلاقة بين الاواعي :: الملابس بالهندية الفصيحة :: واللحم علاقة عكسية تماما .... كل سنة الاواعي بتغلى واللحم شو بيصير فيه؟؟ والباقي عندكم ...

2008-03-05T03:34:00.000-08:00

I'm so not fine

I need to know why??

Yallah why?

وقفة بتستحق نشوفها

2008-02-29T06:49:00.000-08:00

اكتر شي بحبو بالدنيا الابداع وابتكار شي جديد الي الانسان يحس انو عمل شي مفيد بحياتو لو مرة وحدة ... من طول عمري نفسي أألف كتاب وانشرو بس اكتشفت انو القصة كتير اصعب من ما انا كنت متخيلة ... الشغلة طلعت فيها اخطاء لغوية ونحوية وتدقيق ووجع راس .. ولهيك انا ما اتخليت عن الفكرة نهائي لكن أجلت القصة لبعدين ... هلا حاليا شفت شغلة كتير عجبتني عند عطووووور ... مافيني احكي الا الله يزيدك كمان وكمان يا انس وجد رهيب وخليك هيك واستمر....

وكل سنة وانت سالم علشان عيد ميلادك والعمر كلو ان شاء الله

2008-02-16T00:34:00.000-08:00

طبعا اول شي بعتذر عن الغيبة النت فصل عندي اسبوعين :)

تاني شي كتير عجبني هادا الكلام لطشتو طبعا بس لاني كتير اتأثرت :

جردوها من ملا بسها بل من كل شي ثم حملوها إلى مكان مظلمشدوا وثاقها .. وحرموها حواسها ... وشعرت بأنها موضوعة على ما يشبه الهودج .. في ارتفاعه وحركته ...سمعت صوت حبيبها وسطهم .. ماله لا يعنفهم ... ماله لا يمنعهم من أخذها ...صوت الخطوات الرتيبة تمشي على تراب خشن ... ونسائم فجرية باردة تلامس ثيابها البيضاء .. ورغم أنها لا ترى الا أنها تخيلت الجو من حولها ضبابيا ... وتخيلت الأرض التي هي فيها الآن أرضا خواء مقفرة ..أخيرا توقفت الخطوات دفعة واحدة وأحست بأنها توضع على الأرض .. وسمعت الى جوارها حجارة ترفع وأخرى توضع .. ثم حملت ثانية .. وشاع السكون من حولها ... وأحست بالظلام ينخر عظامها ..ومن أعلى تناهى لسمعها صوت نشيج ... انه ابنها .. نعم هو ... لعله آت لانقاذهالكن ... ماذا تسمع انه يناديها بصوت خفيض : أمي ..ومن بين الدموع يتحدث زوجها اليه قائلا :تماسك ... انما الصبر عند الصدمة الأولى ... ادع لها يا بني ... هيا بنا ..غلبته غصة ... وألقى نظرة أخيرة على الجسد المسجى ... فلم يتمالك نفسه أن قال بصوت يقطر ألما : لا اله الا الله ... لا اله الا لله ... انا لله وانا اليه راجعون ..كان هذا آخر ما سمعته منه .. ثم دوى صوت حجر رخامي يسقط من أعلى ليسد الفتحة الوحيدة التي كانت مصدر الصوت والنور ....... والحياة ..صوت الخطوات تبتعد ... الى أين أين تتركوني كيف تتخلوا عني في هذه الوحدة وهذه الظلمةنظرت حولها فاذا هي ترى ....... ترىأي شيء تستطيع أن تراه في هذا السرداب الأسودان ظلمته ليست كظلمة الليل الذي اعتادته ... فذاك يرافقه ضوء القمر .. وشعاع النجوم ..فينعكس على الأشياء والأشخاص ..أما هنا فانها لا تكاد ترى يدها ... بل انها تشعر بأنها مغمضة العينين تماما ..تذكرت أحبتها وسمعت الخطوات قد ابتعدت تماما فسرت رعدة في أوصالها ونهضت تبغي اللحاق بهم ... كيف يتركونها وهم يعلمون أنها تهاب الظلام والوحدةلكن يدا ثقيلة أجلستها بعنف ..حدقت فيما خلفها برعب هائل ... فرأت ما لم تره من قبل ... رأت الهول قد تجسد في صورة كائن ... لكن كيف تراه رغم الحلكةقالت بصوت مرتعش : من أنتفسمعت صوتا عن يمينها يدوي مجلجلا : جئنا نسألك ...التفت .. فاذا بكائن آخر يماثل الأول ..صمتت في عجز ... تمنت أن تبتلعها الأرض ولا ترى هؤلاء القوم ... لكنها تذكرت أن الأرض قد ابتلعتها فعلا ..تمنت الموت لتهرب من هذا الواقع الذي لامفر منه ... فحارت لأمانيها التي لم تعد صالحة ... فهي ميتة أصلا ..- من ربك- هاه ..- من ربك- ربي .. ما عبدت سوى الله طول حياتي ..- ما دينك- ديني الاسلام ..- من نبيك- نبيي .......اعتصرت ذاكرتها ... ما بالها نسيت اسمه ألم تكن تردده على لسانها دائما ألم تكن تصلي عليه في التشهد خمس مرات يوميابصوت غاضب عاد الصوت يسأل :- من نبيك- لحظة أرجوك ... لا أستطيع التذكر ..ارتفعت عصا غليظة في يد الكائن ... وراحت تهوي بسرعة نحو رأسها .. فصرخت ... وتشنجت أعضاؤها ... وفجأة أضاء اسمه في عقلها فصرخت بأعلى صوتها :- نبيي محمد ... محمد ...ثم أغمضت عينيها بقوة ... لكن ..لم يحدث شيء .. سكون قاتل ..فتحت عينيها مستغربة فقال لها الكائن الذي اسمه نكير : أنقذتك دعوة كنت ترددينها دائما ( اللهم يا مقلب القلوب ثبت قلبي على دينك )سرت قشعريرة في بدنها .. أرادت أن تبتسم فرحة ... لكنها لم تستطع ... ليس هذا موضع ابتسام .... يا ربي متى تنتهي هذه اللحظات القاسية ..بعد قليل قال لها منكر : أنت كنت تؤخرين صلاة الفجر .....اتسعت عيناها ... عرفت أنه لا منجى لها هذه المرة ... لأنه لم يجانب الصواب ... دفعها أمامه ... أرادت أن تبكي فلم تجد للدموع طريقا ... سارت أمام منكر ونكير في سرداب طويل حتى وصلت الى مكان أشبه بالمعتقلات ...شعرت بغثيان ... وتمنت لو يغشى عليها ... لكن لم يحدث ..فاستمرت في التفرج على المكان الرهيب ...في كل بقعة كان هناك صراخ ودماء .. عويل وثبور ... وعظام تتكسر .. وأجساد تحرق ... ووجوه قاسية نزعت من قلوبها الرحمة فلا تستجيب لكل هذا الرجاء ..دفعها الملكان من خلفها فسارت وهي تحس بأن قدميها تعجزان عن حملها ... واذا بها تقترب من رجل مستلق على ظهره .. وفوق رأسه تماما يقف ملك من أصحاب الوجوه الباردة الصلبه .. يحمل حجرا ثقيلا ... وأمام عينيها ألقى الملك بالحجر على رأس الرجل ... فتحطم وانخلع عن جسده متدحرجا ... صرخت .. بكت .. ثم ذهلت ذهولا ألجم لسانها ..وسرعان ما عاد الرأس الى صاحبه .. فعاد الملك الى اسقاط الصخرة عليه ...هنا .. قيل لها :- هيا .. استلقي الى جوار هذا الرجل ..- ماذا- هيا ..دفعت في عنف .. فراحت تقاوم .. وتقاوم .. وتقاوم .. لا فائدة .. ان مصيرها لمظلم .. مظلم حقا ..استلقت والرعب يكاد يقطع أمعاءها .. استغاثت بربها فرأت أبواب الدعاء كلها مغلقة .. لقد ولى عهد الاستغاثة عند الشدة ... ألا ياليتها دعت في رخائها .. ياليتها دعت في دنياها .. ليتها تعود لتصلي ركعتين .. ركعتين فقط .. تشفع لها ..نظرت الى الأعلى فرأت ملكا منتصبا فوقها .. رافعا يده بصخرة عاتية يقول لها :- هذا عذابك الى يوم القيامة ... لأنك كنت تنامين عن فرضك ...ولما استبد اليأس بها ... رأت شابا كفلقة القمر يحث الخطى الى موضعها .. ساورها شعور بالأمل ... فوجهه يطفح بالبشر وبسمته تضيء كل شيء من حوله ..وصل الشاب ومد يديه يمنع الملك ...فقال له :- ما جاء بك- أرسلت لها ... لأحميها وأمنعك- أهذا أمر من الله عز وجل- نعم ..لم تصدق عيناها ... لقد ولى الملك ... اختفى .. وبقي الشاب حسن الوجه .. هل هي في حلممد الشاب لها يده فنهضت .. وسألته بامتنان :- من أنت- أنا دعاء ابنك الصالح لك ... وصدقته عنك .. منذ أن مت وهو لا ينفك يدعو لك حتى صور الله دعاءه في أحسن صورة وأذن له بالاستجابة والمجيء الى هنا ..أحست بمنكر ونكير ثانية ... فالتفتت اليهما فاذا بهما يقولان :انظري .. هذا مقعدك من النار ... قد أبدله الله بمقعدك من الجنة ..(( وولد صالح يدعو له ))*****************عسى الله ان يمنع عنك عذاب القبر و ان يرزقك بدعوة صالحةتنقذك من يد ملائكة العذاب{يا مقلب القلوب ثبت قلبي على دينك}

وضعنا بالغلاء

2008-01-23T10:40:00.000-08:00

مرة اماراتي جاي بزيارة على الاردن بيحكي مع موظف اردني

بيسأل الموظف الاردني عن راتب الاماراتي حكالو:

- انا راتبي الاصلي 25 الف درهم ومعو 10 الاف درهم بدل سكن و10 الاف درهم بدل سكن و10 الاف درهم بدل غلاء وووو بدل وبدل وبدل..... وانت كم راتبك؟؟؟

الموظف الاردني: انا راتبي 300 دينار

الاماراتي: اوف.. هدول بدل شو؟

الاردني: بدل شحدة

مش فاهمة ظلام غزة انا يا ناس

2008-01-22T03:47:00.000-08:00

انا خلصت امتحانات وجيت بدي اعمل بوست الا هو النت فصل ...

جد في كتير اشياء بدي احكي عنها.. لكن قبل البوست الي كنت ناوية انزلو .. بدي احكي في هادا البوست عن غزة ...

الي عم بصير شي انا مخي البشري المصنوع من التفافات دماغية :: انشاء الله ما يقرأ البوست واحد طب :: انو مو راضي يفهم انو كيف يعني مسموح انو تصير كارثة انسانية بغزة وبفعل ايد البشر ولما تصير كارثة انسانية بمكان تاني بفعل الطبيعة الكل بيودي مساعدات وبحاولو يوقفوها بتشاطرو على الطبيعة .. هلوووووووووووووووو تشاطرو على الي بتقدر علي .. او اوبس ويت أ مينيت .. انسيت انكم ما بتقدرو تتشاطرو عليهم ...

كيف يعني الناس ما عندها كهربا؟؟؟ ما عندها اكل؟؟ مافي خبز مافي اشياء على القليل اساسية ؟؟؟ كيف يعني مياه الصرف الصحي بتغرق المكان؟؟ كيف يعني الناس بدها تعيش من غير وقود؟؟؟ يس ازا كان اهل غزة عندهم اجرين فحضرتو عندو اجرين كمان ليه ما يستعملهم؟؟؟ ولا اه نسيت مسموحلنا الي مو مسموح لغيرنا... انا جدا منفعلة من الوضع.. وفعلا مو قادرة افهم .. يا الحياة هاي الايام ما عادت سهلة ... جرت الغاز بطير .. شاربة رد بول قوي ... يعني صراحة الي متلنا ببدل غصب عنو 4 جرات غاز بالاسبوع يعني بنا نصير نحط 180 دينار جرات غاز بالشهر؟؟؟ يعني راتب موظف بحالو؟؟ في ناس ما الها قدرة .. ولا بعتقد احنا النا قدرة على هادا الشي .. وبضلها اهون من وضع غزة ... انا جد مو قادرة افهم ليه بيعملو بأهل غزة كل هالقد .. وخليهم يخافو على ارضهم ما كل فلسطين بيقاومو ايشمعنى غزة يعني؟؟ عشان الصواريخ؟؟ هلا عشان كم مواطن اسرائيلي :: مواطن ؟؟؟؟ :: عشان كم جبان عايشين بهالارض مليون بني ادم يموت؟؟؟؟؟؟؟؟؟؟؟؟؟؟؟

على قد ما ححكي ما حعبر عن الي بداخلي .. جد انا مستائة من الوضع .. جد اتمنى يكونو الناس حاسين انو هاي كارثة انسانية بإيد البشر ... وانو ارواح بتموت ما الها زنب غير انو وطنها بيتاخد منها .. هاد وطن .. ومين بيعرف معنى الوطن؟؟

تساؤلات

2008-01-02T01:48:00.000-08:00

حلو من فترة لفترة نحكي عن شي فيه اختلاف بالأراء .. وانا اليوم خطر ببالي موضوع لقصص بتصير مع هالعالم الي حولي وبفكر فيها وبحكي هل يا ترى متل هيك مواضيع صح ولا غلط ..

على سبيل المثل :: قلبناها لغة عربية يا جماعة :: المهم .. يعني هل ماضي الشب مهم متل ماضي البنت .. للأسف مع اول فرصة بتسمح للخطيب او الصاحب او الحبيب انو يسأل بيسأل نفس السؤال : شو كانت علاقاتك؟ :: مع ملاحظة جانبية انو حبيبتي ما بيهمني ماضيكي انا كل الي بيهمني انتي هلا وطبعا كلو حكي :: مجرد ما تحكي البنت عن ماضيها بحطها عليها نقطة حتى لو ما اتأثرت في العلاقة ..:: الشب الشرقي وما ادراكم ما الشب الشرقي :: بينما لما تسأل البنت الشب عن ماضي ببلش يعد .. بعطيك قائمة من الاسماء الي ممكن تستخدمها ازا تزوجت وصار عندك بنوتة ومحتار بالاسم .. وفلانة عملت وفلانة سوت من دون تحفظ .. طيب ليه؟؟

يعني ليه الناس ما بتهتم كل هالقد بماضي الشب؟؟ بالكم من الصح انو الشاب يحكي للبنت عن ماضيه ؟؟

بعض الشباب بتباهو والله انا كنت محبوب بين البنات .. :: طبعا ولا وحدة بتكون بتطلع بخلقتو :: واني انا اخترتك من بين كل هالي كنت بعرفهم .. بس هادا الشي لازم يترك اثر بقلب البنت .. حتى لو انبسطت انو هادا الشب اختاارها من بين كل البنات بس بضل بقلبها انو هو حيضل ملاحق خصوصا بمجتمعنا الحمد لله والشكر المتزوج والمو متزوج واحد ... والحمد لله العرسان مافي طارو فصارت البنات راضية على حالها انها تكون التانية وبس ولا وحدة بترضى انها تكون الاولى وغيرها التاني او انو حدا يجي بعدها ..

شو الشي الي بخلي الرجل يحكي انا كنت ملاحق وانا بعرف كتير بنات وانا وانا وبعمل حالو دون خوان زمانو حتى لو ما كان شي؟؟ شو المسج الي بدو يوصلها للبنت ؟؟ :: المسج ببلاش ديرو بالكم لانو ازا فيها الشغلة فلوس ببيطل يوصل مسجات سلامتكم ::

اما عالم النساء عالم ما بينفهم .. ممكن تتوقع كل شي منها .. ممكن يكون عقلها كبير قد ما يكون بس لما تغار تغار وكأنو مافي عقل ابدا .. وبكلمتين بينضحك عليها ومرة تانية بترجع تحب .. هل هادا العالم عالم ساذج؟؟ او عالم كلو قوة بس من وراء حجاب؟؟ شو مدى قوة المرأة ؟؟؟ لوين بتقدر توصل؟؟

نكشة مخ

2007-12-30T23:41:00.000-08:00

طبعا وكما عودناكم لطشنالنا شغلة عشان نحرك شوي الموقع .. بتعرفو المثل الي انا ألفتو؟؟

:: ان تلطش افضل من ان لا تضع شيئ ابد في مدونتك:: .... لووووووووول شوفو .. تحشيش :

Boy: Yes. At last. It was so hard to wait.

Girl: Do you want me to leave?

Boy: NO! Don't even think about it.

Girl: Do you love me?

Boy: Of course! Over and over!

Girl: Have you ever cheated on me?

Boy: NO! Why are you even asking?

Girl: Will you kiss me?

Boy: Every chance I get!

Girl: Will you hit me?

Boy: Are you crazy! I'm not that kind of person!

Girl: Can I trust you?

Boy: Yes.

Girl: Darling!

After marriage - - - simply read from bottom to top

happy new year

كل عام وانتم بخير

2007-12-24T12:22:00.000-08:00

:)
:: ابتسامة وين اروح بوجهي طبعا هاي ابتسامة عريضة عشان اعمل دعاية لواحد من اقوى معاجين الاسنان ::

طبعا بعرف الكل بيحكي لسنا بحاقدين ولكننا نكره الجميع .. لا ما حدا حاقد علي لا اشاعات .. بس طبعا اكيد كل انسان بمر بظروف وبيضطر انو يقصر بالشي الاقل اهمية من بين الاشياء الباقية .. وانا يا جماعة بالنسبة للضغوطات الي عندي المدونة تعتبر الشي الوحيد الثانوي بحياتي والترفيهي الي ما بدي اقطعو .. وبدي مدونتي تضلها الي ودايما موجودة ودايما في اتصال معكم لاني تعودت عليكم .. بس لظروف خاصة انا احتمال اسكر المدونة .. ما حبيت اكون انانية واسكرها فجأة انا وقفتها مجرد توقيف .. ووصلتني ايملات منكم مشكورين طبعا .. وجد كانت لفتة حلوة منكم بس ليكون الواحد صريح انا حفتح فرع اخر مختلف تماما عن هادا الفرع .. :: عم نحكي عن محل شورما ما احنا !!!! :) :: والمهم انو بدي انكم توقفو معي فيه .. لاني يا جماعة عندي اسباب خاصة شوي.... لما تصير مو خاصة وتنهتي راح احكي عنها ويمكن تعذروني ...

