Monday, September 17, 2007

الاكل ... رمضان .. وانا



هادا حضرة سعادتي الكريمة بحب الطبخ من يوم يومي .. وبحب لما اطبخ اطبخ لحالي .. بس بحب الناس تقعد تحكي معي .. اول اربع ايام من رمضان انا الي طبخت .. وبعمل فتوش مستحيل يوم يمر من دون الفتوش .. الحمد لله على النعمة ... المهم .. بعمل الطبيخ لحالي .. اول يوم بدأت الساعة 4 خلصت الساعة 7 وقت الآذان بالزبط يعني لما خلص الآذان السفرة كانت محطوطة ..


..تاني يوم تأخر الاكل لنزل عن السفرة 10 دقايق


تالت يوم اتأخر نص ساعة .. لانو حضرتي قررت على الساعة 4 اني بدي اعمل معجنات .. وشو طلعت من الاخر بتعجبكم .. هي بتشبه كل شي الا المعجنات .. مع اني انا مو اول مرة بعملها وانا بزبط الطبخة الي بطبخها بس قال عشان السرعة عملت اشكال عجيبة ما صارت... بالنهاية الكل اكل وضل لتاني يوم وتاني يوم سخناهم واكلنا ... هلا مبارح كمان اتأخرنا بس هالمرة 10 دقايق .. بس احلى شي اليوم اختي الكبيرة استلمت السفرة ... وما تأخرنا ولا دقيقة .. طيب انا دمي حامي كتير .. بشتغل متل الطيارة بس دايما اتأخر برمضان على الاكل .. واختي دمها بارد .. بطيئة قد ما الله اعطاها بطئ .. بس بتنزل الاكل انو على الوقت


المهم ... اليوم حطو على السفرة مخلل فليفلة ... يا حبيبي انا مديت ايدي وحطيت في الخبزة كمية بتعجبكم عشان انا بحبو .. واز بهي ليس فليفلة واز به فلفل ... وانا كره حياتي حد يحكيلي شي على فلفل او طعمة فلفل او بحرق او شي ... ولهلا لساني وشفتي واصابعي بيحرقوني ...


واختي المصونة قرأت نوع من السلطة وحبت تعمللنا اياه .. حدا بحط مع السلطة يالله بيض مسلوق وبطاطا مسلوقة وميونيز وتوناااااااااااااا؟؟؟؟ يالله كيف يعني؟؟؟ ولا الهبلة راحت عملت فتوش كمية كبيرة وحطت كل هاي المكونات الاضافية وانا مجرد ما حطيتها بتمي بس هيك ما حبيت اكسفها والا اعوذ بالله ... مو زاكية ابدا ابدا .. مابدي اشرح شو صار فيني ... وطبعا الكمية ضلت متل ما هي


انا برمضان عادة بنحف ما بعرف هاي السنة ما عم باكل كتير وبنصح :: ما بدي ما بدي :: بحب الاكل ...


اما الفلفل مو مزحة :(

30 comments:

Summer said...

Really funny post!
bass mashallah 3annek...where are your recipes and pictures??? i would like to see proof! :)
check this out:
http://cooking-the-easy-way.blogspot.com/
Enjoy!

hamede said...

Ok now start at 3;30.

Qabbani said...

بيض مسلوق وبطاطا مسلوقة وميونيز وتونا

هي سلطة التونا

نحنا منعمل سلطة البيض و البطاطا

بيض مسلوق و بطاطا مسلوقة , بقدونس زيت ليمون , والبندورة على جنب

هي نفسها في ناس بتحط معها تونة و بصل


بس يعني طعمها منيح مو سيئ ,

اما بلنسبة للمطعجات يلي عملتيها انا لهلأ ما عم تزبط معي ما بعرف ليه ,

صحتين و هنا

sweetlikearose said...

summer:
looooooool ana ma 3ende pics bas ba3zemek she yoom w bathbetlek .. a5 bas allah la ywareke el3ajaieb ya 6aba5etna .. btkasrele rase .. bas wallahe batqen many things :P r7 a3malek 3azome when u are in Jo :P
:: 6ab5a fa5er mn el2a5er ::

hamede:
ama wad3e may2oos mno be ramadan .. law sabba7et mn els7oor a6bo5 5alas ba7eb ene azno2 7ale l2a5er wa2et .. :P
:: fenjan 2ahwet ya 7ayallah ::

sweetlikearose said...

