Saturday, August 18, 2007

مواقع الشات


مواقع الشات والاستخدام الخاطئ لهادا المكان شي بيقهر بصراحة ..

قبل كم يوم كنت قاعدة مع صاحباتي فوحدة منهم حكت انها تعرفت على خطيبها من الشات .. انا اسبهليت .. انو كيف بتقدري تتعرفي على انسان وتخطبيه من الشات ؟؟ .. انا ما بحكي كل الناس الي بيدخلو الشات هم ناس مو منيحين .. بس بصراحة في منهم ناس بيستخدمو الشات لأشياء غير شرعية .. صحيح انو التكنلوجيا موجودة موجودة وفي منها المنيح والعاطل بس طريقة الاستخدام هي المهمة ومع ذلك في ناس مازالو بستخدمو خطأ .. قبل شهر ولا شهرين ما بعرف انا دخلت الشات لمرة .. طبعا انقهرت من كل الي شفتو والي اسمعتو .. الشات عنا بيحتاج لتنزيل الجافا .. وانا ما حاولت انزلها لانو انا مو مهتمة .. بس في موقع واحد فتح عندي ما بدو الجافا وياريتو ما فتح .. يعني شو فرصة انك تحكي مع اصدقاء من ورا الشات؟؟ طيب ليه فتت؟؟ هو مجرد حب استكشاف مو اكتر .. بس كل شي فيه ما عجبني صراحة.. صارو الناس يستخدمو للأشياء الخطأ .. صارت عنا مواقع الشات هي مواقع الديتينج :: التعارف :: يعني صارو يعرفو بعض يطلعو مع بعض مشوار .. ازا والله عجبو بعض بحاولو يكملو .. ازا ما عجبتو او ما عجبها خلص هي من باب وهو من باب وبرجعو يفوتو على الشات وبيتعرفو على ناس تانين .. صار الخطأ سهل كتير... صار كل شي متوفر .. في ناس بيحكو احنا بنفوت بنغير جو وبنتسلى .. بس احيانا التسلاية بتجيب وجع راس بالاخير .. وبتفتح مجال كبير لاشياء ما كانت موجودة .. انا بحكي انو صراحة مواقع الشات هاي لازم تتسكر .. يا اما يكون في مشرفين يطلعو كل حدا بيسيء استخدام الشات او بستخدم اسم او تعريف غير لائقين ..

ولا في ناس بكونو كاتبين : للجادات فقط .. او ابحث عن رفيقة العمر .. شو هالهبل؟؟؟ بالله بتبحث عن رفيقة العمر بالشات؟؟يعني ولقيتها ماشي .. ما انت حتسود عيشتها كل ما حكتلك بدي انترنت بالبيت .. ولا كل ما طلت من الشباك .. ومعظهم بفكرو بهاي الطريقة .. الغيرة بتفتح باب للشك .. والباقي عندكم ...

15 comments:

Sel3 said...

you are correct, usually we don't have a mature sense of responsibility when it comes to technology and we misuse most of the technologies we have.

sweetlikearose said...

sel3:
ya .. it is not only the internet but almost all the technologies..
thank u for passing by :)

Maioush said...

LOOOOOOOOOOOOOOOL Bara2, 7otti kol shi 3ala janab, el soora elli 7ataha betmawet do7ok (waiting to login in jordan ) LOOOOOOOOOOOOL ana motet lama shoft.ha :D

Mala2e6 said...

التشات زما كان اشي صرعة
اول ما طلع يعني اشي جديد و الناس انهبلت

انا خلا بحي انه تضييع وقت و انه ف ي كتير اشياء عالنت ممكن نتعلمها و تفيدنا احسن من اللت و العجن

تنسيش كميات الكذب الرهيبة اللي عالتشات

و الاقنعة المزيفة

الدنيا ليانة شباب و بنات ممن يتعرفو على بعض بدون هالواسطة
مع اني بعرف لحد هلا اكتر من 20 شخص تعرفوا عن طريق تشات على بعض و تزوجوا و هلا عندهم ولاد كمان

المهم يا براء يا حبيبتي انه الانسان يكوننضيف من جوة و نيته نضيفة و صدقيني وين ما رميتيه الله بحميه

___

بعدين تعالي هون

ليش يتشكرينا و مانعيتنا نقولك لا ولا يعمك ولول يا براء ز من هالحكي

يعني جيت ارد عالموضع لقيتك مسكرة باب التعليق

المهم براء انك رجعتي و انك بخير و حمد الله عالسلامة

Qwaider قويدر said...