هلا ما ححكي كتير عن الموضوع .. حبيت اسلم على الجميع واحكيلهم كل عام وانتو جميعا بألف خير وينعاد علينا وعليكم بالصحة والسلام

يارب ..

منوعات

2007-11-18T08:27:00.000-08:00

واخيرا خلصت امتحاناااااااااااااااات واخيرا بدي اعمل عرس اردني بس ناوية اخليه يوم العرس الاردني الكبير الانتخابات عشان تكون فرحتكم فرحتين ...

انا الصراحة ما بعرف شو بيصير فيني وقت الامتحانات خلص هيك بتوتر وببطل انام وبنحف وببطل احكي مع حدا وما بفضى لحالي ومع الشغل كمان بزيادة صار الاكل عندي شي ثانوي ماهو لازم شي اساسي يتحول لثانوي والنوم كمان صار ثانوي يعني لحقت اكلت هيني اكلت ما لحقت خلص راحت علي نفس الشي النوم .. وبما انو اليوم وبعد اسبوعين تعب ومرارة خلصت امتحاناتي فبدي من هون للامتحانات النهائية ما اعمل شي مفيد :: ما حتزبط :: المهم ..

الموضوع الي حكت فيه ملائط كتير حلو .. الضغوطات مو من الاشياء الي احنا بنعملها او بتنفرض علينا بس بسبب الطريقة الي احنا بنطلع فيها على الاشياء .. فممكن نفس الموقف يسبب الضغط الي بينما غيري ما يحس فيه ويكون بالنسبة الو شي كتير عادي .. ففعلن وانا هاي جربتها انو الانسان المتفائل انو الشي المنيح حيصير فعلا بيصير

شغلة تانية .. هلا في واحد من المرشحين حالهم بيعطي الي بصوتلو 100 دينار ... هاااااا؟؟ يعني اتخيل كم 100 دينار بدو يوزع .. طبعا انا ما بعجبني هادا الشي لانو الصراحة انو الانسان الي بيعمل هيك مو واثق من نفسو انو يعني راح يفوز بجدارة وعم بحس انو هالعالم الي عم بتفوز عم بتفوز بلعبة مو بشطارتها ..

بس

لا تخافو انتو بإيدي امينة

هلا حاسة حالي جديدة على الكتابة ما بعرف يمكن لاني الي فترة طويلة ما كتبت زي العالم وما تابعت شي ولا كان عندي وقت احط شي ببالي اكتب عنو .. بس انا أأوكد لحضراتكم الكرام انو انا خلال يومين خلص برجع متل اول بس الشغلة بدها تدريب لاني والله نسيت شي اسمو مدونة ...وحاليا مافي شي ببالي غير اني بدي اطير من الفرحة اني خلصت امتحانات الميد ...

اشتقتلكم جميعا ...

:: wa7ad shy mnkom ya jama3a ::

2007-11-13T09:46:00.000-08:00

وهيك العالم بتعرف تبلش مرة تانية كتابة على جهاز سريع ومحترم
ماعندي حكي كتير الابس حبيت اسلم .. لانو بتعرفو فترة الامتحانات انا بنضغط كتير وما بعرف أبين .. والي بدو يخصم من الراتب يخصم بس على اليوم قرشين احسن ما اسخن .. والي بدو يستأجر المدونة ما عندي مانع .. والي بدو يبيعها يعطيني نص حقها .. والي بدو بسطار جديد يجي لعندي .. والي بدو عطر يزور صديقنا عطور والي بدو يعرف شي عن القدس لمنوش على طول ويسلملي عليها هالعسولة ... والي بدو خلص شو انا بوزع علكة هون؟؟؟؟؟؟؟؟؟؟
المهم انا ان شاء الله بخلص يوم الاحد الجاي باقيلي امتحانين وبعد هيك بزهقكم سو ادعولي ما تدعو علي

:)

2007-11-03T10:55:00.000-07:00

الحمد لله على سلامة المدونة وصاحبية المدونة وجهاز صاحبية المدونة والجميع :: طنشو اخر ناس ::
والله يا جماعة الكم وحشة .. الصراحة انو انا جد مقصرة بالمدونة لكن لو احكيلكم انو انا من تلات اسابيع عيني ما شافت النور بكون :: كزابة :: شفت النور بس يعني مو فاضية احك شعري :: هادا دلالة على انو شعري ما في قمل نضيف::
المهم هادا كان في هجوم عنيف على كمبيوتري الحزين من الفايروسات ما بعرف خلص هادا برنامج الي بنضفلي الفيروسات :: الانتي فايروس للي ثقافتو هندية :: وطبعا صار الكمبيوتر يتصرف متل الهبيلة .. وحتى انا بشك انو في حدا بدخل على موقعي .. بس مين ماكان اتحداك تلاقي شي محرز تسرقو .. المهم ...وكنت عم بحكي مع مجموعة اصدقاء بالمسنجر وبتحايل عليه .. وفجأة قبعت معو الاخ .. وصار يبعت اشياء ويكتب حكي من الاخر ... من الحلقة الاخيرة .. وانا بطلت قادرة استحمل .. لاجي صديق عندو نخوة عربية كمبيوترجية أنتي فيروسية وبعتلي الانتي فايروس .. وصارت حرب عنيفة امتدت لساعة واحدة فقط اوقعت اصابات في صفوف العدو الفيروسي واسفرت عن تحرير كمبيوتري العزيز من الفايروسات والحمد لله على سلامة الجهاز المعفن الي لازمو فورمات وبدي كيير مو موضوعنا .. انا منيحة والحمد لله والوضع عندي بيزي على الاخير .. والله ما كان بإيدي افوت اكتب .. فبدكم تعذرونا سعاداتكم ... وشكرا لكل حدا سأل عني انا هيني بوزع ابتسامات ..وبعتذر منكم لاني ما زرت اي موقع وراح علي كتير اشياء .... ما حكزب واحكي اني متابعة لاني مو متابعة شي بحياتي .. من كتر الشغل مو فاضية اتابع الشغل نفسو ...
وان شاء الله قريب كتير بنزل بوست
10 كيلو كنافة حلوان العودة .... وملبسة مع كل حبة .. وكاسة عصير للنص خليه يكفي الجميع ما تكونو طماعين ...

انا ضحكت وانتو كمان اضحكو

2007-10-17T05:41:00.000-07:00

سامعين بالفعل ورد الفعل المنعكس؟؟

انا ما بحب الفيزيا وهاي الحركات ومع ذلك فهمتها على راحتي .. شوفو كيف :

الفعل : علي بكرا امتحان طويل عريض مو عارفة ابدأ من وين لأنو كلو حفظ

رد الفعل : بدور على نكت بالنت وبضحك بعد ما حسيت انو خلص ازا ما بعمل هيك بتصيبني جلطة او بتوتر بزيادة يعني هيك حركة عشان اخفف الضغط شوي عن حالي

وضحكت والله وهي بعض النكت للي بعرف والي ما بعرف اضحكو مجاملة يعني :

واحد كسوووول جداً راح للحلاق وجلس على الكرسي منزل راسه ، سأل الحلاق: شعر ولا دقن؟ ...قال الكسول دقن ...قال الحلاق: ارفع راسك.... رد الكسول: لا خليه شعر

صاحب محل دخلت عنده وحده حلوه .... وكل شوي تقول له : بكم هذا حجي؟ ... بكم هذا حجي؟.... اخيرا قال لها: شوفي ياحلوة انا ماحجيت لكني اخذت عمرة .. عشان هيك بتقدري تقولي لي: بكم هذي عمري؟

واحدة بتقول لجارتها شايفة يا أم محمد بعت جوزي يجيب لي ملوخية قام خبطه الباص...ردت جارتها وقالت: ياورديييييييي وإيش رح تعملي؟ .. قالت: خلص ..بعمل بامية وامري لله

غبي صايم اتصل على محطة منوعات قالوله :ايش بتحب تسمع؟ قال: اذان المغرب

المدرس : ماذا فعل الرومان حين عبروا البحر الأبيض المتوسط؟ الطالب: جففوا ملابسهم

مرة واحد غبي حب يشتغل شوفير تاكسي وأول يوم له وهو ماشي بالشارع الناس يأشروا عليه ويقولوا: تاكسي .. تاكسي ... و هو يقولهم : بعرف بعرف !!!

سايق سيارة اموات بغازل وحدة، غلطت عليه حكالها: ولك بموتوا عشان يركبوا معي

محشش يسأل محشش لو صحيت ولقيت نفسك ميت شو بتسوي؟ قال والله لأنهبل

واحد انجليزى وواحد فرنساوى وواحد صينى راحو يجربو صدى الصوت الانجليزى قال هاللو فرد عليه صدى الصوت وقال: هالوووو الفرنساوى قال بنجور رد عليه صدى الصوت وقال: بنجوووور الصينى قال شونجا كونجا هونجاهى فرد عليه صدى الصوت و قال: شو حكييييييييييت؟

اثنين محششين واحد سأل الثاني : متى انولدت ؟؟؟ قال : الجمعة . قاله : يا غبي ، الجمعة إجازة !!!!

‏خروف نزل على الدبكة ،،، ولعت معاه شلح الجاعد

‏خمسة شياطين مجتمعين على غبي ليش؟... واحد بوسوس له ‏ والاربعة الباقيين بفهموا فيه.

أغبياء بكتبوا مع الأستاذ ، مسح السبورة مسحوا دفاترهم

2007-10-13T01:42:00.000-07:00

كل عام وانتم بألف خير

وينعاد علينا وعليكم بالصحة والسلام

لهون وصلت؟

2007-10-09T08:16:00.000-07:00

الكل بيحكي عن باب الحارة وين ما تروح وين ما تيجي الكل بيحكي فيه .. دكاترة الجامعة لما بدهم يضربو مثل بحكو عن باب الحارة .. مش كلهم طبعا .... بعض المعلمين والمعلمات بيضربو مثل .. الناس بكلامها العادي وهي بتمزح بتحكي بباب الحارة .. مو هون القضية قبل يومين رحت على السوق وكانت الحلقة حامية كان معتز بتقاتل مع ابو غالب وخدلك كل الي بالسوق متمركزين بالمحلات بيحضرو وفجأة صاحب المحل حكى للشاب الي عندو سكر هالتلفزيون خلنا نبيع يا عمي...

مو هون المهم .. شوفو لوين وصل الموضوع ...:

هادا مسج وصلني من صاحبيتي اليوم الصبح .. انسطلت ضحك وانا اقرأو .. انو لهون وصلت محبتهم لباب الحارة؟

رزقك الله قوة الزعيم

وشجاعة ابو شهاب

وتوبة الإدعشري

وصبر ابو حاتم

وابعد عنك أمثال أبو النار وأبو ساطور وفريال

وظلل عنك أشباه صطيف

وأنا وأهل الحارة كلنا بنحكيلك كل عام وانت بخير

لوووووووووووووووووووووووووووووووووووووووووول لهون وصلت ؟؟؟؟

نفسي اعرف مين الي بيألف المسجات ..

خفو شوي يا صبايا

2007-10-07T07:14:00.000-07:00

كنت قاعدة انا وصاحبيتي بالجامعة بعد الدوام بدي منها شغلة ,.. وهاي طبعا مستحيلة انو شو براء قاعدة بعد الدوام بالجامعة!!! .. وكنت احكي معها لانها البنت خاطبة فبتحكيلي انها بتلف على قاعات .. فدار بيناتنا النقاش التالي:

بس بالاول اللون الاخضر انا واللون البرتقالي هي واللون البنفسجي الفاتح دخيل ...

شو مالك مكشرة ولك افرديها ..

دخيل الله يا براء والله الواحد زهق مل تعب يعني بدي اعمل شي غير عن الناس مو عارفة

شو بدك تعملي يعني ؟؟ متل شو ؟؟

بدي اعمل عرس ما صار ...

حتفكري وتتعبي وتعبي اعصابك وبالاخير بعد العرس بتكتشفي انو هاي الفكرة انعملت .. مافي شي اسمو ماصار ..

ولك لا مو هيك يعني شي جديد

ولك مافي شي جديد .. العرس حلو لو مافي افكار بس الواحد يعني يعرف كيف يتصرف يعني ما تعجئي القاعة ما تعملي ما تسوي .. وانهلت عليها بالاقتراحات والنصائح تقولو انا الي بدي اتزوج ..

انا بدي صالة كبيرة وشفت صالة عجبتني كتير وهو ما بدو .

ليه ما بدو؟

غالية كتير كتير ما بقدر على تكاليفها ..

طيب خلص شوفي غيرها

ولك يا هبلة عجبتني هي احلى قاعة شفتها واقنعت نفسي فيها وما بدي الا هي

وكم حقها ؟؟

25 الف ..

ولااااااااااااااا اشي ... طبعا طلع الرقم من عيوني بستوعبش هاي المبالغ عشان ليلة .

ولك 25 الف حرام عليكي تعملي فيه هيك عشان ليلة وحدة يجعل ما حدا رقص ولك ولا قعد وتحملي فوق طاقتو ويبدأ يدايق ماديا عشان ليلة فرح فيها ولك باخدك فيهم شهر عسل و و و .. وبلشت اقنعها شو ممكن يعمل .. تقولو انا العروس ..

بدي بوفيه مفتوح ..

ولك مو قدرتو يعملك بوفيه مفتوح ..

افتتتت كلشي مو مو مو وما في ..

فجأة نطلنا واحد شكلو كاين سامع كل نقاشنا .. فبوجه حكي الي ..

والله كلامك مزبوط يعني ارحمونا الوحدة فيكم بدها وبدها وبنحمل حالنا ديون وفوق طاقتنا وبنندم بعد هالعرس وعلى شو على حفلة كلفت 25 عشان بوفيه مفتوح وعندك حليين يا بتفتحي بوفيه بيتكم :: ما ابيخك :: ويا بتعملو بالقاعة بوفيه مفتوح بس شو تطلبو فيه .. سندويشات لبنة ومشتقاتها .. ومتنوعة ها .. لبنة وزيت لحال لبنة وسنيورة لبنة وخيار لبنة وبندورة .

لووووووووووووووووووووول ما اهبلو ضحكني غصب عني .. هبل الي يهبلو ومالت عليه حيطة مايلة فوق ما هي شكلها مالت وخلصت ..

بس الفكرة وين ؟؟ انو يعني البنات هالايام وهاي تالت بنت من نفس النوع ما عم بتفكر انو والله بدي حفلة حلوة واكون مبسوطة فيها عم بتفكر بالمكان بدها بالشريتون وما بدها بغيرو وازا اتنازلت بتتنازل على واحد يمكن ارخص بدينارين .. والشباب هالايام مو كلهم قدرتهم يدفعو .. فيعني لو البنت الي كانت تدفع التكاليف كان زمان طلع موديل الصلع للبنات

ببشركم حنعنس كلنا شكلنا ازا بستمر الوضع هيك ..

وهي فساتين شفتهم عجبوني كتير هاي الصور هيك بحطهم على البيعة

من هنا وهناك

2007-10-03T00:01:00.000-07:00

بعتذر كتير على هالغيبة .. لكن والله مشغولة ومعجوئة للسما ... وما كان معي وقت اني اكتب + ما كان جاي على بالي اني اكتب كلمة وحدة .. من الضغط الي انا فيه ..

على كل حال .. انا من النوع الي ما بيسهر كتير .. بس بالعطل بسهر بغير هيك بتحول الى جاجة وبنام بعد ادان العشا ... بس هلا لأنو الدنيا رمضان بحاول اسهر شوي اهضم البلاوي الي بكون ماكلتها .. وطبعا بحضر مسلسلات مع اني قال مو فاضية .. ما بحضر شي قبل الفطور لاني بكون بالجامعة وبعدها الشغل .. بس بعد الفطور بحضر باب الحارة ونمر بن عدوان ..

باب الحارة كلو هم شو هادا؟

المسلسل حلو كتير وابداعي .. لكن في مشكلتين رئيسيتين .. الاولى انو بمطو بالاحداث زيادة عن اللزوم يعني صار ممل .. والاحداث بتتعقد وبتصير كلها نكد ..

والتاني انو دعايات ام بي سي بتجيب الصرع والضغط والسكري والقلب .. والله يستر

بس هو مسلسل اجمالا حلو .. بس ضربت معهم اول 10 حلقات كانت روعة اما باقي الحلقات متل ما حكيت لت وعجن ...

نمر بن عدوان .. من اروع المسلسلات الي حضرتها .. مع اني انا ما بحب البدوي صراحة ما بفهم عليه وما بستمتع .. لكن والله انو قصتو حلوة كتير .. وغير هيك الممثلين مبدعين كتير ..صبا مبارك وياسر المصري والله ابدعوا ... وغير هيك احداثو سريعة يعني بحلقة ماتت العشيرة .. القصد انو مافي متمطة بالاحداث ... بس بحلقة 19 بتموت وضحا وهي ست الحريم كلهم .. وانا بحياتي ما بكيت على مسلسل .. ماشي اني بحس غصة هي برقبتي بس ما بحب ابكي .. بس هاي بكيت عليها .. لأنها روعة .. وين بدو يلاقي متلها بين الحريم؟؟ وهو اصلا وين بدنا نلاقي متلو بين الرجال؟؟يعني شخصيتو بتعجبني .. رجال قوي وقد حالو وبنفس الوقت كان اول انسان متعلم بخرج من البداية وكان غير عن افكار عشيرتو تزوج وحدة مو عدوانية رغم لساناتهم وحبها حب كبير وحكى فيها القصيد .. والمسلسل وصلي فكرة انو كان حنون وطيب وبحبها كتير .. وين في رجال بكل هاي الموصفات؟؟؟ وقتهم ما كان للنساء صوت بس وضحا قد ما كان يحبها كان مخليها الكل بالكل .. وكان عيب الرجل يبكي بينما هو بكى عليها لما تركتو وراحت لأهلها انجن ولما ماتت ,... انا متأثرة يا جماعة .. تقبل التعازي في بيت نمر بن عدوان قبل مش عارف كم ميت سنة .. لو فعلا هي كانت هيك فالله يرحمها ويرحمو ويرحم موتى المسلمين وانا لله وانا اليه راجعون ....