qabbani:
احكيلك شي .. هلأ بيض مسلوق وبطاطا بتاكلو سخنين مو باردين .. والبندورة والخيار بيتاكلو باردين مو سخنين .. لكان فهمني خيو كيف بدها تزبط هاي ؟؟؟
لا وشو تونا؟؟؟ ما التونا كتير زنخة وهيك ما بعرف مو زاكية على شي بارد .. يالله يالله اكلها مع خبزة .. بعدين اختنا العزيزة ما حطت بقدونس وحطت خيار .. لا كان لازم اخليلكم تدوقو بس بعتذر حطينها بمكانها الصحيح .. :: سلة المهملات بعيد عنك :: بتتاكلش :/
اما بنالسبة للمعجنات فبعطيك وصفة المعحنات المحروقة تاعتي ... لا هي ناشفة يا ريت محروقة ... خدعة على الفاضي :)

bahloul said...

y3ny beddek elsara7a wella benet 3ammha, ay ana w men doon mojamaleh ma b2aamen b6abee5 banat hal2yyam....

y3ny ma3kool be3rafo y3malo she zay el7ajjat allah y5alleelna eyahom...

ay walla walla bekaffe nafashom 3la el2kel 7atta law kan takleedy be6la3 bejannen...;P

kidding mo tsad2y tra kol elnas 5eer wbarakeh...:)

really nice post...;)

Maioush said...

ya benti tet2a5ari wala ennek ma tetbo5i bel marra zai 7alati :D LOL!
bs enno o5tek 5altat el fattoush m3 saltet el tuna leah?? :D 7atta ba3ref enhom sha'3ltean '3ear ba3ad HAHAHAHAHA
yalla sa7tean i ramdan kareem ya amar :)

Qabbani said...

مو شرط

يعني البيض بتاكل بارد عادي , و البطاطا كمان بتتاكل باردة مافي اي مشكلة
و الدليل لما تروحي تشتري كعكه , بيعطيكي بيض بارد
و البطاطا لما تنسلق ما بتفرق باردة ولا سخنة

يلي ما فهمتو شو دخل الخيار , الخيار ما بنحط معهم , البندورة نعم في بعض الأحيان بتنحط بس بالغالب على جنب و الأهم البقدونس بالموضوع بيعطي طعم

sweetlikearose said...

bahloul:
sete w setak ma kano sabaya w 2blehom 7ajjat 3lamohom el6abee5?? ::wa7ad rafe3 7ajeb w mnazel eltane :: wallah el6abee5 3nde w ana benet bebet ahle mra2 .. mazaj .. fa be6la3 zake w befadlo yaklo mn 6abe5e .. bas bermadan ma ba3ref bet5arba6 jadwal mwa3ede w babtel astaw3eb elzaman flazem at2a5ar :P
bas 5alas :P
really thank u :) :: 7abteen tamer zake zake ::

maioush:
looooooool 3leke ... 6ayab t3alame elek ente .. kef btakle?? meen be6bo5??
ama el fattosh mbare7 kabena mn don ma 7ada yshof .. 7ata he ma 2edrat taklo .. ana 3arfe 3n ta5besat-ha ??? he bet5abes w e7ne me3datna te2leb .. :P
Ramadan kareem :: warde 7mra w 7abet choco 6aybe ::

qabbani:
الله لا يوريك .. شي ما بنشاف يا موفق يعني الخيار ما دخلو حطتو وبكثرة كمان .. البندورة مافي اكتر منها .. وحطت الي حكيتلك اياه .. يعني مو زاكية والله مسكناها وحطينها بكيس اسود وخلينا اخوي يتخلص منها بنفس الساعة .. اما البيض والبطاطا انا ما باكلهم باردين بالزات البيض انا ما بحبو .. لما اجبر حالي عليه لازم اكلو ساخن .. تعال شوف شكلي لما مبارح دقتها ..
اما البقدونس .. قال هي ما بتحب البقدونس فمنحالها شالتو من الخلطة :/

Life said...

