Sunday, August 19, 2007

برلمان البلوجرجية (1) الماااااااااااء



حاسة حالي هلا بدي اعمل برلمان بلوجرجية ..فكل من له صوت يضم صوتو ويتناقش معنا هون ... بس خليكم سوا سوا ...
القضايا الي حنتناقش فيها كتير لكن هلا اهم قضية هي المي




الماااااااء





في شي اهم من المي بالحياة؟؟ في شي لازم يتوفر للمواطن اكتر من المي؟؟ :: اه الضرائب :: يا جماعة احنا ما بنا قصور ولا بنا حدائق فاخرة يستفيد منها السائح لما يجي .. بتحكو السياحة بتزيد دخلنا .. بيجي على هالبلد من ما هب ودب .. بتكتر هالسيارات بيعملو ازمة بالشوارع بتصير بدل ما توصل على بيتك ب10 دقاق اضرب الرقم ب 3 عشان تعرف كم الطريق صارت بدها.. من بيتي للجامعة الاردنية والعكس عمرها ما اخدت مني اكتر من 10 دقايق عمرها .. هلا بنص ساعة لحتى ما اوصل .. :: يعني بدي اصحى بدري :: غير الحوادث الي بتصير من ورا هالسكرانين الي جايينلي .. واي ساعة ازمة .. صبح ليل ضو عتمة الامر واحد وسيان



....مو موضوعنا الازمة هلا بعدين .. موضوعنا انو انا كل ما اسئل اهلي وين المي؟؟ قال ما اجت.. طيب ليه ما تيجي الها تقريبا 3 ثلاثاءات :: غطرشو على الجمع :: ما عم تيجي واحنا عمارة كبيرة ماشاء الله فيها 8 بيوت .. يعني كلنا بنا نستهلك مي وكلنا عيل .. طيب ليه ما بتيجي ؟؟ المي خفيفة بالاردن .. اممممممممم ما هو وين راحت المي الي كانت معيشتنا هالسينين؟؟ :: شكلهم يأجوج ومأجوج نزلو فيها من تحت لتحت:: ما على اساس مخزون المي ما بيخلص قبل 50 سنة.. بشوف خلص .. صرتو غصب عنكم تجيبو صهاريج مي كبيرة ..طيب هادا مو مصروف جديد لما يكون الواحد ب 25د وكل اسبوع واحد وبالاخير بتيجي علينا فاتورة المي عادي كأنها المي من عندهم .. بحكي هيك ومحروق دمي لانو عنجد مو عيشة ... كنت لما اروح الصبح على الجامعة بالباص اسمع برنامج الوكيل.. كتير كانو يشكو عن المي .. انها ما عم تيجي .. طيب يالله ورونا شو جابتلنا السياحة بالهلبد ..!!!!

18 comments:

MQabbani said...

اي عادي يا بنت الحلال

هي مشكلة المي انا بذكرها من زماااااااااان , نحنا عمارتنا عالية و المي ما كانت توصل للخزانات , بس صارت توصل , صارت تنقطع ,
بعدين المي وين راحت ؟؟ظههههههههه

انتي ما بتعرفي انه الأردن يعتبر من اسوء الدول في تخزين المياه , يلي بشوف المطر يلي الله من علينا في , بحكي هي البلد غنية , بس المي كلها عم تروح هدر يعني ما عم نستفيد من مياه الأمطار متل ما هوة المفروض
انه يكون في تخزين , بس يلي عم بصير انه مافي جاهزية لهيك شي

sweetlikearose said...

لا ما لازم يكون بالنسبة النا هادا شي عادي .. يعني المشكلة انو المي الي عنا يا دوب تكفينا .. بس لما يجو الناس من الخليج ومن باقي دول العالم بصير الطلب عليها كتير.. بتزكر زمان كانت المي ضعيفة كتير .. وما كانت تطلع على الخزانات عشان هيك جبنا ماتور وصرنا نفتح المي على البير.. بس بعديها بطلت تيجي بالمرة ..وصح احنا ما عنا استفادة من المياه بالصورة المثلى .,.. بس اتوقع هلا ضاع وقت التفكير بهالشي.. صار لازم يستخدمو سياسة احسن البترا صارت من العجايب هلا والسياح حيكترو والبترا كلها غبرة معناتها كم مرة بدهم ياخدو شاور؟؟؟؟؟؟؟؟

Adoosh said...

طب مش ضروري المي, بنشرب بيبسي..

لأ جد,
برأيي المشكلة مش في قلّة المصادر, هاي السعودية ماعندهم مي بالمرة بس خلقوها خلقة..