بعدني متأثرة ...

وبهادا اللينك في وقت ما ماتت وضحا .. وفي المسلسل كامل والله صراحة يعطيه العافية الي منزلو كامل والله اني اثلج صدري لانو انا ما عم بقدر اسهر احضرو فصرت احضرو على النت .. وهاي اللينك

http://www.youtube.com/watch?v=ohVGke0iuPA&mode=related&search=

اما الجامعة فيعني سبحان الله .. الي بكره شي من قبل ما يجربو ويكون عندو شعور هيك قابض على قلبو خلص بضل كرهانو .. يعني انا كرهت هالجامعة من قبل ما افوتها ولحد هلا كرهانيتها .. صرت سنة رابعة وانا بحاول احبها .. وبصراحة الناس الي بتعرفني شخصي بتحس بالفرق بين شخصيتي بالعطلة :: مرحة :: وشخصيتي بالجامعة :: دايما ماكلة هوا :: .. لا دكاترة متل العالم ولا اشي .. هدول دكاترة التربية الله بس يغنيني عنهم .. طلع بدرسني واحد منهم مادة حرة .. يا ربي ما اتقل دمو .. نقعد هلا نستغيب فيه وياخدلي حساناتي؟؟ اللهم اني صائم ..

وهاي كل اخباري ... وبإزن الله بحاول ما اطول عليكم لأني فعلا اشتقت لمدونتي العزيزة وجميع الزائرين

:: وردة للكل ::

2007-09-26T01:20:00.000-07:00

ما عندي حكي اكتب عنو حاليا ... غير اني دايما عندي صداع ودايما جوعانة ودايما تعبانة ومعجوئة كمان

بس نفسيتي الحمد لله احسن من الي كنت متوقعتو على بداية الجامعات .. لأنو انا بضل اضحك لتبدأ الجامعة بدايق

هلا لا الحمد لله مرتاحة :: ذهبت اسباب تعب النفسية بإذن الله:: الله لا يعيدها من ايام وانا متأكدة انو هم حيندمو لأني فعلا ما عملتلهم شي

وسيبكم من الموضوع وانسو .. شو ضل كمان حكي؟؟ مشكلتي من التعب مو قادرة احكي ولا قادرة اكتب .. ان شاء الله اول ما اتحسن شوي بنزل بوست ..

سؤال(ن) صعب(ن) سؤال(ن) يحيرني

2007-09-21T01:39:00.000-07:00

اوكي انا بس بدي اسأل عن بعض الكلمات الي محيرتني .. لأنو كل ما احكيها قدام حدا بيعلق .. موخلصانين ..

هلا بنحكي :

بسترجي ولا بستجري

زوج ولا جوز

بني بكسر الباء ولا بني بضم الباء؟

صينية ولا اصنية ولا صنية؟

مزحة بكسر الميم ولا مزحة بفتح الميم؟

مبارح ولا مبيرح ؟؟

اقفل الباب والضو ولا طفي الضو وسكر الباب ولا سد الباب واغلق الضو؟؟؟

قدها؟؟

2007-09-19T12:49:00.000-07:00

عندكم استعداد تلبسو بنطلون احمر بلون هالوردة لو نزلت الموضا؟؟ شباب وبنات طبعا ...

الاكل ... رمضان .. وانا

2007-09-17T09:17:00.001-07:00

هادا حضرة سعادتي الكريمة بحب الطبخ من يوم يومي .. وبحب لما اطبخ اطبخ لحالي .. بس بحب الناس تقعد تحكي معي .. اول اربع ايام من رمضان انا الي طبخت .. وبعمل فتوش مستحيل يوم يمر من دون الفتوش .. الحمد لله على النعمة ... المهم .. بعمل الطبيخ لحالي .. اول يوم بدأت الساعة 4 خلصت الساعة 7 وقت الآذان بالزبط يعني لما خلص الآذان السفرة كانت محطوطة ..

..تاني يوم تأخر الاكل لنزل عن السفرة 10 دقايق

تالت يوم اتأخر نص ساعة .. لانو حضرتي قررت على الساعة 4 اني بدي اعمل معجنات .. وشو طلعت من الاخر بتعجبكم .. هي بتشبه كل شي الا المعجنات .. مع اني انا مو اول مرة بعملها وانا بزبط الطبخة الي بطبخها بس قال عشان السرعة عملت اشكال عجيبة ما صارت... بالنهاية الكل اكل وضل لتاني يوم وتاني يوم سخناهم واكلنا ... هلا مبارح كمان اتأخرنا بس هالمرة 10 دقايق .. بس احلى شي اليوم اختي الكبيرة استلمت السفرة ... وما تأخرنا ولا دقيقة .. طيب انا دمي حامي كتير .. بشتغل متل الطيارة بس دايما اتأخر برمضان على الاكل .. واختي دمها بارد .. بطيئة قد ما الله اعطاها بطئ .. بس بتنزل الاكل انو على الوقت

المهم ... اليوم حطو على السفرة مخلل فليفلة ... يا حبيبي انا مديت ايدي وحطيت في الخبزة كمية بتعجبكم عشان انا بحبو .. واز بهي ليس فليفلة واز به فلفل ... وانا كره حياتي حد يحكيلي شي على فلفل او طعمة فلفل او بحرق او شي ... ولهلا لساني وشفتي واصابعي بيحرقوني ...

واختي المصونة قرأت نوع من السلطة وحبت تعمللنا اياه .. حدا بحط مع السلطة يالله بيض مسلوق وبطاطا مسلوقة وميونيز وتوناااااااااااااا؟؟؟؟ يالله كيف يعني؟؟؟ ولا الهبلة راحت عملت فتوش كمية كبيرة وحطت كل هاي المكونات الاضافية وانا مجرد ما حطيتها بتمي بس هيك ما حبيت اكسفها والا اعوذ بالله ... مو زاكية ابدا ابدا .. مابدي اشرح شو صار فيني ... وطبعا الكمية ضلت متل ما هي

انا برمضان عادة بنحف ما بعرف هاي السنة ما عم باكل كتير وبنصح :: ما بدي ما بدي :: بحب الاكل ...

اما الفلفل مو مزحة :(

راس مالها عليه ...

2007-09-14T03:11:00.000-07:00

انا من النوع الي ما بحب ينزل على السوق كتير .. صراحة زمان ما كنت ارضى انزل ماما كانت تجيبلي على زوئها .. والمصيبة قال احيانا ما يعجبني .. هلأ هاي الايام بحب انزل على السوق .. لاني بحب اشتري اشياء جديدة وحلوة ..

قبل كم يوم نزلت على السوق ... وطبعا دخلت على هالمحلات وطلعت على هاللبس .. طبعا انا هاي السنة حاسة في تشكيلة منيحة من اللبس غير عن كل سنة .. زمان كان اللبس موحد ... بتدخلي على المحل كأنك داخلة على الي قبلو والي بعدو .. لا هلأ خفت الحالة وصار في كتير تنوع وهيك احسن .. المهم .. عجبتني بلوزة كتير كتير حلوة .. قستها .. طبعا البياعين بدهم يبيعو وانا ما بدي الا البلوزة
... اجى الزلمة بحكيلي شو بدك معها؟ حكيتلو ما بدي اي شي خلص بس هي ..

- طيب يختي ما بدك معها بنطلون جينز؟

- لا والله انا عندي بنطلون جينز

- لا ما هي اللبسة حلو كلها تكون جديدة عشان تبهج

- ما انا اشتريت البنطلون قبل كم يوم

- لا بس يمكن لونو ما بيلبء على هادا اللون يعني مو جاي من الدرجة

-انا :: اهلين عمي ماشاء الله عند اللزوم بصير منسق ورود :: لا بلبء هادا جينز

- طيب ما بدك شي تاني؟؟ شوفي هاي القطعة وصلتنا اليوم تشكيلة واسعة والوانها بتاخد العقل وبعدين لابئة على بشرتك هيك عليك بتطلع كتير حلوة ..

- انا اطلعت فيه وبحكي بعقلي :: اكسكيوزموا :: لا ؟؟

- لا بس كم بتحسبلي هاي القطعة ؟؟

طبعا انا ما بعرف افاصل ولا بحب المفاصلة .. بس انا ما بدي البلوزة طبعا تكون غالية ..

حكالي هاي البلوزة ب 15 والك ب 12 عشان نكسبك زبونة .. ولا احكيلك !! .. خديها ببلاش .. :: نفسي اخدها ببلاش عشان اشوف ردت فعلو يمكن يسخن وياخدو على المستش حرارة :: فأنا ما حاولت اناقشو ...

لحالو فجأة حكالي : يختي اقل من 12 انا خسران .. راس مالها علي 10 ... حكيتلو اوكي .. حطيتها على الطاولة ورحت اشوف قطعة تانية لفتت انتباهي .. اجى حكالي خدي قطعة تانية بحسبلك اياها ب 8 .. :: واااااااات؟؟ ولا اشي من 15 نزل ل 12 وبعدين نزل ل 8 شو قصتو هادا؟؟ :: .. قلتلو والله ازا عجبتني قطعة :: استنو استنو بستهبل علي بدو يطلع حقها بالقطعة التانية مفكرني هبلة بس يالله كيف بضحكو على العالم :: فاتت هالزبونة عندو ووقفت على الطاولة وانا كنت عم بقيس جوا بلوزة تانية ... وصاحبيتي واقفة بتستناني .. طبعا الزبونة عجبتها البلوزة الي انا بدي اشتريها .. وسألتو هاي لحدا .. حكالها لاء بدك تقيسها فوتي ... طبعا فاتت وقاست وانا صرت طالعة وبدي خلص اخد البلوزة واضل طالعة .... وين البلوزة؟؟

اي بلوزة؟

الي انا قستها قبل شوي؟؟

اه ما انت ما بدك اياها .. اعطيتها لزبونة تانية .. ووطى صوتو طبعا وهو يحكي ..

اه اعطيتها لحد تاني يقيسها .. طيب ما صار الحكي اني بدي اشتريها منك .. ؟؟

لا ما بدك اياها ما صار ..

ايوااااااا ... لسا بدي اكمل حكي طلعت البنت بتحكيلو بتاخد العقل بدي اياها ... طبعا انا ازا ضل براسي عقل تعالو واجهوني .. يعني بعد ما لفيت لفيت وهادا كان المحل القبل اخير بفوتو وخلص تعبت ولقيتها هي الي بدي اياها تيجي وحدة تقيسها وتعطيها اياها .. انا قلت هلا بستحي على وجهو يعني ما استحى قبل شوي هلا بستحي .. وابدا نزلت البنت تفاصلو فيه ... انا كان بدو يعطيني اياها ب 12 وازا بشتري شي معها بعطييني اياها ب 8 .. بس شوفو الوقاحة عينك عينك ... فاصلتو البنت واخدتها بتمنية والله بتمنية .. وحطها قدامي بالكيس واعطاها اياها وانا واقفة انا بطلع هيك مصدومة انو شوالي صار هلأ بالزبط؟؟ وبس طلعت البنت انا سكتت هيك وحملت حالي وبدي اطلع مباشرة ولا بدي احكي معاه ولا كلمة .. والا هو بيحكيلي خدي قطعتين من المحل وبحسبهم التنتين عشرة .. حكيتلو لا ما عجبني شي غير البلوزة ...

لا يختي خدي والله جد بحكي انا اسفة بس هاي زبونتنا وانا ما بقدر احكيلها لاء يعني .. شايفة البلوزة والجينز الي هي لابستهم هادا من عنا الشهر الماضي اجت اخدتهم .. :: وبلش عاد خرط :: اها

لا مو مشكلة انا اساسا خلص طلعت من نفسي من اول ما اعطيتها للبنت تقيسها صراحة مو زوء ابدا الي انت عملتو .. وبعدين انا كنت ماخدتها منك ب 12 وانت بعتها بتمنية ... راس مالها عليك 10؟؟ اه كتير 10 معناتها خسران ... بس انا عارفة بعتها وانت بتضحك لانك مو خسران ابدا ...

يختي حقك علي والله ما بعرف انك انتي بدك تزعلي كل هالقد ..

لا ما زعلت بس ما كانت زوء منك ... كلها خلقت بلوزة ...

طيب اشتري الي بدك اياه من المحل بحسبلك القطعة بخمسة

مسكت حالي وطلعت انا وصاحبيتي وحكيتلو لا عجبني المحل ولا الي في المحل .. وطلعت :)

عنجد ما بستحو وهاي مو اول مرة موقف متل هادا بيصير .. اه يمكن لأنو هديك البنت من دون هدوم .. الله يخزيهم بس ..

رمضان كريم

2007-09-11T11:18:00.000-07:00

رمضان بكرا

بحب رمضان كتير.. يالله اجواؤو ما احلاها .. بس زمان واحنا اطافيل كانت احلى .. كنا نطلع على السطح قبل الأذان ونطول في هيك عنا سلم خشبي كبير كنا نحطو على وحدة من العمدان الي طالعة شوي ونعمل سيسو .. ونستنى الأذان .. ولما كبرنا صرنا نروح على السوق نغير جو ونرجع قبل الأذان بشوي ... غير انو السهر هادا كان حلو كتير .. مع اني كنت اسهر لحالي .. او مع صاحباتي اول ما جبت الموبايل ... كتير كانت ايام حلوة ..

هادا غير اللمة والجمعة والعزايم والاهل وكل يوم فتوش وشوربة واشي زاكي .. انا الي نفس على الاكل برمضان وبحب اتفنن بالسفرة وبحب ازينها ..

كنت زمان اروح على صلاة التراويح بس الي سنتين ما عم بروح بتلاقي الدنيا شغل والحالة حالة .. بس ان شاء الله هادا الرمضان بدي اروح ..

طبعا انا هلا بحكي وفي زكريات بتمر بخيالي .. ايام مطبوعة متل كأني عم بشوف تلفزيون ..

ما بعرف مالي مو جاي على بالي اكمل البوست .. متحمسة يمكن اروح اسهر معهم ...

حبيت احكي كل عام والجميع بخير ..

زكريات من حياتي

2007-09-08T01:26:00.000-07:00

اللغة الانجليزية

الانجليش للي ثقافتو يابانية
انا بحب الانجليزي ومن وانا صغيرة .. بس لما كنت بالخامس :: يرحم ايام الخامس كنا ناخد اي ابيل :: مو زي ايام هلا .. المهم .. من وانا بالخامس الله بعتلي معلمة انجليزي الله يسهل عليها كانت بس همها شعرها واظافرها وتدور على مبرد ومين معاه علكة .. كانت تمسك دفتري وتشرح من الامثلة الي كنت انا احضرها .. وبالاخير اخدت بالسبعين .. انا طول عمري الحمد لله متفوقة .. بس يعني لما معدلك يكون 79 بالانجليزي والمعدل بشكل عام بطلع عن تسعين مصيبة هاي .. والكل يبهدلني والحالة حالة .. طبعا لما صرت سادس شرفت نفس المعلمة .. ونفس الشي عملت .. ونفس العلامة 79 .. واجتني بالسابع ونفس الشي ونفس العلامة .. يعني ازا كانت اهم مادة بدها تأسيس من اهم السنين .. خامس سادس سابع ما اسستني .. معناها يعني انا بدي اطلع انا ودفعتي حمير من الاخير .. كنت اشك انها بتغير دفتر العلامات .. ما بتغيرو .. هو هو من تلات سنين الله وكيلكم .. بالتامن تغيرت المعلمة والله والله صار معدلي 99 من 100 .. يالله شو كنت مبسوطة .. يعني هو عشان الحلال والحرام 198 من 200 بس يعني هادا بالنسبة الي شي اثار الفضول انو هاي الهبلة الي قبل هاي المعلمة شو كانت تعمل؟؟ بعدين بدأت اتأسس صح ومعدلي بحياتو ما نزل عن 197 بالانجليزي وانا بالمدرسة بالاساسي والثانوي كنت مجننتهم .. وتخرجت ودرسة انلجيزي .. بالتوجيهي ما احتجت اي دروس بالمرة الحمد لله .. لما صرت ادرس الانجليزي بالجامعة بدأت امور تتغير عندي ... صار الانجليزي يعدمني يومو صعب .. بس لاحظت على حالي انا صرت من هدول الفافي الي بيحكو كلمة عربي كلمة انجليزي .. بس ما وصلت فيني احكي دادي ومامي وهالحكي هادا لسا :: كدنا يا جماعة :: وبعدين قررت انو لازم اختار يا هاي يا هاي حاولت اختار الانجليزي لاني بحكي انجليزي بدراستي وبالمحاضرات الكل حكالك شوف هاي التانية شايفة حالها على شو فبدلتها بالعربي .. وصرت لما احكي انجليزي بس يكون بالمحاضرات او لما بدي احكي قدام اختي الصغيرة بتعرفش تفك الشيفرات :) حتى على مدونتي ما بحب اكتب بالانجليزي .. مو لاني ما بعرف بس لاني فعلا بحب التعبير بالعربي .. بالانجليزي بتفقد حلاوتها الكتابة ...
بحس حالي هيك ما بعرف اعبر ... بحس الموضوع لو انكتب بالعربي بيوصل المعلومة كتيراحسن من لو ازا انكتب بالانجليزي
.. وبعدين لو انت طالب انلجيزي حتزهق الانجليزي ويومو وحتصير تبعد عن كل شي انجليزي الله وكيلكم انقعوني بنقط اي بي سي ..
شكسبير،ادب انجليزي واحد واتنين وتلاتة واربعة وخمسة .. مع العلم انو لسا باقيلي اربعة وخمسة يعدمني يومهم ومالت علي حيطة مايلة فوق ما هي مايلة .. الله يخلصني ..