اسمحيلي
انا بعرف 5 او 6 اشخاص كلهم تعرّفوا على زوجاتهم عن طريق التشات..
في كتير ناس استخدمت التشات بطريقة مفيدة و كانت النتيجة ايجابية .. و في ناس تانيين .. الهم اهداف الله اعلم

انا شخصيا ما بحب التشات و توابعها.. جماعتي و اصحابي على الأم اس ان .. و بحكي معهم و مبسوطين .. بنعرف بعض .. و مش ناس من الشارع الله اعلم مين همة

كمان شغلة مهمة كتير في الغرب وهية قضية المجرمين اللي بيستدرجوا الناس و بيقتلوهم.. او بيستدرجوا الاطفال .. و بيتحرشوا فيهم

لكن احكيلك .. اللي تجوّزا على التشات .. مبسوطين .. (و عندهم انترنت بالبيت) :)و ما اظن في اي مشاكل في الثقة ابدا

Anonymous said...

maiuooooooosh:
maho hek 3anjad lama konet 3la elbe6a2a sha3'ale kont amoot w ana bastana :P looooooooool gald that u like it :P

mala2e6:
اه الشات اول ما طلع كان شي واو .. بس والله كلو كزب وكلو لف ودوران ولت وعجن .. اكيد في ناس بتكون نيتهم سليمة مافي مانع .. بس معظهم يا ملائط كزابين وشو احتمالية انو يطلع او تطلع عالم مناح ؟؟
وبالنسبة للتعليق على الشكر انا حبيت اشكركم لانكم بتستاهلو وازا بتحبي افتح باب التعليق ما عندي مانع تكرم عيونك ..:)

qwaider:
يس سمحتلك :)
بس بتعرف انا ما عممت .. بس انا الي شفتو انو الشات هادا الي انا بحكي عنو كلو استدراجات للخطأ مافي حدا عنجد بلاقي حدا وبحبو بجد لا تنسى ايام زمان كان لسا في شوية امل من هالعالم هلا الي شوية صارت شويوية ..بس هادا ما بمنع دائما انو في ناس بتستعمل الشات صح .. انا بحكي عن الاستعمال الخطأ للشات .. مو الاستعمال تاع العالم الفهمانة .. الي هم بشكلو 2% من مجموع الي بفوتو بالشات .. بس بضلها بالنسبة الي مجازفة ، ويمكن في ثقة للأشخاص الي بتحكي عنهم بس هادا لأنو التنين فهمانين وواعين وما عادو يلعبو بس في ناس ما بتكبر يا قويدر ولا غلط؟

Anonymous said...

el chat 2araf el3adeeh :@ foteet mra b7yate kolha mn 3 sneen abo 5 d2ayee2 w tobeeh mn b3deha :D
ho elwa7d b e-mail MSN w msh 5ales :D

Anonymous said...

Shoo sar.

Anonymous said...

mnoooooooshe:
3endek 7a2 .. 2araf .. 5ososan ele ana fotet 3aleh .. ana met3a2de mno .. 3omre ma ba3edha .. :P
3la 2olek el MSN w mo 5alseen :P

hamede:
nothing .. it's just nakshet mo5 :P

darkrain said...

صح
بس مش عالاخر
انا مسطل
والتشات اذا ما اسانا استخدامه
نبتت على دار الذنوب قصور
وانا اذا ما نمت ساعة
اصبحت ازأر كالاسد الهصور
اود لو ارحل الى طرف الحياة
واغفو بدل السنين دهوور
ولكن كلما غم جفني هنيهة
ازعجني من العابرين زاموور
والتكنو للعروبة ذبحة
اساؤوا استخدامها الحموور
فاذا ما رجعنا الى زمن الكهوف
وعدنا الى ما وراء الجحور
قد يأتي يوم نصحو بعده
على زمن يعيد الكرامة بحوور
وسامحيني على هبلي وتسطيلي
ووقوف الحظ في وجهي نفوور
وسلم الله حبايبك
لولولولولولولولولولولي

Anonymous said...

darkrain:
ماشاء الله هذا انت شاعر واحنا مش شاعرين .. لووووووووول شعرك التحشيشي .. رهيب .. بس ازا مسطول وطلع معك هيك كيف لما تكون مو مسطول ؟؟؟
فوت على حفرتل تاع عبد وشوف شو كاتب بأخر بوست تحشيش .. بيعجبك اتوقع.. :)

Qwaider قويدر said...

كلامك مزبوط فعلا في ناس ما بتكبر

Anonymous said...

qwaider:
i know .. ana ele i know :P

Anonymous said...

nice post... the worst is mobile companies chat rooms...
I still can't believe how come people could be such bad.

Anonymous said...

hisham:
this is the first time to hear about " mobile companies chat rooms" ... 3anjad people mo kolhom akeed bas ma ba3raf la2ai daraje bedhom ya5dona ..???
welcome to u in my blog and thanx 4 passing by :: wa7ad bewaze3 choco 6aybe ::