Wednesday, June 27, 2007

ردوا على النسواين لنشوف شو اخريتها..

يمنع قراءة هذا البوست لمرضى السكري والضغط ووجع الرأس والأنف والأذن والحنجرة ... وامراض الفوبياز والنساء الحوامل والرضع واي شخص عصبي وما عندو طولة بال وبنرفز بسرعة .. كما ونحذر الاخوة المشوبين بضرورة اتخاذ الاجراءات الوقائية المناسبة من ارتفاع درجة حرارتهم بعد قراءة هذا البوست .. شاكرين لكم حسن تعاونكم ..
الرجاء قراءة هذا الاعلان :
لمن يهمه الامر.. انا ما بحب البوستات الطويلة ... بس للأسف مضطرة على هادا البوست .. فيرجى ان تعذرونا ..
update:انا ما رحت اليوم على الجامعة مو ناقصني انا شرشحة .. انا عنجد مكسرة وتعبانة الله يسامح الي كان السبب
لا مو معقول الي صار اليوم بعمان .. يعني خلينا نحط درجات الحرارة مؤقتا على جنب .. اليوم وانا رايحة على الجامعة الصبح ، نشامى الوطن واقفين على طول السايدين .. كل 100 متر واحد .. طبعا يعطيهم العافية .. لانو بالتأكيد عملهم شاق ومتعب .. يعني اول شي واقفين مو قاعدين تاني شي تحت الشمس وتحت الشوب الله يعينهم .. مو هون القصة يا ريت هون القصة .. طبعا انا بلشت اتسائل انو ليه كل هالاشي يعني .. هلا لما خلصت دوامي بالجامعة بدي اروح .. وقفت استنا باص مافي باص بناخد تكسي .. هاتي يجي باص او تكسي .. سلامتكم لا هادا ولا هادا .. بالاخير اجى النشمي ابن الحلال وصار ينادي المنادي :: الكنترول :: بهالناس : يا اخوان احنا ما حنوصل اي مكان بعد المدينة اخر مكان حنزلكم فيه هو المدينة .. انا عقلي الصغير بالحجم الكبير بالمفعول قرر انو اوكي بنزل هناك وباخد تكسي لبيتنا .. وبدأت تنفيذ الخطة ... ركبت هالباص .. مشى الباص فينا .. قبل الراي طلع طلعة ما حدا عارف هو وين رايح .. حكينا ماشي انخطفنا .. بس:: ان بعض الظن اثم :: المهم حضرتو ما بعرف الطريق .. وأخ من الي بيرد على النسوين اخ .. في وحدة حكتلو انها بتعرف .. وحضرتها مشت معاه ودلتو لما وصلت باب بيتها نزلت وحكتلو شكرا .. :: يعطيكي العافية يختي مشكورة:: وبعدين يا عمي بنا نطلع من هالمنطقة احنا وين : انتو بتلاع العلي طبعا انا عصبت :: حبيبي ابو سمرة شو وصلنا على تلاع العلي وحد ربك !!!:: المهم حضرتها نزلت وبعديها بلش عمو يلاخم .. تيجي يمين نروح شمال .. وعلى هالحال 10 دقايق طبعا بالاخير نزل كل الركاب .. طيب يا عمي احنا بنات بشوارع ما بنعرفها .. يعني رجعنا على القليل على الدوار مو طالبين اكتر من هيك .. قال لا انزلو ..:: طلع مو نشمي:: المهم انا ومجموعة طبعا ما بعرفها من البنات قررنا ناخد تكسي يوصلنا على القليل للدوار .. يعني احنا مو عارفين الطريق ..المهم هاتي تكسي يوقف ... مشينا مشينا مشينا .. ولا هو احنا قدامنا السيفوي .. عليم الله لما شفنا السيفوي اني كنت بدي انط من الفرح .. انا اعلم اين نحن .. المهم ومن السيفوي نستنى تكاسي على الفاضي .. وبالنهاية انفضت الجموع الغفيرة كل وحدة على بيتها .. مشيت تحت الشمس حوالي 45 دقيقة طبعا لا ما اكلت هوا ابدا كزب هادا الحكي .. تلفونات ما خليت مع كل العالم حكيت ما حدا فاضي وازا فاضين مو عارفين يوصلوني .. بالله هادا حكي؟؟ الناس مرمية بالشوارع متل الشرايط وسوري على هالتعبير كل واحد تلفونو على دانو بيحكي بدو يدبر توصيلة .. والناس كبار وصغار ماكلين هوا .. انا الحمد لله بيتي قريب يعني بساعة الا ربع كنت بالبيت بس البنات التانيات لو بدهم يمشو لبيوتهم على امل انهم يلاقو تكاسي متل ما صار معي ما حيلاقو وحيكملو لبيوتهم بساعتين ازا مو اكتر .. الله يعين ..يعني اهلا وسهلا بضيف الاردن بس شو دخل الطرق تتسكر .. عنجد تعبت ..انا هلا طولت عليكم .. سوري بس مدايقة كتير من الي صار .. طول الطريق وانفي ينزف دم وراسي يدور ومولعة وحاسة انضربت انضربت .. والله اني عنجد خايفة من هالشغلة .. اكتر من مرة فقدت توازني وانا ماشية وبعيد عنكم مو لابسة شوز مناسب للمشي ابدا .. بعين الله ..
شكر وتقدير: لكل حدا ساهم في هذا العمل ..من اول واحد شرشحني اليوم لاخر واحد ..كما واشكر صاحب الباص الي تركنا بمكان ما بعرفو واوجه شكر معطر بالفل والياسمين الى البنت الي حكتلو انها بتعرف الطريق بس للأسف وصلتنا على بيتها وحكتلنا بي باي ... عشان هيك الرجال لازم يكونو تقال ...واشكر مالك السيفوي الي بنا السيفوي عشان هو كان عارف بيوم من الايام شلتة البنات التاهية حتستدل فيه ..
كما واوجه شكر خاص لجميع المشاهدين والقارئين وبتعرفو تكملة الباقي عمرنا ما بنخلص ..
عبرة اليوم او الدرس المستفاد من القصة : لا ترودو على النسوين بالطرق .. فإن العاقبة شديدة