هادا جزء من زكرياتي بالمادة لانو انا ما كان عندي اي مشكلة او اي معاناه لما اخترت التخصص .. ما احترت ابدا .. الحمد لله على كل حال ..

استفتاء

2007-09-06T00:51:00.000-07:00

بيان صادر عن الادارة الروزية

قررت ادارة البلوغ:: الي هي حضرتي:: عمل استفتاء جماعي بهدف تحسين وتطوير البلوغ ومواضيعو .. لمعرفة الاشياء التي يجب ان

تحسن الادارة منها :: على اساس يعني :: احم

علما بأن على الجميع المحافظة على سرية الآراء وان يكونو صريحين

يعني بالعربي الفصحى لازم تجاوبو باسم مجهول بليز ما حدا يعلق باسمو الحقيقي او باسم مدونتو وماحدا يعلق بموضوع خارجي مو من

المواضيع الي هون لاني راح احذف اي تعليق مو مناسب

التعليق بيكون على:

1) على المواضيع

2) على الاسلوب

الله يعين القطار والحمار

2007-09-03T14:28:00.000-07:00

انتظروا

2007-09-02T14:47:00.000-07:00

guess what?? it is mY birthday :P

2007-09-01T14:12:00.000-07:00

2/9

اول شي مو عارفة ليه ما خلالي التاريخ فوق 2/9 مع انو هلا الساعة عندي 12:42 الصبح بس ما بعرف شو مشكلتو بس المهم:

بما اني اكتشفت انو كل البنات الي بحكي معهم مو صديقات .. وبما اني ححتفل مع اهلي واقاربي في العمارة .. حبيت اضمكم للمجموعة الي بدي احتفل معها اتمنى تنضمو ..:)

يالله خلص كل واحد على بيتو خلص الاحتفال ..

:: واحد بوزع ملبس زاكي::

2007-08-31T03:22:00.000-07:00

i've been tagged by adoosh .. so here we go :

1. What is your middle name?

Abed el fata7

2. What color pants are you wearing?

black

3. What are you listening to now?

ensan akthar >>> 3abed elmajeed 3abdallah

4. What was the last thing you had to drink?

water

5. Do you wish on Stars?

6. If you were a crayon what color would you be?
Pink :P

7. How is the weather today?
Tooooooooooo hot

8. Last person you spoke to on the phone?

sabooooooooo7

9. Do you like the person that sent this to you?
Ya he is so cute and well educated

10. Favorite drink?
Any kind of Juice

11. Favorite sport?

talking … it is a good sport for my tongue

12. Hair Color?
Dark brown

13. Siblings?
4 sisters and 1 bro

14. Favorite month?
Sep.

15. Favorite Food?

pizza

16. What was the last movie you saw in theaters?

I can't remember

17. Favorite day of the year?

mafeesh .. kolhom zai ba3ad :P

18. What do you do to vent anger?

I try not to face the one who made me angry .. 3ashan ma adal abrom

19. What was your favorite toy as a child?

my doll Sally

20. Summer or winter?

both

21. Hugs or kisses?

hugs

22. Car or motorcycle?

car

23. Chocolate or vanilla?

ofcourse choco

24. Do you want your friends to do this survey(tag)?

ya it is so funny

25. Who is most likely to do this survey(tag)?

who is interested

26. Who is least likely to respond?

who didn't like the answers

27. When was the last time you cried?

yesterday

28. What is under your bed?

bashofesh wallah

29. Who is the friend that you have had the longest?
I have no friends … but back in time I would say Aya

30. What did you do last night?

I watched " kaser el5awa6er .. I talked on the phone with the sweetest girl ever .. I went to bed

31. What are you afraid of?

future

32. Plain, buttered, or salted popcorn?
Salted 6ab3an ..

33. Favorite car?

kolo wa7ad .. I dunno a lot about cars' names

34. Favorite Flower?

all kinds of flowers with the good smells

35. How many keys on your key ring?

ya 7asra …

36. How many years at your job?
2.1

37. What did you do on your last birthday?

nsena el keka beltalaje w akalnaha tane yoom :P

38. How many states have you lived in?

ya 7asrat .. Amman allah wakelkom

39. Did you have fun doing this?

sure ..

40. Who are you going to send this to?

I tag Mnooshe, Maiooshe, Na3ori and bs6ar gadeem

هاي الناس الفهمانة

2007-08-28T01:51:00.000-07:00

اريحلك ابو الشباب.. يعني اول شي متمدد وماخد راحتو .. وتاني شي مبرد على حالو وعلى اعصابو .. والله اشك انو الدببه صايرة اذكى من البني ادمين ..

نفسي ارتاح

صور من هنا وهناك

2007-08-24T04:59:00.000-07:00

طبعا كالعادة وصلني ايميل حلو وشو عملت فيه يا حزركم؟؟؟ الي بيحكي بعقلو اني لطشتو بعطيه خمس علامات زيادة على دفتر الخرطوش

المهم شوفولي هالصور وانا هلا بدي اعلق احب ما عنا اصلا احنا البنات انا نعلق ...

بس قبل كل شي .. هادا الصديق ماهر بدو عزومة على شرفو .. وهاي عزومة على شرفو على خروف محشي .. تفضلو يا جماعة قبل ماتبلشو بالصور وصحتين وعافية .. بس انا ما بحب اللحمة فعشان هيك ما حطلع .. ماحشوف مين اكل اكتر من مين الخير وفير كلو صحتين وعافية :)

المقبلات تاعت العزومة هي :

الي بيحكيلي كم سيارة حمرا وبيضا وصفرا وبرتقالية بالسيارات الو بكيت شكلاتة من افخر الانواع

:: عارفة ما حدا حيعرف عشان هيك من افخر الانواع :: :: واحد بيرفع بحواجبو مقاهرة ::

مؤتمرات العرب ,, روعــــــــــــــــــــــة ... يعني السوليتر هاي حبيبة الموظفين خصوصا بالقطاع الحكومي ..

لاااااااااااااااااااااااااااااااء .. ارحموني على هالاعلان منشان الله

يعني في ناس سخيفين بصدقو هيك اعلان ؟؟ لكان ازا كان صح بالله وصيلي على اربع سيارات ... لاتنسو انها تجلب الحظ السعيد :)

فكرة والله !!!!!!!!!!!

لو كان كلو برنجلز؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخ بس لو يتزحلق واحد فيهم ويخبط فيها ..

المهندس كتير شاطر .. لو اشوفو بس .. لكن والله شي مرعب انا كتير بستغرب من البنايات لانها والله مو مزحة

ملحمة بطولية لطلاب الهاشمية

2007-08-23T02:21:00.000-07:00

هاي القصيدة هي لطلاب الجامعة الهاشمية بس قصيدة تحشيشية ... الي من زمان بدي انزلها بس مو عارفة اكتبها كشعر حاولت .. المهم

هي نزلتها كم وردت بالمصدر :: ملطوشة لأنها كالعادة :: بالله اقرأوها وشوفو معاناة طلاب الهاشمية .. يعطيهم العافية ..

انا بدي اسميها ايبيك .. ملحمة بطولية لطلاب الهاشمية

هي هيك طلعت معي احسن شي مع انها بتوجع العيون بس هيك ازبط شي سو نعتذر ازا حدا حس حالو بدو يزور طبيب العيون بعد ما يخلص قراءة الملحمة البطولية ..

5 smells i like :P

2007-08-20T04:31:00.000-07:00

I've been tagged by Qabbani so here we go :

TAG Rule :

1. link to the one who Tagged you
2. Type at least 5 Smells you like
3. Tag at least 3 :)
4. Any language :D
5. Photos is an option

Since I really get touched by smells so easily, then it is so easy for me to mention 5 smells that I like ..

Smells always evoke my memories so here we go:

1. The smell of the chocolate.
2. The smell of the candles with aromatic smells.
3. The smell of some particular flowers.
4. The smell of Shawarma
5. The smell of Palestine .

ok so now i tag Abed , Mala2e6 and Maioush

برلمان البلوجرجية (1) الماااااااااااء

2007-08-19T02:00:00.000-07:00

حاسة حالي هلا بدي اعمل برلمان بلوجرجية ..فكل من له صوت يضم صوتو ويتناقش معنا هون ... بس خليكم سوا سوا ...

القضايا الي حنتناقش فيها كتير لكن هلا اهم قضية هي المي

الماااااااء

في شي اهم من المي بالحياة؟؟ في شي لازم يتوفر للمواطن اكتر من المي؟؟ :: اه الضرائب :: يا جماعة احنا ما بنا قصور ولا بنا حدائق فاخرة يستفيد منها السائح لما يجي .. بتحكو السياحة بتزيد دخلنا .. بيجي على هالبلد من ما هب ودب .. بتكتر هالسيارات بيعملو ازمة بالشوارع بتصير بدل ما توصل على بيتك ب10 دقاق اضرب الرقم ب 3 عشان تعرف كم الطريق صارت بدها.. من بيتي للجامعة الاردنية والعكس عمرها ما اخدت مني اكتر من 10 دقايق عمرها .. هلا بنص ساعة لحتى ما اوصل .. :: يعني بدي اصحى بدري :: غير الحوادث الي بتصير من ورا هالسكرانين الي جايينلي .. واي ساعة ازمة .. صبح ليل ضو عتمة الامر واحد وسيان

....مو موضوعنا الازمة هلا بعدين .. موضوعنا انو انا كل ما اسئل اهلي وين المي؟؟ قال ما اجت.. طيب ليه ما تيجي الها تقريبا 3 ثلاثاءات :: غطرشو على الجمع :: ما عم تيجي واحنا عمارة كبيرة ماشاء الله فيها 8 بيوت .. يعني كلنا بنا نستهلك مي وكلنا عيل .. طيب ليه ما بتيجي ؟؟ المي خفيفة بالاردن .. اممممممممم ما هو وين راحت المي الي كانت معيشتنا هالسينين؟؟ :: شكلهم يأجوج ومأجوج نزلو فيها من تحت لتحت:: ما على اساس مخزون المي ما بيخلص قبل 50 سنة.. بشوف خلص .. صرتو غصب عنكم تجيبو صهاريج مي كبيرة ..طيب هادا مو مصروف جديد لما يكون الواحد ب 25د وكل اسبوع واحد وبالاخير بتيجي علينا فاتورة المي عادي كأنها المي من عندهم .. بحكي هيك ومحروق دمي لانو عنجد مو عيشة ... كنت لما اروح الصبح على الجامعة بالباص اسمع برنامج الوكيل.. كتير كانو يشكو عن المي .. انها ما عم تيجي .. طيب يالله ورونا شو جابتلنا السياحة بالهلبد ..!!!!

مواقع الشات

2007-08-18T01:38:00.001-07:00

مواقع الشات والاستخدام الخاطئ لهادا المكان شي بيقهر بصراحة ..

قبل كم يوم كنت قاعدة مع صاحباتي فوحدة منهم حكت انها تعرفت على خطيبها من الشات .. انا اسبهليت .. انو كيف بتقدري تتعرفي على انسان وتخطبيه من الشات ؟؟ .. انا ما بحكي كل الناس الي بيدخلو الشات هم ناس مو منيحين .. بس بصراحة في منهم ناس بيستخدمو الشات لأشياء غير شرعية .. صحيح انو التكنلوجيا موجودة موجودة وفي منها المنيح والعاطل بس طريقة الاستخدام هي المهمة ومع ذلك في ناس مازالو بستخدمو خطأ .. قبل شهر ولا شهرين ما بعرف انا دخلت الشات لمرة .. طبعا انقهرت من كل الي شفتو والي اسمعتو .. الشات عنا بيحتاج لتنزيل الجافا .. وانا ما حاولت انزلها لانو انا مو مهتمة .. بس في موقع واحد فتح عندي ما بدو الجافا وياريتو ما فتح .. يعني شو فرصة انك تحكي مع اصدقاء من ورا الشات؟؟ طيب ليه فتت؟؟ هو مجرد حب استكشاف مو اكتر .. بس كل شي فيه ما عجبني صراحة.. صارو الناس يستخدمو للأشياء الخطأ .. صارت عنا مواقع الشات هي مواقع الديتينج :: التعارف :: يعني صارو يعرفو بعض يطلعو مع بعض مشوار .. ازا والله عجبو بعض بحاولو يكملو .. ازا ما عجبتو او ما عجبها خلص هي من باب وهو من باب وبرجعو يفوتو على الشات وبيتعرفو على ناس تانين .. صار الخطأ سهل كتير... صار كل شي متوفر .. في ناس بيحكو احنا بنفوت بنغير جو وبنتسلى .. بس احيانا التسلاية بتجيب وجع راس بالاخير .. وبتفتح مجال كبير لاشياء ما كانت موجودة .. انا بحكي انو صراحة مواقع الشات هاي لازم تتسكر .. يا اما يكون في مشرفين يطلعو كل حدا بيسيء استخدام الشات او بستخدم اسم او تعريف غير لائقين ..

ولا في ناس بكونو كاتبين : للجادات فقط .. او ابحث عن رفيقة العمر .. شو هالهبل؟؟؟ بالله بتبحث عن رفيقة العمر بالشات؟؟يعني ولقيتها ماشي .. ما انت حتسود عيشتها كل ما حكتلك بدي انترنت بالبيت .. ولا كل ما طلت من الشباك .. ومعظهم بفكرو بهاي الطريقة .. الغيرة بتفتح باب للشك .. والباقي عندكم ...

اسبيشل اسبيشل .............

2007-08-16T01:55:00.000-07:00

عالم البولجسفير

صحيح هادا العالم مليان مشاكل ....

وهاي المشاكل كلها مابعرف ليه بتصير مع انو كل واحد لازم يكون بحالو ولو ما عجبو رأي واحد تاني يقنعو بينو وبينو مافي داعي لطوش علنية وخناقات ما الها معنى ...

بس لو اطلعنا على الجانب الايجابي ....بنلاقي انو في ناس بيستاهلو فعلا كل الحب والتقدير والاحترام .. في ناس فعلا ما سببو مشاكل لحدا وبالعكس وقفو مع الي بيحتاجهم

في ناس فعلا بيستاهلو اكتب هادا البوست اشكرهم خصوصي

انا فعلا اطلعت بأصدقاء كانوا موجودين وقت الفرحة ووقت الحزن

منوش

فعلا شكرا كتير كتير الك

ما تتخيلي كم اثرتي فيني بطيبتك وصراحتك وصدقك وبساطتك وتواضعك كمان

وبعرف انو متل ما انا حبيت الانسانة العايشة فيكي في ناس كتير حبوها

ملائط

وملائط مافي داعي احكي انتي عارفة انك بتعني كتير لناس كتار .. ووقفتك معي كمان ما حنساها وبشكرك على ايميلاتك وعلى زوءك ولطفك بالتعامل .. وشكرا لانك تفهمتي ظروفي كمان ..

عبد

لوووووووووووول يا عبد .. وانت كمان كلك زوء واخلاق وتحشيش من الاخر .. وقفتك انت كمان غير المتوقعة فعلا فاجئتني وفرحتني

عنجد من كل قلبي شكرا الك .. وبالتوفيق بالامتحان :: ادرس منيح هااا::

وشكر خاص لشريف ابو الشرف

وشكرا لرزان وحياة والريد روز ورامز وقباني

والى

الاهل والاحباب والاقارب

بلا هبل والله وللكل بدون استثناء الي قدر يكون موجود والي ما قدر

هادا بوست هيك مو عشان شي بس عشان اشكرهم لانهم بستحقو الشكر ..

طالب ذكي

2007-08-15T06:04:00.000-07:00

كالعادة .. بدي الطش ايميل من الايميلات الي وصلني .. انا حششت لما قرأتو كتير حلو .. اكيد في منكم ناس وصلهم بس خلينا نشارك فيه الي ما عرفو .. وهادا تغير لانو في ناس مو عاجبها البوست الي قبل هادا ... يالله خلينا نرضي جميع الاذواق الغاضبة

طالب من طلاب البلاغة عند استاذ اسمو بشير ترك ورقة امتحانو فاضية بس فيها كم بيت شعر و جاب علامة كاملة

ملاحظة للمعجب بالطريقة: هادا الاستاذ بشير الي اعطاه علامة كاملة فما تحاول تقلدو ..لانو مو كل الاساتزة بشير.... تحت طائلة المسؤولية ..

الولد كاتب:

ابشير قل لي ما العمل......... واليأس قد غلب الامل

قيل امتحان بلاغة................ فحسبته حان الاجل

وفزعت من صوت المراقب ....... إن تنحنح او سعل

واخذ يجول بين صفوفنا .......ويصول صولات البطل

ابشير مهلا يا اخي...................ما كل مسألة تحل

فمن البلاغة نافع...................ومن البلاغة ما قتل

قد كنت ابلد طالب.....................وانا وربي لم ازل

فإذا اتتك اجابتي...................فيها السؤال بدون حل

دعها وصحح غيرها............والصفر ضعه على عجل

اخد علامة كاملة لانو حقق الهدف الي بدهم يسعو الو اثناء تعليم مادة البلاغة

... فعلا طالب ذكي ...

ليلة مرعبة تحت ضو القمر ...

