Thursday, August 2, 2007

ليلة مرعبة تحت ضو القمر ...

مافي احلى من ضو القمر بالليل يطل من شباك غرفة الضيوف وانا انام على الكنب واطلع عليه .. فعلا روعة .. والقمر بيسرع بيسرع وبيتحرك وبينزل من فوق لتحت .. وانا براقب .. وضو الغرفة مطفي .. الدنيا كانت حوالي ال 11 بالليل .. الدنيا مو ليل ليل مهي صيف وبالصيف الكل سهران .. بعد شوي غفيت على الكنباي .. ولما صحيت كانت الساعة حوالي ال2:30 .. صراحة خفت .. بس مو كل هالشي ... قمت بدي افتح الضو .. سمعت صوت .. صوت قوي كتير .. ما كان قريب بس هو زي صوت اشي بينزاح من مكانو .. اجتني الشجاعة اني افتح باب غرفة الضيوف من غير ما اضوي الضو .. وامشي واتأكد من باب البيت انو مسكر بالمفتاح .. كان مسكر ... دخلت بهدوء لجوا .. اعتمدت على ذاكرتي بحفظ الاماكن .. ماطلعت صوت .. الصوت بدأ يقوى .. بدأ يقوى كتير .. في صوت حدا عم بيحرك الاشياء .. انا خفت ووقفت بمكاني وفكرت .. انو يمكن وحدة من خواتي او اهلي قايم بالمطبخ .. بس الصوت مو بالمطبخ .. تحركت على المطبخ شوي شوي .. توقعت اشوف شي بس ما شفت .. لفيت شوي بالمطبخ .. مافي حدا ورا التلاجة جوا التلاجة ورا الخزاين جواهم شوي شوي افتح على الفاضي مافي .. دخلت على الممر .. وهو بيوزع على الغرف .. غرفة ماما وبابا مسكرة .. غرفة خواتي مفتوحة دخلت عليها .. مافي حدا .. بس الصوت عم بيقوى .. وعم بحس انو لحظات وراي ...مافي حدا .. خواتي كلهم بأماكنهم .. الكل نايم .. بدأت اتعب .. بدأت احس انو خلص يا بنت طلي من الشباك يمكن تلاقيه برا .. قربت على الشباك وطليت .. ما كان في صوت .. بس شفت خيالات .. شفت خيالين .. خفت وقمت ابعدت شوي شوي .. وصحيت اختي الكبيرة .. صحيت مفزوعة وقامت .. طلت من الشباك وهي مش فاهمة شي شبه نايمة .. حكتلي وهي نعسانة : يمكن حرامي .. وراحت كملت نومها ..ميييييييين؟؟ حرامممممممي؟ طيب شو حعمل ؟؟ حكيت بدي انام بالغرفة بس نسيت الموبايل بغرفة الضيوف بدي ارجع اجيبو واحطو جنبي .. وانا راجعة حسيت بالصوت.. وحسيتو هالمرة عند داني .. خفت اطلع لورا خفت كتير .. بس ضليت ماشية ما بعرف ليه .. لحظة من اللحظات كنت بدي اصرخ بس صرت اسمي بقلبي ومشيت .. ولما وصلت الغرفة .. حسيت شي مسكني .. هيك لمسني .. طلعت لورا مافي شي .. خفت وصرت ابكي .. فتحت الضواو صحيت الكل .. فزعت الدنيا .. قومو انا خايفة قومو ..ولك من شو خايفة ؟؟ احكيلهم الي صار يطمنوني .. مافي مافي شي يا هبلة وهادا انتي بتتخيلي ..بس انا متأكدة انو شي لمسني كيف يعني؟ .. ليلة كبيسة .. ماكان في حدا بالبيت .. ما اطمنت غير لما فتشو البيت كامل .. رجعت بدي اكمل نومي .. فجأة حسيت بصوت الأذان .. اها اكتشف انو هادا كلو حلم .. هو مو حلم هو كابوس .. بس حسيت انو انا عايشة فيه كيف اوصفلكم؟ يعني كأنو عنجد عم بيصير معي وانا مو خويفة ولا جبانة غير شوي...والغريب انو انا صايرة تصير معي ظاهرة انو بعض الكوابيس بتتكرر اكتر من مرة .. مع اني بقرأ المعوذات قبل النوم بس خلص يعني متل هيك حلم اكتر من مرة احلم فيه بس احس كل مرة انو انا هاي اول مرة بحلم فيه ما بعرف ليه بيصير معي هيك؟؟؟
هلا انا جدا متأثرة من الحلم .. يعني ما تخيلت انو اتأثر.. احيانا في احلام عنجد بتخرب مزاج الواحد ... فعلاااااااا خصوصا الصيفيييييييييي

11 comments:

Qabbani said...