19 comments:

Life said...

bara2....

esma3i ea bent.. ana lazem a3taref... o el e3teraf bel zanb fadelah.. 3am bansa afot 3a blogek.. asfeh.. o bsara7a.. ana el 5asraneh..
ea3ni sho ra7 3alai ashya2aaaaaaaat... :D walek sho sayerlek.. menfat7a kare7tek 3al 7aki.. o sayra dawaweeen 3al a5er.. baas agwa no3...
:) 5alas men hon tale3 awal blog ente.. :)

Adoosh said...

LOOOL you cracked me up 3a sa3et hal masa :D
tell me about taskeert el.shaware3! I got stuck for 45 minutes be share3 el.este8lal this morning and got late to work w sme3telly kelmeh kaman..

Mala2e6 said...

bara2..ya 7aram..kol yom film..batalti bara2 serti cinema..

sho hada wallahi law ana la adawer 3aleeha w amza3ha kaff ajeeb akhertha..wa7deh ananeyeh..

walla ya bara2 ana khayfeh 3aleeki min hal saifii..deeri balek 3a 7alek w ana 2oltelek mosta3edeh aji at6awash bass ba3 il 7 masa2a..3ashan il 7ar mish nadaleh mini

bara2 said...

life:
u sweetie ... no prob nora7eb be3terafatkom ... walek 3arfe ene mn awal ma wselet lahal2 ma shelet elsama3a 3n dane??barem barem barem 3n ele sar w kol sa7bate betaslo bet5awato .. ya walade law 3nde 3adad kan zamaaaaaaan enfajar :P
welcome to u in my talkative world sweetie .. ::rose kbere w re7etha 7elwe ::

adosh:
loooooooooool got stuck mo zai mashe ya mo3eeeeeeeen ... ta7t elshams looooool wala eshe 7aseer 3abde .. looooooooool ana ma sme3et kelme .. ana dalet a7ke mn awal ma wselet lahal2 wallahe i swear .. looooooool good for u ..

mala2e6:
looooooooool sweetie ana kaman jahze lal6oshe .. sho sarle zaman barda7?? bs wallahe mn awal ma dawamet lahal2 w el 27dath monhamera 3la rase .. kol uoom film hada ele ana msta3'rebe mno :P
thank u ma bet2asre ya elnashmeya .. :P

Mohanned said...

El 7ag 3l3ki lwesh mesh labseh shoes zay el 3alam?

bara2 said...

mohannad:
looooooooool el6ag 3la ele 9ana3 el shoes in the first place :P
thank u for passing by
::wa7ad bewaze3 choco la7eg 7alak::

MQabbani said...

هههه

ايش عمو براء و ضعك صعب انا اليوم كنت ما رجت ولا اجيت لأني حسيت بالهدلة

اذا كل مابدو يجي ضيف عزيز هيك بدو يصير مشكلة كان السيارات فوق بعضها و الناس كعابي

بعين الله

bara2 said...

mqabbani:
عمو قباني عين العقل انك لا رحت ولا جيت .. والله لو بعرف انو بدو يصير معي هيك كان بديش روحة الجامعة بس يالله بعين الله :)

wonders said...

