Saturday, May 5, 2007

بلا عنوان

تضامن مع عبد حمدان والحملة الي بيقوم فيها البلوجرز ... قررت اكتب هالسكتشين البسيطين الي بيوضحو جزء من الفوارق بين اهل عمان الشرقية والغربية ... مع احترامي للجميع طبعا ... لكن هاي الاشياء موجود وما حدا بيقدر انو يلغيها ... وهون تناولت جانب واحد فقط ... واتمنى من الاخرين انهم يتناولو الجوانب التانية .. واتمنى توصللكم الصورة :

جاد ، محمد ، سماح ، سماء = عمان الغربية
خليل ، اسماعيل ، عايشة = عمان الشرقية


جاد شاب قبيح الشكل ... معه نقود ودفتر شيكات وبطاقات الإئتمان التي بها يجذب الفتيات ..

جاد : الله يكسر اليهود يخرب بيتها ما احلاها ... شقفة
محمد : اه والله ... بس هاي ما بتطلع على اشكالك
جاد : حبيبي شو ما تطلع على اشكالي هاي .. ليه انا شو ناقصني ؟؟ سيارة عندي وهلا بلوحلها بالمفاتيح .. موبايلي اخر صرعة يا زلمة والكريديت ما بخلص منو ... نظاراتي الشميسة ما بتنشال عن راسي ... لبسي من اغلى المحلات .. عندي فيلة طابقين ونص بعبدون ... وانا كووووول وخفيف دم ... شعري دايما ضارب سلام للسما ... شو ناقصني انا ؟؟؟ ليكون شايفني حفرتلي يعني؟؟
محمد : هاي الاشياء مو كل شي ياجاد ..
جاد : ولا عمو ؟؟؟ بدها احلى واغنى من هيك ؟؟
محمد : اكيد لو شافتك مو من مستواها ... ما بتطلع عليك..
جاد : اطلع على لبسها ... شكلو من منجو او زارة ... اطلع على هالكسم برو ( يعني بروذر = اخوي )
يقترب جاد من الفتاة ويكلمها : هاااااااي
سماء : اهلا
جاد : هاو ار يو ؟؟
سماء : فاين ثانك يو ..
جاد : ممكن احكي معاكي كلمة بليز ...؟
سماء : اوكي بس وين؟؟
جاد يلوح بمفتاح السيارة : بسيارتي ...
سماء: ياي عندك سيارة ؟؟
جاد : وشو مابدك ... ازا بتحبي بنروح على اقرب مطعم منو هون ...
سماء :اوكي وين ما بتحب بس خليني اكلم المامي احكيلها اني حتأخر شوي عشان بدي اطلع مع الشلة اصدقائي وصديقاتي نسهر اليوم بكوفي شوب ونشرب ارجيلة ... بتحب تيجي بعرفك عليهم ... يا عليهم شو زراف (( ظراف )) وكوووووووول ...
جاد : اوكي ... خليني اكلم البابي عشان ما يستناني كنت بدي اعزمو على عشا اليوم ... وانأرجل سوا ...
جاد يلتفت على محمد : اسمع حبيبي ابو الشباب ... انا طالع .. والله شكلي نازل حرمان ... يالله كل راس مالها 180 دينار على المادة وبعيدها ... سلام ....
**********************************************
***********

في الزاوية الاخرى من الجامعة :
خليل : ماشاء الله ما احلى هالبنت ...
اسماعيل : شو مالها عايشة ؟؟ والله انها بتسوى كل بنات العالم ... بكفي حشمتها وادبها واخلاقها .. حرام عليك لا تطلع على غيرها ... الي بيطلع عالي بتنكسر رقبتو ..
خليل : بس هاي غير شكل ..
اسماعيل : هاي ما بتطلع على اشكالك عمو ... هاي بدها سيارة وشي شي ..
خليل : تراهني ... عيوني الزرقا جذابة ..
اسماعيل : حرام عليك انت بتحب عايشة وعايشة بتحبك ...
خليل : استناني هون ...
خليل يتوجه الى الفتاه :
خليل : مرحبا ..
سماح : اهلا
خليل : ممكن كلمتين على انفراد ..
سماح : ههههههه كلمتين على شو !!!
خليل : حابب اسولف معك شوي ...
سماح : مين؟؟ انت؟؟؟
تلتفت الى صديقاتها وتقول لهم : هادا الي نائس ( ناقص بس بالعبدوني )
سماح : شو اسمك انت؟؟
خليل : محسوبك خليل .. وانتي ؟؟
سماح : ههههههههه شو بدك بإسمي ..
خليل : يعني بنت حلوة زيك اكيد اسمها حلو زيها ...
سماح : والحلوة الي متلي بتطلع على الي متلك؟؟ من وين انت ؟؟
ينصدم خليل : انا سكان عمان الشرقية ..
سماح: اها .. انا من الصويفية ...
خليل : عاشت الاسامي .. قصدي اهلا وسهلا ...
يرن موبايل خليل وهو نوكيا الكحلي ... يرن لحن اغنية اليسا .. يسرع خليل ويغلق الهاتف فقد خجل من رنة هاتفه القديم ..
سماح : اوكي انا هلا بدي اطلع على الكوفي شوب بتيجي معي؟؟ وتضحك باستهزاء ..
خليل : دقيقة شوي ... ويعود مسرعا الى اسماعيل ...
خليل : بلاقي معاك دينارين تعطيني اياهم دين يا خوي ؟؟ الصراحة بدها اياني اطلع على كوفي شوب بعمان الغربية ...
اسماعيل: شو بدها تعمل الليرتين؟؟
خليل : بناخد باص لدوار عبدون وبنشربلنا كاسة كوكتيل وخلصت فكت ..(( دوار عبدون؟؟ باص؟؟ مهوي الزلمة ))
اسماعيل : حبيبي اولا هاي الاشكال ما بتركب باصات ... عندها سياراتها الخاصة مو شايف مفتاحها معاها .. تانيا الكوفي شوب ما بكلف اقل من 12 دينار عمو ... وكل مصروف الشهر تاعك 15 دينار ..
خليل : الله يلعن ابو الفقر ..
اسماعيل : ثالثا عمو ... عليك محاضرات ... ازا بحرموك من وين بدك تجيب 47 دينار حق المادة ؟؟؟
خليل : معاك حق ... هظول عالم عايشة واحنا بعداد الاموات .. يازلمة راح ببالي اسرقلي شي محل ولا مطعم عشان اخدها على الكوفي شوب ... استغفر الله ... استغفر الله العظيم ... يا زلمة معك حق ... والله الواحد مش لاقي ياكل لقمة عشان يطلع بتكاسي وكوفي شوبات ووين؟؟ بعبدون والصويفية ؟؟؟ والله عشان يجيب ابوي حق تعليمي ... شال اللقمة من تم اخواني وحطها على تعليمي ... واداينلو قرشين حلال من ابو العبد ... والله الدنيا صارت غلا من الاخر ... يا حليلك يا عايشة .. الله يخليلي اياكي ...
الله يسترها علينا ....