بس حكومتنا الرشيدة شاطرة تفتّ بلاوي دعايات مشان الله صوتوا و ولولوا للبترا
بس مش عارفين مثلاً مثلاً يعملولهم لاسمح الله مشروع تحلية!

sweetlikearose said...

adooosh:
خلينا نكون واقعين.. احنا شعب بنشحد علينا وهاي المشارع متل التحلية كتير بدها فلوس.. السعودية ما عندها مي اه بس عندها نفط تبيعو وتجيب من وراه فلوس تعمل المشاريع هاي .. طيب والاردن دولة صغيرة ذات موارد محدودة.. ما عندها لا الذهب الاسود ولا حتى الاصفر كمان .. العالم كحيانة ومن وين بدهم يجيبو ثمن متل هيك مشاريع؟؟
بس متل ما حكيت .. الفلوس ما بتتوزع حسب الاولويات .. هلا التصويت للبترا اهم من انا نعمللنا مشروع نخبي فيه المي ؟؟وها ولسا ما اجت السنين الي بيحكو عنها واحنا بهالوضع وكيف لو اجت؟؟

Adoosh said...

لمّا تيجي هديك السنين بنصير زي الصومال و رواندا,
طابور مثل باصات رغدان - السلط الصبح, كل واحد حامل جلن أو طنجرة وبدّو يعبّي مية اليو لدارهم من الحنفية الوحيدة اللي بمركز كل محافظة..

ملاحظة: هذا العرض يستثني أصحاب العطوفة والمعالي والسيادة اللي لازم تتغيّر مية المسبح اللي فدارهم كل يوم, لإنو مش معقول عطوفته أو حرمه المصون أو حتى حيواناتهم الأليفة تسبح بمية مبارح..

Mohanned said...

Kol el 7ag 3la syria ya qabbani, 7awwaloo kol mayyet el yarmook o sad el "we7deh" fadi..Alla ysam7o 3ammo bashar..

Esma3i 7'alto, sawalkoo beer mayyeh mn mayyet el sheta, o let go medieval..

Bas ya3ni ya wardeh fee nas lazem tsafer o telbas awa3ii a7'er model o terkab a7la sayyarat 3la 7sab o7't el sha3eb..

Bas zay me begool el mathal:

"etha nas 7awal ye3'tasbak o ma gderet tshallef, 7awel testamte3"

Allah y3een el sha3eb, sarlo mn zaman o hoo be7awel yestamte3 :)

darkrain said...

موضوع داخلي اردني اردني وما بحقلي اتدخل بلاش بكرة لما اوصل رغدان الاقي القوات تتقدم
بس ممكن نصيحة
وين المي اقل انقطاع، العروض قدامي:
ابو نصير
صويلح
ماركا الشمالية
مقبرة سحاب

sweetlikearose said...

adooosh:
يعني انا حاسة انو احنا متل الصومال اوريدي بس يعني متخبيين شوي ..
ولووووووووووول على رغدان السلط هديك الاكثر طلبا البقعة صويلح شو مالك الله يسامحك؟؟
اما بنالسبة لعطوفتهم .. لا هم بيحقلهم ما هم بيتعبو عشان الشعب ..:)

mohanned:
والله انا شايفة انو ناس بتستمتع بجمال المي وبتغسل وبتشطف وبتعمل كل شي :: قصدي اخوانا في سوريا :: واحنا بنتشحتف على المي بنستنى التلاتا من التلاتا للتلاتا عشان نعمل كل شي مرة وحدة .. الله يهونها... وبعدين احنا عنا بير .. وماكانت المي تقطع لانا بنعبي التنكات فوق وبنفتح المي على البير .. عمرها ما انقطعت بس هلا صارو يضخو اقل .. واحنا ننغصب انا نعبي من برا .. وهاي المي الها مميزات اضافية .. على اساس انو الماء لا لون ولا طعم ولا رائحة بس هون بتشوف كل شي الله وكيلك :)
والشعب والله ما بحاول يستمتع الشعب بحاول يعيش وبس :)
وبعدين شو هالمثل هادا؟؟ لوووووووول مين هالي ألفو هادا ..؟؟
thank u for passing by :)
:: wa7ad bewaze3 choco 6aybe::

darkrain:
والله الصراحة انت ما بدك هالموضوع من اولو لأخرو .. بس انا بنصحك تيجي وتجيب مياتك معاك لانو ما في عنا مي كفاية بلاش ما تتشحتف وتتشرشح متلنا .. وافضل مكان تنزل فيه مممممم صدقني ما بعرف ,.... حاول اعمل استفتاء الشعب ..