OKay.. officially ..
something wierd is going on..
I posted a comment this morning. and its not here :S
ma32oll enno i didnt :S but I am sure I did..

any way.. I said..
I cant remember what I said.. but it was about fattosh .. that I know! :S
sa7ten

sweetlikearose said...

life:
entabhe ya bente .. ana bla72ek metel d'elek .. i'm not gonna let u write anything in puplic ... and no u didn't write la2enha sa7beet el blog allah wakelek mn elsobe7 2a3deh :P
eltawqee3: eljen el2zra2 ..:P
mrat btseer m3e w bakoon mt2akde eno katabet bas ma bla2ee .. 3'areeb sa7?? wallah w bakoon nasya kaman sho katabet bs base6a sweetie waslne el comment mn doon ma tektobeh .. lam 7aya 3na e7na??
:: 7abeet choco w bakeet Kitkat ..
lsn fote 3la el post ele 2abel hada??if no fote w e7kele ra2yek :P

sweetlikearose said...

7ayat 3la ta3 ramadan kareem mo ele 2abel hada

Mala2e6 said...

wak bara2 fada7teenaaaaa

و انا متعبة حالي و بعطي دروس طبيخ و انتي جاي تقول شو هاي

نسيتي درس سلطة البطاطا

هلا التونا بتنحط بسلطات كتير
بس اذا انتي ما بتحبيها هية شو خصها؟

بس شطورة ما كنت اعرف انك بتطبخي
(دعاية الك
السنة الجاي بلكي كنتي صبونصر مع سمورة

يالله شدي حيلك بالطبخ

اعمليلهم اكلة مسخن بوكرا

Bos6ar Gadeem said...

شو يا معدله :-)

و لا دلال في مسلسل باب الحارة :-)

فتحتي منافسنا و احنا صايمين

على راي ملاقط .. اذا انتي ما بتحبي الون .. شو ذنب السلطه

و شو كمان طبختي آخر يومين ؟

Anonymous said...

انا اختها لبراءه ... بناشدكم ما تسدقوها ظالمتني الاخت الكريمه والله اني طلعت من النت هيك الوصفه فيها خيار وبعدين مش ما حطيت بقدونس لاني ما بحبو بس لانو بابا جابو متاخر وانا وراي نوم ودراسه كمان .... وكان لازم احط ميونيز بس الحمد لله معفن لانو ما حدا بياكلو محطوط في التلاجه على الفاضي....هادا الحق عليي اني بدي اجددلهم بالسفره اشي ...عمر عواد ما بيعيدها ...التوبه مرة تانيه اعمللكم اشي ... ضيعت وقتي على شان في النهايه تنكب...بس ليش الحكي يعني اكلك ما في منو زاكي ما حدا بيعرف يعمل متلو...

sweetlikearose said...

mla2e6:
لا انا بطبخ عادي من لما كنت بالصف التامن انا عندي الطبيخ هواية .. بس يالله انا ما بحب التونا مع الاكل كنت زمان اموت فيها بس أد ما اكلتها طلعت من عيوني ...
اما سمر فطبخات سمر شو جاب لجاب؟؟هديك طباخة قديرة انا في طور النمو :)
اعملي حالك ما شفتي :) حتى بتعرفي شو؟؟ماما اتأخرت لنزلت السفرة مبارح مو لحالي بعاني من هاي الحالة :)
:: واحد مبسوووووووط بيقدملك دلة قهوة وفنجان .. صبي على راحتك ::

bos6ar:
يييييييييي الله يرفع معنوياتك للسما ..
انا ما بحب التونا على السلطة حرام هي حاولت جدها انها تكون زاكية بس هيها كتبت تعليق تحت اسئلها مين اكل ؟؟؟ يعني مو الحق علي :: واحد بجاكر ::
والله وكيلك اخر يومين ما طبخت رجعت من الشغل متأخرة شوي .. وبعدين ماما بدها تطبخ كوسا انا بس حشيت معها ... ما بحب الكوسا عشني :) بس برضو ماما نزلتو متأخر خمس دقايق على السفرة :) :: صحن كوسا .. جيرة الله لو بتبحو تتفضل يا ابن الاجاويد ::