Hi sweet bara2, you sound like a petite cute girl o 7ram yser hek! by the way why you didn't take the bus number you can file a complaint against him. 3la 5a6ro y3ne!!

the first few months in Dubai while suffering to get the driving license i went through hell just like that.. i know how you feel girl.

Na3ouri said...

يعطيكي العافية و الله يشرشح كل مين شرشحك
ترا الحال من بعضه .. يعني لسا ناعوري كان وضعه اسخم لانه الضيف الكبير نزل عنا بمطار عمان المدني - ماركا
و اوعي تفكري انه كان فيه ازمة لأ نهائياً ، و وصينا على اكل من عند بوبايز و اكتشفنا لاحقاً انه الزلمة تبع الديليفري وصل المطار و الشرطي كحشو و رجعه عالمطعم :)
و اضطرينا نطلعله عالدوار فوق عشان ناخذ اكلاتنا
بس ليش الحكي والله يعني حكولنا انه الساعة 3:00 راح يوصل الضيف فوقفت استناه على شباك مكتبي و لما وصل كان المنظر رائع جداً قدام عيوني ، هبطت طيارته عالارض و حواليه 4 طيارات حربية حرس حول الطيارة
و صورت الطيارات المرافقة يلي اجو معه بس طيارته ما قدرت اصورها للأسف لانها واقفة بعيدة عني كثير و حواليها حرس
و اهلاً و سهلاً بالضيف الكبير

bara2 said...

wonders:
to be honest .. i don't know what is ur gender.. i assume that u are a girl??sa7??
anyway,thank u sweetie for ur nice words .. actually today i'm not feeling well abadan ..
the idea of taking the bus nu : how stupid i'm!!!!!!!!!!! i didn't even think about :P kol ele kont afaker feh::: bedde arawe7
thank u sweetie for ur lovely comment, have a nice day :)

bara2 said...

na3ori:
انا تشرشحت بحياتي يا ناعوري مبارح .. الحكي مو متل الي صار .. انا مبارح فزعت الدنيا والكل اتصل اطمن علي .. كنت منيحة صراحة يعني تعبانة ارهاق عادي .. بس انا التعب حل علي اليوم.. مو طبيعي شو مكسرة .. وراسي بدو يتفجر .. يعني انا وامثالي هيك .. انا جزء بسيط من هالعالم الي علقت بالازمة مبارح .. كيف الي علقو تحت الشمس ساعات اطول؟؟والناس الي كانت مرمية بالشوراع مو لاقية باصات ولا تكاسي ولا سيارات تاخدهم؟؟يعني سكان الزرقا مثلا انا مرقت من عند باصاتهم ولا باص مارق ليه؟؟لانو الطريق مسكرة والدوار مسكر من وين بدها تيجي الباصات؟؟شوف هدول اديش حيستنو؟؟ وازا انت بمكتبك وعم بتراقب فأنا تحت الشمس ..:(
اهلا وسهلا فيه يا سيدي ...

bara2 said...

معلومة:
ابن اخو صاحبة ماما توفى مبارح من ضربة الشمس وعمرو 17 سنة .. طلعت انا اهون بكتير .. كمان سيارات الاسعاف الي كانت تنقل المرضى المستعجلين خسرت كتير من مرضاها ... كمان معارف النا خسرو ابوهم الي ما قدرت سيارة الاسعاف تنقلو على المستشفى بالوقت الازم
عنجد انا لله وانا اليه راجعون
انا هلا متل الاموات .. والله ما بعرف كيف عم بكتب ..

FreeSyrian said...

وهي وصلنا لمدونتك, بفضل الأخ موفق, قدرنا نفك الحجب...

_______

عليكي العافية, مرة صارت معي, إنو لا تكسي ولا ميكرو, فاضطريت أمشي تحت الشمس, حسيت حالي تبخرت...

شربي مي كتير :)

_________-

سلام, لسه في مدونات كتير على بلوغسبوت لازم أعملهم زيارة

bara2 said...

freesyrian:
اهلا وسهلا
نورت المدونة
والله شربت مي عن عمري .. على الفاضي .. الشمس كانت قوية كتير ... انا مافيني اكون اقوى :)
thank u for passing by
:: 1000 warde ::

Moey said...

ya 7aram.. take care girl

bara2 said...

moey:
thank u enshallah i will ...
thank u for passing by

wonders said...

:D you made me laugh bara2!! yes i am a girl!!
elmohem it passes 7amdullah...
take care

bara2 said...

wonders:
hada daleel 3la zaka2e :P
looooooool la7ale 3refet :P
do2o 3la el5ashab w salo 3la elnabe :P