Maher said...

ma3alesh 6awle balek Bee :P
wallah betsad2e eno ba3raf nass they shower with mayyet se77a? yes!! they do! el benet bet'7aaf 3aala sha3arha!

sweetlikearose said...

maher:
ah enta bada2et 9a7 mee ... w ana kont bedde a6awel bale .. bas eza kont nawye ahade ba3d ele 2areto msta7eel .. sho 3la balha bblash ta5od shawer be mayet se7a??sho e7na ween 3aysheen?? hat 3enwanha ana ba3raf atfaham ma3 hek nas .. sorry bas hai tafaha :)
:: WELCOME back :P ::

Maioush said...

sho ya Bara2, ya3ni ma neeji nsayef b amman?? wella neeji o njeeb el mayeh ma3ana.. tayeb el wade3 bel sheta mnee7?? hehe mesh 3arfeh, elmayeh moshkeleh sara7a, e7keeli eamta bejeebooha mshan a3raf eamta aji :)

redrose said...

شو يا نعجقتلي يومين لقيتك ست براء عاملة برلمانات هون؟
يا عمي عالم مدعومة

نحنا منغسل يوم السبت و بنعبي البير على أساس مو مترين و بنحاول ما نستهلك زيادة قبل ما يحنوا علينا و
تيجي المي

بدك الحق ماا عنا لا بحر و لا نهر و السنة الشتا اجا بشهر 12 و خلص بتنين..يعني ما منلوم الجماعة

sweetlikearose said...

maoushe:
walek ente 7ale estethna2eye .. looooooooooool ta3ale be2ai wa2et ente be3yoone ba7o6ek .. walaw ya mai??bas ana ma ba7ke 3n kol elzowar akeed ba7ke 3n nas mo3ayaneen w ente law in Jo bte3rafe ana 3n meen ba7ke :P ama entee??walek bas ta3ale ente :) amma belsheta la elmoshkele a5af kteer bas belseef hek :: warde 7amraaaaa kteeer ::

red rose:
اهلا اهلا
يا اهلا والله بهالطلة :)
بتعرفي هو انتي معك حق بقلة المصادر بس احنا ما عنا سياسات ترشيد للمياه ولا حتى تخزين .. امكانياتنا سواء من موارد مادية او طبيعية ضعيفة بس اكيد في دول من الكبيرة يمكن بتعاني متل ما احنا بنعاني لكن بيعرفو يمشو حالهم .. انا بحكي عن الصرف الزايد بالصيف .. بس لفتي انتباهي لنقطة مهمة المطر بطل يجي .. هادا لانو احنا شعب ربنا ما بندعيه الا لما ينزل فينا شدة .... :)
اما عن البرلمان لسا في جاي برلمان نقاش اخر ..
:: واحد بيوزع بكيت شكلاتة جلاكسي لحقي حالك لانها مطلوبة هاي الشكلاتة :) ::

Life said...

WOW.. this is fun!
Bas azon el parlaman tab3an en7al.. fa sho sar fe barlamanna??

Mala2e6 said...

انا كنت جاي احل البرلمان ما لقيت مي
هيهي
دبشة

المهم

انتي شو بدك بالزبط؟

تظليش كل يوم و التاني عامليتلنا قلق بلبرلمان بدي اعرف انام


شوفي بالعربي المي عم تتعبى و تنباع قناني

مش موفية معنا

الابار ماسكها فلان و علان

منبعتلك اكم صندوق تتحممي فيهم

(رشوة

شوفيلنا موظوع نناقشه محرز
كيف نعمل مهرجان جرش شتوي و كم تكلفة تغطية المدرج و هل ستلبس نانسي فستان صيفي وا رح تفقس الشبيبة

و طرااااااااخ

رفعت الجلسة

ياللا عالبوفية

sweetlikearose said...

life:
ana ma5de elwade3 jad wallahe .. 3ashan ele beseer she bezahe2 .. bas wallahe ma 7ada be6ala3 3la el parlaman so it is for fun :P
7abebte ho en7al la2eno ANA e3melet had el parlaman :P w ana el2sas sho malek ente ?? :P


mala2e6:
لووووووووووووووووووووول تحشيش والله حلوة هاي عجبتني ..هههههههههه
لوووووووووووووووووووول تحشيش يا بنت والله .. الابار ماسكها فلان وعلان صح ..
وانا بعتذر عن موظوعي السخيف المفروظ احكي عن فستان نانسي عجرم .. وعن مهرجان جرش .. هاي مواظيع اهم وبتهم المواطن اكثر ..
حقك على راسي سيدنا
وعلى البوفيه مابفيد الواحد غير بطنو :)

hamede said...

Wa7ad gahwah bedoon maya.

sweetlikearose said...

hamede:
hehehehehehehe
loooooooooooooool ya 5ofe tkoon ro2ya sa2eba lalmosta2bal :P
gaweyee :P