2007-08-02T03:41:00.000-07:00

مافي احلى من ضو القمر بالليل يطل من شباك غرفة الضيوف وانا انام على الكنب واطلع عليه .. فعلا روعة .. والقمر بيسرع بيسرع وبيتحرك وبينزل من فوق لتحت .. وانا براقب .. وضو الغرفة مطفي .. الدنيا كانت حوالي ال 11 بالليل .. الدنيا مو ليل ليل مهي صيف وبالصيف الكل سهران .. بعد شوي غفيت على الكنباي .. ولما صحيت كانت الساعة حوالي ال2:30 .. صراحة خفت .. بس مو كل هالشي ... قمت بدي افتح الضو .. سمعت صوت .. صوت قوي كتير .. ما كان قريب بس هو زي صوت اشي بينزاح من مكانو .. اجتني الشجاعة اني افتح باب غرفة الضيوف من غير ما اضوي الضو .. وامشي واتأكد من باب البيت انو مسكر بالمفتاح .. كان مسكر ... دخلت بهدوء لجوا .. اعتمدت على ذاكرتي بحفظ الاماكن .. ماطلعت صوت .. الصوت بدأ يقوى .. بدأ يقوى كتير .. في صوت حدا عم بيحرك الاشياء .. انا خفت ووقفت بمكاني وفكرت .. انو يمكن وحدة من خواتي او اهلي قايم بالمطبخ .. بس الصوت مو بالمطبخ .. تحركت على المطبخ شوي شوي .. توقعت اشوف شي بس ما شفت .. لفيت شوي بالمطبخ .. مافي حدا ورا التلاجة جوا التلاجة ورا الخزاين جواهم شوي شوي افتح على الفاضي مافي .. دخلت على الممر .. وهو بيوزع على الغرف .. غرفة ماما وبابا مسكرة .. غرفة خواتي مفتوحة دخلت عليها .. مافي حدا .. بس الصوت عم بيقوى .. وعم بحس انو لحظات وراي ...مافي حدا .. خواتي كلهم بأماكنهم .. الكل نايم .. بدأت اتعب .. بدأت احس انو خلص يا بنت طلي من الشباك يمكن تلاقيه برا .. قربت على الشباك وطليت .. ما كان في صوت .. بس شفت خيالات .. شفت خيالين .. خفت وقمت ابعدت شوي شوي .. وصحيت اختي الكبيرة .. صحيت مفزوعة وقامت .. طلت من الشباك وهي مش فاهمة شي شبه نايمة .. حكتلي وهي نعسانة : يمكن حرامي .. وراحت كملت نومها ..ميييييييين؟؟ حرامممممممي؟ طيب شو حعمل ؟؟ حكيت بدي انام بالغرفة بس نسيت الموبايل بغرفة الضيوف بدي ارجع اجيبو واحطو جنبي .. وانا راجعة حسيت بالصوت.. وحسيتو هالمرة عند داني .. خفت اطلع لورا خفت كتير .. بس ضليت ماشية ما بعرف ليه .. لحظة من اللحظات كنت بدي اصرخ بس صرت اسمي بقلبي ومشيت .. ولما وصلت الغرفة .. حسيت شي مسكني .. هيك لمسني .. طلعت لورا مافي شي .. خفت وصرت ابكي .. فتحت الضواو صحيت الكل .. فزعت الدنيا .. قومو انا خايفة قومو ..ولك من شو خايفة ؟؟ احكيلهم الي صار يطمنوني .. مافي مافي شي يا هبلة وهادا انتي بتتخيلي ..بس انا متأكدة انو شي لمسني كيف يعني؟ .. ليلة كبيسة .. ماكان في حدا بالبيت .. ما اطمنت غير لما فتشو البيت كامل .. رجعت بدي اكمل نومي .. فجأة حسيت بصوت الأذان .. اها اكتشف انو هادا كلو حلم .. هو مو حلم هو كابوس .. بس حسيت انو انا عايشة فيه كيف اوصفلكم؟ يعني كأنو عنجد عم بيصير معي وانا مو خويفة ولا جبانة غير شوي...والغريب انو انا صايرة تصير معي ظاهرة انو بعض الكوابيس بتتكرر اكتر من مرة .. مع اني بقرأ المعوذات قبل النوم بس خلص يعني متل هيك حلم اكتر من مرة احلم فيه بس احس كل مرة انو انا هاي اول مرة بحلم فيه ما بعرف ليه بيصير معي هيك؟؟؟
هلا انا جدا متأثرة من الحلم .. يعني ما تخيلت انو اتأثر.. احيانا في احلام عنجد بتخرب مزاج الواحد ... فعلاااااااا خصوصا الصيفيييييييييي

break

2007-07-30T04:07:00.000-07:00

I will take a break till the end of this summer semester then i'll BE BACK
have a nice week :)

عبرة

2007-07-26T04:56:00.000-07:00

بدي اكتب شوي بوست هادي بعدين بنرجع بننجن ... بس يعني هاي هيك رفع عتب :
ربنا لما وزع الارزاق .. كل الناس اعترضت ما حدا حاسس انو هو بياخد كفاية .. الكل بيناقش لانو ما حدا عندو قناعة بنصيبو .. الانسان مو قنوع بالفلوس ابدا دايما بدو كمان .. وريني حدا بيحكي ما بدي كمان .. انا بدي كمان وانتي بدك كمان وهو بدو كمان وهم بدهم وهكذا .. بس لما ربنا وزع العقول .. كل حدا بيفكر انو ربنا اعطاه العقل وبس .. ما حدا حكى لربنا يا ربي بنا كمان .. بالرزقة ما بيكتفو .. بالعقل كل واحد حكى انا الي بفهم .. سبحان الله البني ادم ومع احترامي للجميع ما اهبلو :)

كلام من القلب

2007-07-22T05:00:00.000-07:00

ما بعرف شو اكتب بس خلص هيني بكتب كلام يمكن يكونو كلو مشاعر شخصية
مريت بأصعب اسبوع على الاطلاق ... كلو ضغوطات بدنية ونفسية والنفسية كانت اصعب .. الله يصبرني .. الامتحانات والجامعة والصيفي ابدا مو امور سهلة ... وكلو مع بعض ... والحمد لله على سلامة عمو كمان .. والحمد لله على الي ربنا كتبلي اياه.. وما ححكي غير الله لايسامح اي انسان تعمد انو يجرحني ويئذيني .. ومن حقي اتوقع انو احكي بس هو نفس البني ادم منعني احكي مرتين .. الله لايسامحو على قد ما جرحني وأذاني ..
ما ححكي غير حسبي الله ونعم الوكيل فيكم .. وتركت كل شي لربنا ربنا اعدل مني .. ورضيت بنصيبي ... وحتوكل على ربنا ..وكل حدا بيصير معو شي .. يتوكل على ربنا .. ما الي غيرو ... كل الناس لا توثق مع التجربة بس ربنا الوحيد الي بتقدر تثق بعدلو وبقدرتو
عملتلكم درس دين بس هادا لأني واخيرا رضيت بنصيبي بهالدنيا .. واقتنعت انو كل الي بيصير في الو سبب ..ربنا بيعلمني اشياء جديدة ليه لحتى اجرح نفسي وليه ابكي على اي انسان ؟؟ ما حدا بيستاهل دمعة ...

شكلي ختيرت .. اسنان وهلأ عيون

2007-07-09T11:39:00.000-07:00

بتعرفو هاي الاعلانات الي بتكون عبارة عن قماشة بيضة وبيكتبوعليها وبعلقوها بين شجرتين ؟؟

عنا بالجامعة وحدة على مدخل الجيلوجيا .. انا بروح على الجيلوجيا عشان اخد مادة اسمها الرياضة والصحة .. وانا كتير مستفيدة ومخصصة اعمل بوست عن بعض المعلومات بس مو هلأ قبل الامتحان بيوم عشان بالمرة براجع الي حفظتو :: والله الذكاء يا براء بيتعب الاذكياء:: فكرة حلوة .. المهم مو موضوعنا ليه بضل اطلع عن الموضوع مابعرف ... هادا المهم مكتوب فيها التالي :

يعلن مركز فلان وفلان عن بدء التسجيل بالدورات التالية ...

وحاطين اسم الدورات

هلا انا ملخومة وعز دين الظهر والشمس براسي والنضارة الشمسية دابت من الشمس .. المهم شو قرأتها يا حزركم ؟؟ قرأتها يلعن مركز فلان الفلان .. واستغربت .. واتسائلت انو شو القصة .. واحنا راجعين من المحاضرة بحكي لصاحباتي بالله شوفو شو مكتوب .. مكتوب يلعن ــــــــ الخ .. طبعا حششو علي

بس العتب مو على النظر العتب على الشمس ... ولا حرام شو دخلها؟؟ العتب على الي صنع النظارات الشمسية .. وقبل هيك الحق على الي علقو الافتة وقبل منهم الحق على الي صنع اللافتة لأ على الي طلب انها تنصنع يعني بالنهاية والنتيجة انو المركز هو الي طلب انو تنصنع هاي اللافته .. النتيجة: انو المركز هو الي جاب اللعنة لحالو :)

:: واحد حاطط اجر على اجر ومصيف ومكيف على التحليل المنطقي .. واخيرا بلش يفكر بعقلو ::

دكتور الاسنان : شر لابد منه

2007-07-08T04:49:00.000-07:00

دكتور الاسنان ومع احترامي لكل حدا دكتور اسنان هو عدوي اللدود ، من طول عمري ما بحب ازورهم .. بس الحاجة بتذل الواحد .. لما كان عمري 12 سنة ، والله 12 سنة صغيرة على عمل الاسنان .. وياريتها اسنان .. إلا اعصاب .. المهم دكتور شاف طاحونتي الي بضلها توجعني وحكى لماما هاي بدها سحب عصب .. حكينالو ماشي ..ومن هبلي وما اهبلها من لحظات سلمت اسناني العزيزة الى الشرير .. و3 جلسات وهو يسحب بهالعصب .. مع اني كلي متر ونص مش عارفة يعني التلات جلسات لإيش .. المهم .. بعد 6 سنين :: شوفو الدنيا دوارة وصغيرة وبينتج عن دورانها حول نفسها مرة كل 6 سنين تصحيح وتعديل احد اسناني الاعزاء:: مش موضوعنا ..المهم لما صار عمري 18 سنة وجعتني اسناني مرة تانية .. كنت توجيهي .. وبتعرفو لما امسكها حجة انو سناني وما بدي ادرس!!! هيك صار فيني .. الساعة 11 بالليل وتضرب طاحوننتي المصونة علي ..يابابا وياماما على الطبيب ... والله وحزنو علي واخدوني على الطبيب وهناك ما شفت ابرد من هيك بني ادم .. اول شي ساعة لحتى فتح الباب مع انو هو شايف انو احنا شايفين انو هو موجود .. وبعدين ساعتين لحتى قدعني على الكرسي وهنا حدثت الكارثة .. مسك هاي الي مابعرف شو بسموها الحديدة الطويلة الي اخرها دائرة عشان يشوف.. الله بهبلك ما الطاحونة هي الي تحت ولويش بدك هاي؟؟ اتاريه بدو اياها مو عشان يشوف.. بس عشان يخبط على طاحونتي الحزينة .. على بالو طاحونتي خشبة وهاي شاكوش .. المهم انا كتير صارت توجعني ومسكت ايدو وابعدتها وهو يحكيلي هون مركز الوجع؟؟ ماما غلطت .. غلطت ها وحكتلو انو انا وانا عمري 12 سنة شلت العصب .. صار يخبط بزيادة عليها .... وانا خلص قمت من الكرسي وعصبت .. يعني انا طاحونتي بتوجعني وانت بكل برادة اعصاب بتحكيلي لا ما بتوجعك .. طاحونة مين هاي يعني؟؟
هو بوجه حكي لماما وبابا: هاي بتدلع عليكم ... كيف يعني مشيول منها العصب وبتوجعها فهموني .. قام وبطل بدو يعملي شي .. انا عصبت وخلص قمت وحكيت لاهلي يالله .. واهلي طلعو يحكولي مزبوط كلامو .. وانا ابكي والله بتوجعني والله ... المهم تاني يوم اخدوني عند دكتوري الي عادة بروح عندو .. ولما عمللي صورة اشعة .. طلع العصب مو مشيول .. حطيت الصورة بعيونهم كلهم وحكيتلهم شفتو ؟؟؟ مين الكزاب انا ولا هو؟؟؟
وكرهتهم كلهم بزيادة من بعدها ..
الحمد لله على سلامتي وعلى سلامة اعضاء طاقم فريق تمي ..

علاء الدين وانا :)

2007-07-04T08:14:00.000-07:00

هاي علاء الدين هي اللعبة الوحيدة الي ممكن اقعد عليها اكتر من نص ساعة وانا العبها ... زمان على ايام كمبيوترنا القديم الله يرحمو ويعفو عنو :: الفاتحة على ارواح المسلمين انتم السابقون ونحن اللاحقون :: المهم كمبيوترنا القديم كان اول ما اشترينا واو سريع وما احلاه بس انخدعنا فيه سنة سنتين تلات والرابعة بدأ يبطأ والخامسة سلامتكم والسادسة ها والسابعة هيو محطوط بالممر عشان نلعب عليه الالعاب .. يعني المفروض يخدمنا 10 سنين على القليلة عشان يقولو اهلي :اه صار قديم شوي لازمكم كمان واحد ؟؟
المهم ، بس بلعب علاء الدين بتصيبني حالة غريبة يا اخوان ... انا شاطرة بأول خمس مراحل :: التكرار بيعلم الحمار :: قد ما بلعبهم بتشاطر فيهم .. وعلى مين؟؟ على اختي الي بالصف الرابع:: :× كتمو على الموضوع:: ... هادا يا اعزائي علاء الدين بالمرحلة السادسة الي اسمها ذا ايسكيب .. والي ثقافتو انجليزية اسمها الهروب .. هادا علاء الدين مو مصلي على النبي :: اللهم صلي على سيدنا محمد :: مو راضي يتعاطف معي ويمرء من هالمرحلة ... لا واسطة ولا زفت مطين ماشي معاه .. في صخرة بضل توقع على راسي .. وتحققت اللعبة وقبل يومين وقعت صخرة على راسي .. :: حتسألو: ليه هي كمان الالعاب بتتحقق؟؟ بحكيلكم طنشو واعملو حالكم ما سمعتو :: الزلمة مو راضي ينط .. ولك نط .. الي بتنط هي حرف الدال ... خربتو يا جماعة على الفاضي انو يستوعب هالعلاء الدين ما في فايدة ... قد اسمعت اذ ناديت حيا لكن لا حياة لمن تنادي ... هلا الشي الي قاهرني بكل هالموضوع هو انو اللعبة بتحتاج لتركيز كل فكري وايدي باللعبة .. ما بنفع اترك ايد مثلا ... بس وين الكارثة؟؟ كل ما ابلش باللعبة بيصير شي بوجهي يحكني .. مرة شعري :: يالله والله متحممة بشامبو دوف :: مرة عيني مرة خدودي ... والله كل مرة شي ... وببطل اركز ابدا ... بتضرب معي الامور فبخسر ... طيب شو اعمل مع علاء الدين الي مو راضي يقدر هالموقف؟؟ جلطني ... بدي افوز يعني بدي افوز... هلا في ظاهرة جديدة ... حرف الدال يا جماعة عفن مو راضي ينط .. وينط للي ثقافتهم اجنبية معناها قفز يقفز قفزا ... استغفر الله ... يعني شو بدي منك يا علاء الدين غير تتعاون معي افوز هالمرحلة ؟؟ فضحتني قدام خواتي .. والعرب ... شو حيقولو عني النشميين ؟؟ مو عارفة انط من صخرة لصخرة؟؟؟؟؟؟ لا وبعدين بس اخسر بيطلعلي هادا القرد بيطنطنط .. قال تعيدي اللعبة ولا لاء؟؟؟ شو رايك يعني؟؟ اكيد اه .. بس اختار اه ...برجع بخسر بقول هلا بيطل القرد الحليوة :: القرد بعين امو غزال :: بقوم بيجيني الشرير بيحكيلي يو جيف اب .. يعني استسلمتي للي ثقافتهم سويسرية .. طيب ما استسلمت انت استسلمتني من حالك .. بقوم بكل شرف عن اللعبة بس يحكيلي هيك .. بلاش لا يفكرني عنجد استسلمت هادا ترا بدو اياني اعيد من مرحلة واحد ... شو جايني من وراكم؟؟ حل عني ....

me,the depressed bara2 for a while

2007-07-03T04:47:00.000-07:00

Dear all:
I'm going through a very bad situation that almost kills me inside .. I've been hiding behind my smile … my fake one .. coz it was never a complete one .. this is just for the sake of talking no more .. I can't tell everything … I can't tell everyone … nothing can be done to make me feel good unless I start building new concepts about friendship and so other things …
To be alone is something may be good .. but to be lonely is a hard thing believe me ..
I came to the point where I realized that I'm so strong .. coz when I faced a big issue in January I stood on my feet so strongly .. I even started seeing things from a different point of view .. the new bara2 had shown up .. she was mature enough to deal with every thing .. but what if she couldn't deal with the idea of having no friends" REAL ones" for a while?? It's something I never though I'm gonna face .. coz I'm a very social person .. I love people .. I can't live without them ..

I never though that I'm going to write something like this in my blog .. I swore to God that I'm gonna forget everything out there and just laugh .. I was able to .. until I felt this feeling : a very close friend of u had done something very very very VARY bad to separate between u and another friend .. u didn't know .. the " another friend " didn't know too .. and suddenly u discover everything … she lied to me .. not only this, she even did horrible things and said that I'm the one who did this and that .. the what so called " another friend " didn't hear me .. she didn't hear a word .. and she went away .. I tolerated this .. but the thing which I can't believe is that she did very bad things and said that I'm the one who did them ..

The problem is that I have something in my heart to say .. I want to blame I want to do anything to release the anger which lives inside me .. I never felt that I'm " 7aqude " I'm not .. I never hated anyone .. ask people who know me .. NEVER cheated anyone .. now I feel like I want to release these secrets .. but I know very well that this is not me … I feel like I need to do it for the sake of Me .. can I do anything for my sake?? even if it was bad?? Mosh 3arfe .. this is my struggle here .. i want to make her fell what she had done to me .. bedde everyone knows that I'm innocent .. she will face problems If and only if I say something .. people I'm confused .. I'm lost between these two options .. to say or not to say .. if I said it .. I would feel very better that I let my anger, my feeling of being " mathlome " go, but I'll hurt her. if I didn't, trust me, I would burn with grief .. we have a real issue here .. w elmoshkele I'm not convinced in both options ..
Ba2dar a6la3 3n asle w a7ke??
If anyone told me a similar story I would choose the second option… not to tell .. 5alas 5aleke el2akbar w el27san w 3amlehom a7san w 3nd rabna kol she .. but this is what kills me here .. I want to be better than them .. bs this means that I have to keep my feelings for ever in my heart .. AND they would believe that I really did it .. oft …
Yesterday, I slept for 16 hours continuously … why??? Coz I wanted to escape from thinking .. I had some other issues too but they don't matter like this one .. I'm tired .. if u think that this is a silly thing plz feel free to think that .. but the story is much bigger than this … it became a families issue .. ya3ne ahle ded ahelhom .. they would definitely do something to hurt me .. I'm very relaxed that my mom is next to me .. but she doesn't know whether to tell or not to tell H about the reality of N …

i'll be fine so soon .. i'll be back and laugh .. but Again .. this issue will be opened later on and I will feel the same .. maybe kol makan asra3 kol ma kan a7san .. abel ma tobrod narhom coz mine is not going to be cold .. NEVER

2007-07-02T05:51:00.000-07:00

حاسة بالوحدة

لاول مرة حاسة حالي منهارة

بدي اياه ...