همممم

بدك تنتبهي على حالك :) و ولا تفكري كتير بهي الأحلام , وتخليها تشغل بالك , لأنه بتتعودي تشوفيها دايما

Anonymous said...

mqabbani:
انا ما بفكر فيها بس لما احلم فيها بحس انها حقيقة ولا مرة حسيت انو انا بحلم .. ولا مرة .. احيانا بقنع نفسي انو لما اشوفها لازم اعرف انها حلم وما اهتم يعني بعرفش كيف .. هبل :) بس المهم انو انشاء الله ما يتكرر هادا الحلم مرة رابعة عشان انا بدأت اخاف منو

Anonymous said...

Am glad to see you back..
My advice not to think about those nightmares at all..From experience, what you repeat in your head during the day will come back to haunt you at night !! it happened to me, I got scared of going to sleep..Try to think of something nice before you go to bed and Inshallah it will go away..

Sweet dreams to you always :)

Anonymous said...

noura:
heyyyyy ahlan ahlan miss u wallahe ..
ya i know... u are 100% right ... bas how can i convince myself not to think of these dreams when i know very well that i'm not going to sleep at night coz i'm too afraid ..??
bas i have to try ... m3 ene ma bafaker fehom ela when it is too dark u know ?? :: hug::

Anonymous said...

HIIIIIIIIIIIII,
Ezayek ??
Baraa2 .. nami 5afeeef w ma tet3ashi :p loool ...

Anonymous said...

LOOOOOOL sa7ebaat el5ayaal elwaseee3 :D

had ta2theer elderaseeh, shayfe eno msh lazem nodroos :D

Anonymous said...

razan:
ahlaaaaaaaaaaaaaan, miss u ya 7elwe :: hug ::
looooooool ana 3amleh rojeem allah ysam7ek ma bat3asha abel ma anam :P

mnooooshe:
looooooooooool ba3malek eyah film if u want ...:Pla wallah bas a7yan ba5af :)
ba3deen ana mn zaman 3nde qa3edet la tadros ..3shan 7aya afdal :P

darkrain said...

عادي ولي ما تخافي هدا بكون جن او شيطان بحبك وبداعب فيك في الليل، ببعتلك صورتي لما تنامي حطيها فوق راسك واذا في جن زلمة وع قد حالو يسترجي يقرب عالغرفة
يعدين احسنلك ما تنامي بالليل انا شخصيا بكتفي ب 6 ساعات نوم من 6-12 بالليل, هيك ما بضيع على حالي جمال السهر والوحدة ولا شروق الشمس عشان اتعلم منو الحقد على قتل العتمة .... شو بخبص انا
عادي ولا يهمك الكوابيس كلها خلي تالمهم عندك احلامك وطارديها ليل ونهار واقهري اي اشي بحاول يبعدك عن احلامك
بشوفك في عمان كمان كم يوم نا نانانانانانانا
ودمتِ

Anonymous said...

darkrain:
هههههههههههه عنجد انت شو شارب؟
عجبتني هاي جن ولا شيطان .. انا خلقة بكون خايفة وعليم الله اليوم بس انام اتزكرهم عشان بالمرة يتخلص علي وما اعرف انام ..لووووووووول عليك
اهلا وسهلا عمان حتنور :)

Naryat said...

Baraaaaaaaa2... wa2a5eeeran!
leeh hek ya benti? kan bloggik ma yefta7 m3i! eno u need an account to read this blog! fakkartni mesh m3zoomeh looool
bs el 27lam ana eli m3ha 2esas... eno elwa7ad ye5rab mazajo men 7elem kteer m32ool jnb eno 7elem y3'ayer 7ayatik! seriously... men shi 2osboo3 7lemet 7elem, fe2et meno bani 2adam tani! 3m bastanna yroo7 ta2theero bs ma 3m yroo7! eno m32ool kol had men 7elem! ana masdoomeh! ana bani adam tani! el 7elem 2alabni! wallahi!!!

sweetlikearose said...

narryat:
ahlan walek i miss u kteer .. mo 3arfe kef awsalek .. i wanted to talk to u bas kolshe 3la 7aze 5arban :)
ah basad2ek yama nas a7lam 3'ayaratelhom 7ayathom .. w ana ba3raf kter nas .. bas ana kaman masdooome .. w 3am ba7lam feh kteer .. mo eno marra w 5alas la2 .. w a7kelek 5ayfe ladarajet ene ba5af jfone to6bo2 3la ba3ad w ashof 3atmeh .. ana ma ba7eb hada elnoo3 mn elkawabeees ..
anyway, 5alena nshofek ya 7ekwe ..:)
:: wardee 5amreye ::