Anonymous:
ولييييييي يا معفنة شو بتعملي ببلوجي؟؟
انا ظالمتك؟؟ هلا بنعمل تصويت عائلي بنسمع فيه اي ساعة انكبت السلطة وكم انأكل منها ...
:: واحد بجاكر ::
ولك على راسي اكبر طباخين بيتنا انتي .. يعني توجيهي وبدك تساعدينا على عيني وراسي بس اتأكدي انو مكوناتها موجودة .. وانتي عارفة بابا دايما بتأخر ليجيب الاشي .. والمايونز الحق علي الي ما كبيتو من قديم الأزل .. فعلا انو مو زاكي .. هو مو معفن يا هبلة بس ريحتو مو زاكية انا خفت منو عشان هيك دايما داحشتو ورا :)
وشكرا لأنك اعترفتي ولي انو اكلي زاكي .. خلص بس انتي خلصي توجيهي وانا بعلمك ... تعيديهاش الله يسعدك :: واحد بجاكر مرة تانية وبرفعلك حاجب وبينزلك حاجب ::
وبعدين ولي مين عواااد؟؟ اعترفي.. ولا توبي لأنك حتطبخي لما ما نكون فاضيين مافي مهرب .. :: واحد بجاكر للصبح ::

Mnoosh said...

weeew jay 3bali fatoosh :D
y3ne a3zem 7ali adoo2 6ab5eek, ma bndm akeed ?:P

ne7na elsho3'ol 3ena m2assam :D w7de bto6bo5, w7de btejle, w7de btd'ob el 6awleh ..ary7 bene o benek :D

sharifo said...

Mayet joo3...and ur post didn't help :P

Funny post :D

Na3ouri said...

الفتوش ما بقدر استغني عنه و هو اول اشي ببدأ فيه عند الفطور
اما بالنسبة للفلفل الحار فأنا حاسس بمعاناتك لانه انا كمان ما بقرب على الفلفل الحار و ما بقدر اجامله نهائياً
بعدين كلي ولا تسألي بحدا و لا يهمك ، انا و ام حلا كنا معزومين قبل يومين عند نسيبي و مرته كانت عاملة الي خص نص فتة جاج فأم حلا اكلت صحن صغير و باقي الجاط انا اكلته و ما خليت فيه ولا نتفة اما بس خلصت حسيت حالي كثير فجعان و انه عيب يلي عملته كان لازم استحي شوي :)

sweetlikearose said...

mnoshe:
6ab3an walek .. t3ale ahlan w sahlan seder elbet w 3atabto elek .. kolhom ma3 ba3ad ....
w yes sho3'l elbeet 3na mwaza3 .. a7la w ashal ..
w ma 7atendame 5alas ente betjarbe 6abe5e w ana bajareb swa2tek :P
:: sa7en fattosh kbeeeeeeeeeeeer ::

sharifo:
lesh ma fadak?? ba7kelak sala2at el ba6a6a w 7a6at-ha .. kef betesma7??????
w ana jo3ane kaman :(
glad that u like the post ...
:: akel kteer bas 7aynshal abel el 2adan :P ::

na3ori:
نفس الشي.. الفتوش هو العنصر الاساسي والضروري للطاولة والطعام والمعدة وكل شي .. وبعدين بتيجي الاكلة .. وبالنسبة للفلف يا جد مو زاكي كيف بياكلو؟؟؟؟؟؟ بيحرق كتير ما بستحملو .. اما بالنسبة للفتة .. فصحتين وعافية .. هيك نصيحتك اعمل؟؟ فرصة اني اليوم معزومة عند الاولاد الي بدرسهم لحالي من دون اهلي .. بنزل بالطبخة وما بخلي اهلي يستحو فيني انو عيب... لوووووووول تخيل اعمل هيك .. مصيبتي بالمعلقة بحط عشان ما اترك شي من الاكل وراي .. احيانا الادب والاحترام مزعجين صح؟؟؟؟؟
:: صحن فتوش نصو الك وعشر تلت خمس ارباعو التانية الي ::

Bos6ar Gadeem said...