2007-06-30T02:23:00.001-07:00

انا من النوع الي ما بحب الموبايلات .. بحب اشوف الناس حاملتهم بس ما بحب انا احمل شي واو ... بكفي بموبايلي الي اشتريتو مؤقت قبل سنة .. وعجبني كتير وقررت ما اغيرو .. طبعا انا انبهرت بدعاية نوكيا ن 76 كتير ... عجبني كتير . .:: الله يسامح الي كان السبب والمخرج والمنفذ وكل الي عملو الدعاية:: وطبعا حطيتو ببالي اني لما ارجع اشتغل شو ما كان حقو بدي اياه :: بحكي من كل عقلي ترا :: بس قد ما هو عاجبني حلمت فيه اني اشتريتو اليوم .. لووووووووووووووووول ... لا وكان زهري وصغير وحلو ... يالله شو كنت مبسوطة بالحلم .. انا مو من عادتي ابدا احلم بموبايلات والله انا ما بهتم .. بس لما طلع الموتورولا عجبني انو كيف هو صغير ومنمنم .. بس ما حبيت اشتريه لانو موتورولا انا صراحة بحب كتير النوكيا او السوني اركسون .. وضل الحلم ببالي لاجى هادا وتحقق الحلم :: أي حلم الي تحقق بالزبط يا براء؟؟:: بس انا طيرت الفلوس فحضطر استنى لحتى ارجع اشتغل ازا اشغتلت بإزن الله عشان اشتريه .. عنجد حالي متل المجانين .. بدي اياه يعني بدي اياه .. قفلت .. طبعا بكون طالع الف واحد متلو واحلى بس خلص مو مهم انا ما بحب السحب ما شدني اي واحد من هدول السحب .. ولا العادي ما بحب الا الي بيفتح وبيسكر وبدي اياه ..

ردوا على النسواين لنشوف شو اخريتها..

2007-06-27T05:23:00.000-07:00

يمنع قراءة هذا البوست لمرضى السكري والضغط ووجع الرأس والأنف والأذن والحنجرة ... وامراض الفوبياز والنساء الحوامل والرضع واي شخص عصبي وما عندو طولة بال وبنرفز بسرعة .. كما ونحذر الاخوة المشوبين بضرورة اتخاذ الاجراءات الوقائية المناسبة من ارتفاع درجة حرارتهم بعد قراءة هذا البوست .. شاكرين لكم حسن تعاونكم ..

الرجاء قراءة هذا الاعلان :

لمن يهمه الامر.. انا ما بحب البوستات الطويلة ... بس للأسف مضطرة على هادا البوست .. فيرجى ان تعذرونا ..

update:انا ما رحت اليوم على الجامعة مو ناقصني انا شرشحة .. انا عنجد مكسرة وتعبانة الله يسامح الي كان السبب

لا مو معقول الي صار اليوم بعمان .. يعني خلينا نحط درجات الحرارة مؤقتا على جنب .. اليوم وانا رايحة على الجامعة الصبح ، نشامى الوطن واقفين على طول السايدين .. كل 100 متر واحد .. طبعا يعطيهم العافية .. لانو بالتأكيد عملهم شاق ومتعب .. يعني اول شي واقفين مو قاعدين تاني شي تحت الشمس وتحت الشوب الله يعينهم .. مو هون القصة يا ريت هون القصة .. طبعا انا بلشت اتسائل انو ليه كل هالاشي يعني .. هلا لما خلصت دوامي بالجامعة بدي اروح .. وقفت استنا باص مافي باص بناخد تكسي .. هاتي يجي باص او تكسي .. سلامتكم لا هادا ولا هادا .. بالاخير اجى النشمي ابن الحلال وصار ينادي المنادي :: الكنترول :: بهالناس : يا اخوان احنا ما حنوصل اي مكان بعد المدينة اخر مكان حنزلكم فيه هو المدينة .. انا عقلي الصغير بالحجم الكبير بالمفعول قرر انو اوكي بنزل هناك وباخد تكسي لبيتنا .. وبدأت تنفيذ الخطة ... ركبت هالباص .. مشى الباص فينا .. قبل الراي طلع طلعة ما حدا عارف هو وين رايح .. حكينا ماشي انخطفنا .. بس:: ان بعض الظن اثم :: المهم حضرتو ما بعرف الطريق .. وأخ من الي بيرد على النسوين اخ .. في وحدة حكتلو انها بتعرف .. وحضرتها مشت معاه ودلتو لما وصلت باب بيتها نزلت وحكتلو شكرا .. :: يعطيكي العافية يختي مشكورة:: وبعدين يا عمي بنا نطلع من هالمنطقة احنا وين : انتو بتلاع العلي طبعا انا عصبت :: حبيبي ابو سمرة شو وصلنا على تلاع العلي وحد ربك !!!:: المهم حضرتها نزلت وبعديها بلش عمو يلاخم .. تيجي يمين نروح شمال .. وعلى هالحال 10 دقايق طبعا بالاخير نزل كل الركاب .. طيب يا عمي احنا بنات بشوارع ما بنعرفها .. يعني رجعنا على القليل على الدوار مو طالبين اكتر من هيك .. قال لا انزلو ..:: طلع مو نشمي:: المهم انا ومجموعة طبعا ما بعرفها من البنات قررنا ناخد تكسي يوصلنا على القليل للدوار .. يعني احنا مو عارفين الطريق ..المهم هاتي تكسي يوقف ... مشينا مشينا مشينا .. ولا هو احنا قدامنا السيفوي .. عليم الله لما شفنا السيفوي اني كنت بدي انط من الفرح .. انا اعلم اين نحن .. المهم ومن السيفوي نستنى تكاسي على الفاضي .. وبالنهاية انفضت الجموع الغفيرة كل وحدة على بيتها .. مشيت تحت الشمس حوالي 45 دقيقة طبعا لا ما اكلت هوا ابدا كزب هادا الحكي .. تلفونات ما خليت مع كل العالم حكيت ما حدا فاضي وازا فاضين مو عارفين يوصلوني .. بالله هادا حكي؟؟ الناس مرمية بالشوارع متل الشرايط وسوري على هالتعبير كل واحد تلفونو على دانو بيحكي بدو يدبر توصيلة .. والناس كبار وصغار ماكلين هوا .. انا الحمد لله بيتي قريب يعني بساعة الا ربع كنت بالبيت بس البنات التانيات لو بدهم يمشو لبيوتهم على امل انهم يلاقو تكاسي متل ما صار معي ما حيلاقو وحيكملو لبيوتهم بساعتين ازا مو اكتر .. الله يعين ..يعني اهلا وسهلا بضيف الاردن بس شو دخل الطرق تتسكر .. عنجد تعبت ..انا هلا طولت عليكم .. سوري بس مدايقة كتير من الي صار .. طول الطريق وانفي ينزف دم وراسي يدور ومولعة وحاسة انضربت انضربت .. والله اني عنجد خايفة من هالشغلة .. اكتر من مرة فقدت توازني وانا ماشية وبعيد عنكم مو لابسة شوز مناسب للمشي ابدا .. بعين الله ..

شكر وتقدير: لكل حدا ساهم في هذا العمل ..من اول واحد شرشحني اليوم لاخر واحد ..كما واشكر صاحب الباص الي تركنا بمكان ما بعرفو واوجه شكر معطر بالفل والياسمين الى البنت الي حكتلو انها بتعرف الطريق بس للأسف وصلتنا على بيتها وحكتلنا بي باي ... عشان هيك الرجال لازم يكونو تقال ...واشكر مالك السيفوي الي بنا السيفوي عشان هو كان عارف بيوم من الايام شلتة البنات التاهية حتستدل فيه ..

كما واوجه شكر خاص لجميع المشاهدين والقارئين وبتعرفو تكملة الباقي عمرنا ما بنخلص ..

عبرة اليوم او الدرس المستفاد من القصة : لا ترودو على النسوين بالطرق .. فإن العاقبة شديدة

عندك استعداد تفوت متل هيك اماكن؟؟؟؟؟؟؟؟؟

2007-06-26T08:39:00.000-07:00

هلأ استراحة صغيرة من الجامعة وقصص الجامعة الي لاحقتنا هون على البلوج .. رجعنا للطش الايميلات .. وهادا الايميل ملطوش طبعا

والآن اترككم مع الصور ...

هذا البوست برعاية الكف الاحمر .. وقت الحر ووقت الشوب ... ما الك الا بوظة الاسكيمو .. نعنش وفرفش مع احلى طعم يشعرك بالبرودة :

شكلو جاي عليه موجة حم يا لطيف!!! متل الي جاي على الاردن مهي بدوب البني ادمين بدهاش ادوب المباني؟؟

وبهاي المناسبة بحب ازكر المشاهدين الكرام انو الدنيا شووووووووووووووووووب

يعني ابو العوج .. ليه العوج قهروني ..لو يسكني ما بسكنو ..

اصلا اقنعوني امر بس من قدامو .. نو وي .. امبوسيبل .. امبوسيبلي ..

علي ما علي هدول اليابانيين المتولعين بهالشغلات والله هلا بدي اروح اشوف الايميل الي لطشت منو الصور واشوف وين هالمكان .. احساسي بيحكيلي هيك خلينا نشوف : لووووووووووووووول في بانكوك ما كتير ابعدنا :)

يا سلام .. يا سلام .. قد ايه حلو الغرام ... شو هالمباني هاي .. والله مهندس بارع ايه والله .. مايل هالمبنى بينطبق عليه مثل مالت عليه حيطة مايلة فوق ماهي مايلة

شو الي وقعو ؟؟؟ ازا كنتو مفكرين انو هادا البيت واقع فبحكيلكم ناهي ناهي .. هادا اصلا هيك .. انتبهو على كل التفاصيل .. بس والله هادا التاني لو يعطوني مليون ما بسكن فيه .. بس بعترف بزكاء المهندس

اعصابي صارت توجعني لما شفت هاي العمارة .. يعني كيف؟؟ كييييييييييف؟؟ كل الارتكاز على قاعدة صغيرة .. مع احترامي لكل حدا بفوت هاي العمارة بس انا بعتبرهم مجانين... مو بعيد يطلع مستشفى مجانين شو بعرفكم؟

زي وكأنو صار عليه هجوم .. وااااااااااااااو شو معجوء مو حلو ابدا .. حاسة الشبابيك حطوها هيك من غير ترتيب كانو مستعجيلين وكان وقت الافتتاح فحكى المهندس هاي هي الطريقة الوحيدة : ... جيبو عرب ببنوه بسرعة متل الحمير وبأقل تكلفة ممكن وبأكتر عفشكة ممكنة ..

بشو كان المهندس يفكر؟؟ كيف كان يرسم البيت؟؟ وهو نايم بالمقلوب؟؟ ارحموني .. ولا اشي .. من الاخر ..لووووول بتعرفو انو جداجدا جدا ذكي وجريء .. بس انا مو جريئة وما عندي استعداد افوتو ..

نسونجيين

2007-06-24T09:50:00.000-07:00

اليوم فصل اخر يا جماعة .. مع نفس الدكتور .. يعني صحيت غصب عني ولبست ومن الشوب الواحد ما عرف ينام فيعني نفسي اكمل النوم ومع ذلك تحاملت على نفسي وحكيت يا بنت الصبر جميل وحكيت ولكن تؤخذ الدنيا غلابا .. وبعد ما اقنعت نفسي والهبلة اضحكنا عليها بكلمتين واقتنعت ورحت على الجامعة عمو مو جاي قال شو استنوني وما اجى .. مو هون المشكلة الحلو انو عملنا انا ومجموعة مرتبة من البنات ديوانية .. بلشنالكم بساحة هالدكاترة .. على اثر الحادث الطردي الي صار معي المهم .. هادا البوست مو مضحك عنجد انا بحكي محروق دمي : دكاترة القسم عنا نسونجيين .. وبغاوزو .. وبحبو البنات وبيحبو البنت الي بتزبط حالها وبتعمل وبتسوي وبتتمايع .. انو هاي يعطوها علامات ... المشكلة انو احنا بنتعب بالدراسة وال أ بتروح لهاي الاشكال او الخريجين الي بيكونو جايبين 100 واسطة .. مع انو البنات حكولي انو لما طردني :: لقراءة الحادثة المؤلمة انظر البوست اسفله:: اجت وراي بنت صاحبتو ودخلها وحكالها ما تعيدها .. بالله شو؟؟ بدي اردح بس استنوني لما اخد اسس في الردح وهاي دعوة لأي حدا شاطر بالردح انو يعمل دورة بهالموضوع يا جماعة ..
انا عم بحس انو الشكل هلا صار هو الاساس بكل شي .. قال الشباب ابو الخرط بيحكولك الشكل مو مهم .. علي الجيرة الا مهم .. اساسا حياة الناس الزوجية مبنية على هادا الشي ..يعني لما يتجوزو 2 اوكي الام بتروح بتشوف هالعروسة ..بدرسولك اياها كأنها شو تقول !! عطاء .. ولولا العيب بدهم يجيبو المتر والميزان وكاشف اللون وكاشف الكزب تاع دكتور فيل هادا التاني وكل هالاشياء المهم الشكل واحد من الاساسيات ... والله عجبتهم هيها الحماة رضيت ما عجبتها بتحكي لابنها يا انا يا هي بهالبيت ..
بالمحلات كل الناس بتاخد على الشكل واللبس وما بعرف شو.. يعني انا بحب البس وازبط حالي بس مو معقول يعني الوحدة ترضى تنحط تحت المجهر ؟؟؟؟؟؟؟ يعني عليم الله عليم الله ... الدنيا شوب ما بدي اكمل البوست خلص ... شوووووووووووووووووووووووووووووووووووووووووووووووووووووووووووووووووب

اليوم مبين من اولو

2007-06-21T01:00:00.000-07:00

update :: يالله شو شوووووووووووووووووووووووووووووووووووووووووب

انا انطردت من المحاضرة يا ناس ... فوق ما هو صيفي وانا مو طايقتو وفوق ما انا صاحية بدري ومو سهرانة وفوق وتحت وفوق وتحت ..ويمين وشمال .. المهم انطردت
المشكلة وين ؟؟ انا لما صحيت اصحيت غصب عني ... بس خلصت لبس وكل شي متل البنات الشاطرين يعني متل الفتى النظيف مهذب لطيف اقوم بالصباح اسعى الى الفلاح فأغسل اليدين والوجه والرجلين والبس الثياب واحمل الكتاب واسير نحو العلم بهمة وعزم .. مو قضيتنا المهم بعد ما خلصت لبس ولا هو اوبس ما في مفتاح .. ماما وبابا طالعين كل واحد بجهة والباب مسكر والمفتاح مافي وعشان يكمل الفلم الهندي المكسيكي الاردني الجامعي البرائي ما بعرف وين حاطة النسخة تاعتي ... وعلى كل حال مافي وقت ابحث عنو :: حلوة ابحث فجأة كلمة ما دخلها بالعامية :: المهم اتصلت مع بابا ولحتى اجى وفتح الباب وكل شي كان رايح نص ساعة يعني حوصل متأخرة حوصل متأخرة ومع ذلك طلعت تحت اشعة الشمس الحارقة وانتظرت طويلا طويلا ليأتي التكسي لاخرج الي الجامعة وبعد طول انتظار طل الاصفر على بداية الشارع كنت سأعلن الاعراس في جميع انحاء المملكة واوزع المناسف ... بس انا ما خفت اخسر فلوس لا لا انا خفت الناس ما يعجبهم الطبيخ فحكيت شو بدي بوجعة هالراس بوزع ملبس المهم لما قرب التكسي ولا هو في حدا ... كادت الدموع تنهمر بسرعة البرق على وجنتي الحمراوتين :: مو من الجمال بس انسطحت من الشمس :: المهم بس ربنا كبير وبيعرف اني مظلومة فجأة اجى تكسي اخر ... حكيتلو طير على الجامعة طيران البرق .. أبى واستكبر ... ولكنه شاف أديش انا حزينة ومعترة فأسرع ولكن المفاجأة كانت حادث بالطريق فبدل ما ياخد الطريق 10 دقائق اخد 20 ويا حظي ويا هناي ... وصلت متأخرة وبعيد عنكم رباط البوت بضل يفلت وبضل اوقف اربطو بالاخير حكيتلو حل عني عمو مستعجلة انا,... وعندما وصلت الى الاطلال ... وبكيت المحبوبة وتنهدت فتحت الباب واذ به الدكتور بيأشر بإيدو انو لبرا ... :( حتى ما غلب حالو يحكيها شوي ... يا حظي ويا هناي ...