15 comments:

Anonymous said...

7aram ya benti! Jad?
loooooooooooool
l2 3njad Jad mesh hek...

Anonymous said...

nryat:
ana ma ba3mem sweety bs mo3zamhom hek .. ya3ne 7o6e ana mathalan b2ede mfate7 sayara badal alawe7 feha a3la mn 6ole bemetreen ... w lesh?? l2no el 2ensan be6abe3to ,, pride ..."" ana mo hek "" loooooooooool :P
sho malo jad?? mo 3ajbek sha3ratoo??

Anonymous said...

في منّو
بس مش كل من سكن عمان الشرقية شحاد... :) و 90% من سكان الغربية مفلسين.. عايشين عالمظاهر الكذابة

Anonymous said...

قويدر:
حتى لو كانو مفلسين وبشحدو ومو لاقين شي ياكلو بيضلهم مهتمين بالمظاهر ... انا ما عممت بس هاي النسبة الي بشوفها عندي بالجامعة .... سامع بمصطلح طنطات؟؟ مليان عنا بالجامعات منو ... هلا تعال شوف الباركينج مثلا بالجامعة الاردنية ... بتلاقي مليان شباب وبنات والحالة حالة واغاني وما بعرف شو .. كلو عشان يحكولك انو معهم سيارات .. معظم اهل عمان الغربية ما بيرضو يشترو من المخييم او من الاسواق العادية الخضرة .. بينما اهل عمان الشرقيه هاي اسواقهم .. وبعدين هم مو شحادين ما قصدتها بس ما معاهم ... ومرة تانية ما بعمم ابدا ...

Anonymous said...

looool


3anjad, eshi bebakki...la 7awla wala qowata ella bellah

Anonymous said...

Sad but true.. Nicely written though :)

Anonymous said...

abed hamdan:
yes .. esma3.. mara ana shofet mawqef metel hada .. i swear i was about to cry .. two guys were talking to each other, the first one told the second that he liked a girl and she is so sweet w men hal7ake .. when she passed by the second guy attacked him by telling him : 7afartaleye ya zalama .. i was chocked .. she is so cute 3bed .. wallahe trust me .. bs e7na bno7kom 3la elnas belmathaher .. anyway .. ya allah shu b7eb elbarem ana .. i garantee u that these too skitches happened ..bs m3 ta3'yerat base6a..

jasim:
sadly .. yeas it is true .. sho bte2dar te3mal ??ana b7kelak :
:: 9oret mo5 endeef:: elta3'eer yabd2 mn hona ..

Anonymous said...

yep I believe. Shofet agta3 mn haik, w sme3et 3an agta3 mn haik...allah kareem

Anonymous said...

abed:
gatee3a ele tegta3hom fog mahoma mag6o3een ... loooooooool
yes bet3esh w betshof w betsm3 :)

Sel3 said...

too sad, but to some extent true!

Anonymous said...

sel3:
yes .. to some extent yes .. bs ana ektashafet eno 3na a5af mn 3'erna .. kanat bent 5ale te7kele da2eman 3n elso3odeya .. homma ma3ndhom fa2eer w 3'ane bs 3ndhom thra2 fa7esh ...
thank u for passing by ..

Anonymous said...

والله يا عمي في منو :)

و الله يعين كل واحد على عقلوا ، عجبتني
سامع بمصطلح طنطات :D

Anonymous said...

na3ori:
سامع فيه انت؟؟؟ ههههههههه
مرة طنط بدو يعمل سكسوكتو مو عارف ليه؟؟ عشان بدو يعملها وهو ياكل علكة ... ههههههه هي اول نكتة بسمعها عنهم وبسألهم شو يعني طنط..لووووووووول مالنا ومال الطنطات ؟؟؟
اسمع عنجد انا ما بعمم في منهم ناس بجننو كتير .. عنجد وفي منهم رجال عن حق وحقيق ... بس بالمقابل في ناس هيك وهيك ... وهاي الفوارق بكل مكان ..

Anonymous said...

آه سامع فيه .. و شايف منو كمان للأسف ;)

Anonymous said...

na3ori:
بعين الله ...
لا وبنا نحرر الاقصى ونفتح بلاد الرافدين ونرسل جيوشنا الى اقاصي الشرق ... وكل هادا مين بدو يعملو ؟؟؟