خلص خليلي صحنك و أنا جاي بجيبلك معي حبة شوقلاطة بداله
:-)
والله انا صرت أي طبخه أحبها من لما سافرت و سكنت لحالي
.. صحيح بعرف أطبخ ... من الأوملت للمقلوبة .. بس طبيخ البنات بظل ما فيه مثلو .. واله نكهه خاصة

بعدين هاي أختك اعترفتلك انك شاطرة بالطبيخ
:-)

sweetlikearsoe said...

bos6ar:
انا ما تركتلك الصحن عشان حبة الشوقلاطة بس مادام في شوقلاطة انا ما ححكي لاء :) :: واحد طماع وكرشتو لقدامو مترين ::
وطبيخ البنت زاكي وطبيخ الشباب الي الهم تذوق زاكي والله التنين زاكيين .. ماهو مو كل البنات بيطبخو بنفس .. خصوصا الي بتطبخ لحماتها .. لووووووووووول تخيل ... بمزح معك انا ..
وما احلاهاوهي مو معترفة انو طبيخي زاكي :: السر بالطعمة استخدمي مكعبات الماجي ::
:: وحدة شايفة حالها بالمراي ::

Bos6ar Gadeem said...

ولا لا الماجي ولا الجاجي بخلي الطبيخ طيب
زي ما حكيتي .. الي الها نفس عالطبيخ بكون كل شي بتعمله طيب

بعدين اللي بتطبخ لجوزها غير .. بعني أكيد بطلع الأكل احسن
:-)

sweetlikearose said...

bos6ar:
اه النفس على الاكل زاكي طبعا .. والوحدة لما تطبخ لزوجها بتزبط الطبخة عشان يحكي عنها معدلة .. بس مافي امل يحكيلها طبيخك ازكى من طبيخ امي .. لوووووول هاي البنات بستنوها .. المهم ما علينا .. اقنعك بنظريتي التي تقول انو الماجي بزكي الاكل .. جرب طبخة بماجي وطبخة نفسها بس من دون ماجي وشوف مين اطيب ؟؟؟
:: بعملك مهرجان تذوق ::
وبعدين شو هاي الجاجي؟؟ ماركة جديدة .. :: واحد هبيلة وبستهبل ::

Bos6ar Gadeem said...

هاي .. جاجي .. على وزن ماجي

أنا راح أقوللها طبيخك أطيب من طبيخ أمي .. بس هيه تيجي
:)

Anonymous said...

Great Page Thanks.

sweetlikearose said...

bos6ar:
يا مسكين كل هالقد نفسك تاكل طبيخ زاكي؟؟
وبعدين جاجي ولا ماجي كلو زاكي على الاكل .. بس مشكلتو والله خطير .. مرة قرأت عن مضارو اسبهليت ساعة كاملة وانا مسبهلة وبعدين قمت طبخت وحطيت ماجي .. مافي مفر ..
:: جاجة بتحاول تهرب بدهم يدبحوها ويعملو منها ماجي ، اهربي يا جاجي ..:) ::

Anonymous:
Thank u for passing by .. glad u like it ..
:: fenjan 2hwe w 7abet choco ::

Bos6ar Gadeem said...

سوسو؟ قصدي براء : خذي حبة شوقلاطة مني الك


بس مشان الله خلي بسطاري بحالو

Na3ouri said...

مزعجين كثير مش شوي ، بس انا الحمدلله ما بعاني من هيك اشي لاني ما بستحي على الاكل ولا بهمني يعني بقنع حالي انه خلص يا زلمة ليش تستحي ما هما لو ما بدهم اياك تاكل ما كان عملوه :)

sweetlikearose said...

bos6ar:
حبتين هات وبكيت معهم هدية مجانية وماشي بترك البسطار بحالو .....
:: واحد نذل بحكيلك الهرة والجمل يباعان معا وبالتالي بتعطيني الحبيتين والهدية لن اقبل ::

na3ori:
لا انا صراحة وبالنسبة الي باكل لقمتين وبشبع وعادة بنحف برمضان بس بهادا الرمضان الله وكيلك انفجعت بس مع اني ما باكل كتير بس يعني بحس حالي بدي اكل جوعانة دايما .. يا سيدي مزبوط كلامك بعين الله على الجوع ..
:: واحد جوعان كتير .. ::