خرابيش

2007-06-18T09:50:00.000-07:00

اليوم من اسعد ايام حياتي
الله يتممو على خير

لمتى يعني؟

2007-06-16T06:44:00.000-07:00

مش عارفة شو بدي احكي عن الي بيصير بفلسطين .. يا جماعة المشكلة انو انتو اهل .. يعني ازا احنا نزلنا ببعض واحنا اهل وطن واحد يعني شو ضل؟؟ تخاف من ابن بلدك ؟؟

قرايبنا هناك بيحكو انو الوضع جدا صعب .. الصراحة انا حسب ما انا فاهمة واتوقع انو هو هادا الصح .. انو حركة فتح استلمت السلطة من زمان .. وعجبت بالناس .. فلما عملو انتخابات على السلطة الناس كانو زهقانين منهم فاختارو حماس .. شغلة مو متوقعة من فتح .. عصبو ووصلت معاهم الامور .. وبلشو يفكرو كيف بدهم يرجعو الكرسي .. وهلا الطوشة بينهم مو على الكرسي قد ما هو على مبدأ فتح .. انا الي فهمتو انو فتح بأي طريقة بدها ترجع الكرسي .. طيب انتو ياربي اعتمدتو على الانتخابات التشريعية العادلة ولشو يعني حق غيركم بدكم تاخدو .. الي صار هلا انو فتح نازلة بحماس .. طيب خلص اتركوهم يمكن يوصلو البلد لمستوى افضل ... طبعا مبارح عرفت انو بطولكرم .. بلدتي العزيزة .. محلات قرايبنا اتحرقت .. فتح حرقت كل شي .. وهددت تعمل مجازر على ابواب المساجد ... وحرقت بعض المساجد في غزة .. ومنهم وعلى اقوال الشاهدين والله اعلم انو كتير منهم حرقو المصاحف ومزعوها ... الي اكتشفتو انو حركة حماس حركة وطنية اسلامية وحركة فتح هي مجرد حركة وطنية .. ازا كان فعلا هيك الحكي فما بخافو من ربهم ..

يا جماعة انا مدايقة كتير على الي بصير .. فوق ما تتخيلو ...

5 things w bs

2007-06-14T02:01:00.000-07:00

5 things I avoid in blogging :

1. the long posts .. i hate reading these posts ... i usually don't read them .. some people have no time for reading so i think :: i think ha :: eno el posts should be short so people won't feel bored ..

2. not answering people's comments .. i don't know .. i feel like i wanna know others' opinion about what i wrote .. that's why i'm blogging guys .. NOT to talk to myself .

3. criticism .. i simply become angry when people start a war of words, i just hate that .. and u know why ...

4. gossips .. waaaaaaaaaaal hdol malyane mnhom el blogs .. sebo elwa7ad be7alo ... SEBOOOOOOH .. i'm blogging for fun mo 3shan ajeb waja3 larase ...

5. attacking other .. and i remember that i deleted a post bcoz mr. X man attacked me w besheda .. i feel like this is my area and i have the freedom to post whatever i like ..

What do u think??????????????????????

warning: the art of foolinmg men ..

2007-06-11T02:18:00.001-07:00

بعرف انو انا صايبتني حالة كسل .. وعم بلطش الايميلات وبنزلهم بوستات .. بس يعني المهم اني ما ابطل اعمل بوستات ..
اوكي هادا البوست عشان تفتحو عيونكم يا الشباب الطيبة:
اكيد في منكم ناس وصلهم هادا الايميل بس انا حبيت اشارككم بالتعليقات :

THIS IS
TERRIBLE !!
Before making any
commitments.........
Wash her face! !
Don’t be dissapointed !

قوي معلوماتك :)

2007-06-09T16:01:00.001-07:00

اوكي .. شو رأيكم بكمان ايميل؟؟
بس بعد ما يخلص هادا الايميل بيجي الحكي الجد :: واحد بحاول يكشر قال يعني جدي ::

هل تعلم

ان الزرافه هي الكائن الحي الوحيدالذي يحتوي جسمه على الذهب؟حيث يوجد في كل جفن من اجفانهاعلى ما يعادل ثلاثه جرامات من هذا المعدن!!!!!!!!!!!!!

هل تعلم

انه لم تسجل في استرالياولا حاله ولاده لتوأمين منذ اربعين عاما!!!!!!!!!!

هل تعلم

ان مواليد جميع مدينه اوساكا اليابانيه يولدون نهارا...ولم تسجل حاله ولاده ليلا منذ اكثر من سبعين عاما!!!!!!!!!!!!

هل تعلم

ان الذي صمم علم هولندا هو لاعب الكره البرازيلي جونيور!!!!!

هل تعلم

ان الهند ولاسباب غير معروفه لا يوجد بها ملح في الطبيعه ويأخذونه من البحر!!!!!!!

هل تعلم

ان دماء الثعالب تدخل في صناعهشاي ليبتون!!!!!!!!!

هل تعلم<>

ان جميع ما ذكر اعلاه غير صحيح ؟؟؟؟؟؟؟؟

محشش مثقف

كيف يسعد الرجل المرأة والعكس

2007-06-06T10:44:00.000-07:00

وصلني ايميل بيضحك ... حبيت اشارككم فيه:
كيف يسعد الرجل المرأة
على الرجل أن يكون :

1. صديق

2.رفيق

3. حبيب

4. أخ

5. أب

6. سيد

7. رئيس

8. كهربائي

9. نجار

10. سباك

11. ميكانيكي

12. مصمم ديكور

13. صاحب أسلوب

14. طبيب نفسي

15. مبيد حشرات

16. طبيب معالج

17. مستمع

18. مرتب

19. نظيف جدا

20. عاطفي

21. رياضي

22. دافئ

23. يقظ ومتنبه

24. أنيق

25. ذكي

26. مرح

27. مبدع

28. حساس

29. قوي

30. يتفهم

31. يتحمل

32. متعقل

33. طموح

34. قادر ومؤهل

35. شجاع

36. مصمم

37. صادق

38. يعتمد عليه

39. يمدحها بانتظام

40. يحب التسوق

41. محترم

42. غني جدا

43. لا يرفع ضغطها

44. لا ينظر لغيرها من البنات

في نفس الوقت على الرجل ان يفعل ما يلي , يعطيها الكثير من الانتباه ولكن يتوقع القليل لنفسه , اعطائها الكثير من الوقت خاصة وقت لها لوحدها , اعطائها الكثير من المساحة ولا تقلق عليها أينما ذهبت , عمرك ابدا لا تنسى :أعياد الميلاد, الذكرى السنوية.

والان كيف تسعد المرأة الرجل:

1. ان تسيبه في حاله.

منول سكرت البلوج ؟؟؟؟؟؟؟؟؟؟؟؟ واي؟.؟

2007-06-05T10:25:00.000-07:00

الصراحة اني انا مصدومة .... هالمرة مصدومة بشحنة كهربا بعد الانقطاع الي دام اسبوعين بسبب منول ... منال سكرت البلوج ومحتو من الوجود ... طيب ليه؟؟؟ انا مو قادرة افهم ليه؟؟ انو انا دخلت بدي اقرأ بوستات ميوش ولقيتها حاطة انو منال محت ابو للبلوج .. صراحة ادايقت كتير ... ليه بصير هيك ؟؟ هلا احنا البنات كتير بنتعرض لانتقادات وحكي واحنا ما قصدنا شي ... يعني انا الي شايفتو انو معظم البنات الي انا بعرفهم من المدونات اتعرضو لمواقف هيك وهيك .. هلا ليه ما بيقدر الناس الي بحبو كتير الحكي انهم يضبو لساناتهم شوي عن الحكي بالنت؟؟؟ ليه؟؟ حتى على مدوناتنا لاحقيني تنتقدونا ... خلو مكان في الدنيا ما توصلو لساناتكم وتعليقاتكم ... مونو اكبر من هيك واعقل وارقى من هالاسلوب ... ولا لإنا ما بنعرفكم وما حنوصلكم بتعملو هيك ؟؟ هادا اسمو جبن ...... جبن بضم الجيم مو بكسر الجيم للي جوعان وفكرها للأكل ....على كل حال انا عندي انك ما تكوني انجرحتي من كلام حدا يا منول... المهم انك انتي تكوني مرتاحة وانا متأكدة انك حترجعي بنفس اطول للكتابة .. انا فعلا بتمنى ما تكوني متعرضة لمواقف تجريحية هيك وهيك .. وغير هيك كلو بيهون .. احلى سلام الك يا قمر :)

1خواطر

2007-05-30T11:07:00.000-07:00

سوف لن ابكي

سقطت دمعة .... دمعتان ... والثالثة: اجهشت في البكاء , حياتي كلها اوهام .. احلام , تحلق بالفضاء ... وتتناثر هنا وهناك ...

انتي

كنتي صديقتي ، وهي كذلك ، وهن كذلك ...كلكن بلا استثناء .. لكنكن رحلتن بلا عودة ... وطويت صفحتكن مع الزمن وانتهيتن من

حياتي ... كنتن بلا وفاء ... وبعد مماتي ... سوف لن اذكركن .. ولسوف ابعثر اوراق شوقي هنا وهناك ... ولسوف لن ابكي كالضعفاء

.... !!!!!!!!!

رجعة مؤقتة ... كوكتيل وحدة معمي ضوها

2007-05-23T11:22:00.000-07:00

بما اني الي فترة ما نزلت بوست جديد بسبب انشغالي بالامتحانات والدراسة .. حبيت انزل كوكتيل صغير من الصور المختلفة المواضيع والتي تهم العالم بأسره :)

يسعد سماها هاي التحشيشة الله يبسطك كمان وكمان

يعني حرام عليهم يعزبو للزلمة

على الموضة ... مساكين هالحيوانات حتى الحيوانات بتمشي ورا الموضة على العميانة

ليه بتطلع هاي فيني هيك؟؟ مسبهلة .. خافت من شكلي عشان وقت الاختبارات وانا منكدة

هاي الناس الي بتفهم ... ابو صيني ... ابو الاسترخاء .......

بيكاااااااااااااااااااا ... بيكا بيكا بيكا ... بحبو ...بس حتى هادا مسبهل .. شو مالكم يا جماعة علينا؟؟

ما احلى هالمنظر

هادا البوست اهداء الى صديق عزيز كتير ... بيحكي انو اول ما طلع انا بطلت اعمل بوستات ..

شكرا الك كتير على وقفتك جنبي اليوم ... صراحة كنت كتير مدايقة ووقفتك كانت حلوة ..

اه انت ... انت عارف حالك

ثانك يو كتير

وهي احلى باقة ورد اهداء الك

ترا هاي غالية حطها بمي وسكر عشان ما تنشف :) :: واحد بخيل ::

معمي ضوي

2007-05-17T11:29:00.000-07:00

سامعين بمصطلح : معمي ضوي ؟؟؟
اوكي انا معمي ضوي ... واللمبة محروقة والكهربا معقطوعة ...
حاسة حالي فايتة بالحيط ..
كان عندي تسليم مشروع هو جريدة وكان عندي امتحان فاينل اليوم .. والامتحانات على الابواب ويا عيني على النكد هلا .. سوووو اتقو شري وانا معصبة من الامتحانات ...
انا بدي اوقف الرحل الى البلوجات الاخرى من هون لاخلص وازا ما كنت خالصة انشاء الله برجع :)
في عندي وقف تنفيذ هلا ..

الفائزين

2007-05-16T07:46:00.000-07:00

المشاركين كانوا:

اول واحد كان جاسم:

ماذا يطلق على من لايكتب ولا يقرأ؟امي او اعمى

من الذي يرى صديقه وعدوه بعين وواحدة؟
الحسود
اخو عمك وليس عمك؟
ابوك
ما هو الدعاء الذي كان يدعوه الرسول صلى الله عليه وسلم عند القيام بكل عمل
بسم الله توكلت على الله ولا حول ولا قوة الا بالله

ماهي المادة التي تتجمد بالحرارة؟البيض

ما هو ابعد الكواكب عن الشمس؟
نبتون
ظرف مكان وعكس فوق؟تحت

ماهي السورة الخالية من البسملة؟الكرسي

تغير المادة من الحالة السائلة الى الحالة الصلبة؟تجمد

ماذا يطلق على صوت البلبل؟صفير

السكون وعدم الحركة؟

حرف عطف يدل على الترتيب والتراخي؟ثم

ما عدد قلوب الاخطبوط؟3

المرأة التي فقدت ولدها؟ثكلى

ما هو اقوى الحيوانات ذاكرة؟الفيل

شدة الندامة على ما فات ؟الحسرة

el skoon o 3adam el 7arakeh: الثبوت او الثبات
ma yatloboho el mostami3oon asdi ahel el qateel :P : الثار

ثاني حدا كانت حياة :

أبو بكر الصديق
أمّي
الأعور
أبوك
بسم الله توكلت على و لا اله الّا الله
البيض
بلوتو
تحت
براءة
تجمد
تغريد
الجمود
ثمّ
ثلاثة
ثكلى
الجمل
حسرة
البارع
الثأر
جحجاح

ثالث حدا كان محمد :

>>ابوبكر

امي>>

الاعور> >

ابوك>>

بسم>الله>>ا

لبيض>

>نبتون,>بلوتو تقاعد و بطل كوكب>>

تحت>>

البراءة>>

تجمد>>

صفير>>

الخشوع, >الهدوء, و لا نفس>>

ثم>>

3>>ثكلى,>مسخمة, مشحرة, غبرة حزينة>>

الجمل>>

الحسرة>>

باهر>>

ثأر>>

جواد

في عنا المتسابقة منوش بس الظاهر انها مسكرة معاها لانها اكتر من مرة بعتتلي الاجوبة وما بيطلعو عندي بس بالتأكد كانت مشاركتها مدعى فخر النا ...

الفائز هو:

حياة

بعد طول انتظار .. من سيربح العشرين؟؟

2007-05-12T04:46:00.000-07:00

اختبر معلوماتك -1-

اكبر واضخم حدث مسابقي بين البلوجرجية .. بالتعاون مع سجنل تو .. نضف اسنانك واجلعها براقة لامعة لأحلى ابتسامة جذابة ..
جلاكسي : عندما تعشق الشوكلاتة ..
فلاش : سائل التنظيف السحري ..كل شي جديد وانضيف مع فلاش ... خلي شعارك في البيت .. .. مع فلاش كلو حقيقة وما في يا ريت ...

شروط المسابقة:
لا يشترط في هذه المسابقة اجابت جميع الاسئلة وعددها عشرون ..

الاجابة هي كلمة واحدة مع استثناء في رقم 5 ..
وقت المسابقة هو 48 ساعة ابتداءا من لحظة انطلاقها .. بعد ذلك لن تحسب الاجوبة ..
في حال حصول التعادل .. فإن النقطة تذهب للشخص الذي اجاب في البداية ويكون هو الفائز بمن سيربح العشرين...

ترسل الاجابات الى الايميل التالي :

bebe2003_86@hotmail.com

وسيتم عرض الاجابات بعد 48 ساعة من بدء المسابقة ..

:: كلما بعثت اكتر زادت فرصتك بالربح اكتر ::

المرحلة الاولى :

الاسئلة السهلة وعددها عشرون سؤال:

من هو اول من اسلم من الرجال؟ ابو بكر الصديق
ماذا يطلق على من لايكتب ولا يقرأ؟ أمي
من الذي يرى صديقه وعدوه بعين وواحدة؟ الاعور
اخو عمك وليس عمك؟ ابوك
ما هو الدعاء الذي كان يدعوه الرسول صلى الله عليه وسلم عند القيام بكل عمل؟ بسم الله
ماهي المادة التي تتجمد بالحرارة؟ البيضة
ما هو ابعد الكواكب عن الشمس؟ بلوتو او نبتون
ظرف مكان وعكس فوق؟ تحت
ماهي السورة الخالية من البسملة؟ التوبة/ براءة
تغير المادة من الحالة السائلة الى الحالة الصلبة؟ تجمد
ماذا يطلق على صوت البلبل؟ تغريد
السكون وعدم الحركة؟ ثبات
حرف عطف يدل على الترتيب والتراخي؟ ثم
ما عدد قلوب الاخطبوط؟ 3
المرأة التي فقدت ولدها؟ ثكلى
ما هو اقوى الحيوانات ذاكرة؟ الجمل
شدة الندامة على ما فات ؟ الحسرة

الاسئلة بالاستعانة مع الاحرف وعددها ثلاث اسئلة فقط لا غير:

هو الشخص المجيد والمتقن لعمله؟؟ ( حرف الباء ) بارع
هو ما يطلبه اهل القتيل من القاتل؟؟ ( حرف الثاء ) الثأر
لفظ يطلق على الرجل الكريم؟؟ ( حرف الجيم ) جواد

2007-05-09T09:44:00.000-07:00

ترقبوا

بدأ العد التنازلي

12/5

soooo sooon

gooooooooo

my 10 simple pleasures

2007-05-09T04:25:00.000-07:00

I've been tagged by a sweet lady
tererem tra .................
(( red rose ))
thank u swettie :: hug ::

List 10 simple pleasures and the rules are as follows:
a. You have to use the picture in my post.
b. You have to list exactly 10 points.
c. You have to tag 3 bloggers when you are done.

1. to hear a joke or see smth very funny w aw2a3 mn 6ole 3la elde7ek :P

2. to make someone laugh 7ata law kan 3lai w 3la elhabal :P

3. when I have smth I really need it .. w hek yeeje 3la faj2a after I lose hope.

4. when I hear Tamer's songs .

5. when I check my blog, post, visit other's blogs and comment w hek ..

6. when I finish studying in eljam3a elm3afne .. :P

7. lama altazem bel sala w lama mama w teta yed3ole … lama a7es ene 3aishe besalam .. :)

8. when I eat smth I really like … hehehe y3ne lama akon shab3ane bkon mabso6a ..:P

9. lama an7af law 1 kg elmohem an7af ..

10. when I do my hoppies … like ridding horses or swimming .. specially when it's summer time and sun bte7regna 2al and I'm in the swimming pool w elmai barda .. bkon m3arshe ..:P

11. ed7eket 3lekom mo ma6lob ella 10 looooooooool :P :: ebtesama makera ::

now ..... i have to tag three blogers .. but this is difficult l2eno everyone recieved this tag ..

so i'll tag those nice people, i think enhom weselhom but still they didn't answer :P

mla2e6, sharefooo, qwaider and nareyat ... looooooooool ya 7elwe ... :P

فرفشو شوي

2007-05-07T03:44:00.000-07:00

اوكي ... خلينا نفرفش شوي
قبل ما ارد على ...red rose لانها عملتلي تااغ بدي بس انزل هادا البوست وبدي اشكر الجميع لانو الكل ساعدني اني اتخطى مشكلتي .. وانشاء الله تخلص على خير

اوكي هلا بس شوفو الهبل:

احول ماشى فى جنازة امه يبكي ويقول آه يا خالتى.

سأل قاضي اللصوص:ماأسماءكم
فردوا تباعا: أنور ونور ومنير
قال القاضي منشكحا: ماشاء الله اهلا وسهلا.. نورتم المحكمة!!

محشش محمل حجاج, يوصيهم أن شديتوا حيلكم رجعنا قبل العيد

كان فيه نمله جالسه في اخر الفصل رافعه حواجبها ليه؟ امها شاده البكله

في كسول سألوه اول ماتصحى من النوم اول شي تسويه شنو قال اخذ قسطا من الراحه

في محشش سال سكران قاله ليش نشره الاخبار طويله قال: يمكن اليوم اخر حلقة

واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية!

lost

2007-05-05T12:02:00.000-07:00

i'm thinking of stop bloging...
no more posts ..
this is my decision that i'm working on these hours ..
i know i'm gonna miss my blog .. and miss u too guys .. but there is smth that is just not right .. maybe it's just a feeling .. maybe it's true .. i don't know .. i'm lost ....

بلا عنوان

2007-05-05T06:24:00.000-07:00

تضامن مع عبد حمدان والحملة الي بيقوم فيها البلوجرز ... قررت اكتب هالسكتشين البسيطين الي بيوضحو جزء من الفوارق بين اهل عمان الشرقية والغربية ... مع احترامي للجميع طبعا ... لكن هاي الاشياء موجود وما حدا بيقدر انو يلغيها ... وهون تناولت جانب واحد فقط ... واتمنى من الاخرين انهم يتناولو الجوانب التانية .. واتمنى توصللكم الصورة :

جاد ، محمد ، سماح ، سماء = عمان الغربية
خليل ، اسماعيل ، عايشة = عمان الشرقية

جاد شاب قبيح الشكل ... معه نقود ودفتر شيكات وبطاقات الإئتمان التي بها يجذب الفتيات ..

جاد : الله يكسر اليهود يخرب بيتها ما احلاها ... شقفة
محمد : اه والله ... بس هاي ما بتطلع على اشكالك
جاد : حبيبي شو ما تطلع على اشكالي هاي .. ليه انا شو ناقصني ؟؟ سيارة عندي وهلا بلوحلها بالمفاتيح .. موبايلي اخر صرعة يا زلمة والكريديت ما بخلص منو ... نظاراتي الشميسة ما بتنشال عن راسي ... لبسي من اغلى المحلات .. عندي فيلة طابقين ونص بعبدون ... وانا كووووول وخفيف دم ... شعري دايما ضارب سلام للسما ... شو ناقصني انا ؟؟؟ ليكون شايفني حفرتلي يعني؟؟
محمد : هاي الاشياء مو كل شي ياجاد ..
جاد : ولا عمو ؟؟؟ بدها احلى واغنى من هيك ؟؟
محمد : اكيد لو شافتك مو من مستواها ... ما بتطلع عليك..
جاد : اطلع على لبسها ... شكلو من منجو او زارة ... اطلع على هالكسم برو ( يعني بروذر = اخوي )
يقترب جاد من الفتاة ويكلمها : هاااااااي
سماء : اهلا
جاد : هاو ار يو ؟؟
سماء : فاين ثانك يو ..
جاد : ممكن احكي معاكي كلمة بليز ...؟
سماء : اوكي بس وين؟؟
جاد يلوح بمفتاح السيارة : بسيارتي ...
سماء: ياي عندك سيارة ؟؟
جاد : وشو مابدك ... ازا بتحبي بنروح على اقرب مطعم منو هون ...
سماء :اوكي وين ما بتحب بس خليني اكلم المامي احكيلها اني حتأخر شوي عشان بدي اطلع مع الشلة اصدقائي وصديقاتي نسهر اليوم بكوفي شوب ونشرب ارجيلة ... بتحب تيجي بعرفك عليهم ... يا عليهم شو زراف (( ظراف )) وكوووووووول ...
جاد : اوكي ... خليني اكلم البابي عشان ما يستناني كنت بدي اعزمو على عشا اليوم ... وانأرجل سوا ...
جاد يلتفت على محمد : اسمع حبيبي ابو الشباب ... انا طالع .. والله شكلي نازل حرمان ... يالله كل راس مالها 180 دينار على المادة وبعيدها ... سلام ....
*********************************************************

في الزاوية الاخرى من الجامعة :
خليل : ماشاء الله ما احلى هالبنت ...
اسماعيل : شو مالها عايشة ؟؟ والله انها بتسوى كل بنات العالم ... بكفي حشمتها وادبها واخلاقها .. حرام عليك لا تطلع على غيرها ... الي بيطلع عالي بتنكسر رقبتو ..
خليل : بس هاي غير شكل ..
اسماعيل : هاي ما بتطلع على اشكالك عمو ... هاي بدها سيارة وشي شي ..
خليل : تراهني ... عيوني الزرقا جذابة ..
اسماعيل : حرام عليك انت بتحب عايشة وعايشة بتحبك ...
خليل : استناني هون ...
خليل يتوجه الى الفتاه :
خليل : مرحبا ..
سماح : اهلا
خليل : ممكن كلمتين على انفراد ..
سماح : ههههههه كلمتين على شو !!!
خليل : حابب اسولف معك شوي ...
سماح : مين؟؟ انت؟؟؟
تلتفت الى صديقاتها وتقول لهم : هادا الي نائس ( ناقص بس بالعبدوني )
سماح : شو اسمك انت؟؟
خليل : محسوبك خليل .. وانتي ؟؟
سماح : ههههههههه شو بدك بإسمي ..
خليل : يعني بنت حلوة زيك اكيد اسمها حلو زيها ...
سماح : والحلوة الي متلي بتطلع على الي متلك؟؟ من وين انت ؟؟
ينصدم خليل : انا سكان عمان الشرقية ..
سماح: اها .. انا من الصويفية ...
خليل : عاشت الاسامي .. قصدي اهلا وسهلا ...
يرن موبايل خليل وهو نوكيا الكحلي ... يرن لحن اغنية اليسا .. يسرع خليل ويغلق الهاتف فقد خجل من رنة هاتفه القديم ..
سماح : اوكي انا هلا بدي اطلع على الكوفي شوب بتيجي معي؟؟ وتضحك باستهزاء ..
خليل : دقيقة شوي ... ويعود مسرعا الى اسماعيل ...
خليل : بلاقي معاك دينارين تعطيني اياهم دين يا خوي ؟؟ الصراحة بدها اياني اطلع على كوفي شوب بعمان الغربية ...
اسماعيل: شو بدها تعمل الليرتين؟؟
خليل : بناخد باص لدوار عبدون وبنشربلنا كاسة كوكتيل وخلصت فكت ..(( دوار عبدون؟؟ باص؟؟ مهوي الزلمة ))
اسماعيل : حبيبي اولا هاي الاشكال ما بتركب باصات ... عندها سياراتها الخاصة مو شايف مفتاحها معاها .. تانيا الكوفي شوب ما بكلف اقل من 12 دينار عمو ... وكل مصروف الشهر تاعك 15 دينار ..
خليل : الله يلعن ابو الفقر ..
اسماعيل : ثالثا عمو ... عليك محاضرات ... ازا بحرموك من وين بدك تجيب 47 دينار حق المادة ؟؟؟
خليل : معاك حق ... هظول عالم عايشة واحنا بعداد الاموات .. يازلمة راح ببالي اسرقلي شي محل ولا مطعم عشان اخدها على الكوفي شوب ... استغفر الله ... استغفر الله العظيم ... يا زلمة معك حق ... والله الواحد مش لاقي ياكل لقمة عشان يطلع بتكاسي وكوفي شوبات ووين؟؟ بعبدون والصويفية ؟؟؟ والله عشان يجيب ابوي حق تعليمي ... شال اللقمة من تم اخواني وحطها على تعليمي ... واداينلو قرشين حلال من ابو العبد ... والله الدنيا صارت غلا من الاخر ... يا حليلك يا عايشة .. الله يخليلي اياكي ...

الله يسترها علينا ....

مقولة

2007-05-03T05:00:00.000-07:00

يقال:

اقرب طريق الى قلب الرجل معدته

الطفولة ما احلاها

2007-04-30T09:48:00.000-07:00

اوكي هادا البوست ما بنفع الا بالعربي عشان انا بستمتع وانا بكتب عن طفولتي

red rose طبعا فكرةالبوست اجت لما قرأت

انا كنت كتير مشاغبة بطفولتي بس خليني ابدأ من الاحداث الغبية الي كنت اعملها بماما لما كان عمري 2 سنتين واطلعو :
اختي الكبيرة كانت مشاغبة على الاخير كانت تجنن ماما وانا متل التابع المساعد الي لاحق وراها
اول شي كانت عندها هواية تنفيل الغسيل ... طبعا ماما تغسل وتكوي وتصفط الغسيل وترجعو على الخزاين وتيجي اختي على طول تنفلو وتصير تصفطو من جديد ... طبعا ماما لما كانت ما تسمع صوتها كانت تكون مرتاحة بس بعد ما تفكر شوي وين البنت تعرف انها بتخربلها شغلة ودايما اول مكان ماما كانت تفتش عليها فيها هو الخزانة والمصيبة اني وراها
مرة ماما كان عندها عزيمة وكانت عاملة دوالي قبل بيوم وطبعا حاطيتو بالتلاجة اجت الاخت الكريمة ومسكتو وجابتلي اياه على غرفة الضيوف ماما كانت تليف الكنب وكانت تعبانة وطبعا مسكت اختي الدوالي واول ما ماما طلعت من غرفة الضيوف مسكت الدوالي حبة بحبة وفتفتتها فوق كل شبر بالكنب.. ومسحت الكنب فيهم ومبسوطة على حالها .. طبعا ماما ضربتني وضربتها لاني كنت مبينة اني مشاركة بالجريمة بس حرامها من ربها انا كنت دايما اطلع " براءة "
وطبعا حدث ولا حرج ... ماما كانت تحب تجيبلنا مجموعة كاملة من الشامبوهات والكريمات وهاي الاشياء وكانت تحطهم على الباينو مرة اختي الكبيرة مسكتني انا والي اصغر مني وحطتنا احنا الجوز بالبانيو ودخلت معانا المصيبة وبلشت بالكريم على راسنا وكل جسمنا والله متعبها تحط وتنضف منيح ... اجت ماما صارت تصرخ ... طبعا اجت بدها تضربها مسكتها من ايدها هديك حاطة كتير كريم فزحلقت من ايد ماما وصارت ماما تحاول تمسكها وهديك تلقائيا تزحلق ... وبالاخير لما خلص قربت تمسكها خبطت فينا تزحلقنا كلنا وهات ماما تعرف تنقذ وحدة فينا من البانيو الي صارت ارضيتو بتزحلق وتخيلو احنا اطافيل بريئين ما بنتجاوز ال4 سنين ...:) ههههه مجنونة اختي طبعا ماما ضلت اسبوعين تحمم فينا وشعرنا لا حياة لمن تنادي بيفتح مصنع زبدة :)
لما كبرت
كنت بنت نشيطة احب الحركات الهبلة
انا عايشة مع قرايبنا بالعمارة واحنا كتير صحبة الحمد لله .. تنين منهم كانو يساعدوني وطبعا كنا نعمل مسابقات والعاب ومهرجان كان اسمو مهرجان 2000 ... يالله الطفولة ما احلاها .. هاد غير البسكليتات والسكيتات والدنيا القايمة قاعدة وقبل المغرب ما حدا ينضب فينها الا لما يطلعنا سيدو نصير نلعب معاه غماية .. هو يصرخ واحنا نتخبى يجي يشوفنا نهرب لمكان تاني ... :)
كانو ولاد خوالي الي اكبر منا يعملو بيت الاشباح ... يجيبو ضواو حمرا وبخور وكتشب وهياكل عظمية واصوات يسجلوها ... شي من الاخر ... بس والله كنا نخاف وننرعب ...
غير البيت بيوت والعريس والعروس ومش عارفة شو ..
الطفولة روعة من الاخر ... انا بتمنى كل طفل يعيش الطفولة الي انا عشتها لاني قد ما احكي ما بعطيها حقها ..

my home ...

2007-04-29T13:00:00.000-07:00

الووووووووووووووو

2007-04-27T08:35:00.000-07:00

الكلام الي بالازرق هو كلام صار بعقلي الكلام الي بالاحمر هو مجرد تعليق

رن التلفون الرقم غريب انا ما بحب ارد على ارقام غريبة لانو ما صار وحكى معي حدا من رقم غريب بس بعد تردد كبير رديت على الخط:

انا: الو

الاخ: مرحبا يختي

انا: اهلين

الاخ : مين معي؟

انا: حضرتك مين بدك؟

الاخ المحترم: لا انتي مين؟

انا: انت الي طالب .. عفوا مين بدك ؟

- بدي عمر

- عفوا النمرة غلط

- شو يختي؟

- النمرة غلط طرش ولازمك طقم سنان لتسمع

- كيف غلط؟؟ مش هادا رقم عمر؟؟

- يا اخي هادا مو رقم عمر شو شايف صوتي يعني عمر او سعيد مثلا؟؟

- ليش مو رقم عمر؟؟ ابو الهبل

- سبحان الله ولله في خلقه شؤون ... اه والله

- شو قلتي يختي؟

- كنت اقول هادا مو رقم عمر واسمحلي ...

سكرت الخط رجع رن ... مرة ومرتين وتلاته .. رجعنا ردينا ..

- بالله يختي هادا تلفون عمر؟؟ انا عصبت

- يعني عفوا انتي بتسمع ولا لاء ؟؟ بحكيلك لا ..

- متى حكيتي لا؟

- قبل شوي كنت احكي لا مليون مرة .. اه نسيت اني ما حكيت لا بصورة مباشرة كنت احكي النمرة غلط هاي يمكن هندية ما بفهما

- ليه عصبتي يختي ليه معصبة؟؟ حصل خير ... مش مشكلة الخطوط بتتشابك ... بس غريب كيف انو هاظا مو رقم عمر !!!! الطم؟؟؟ رجع يحكيلي مو رقم عمر

- مش مشكلة حصل خير ...

- الا قوليلي هو عمر مو جنبك؟؟

- الله يجيبك يا طولة الروح ..

- انتي شو اسمك؟؟

- انا ساكتة

- يختي حابب اتعرف انا ... شو اسمك الكريم ؟؟

- سكرت الخط طبعا .. ابو الزناخة دخيلك ما اخف دمك

بعد نص ساعة ... بيرن التلفون الرقم غريب بس مو نفس الرقم ... بعد تردد قررت ارد..

انا: الو

هو: هلا يختي هلا كيفك؟؟ والله اشتقنا لهالصوت.. اوف ؟؟ صار مشتاق ؟؟ شو مشان اشتقنا لهالوصوت؟؟

انا: عفوا مين معي؟

- شو ما عرفتيني؟؟

- لا والله ما حصل الشرف

- ولو ... شو هالحكي ؟؟

- انت الي حكيت قبل شوي؟؟

- لا مو انا ..

- طيب عفوا شو بدك ؟؟

- لا بس بدي اطمن على الوظع عندكو . الوظع عندكو ؟؟؟

- عفوا شكلك ملخبط بالرقم..

- لا مش هاظا الرقم ******؟؟

بيعرف يقرأ كمان !!!!

- اه مزبوط بس عفوا انا ما بعرفك...

- انا عمر .. متصل اسأل ازا في حدا سأل عني ؟؟

يعني ازنخ من هيك انا بحياتي ما شفت ... والحلو انو الحلو :) لهلا بيرن وبيبعت مسجات بدو يتعرف ... يا عيني على شركات الاتصالات .. خصوصا هالشركة الي بتحسب بالثواني .. يعني مش عارفة هاي نعمة ولا نقمة .. مع اني انا غير شركة بس ضل يحكي لانو طبعا محسوبة عليه بالثانية ولا باعتلي يختي انا خط طالب مسجي بقرش ...:) ولا اشي !!!!!!! ..........

......... AND LIFE GOES ON

2007-04-24T01:41:00.000-07:00

many bad and good things happen ..

BUT life goes on .....

تسمم؟؟

2007-04-22T01:30:00.000-07:00

قبل كم يوم قرأت موضوع سعدية ومش عارفة مين زوجها عند

red rose وقرأت انو صار في تسمم شورما بمأدبا ..

طبعا انا العبيطة بحب الشاورما وكتوديعة للصرف والمصروف بسبب الرهان الخاسر تاعي هادا .. قررت اكل شورما ..

وطبعا اكلت صحن عربي كامل لحالي ... ووقع كل شي على راسي بالليل .. بالاول بدا عندي مغص وبعدين غثيان وبعدين انتو عارفين الباقي ... ولما رحت على الدكتور ... شو طلع يا حزركم؟؟؟

تسمم من الشاورما والمايونيز

طلعت سعدية هاي اشطر مني ...:)

تسمم؟؟؟

هاي اخريتها انا اخلص للشورما بحبي الابدي وهي نازلة تسمم فيني ...:(

how to manage .....:) I CAN'T DO IT ...

2007-04-18T08:42:00.000-07:00

can u be happy with only one JD in ur pocket? This one JD should be spent in a week…
if I give u 20 JD for a month … can u manage??
Plz . provide us with some details … :)

نكشة مخ :)

2007-04-17T03:34:00.000-07:00

تكشة مخ؟؟
شو هالصطلح الجديد الي صايرة اسمعو بالجامعة وكل مكان ...؟؟؟
نكشة مخ ؟؟؟؟؟؟؟؟؟؟؟؟؟؟
يعني سمعنا من الشباب عجايب .. ومنها :
تقعد على راسي
على راسي كل الكراسي
حبيبي ابو سمرة
يا وردة يا وردة
يلعن انا ولا ابصر شو هي
اموت طخ بفرد مي ...:) هههههههههههههه
وعرظ ابصر مين ...؟؟

شو هادا من وين بجيبو هالحكي ؟؟ ولسا في كمان وكمان .. عمرنا ما بنخلص لو بنا نحكي !!!
على كل حال .. بتمنى من اي حدا عندو نكته يكتبها بالتعليق ... يا جماعة الكل مكتئب ومدايق ... واحسن حل هو نتبادل النكت ...
:)