Wednesday, October 3, 2007

من هنا وهناك











بعتذر كتير على هالغيبة .. لكن والله مشغولة ومعجوئة للسما ... وما كان معي وقت اني اكتب + ما كان جاي على بالي اني اكتب كلمة وحدة .. من الضغط الي انا فيه ..



على كل حال .. انا من النوع الي ما بيسهر كتير .. بس بالعطل بسهر بغير هيك بتحول الى جاجة وبنام بعد ادان العشا ... بس هلا لأنو الدنيا رمضان بحاول اسهر شوي اهضم البلاوي الي بكون ماكلتها .. وطبعا بحضر مسلسلات مع اني قال مو فاضية .. ما بحضر شي قبل الفطور لاني بكون بالجامعة وبعدها الشغل .. بس بعد الفطور بحضر باب الحارة ونمر بن عدوان ..



باب الحارة كلو هم شو هادا؟
المسلسل حلو كتير وابداعي .. لكن في مشكلتين رئيسيتين .. الاولى انو بمطو بالاحداث زيادة عن اللزوم يعني صار ممل .. والاحداث بتتعقد وبتصير كلها نكد ..


والتاني انو دعايات ام بي سي بتجيب الصرع والضغط والسكري والقلب .. والله يستر


بس هو مسلسل اجمالا حلو .. بس ضربت معهم اول 10 حلقات كانت روعة اما باقي الحلقات متل ما حكيت لت وعجن ...





نمر بن عدوان .. من اروع المسلسلات الي حضرتها .. مع اني انا ما بحب البدوي صراحة ما بفهم عليه وما بستمتع .. لكن والله انو قصتو حلوة كتير .. وغير هيك الممثلين مبدعين كتير ..صبا مبارك وياسر المصري والله ابدعوا ... وغير هيك احداثو سريعة يعني بحلقة ماتت العشيرة .. القصد انو مافي متمطة بالاحداث ... بس بحلقة 19 بتموت وضحا وهي ست الحريم كلهم .. وانا بحياتي ما بكيت على مسلسل .. ماشي اني بحس غصة هي برقبتي بس ما بحب ابكي .. بس هاي بكيت عليها .. لأنها روعة .. وين بدو يلاقي متلها بين الحريم؟؟ وهو اصلا وين بدنا نلاقي متلو بين الرجال؟؟يعني شخصيتو بتعجبني .. رجال قوي وقد حالو وبنفس الوقت كان اول انسان متعلم بخرج من البداية وكان غير عن افكار عشيرتو تزوج وحدة مو عدوانية رغم لساناتهم وحبها حب كبير وحكى فيها القصيد .. والمسلسل وصلي فكرة انو كان حنون وطيب وبحبها كتير .. وين في رجال بكل هاي الموصفات؟؟؟ وقتهم ما كان للنساء صوت بس وضحا قد ما كان يحبها كان مخليها الكل بالكل .. وكان عيب الرجل يبكي بينما هو بكى عليها لما تركتو وراحت لأهلها انجن ولما ماتت ,... انا متأثرة يا جماعة .. تقبل التعازي في بيت نمر بن عدوان قبل مش عارف كم ميت سنة .. لو فعلا هي كانت هيك فالله يرحمها ويرحمو ويرحم موتى المسلمين وانا لله وانا اليه راجعون ....


بعدني متأثرة ...

وبهادا اللينك في وقت ما ماتت وضحا .. وفي المسلسل كامل والله صراحة يعطيه العافية الي منزلو كامل والله اني اثلج صدري لانو انا ما عم بقدر اسهر احضرو فصرت احضرو على النت .. وهاي اللينك








اما الجامعة فيعني سبحان الله .. الي بكره شي من قبل ما يجربو ويكون عندو شعور هيك قابض على قلبو خلص بضل كرهانو .. يعني انا كرهت هالجامعة من قبل ما افوتها ولحد هلا كرهانيتها .. صرت سنة رابعة وانا بحاول احبها .. وبصراحة الناس الي بتعرفني شخصي بتحس بالفرق بين شخصيتي بالعطلة :: مرحة :: وشخصيتي بالجامعة :: دايما ماكلة هوا :: .. لا دكاترة متل العالم ولا اشي .. هدول دكاترة التربية الله بس يغنيني عنهم .. طلع بدرسني واحد منهم مادة حرة .. يا ربي ما اتقل دمو .. نقعد هلا نستغيب فيه وياخدلي حساناتي؟؟ اللهم اني صائم ..





وهاي كل اخباري ... وبإزن الله بحاول ما اطول عليكم لأني فعلا اشتقت لمدونتي العزيزة وجميع الزائرين


:: وردة للكل ::


23 comments:

Adoosh said...

برااااااااااء!!!
مخصوم عليكي أسبوع ياختي!
شو نكد مانكد! هاي حجة هاي!!

باب الحارة من أول أسبوع اكتشفت إنو روحهم طويلة وفش عندهم كتير حكي جديد فبمطوا مط.. وبصراحة صار بايخ الموضوع كلّو... الله يرحمك يا إدعشري..

المسلسل الأردني مابحضرو.. ولا بعرف متى بيجي أصلاً..

الجامعة؟ من شو بتشكي هاي كمان؟! والله غير بكرة تبكي عليها وع أيامها!

اليوم الصبح نزلت ع الجامعة (الأردنية) والله إلها وحشة وتركت فراغ كبير بس خلصت.. الجامعة طبعاً مش الدكاترة ولا المحاضرات..

أهديت حالي أغنية الأماكن بس روّحت :D

Anonymous said...

برااااااء اول مرة بقعد اسبوع بشوفكيش!! في نقص ياختي!!

انا مريضة ولك :( مخنقة العادي :D

t3e 3l MSN isht3tleek :shy:

Maioush said...

Bara2.. Miss you ya bent, i'm glad to hear that you r ok...
2ala oset nemer ben 3edwan.. walek ana bkeeeeeeeeeeeet 3ala 7alqet wad7a hadi lamma matat, mart 3ammi a3deh jambi, ma btefham 3arabi, estahbalatni la bokra el sobo7!! :D
o ana a3aaaaaaaaaayat.. ata3o albi 3ala el wlad y3ademni yahom :S

Anonymous said...

7md lellah 3la elsalameh... ween hal3'eebeh... e7na etafa2na ma t6wly...!!! ::wa7ad za3lan::

3la seeret ebn 3dwan.. ana my team leader men el3dwan, w 7kaly kol el2soha w 3n jd enno she bebakky 7atta enno kan met2ser w ho be7keeha... bs ya darsaneh elrjal elly zay heek ktar....

welcome back w try enjoy ur time in university, l2nno ma fee ayam 27la menha.. :-)

Me said...

we missed you too!!
it seems like you have a crush on Nime bin 3adwan!!! ;)
i agree, bab el 7arah was much nicer last week than this week....but khalas i am hooked and i want to watch it till the end!
have a great night.

Anonymous said...

adoosh:
ههههههههههههههههههههههههههههه حششت على مخصوم علي اسبوع لووووووووووووووووول ...
اوكي .. باب الحارة فعلا صار بايخ وكل قصة بقضو عليها عشر حلقات ومافي غير ابو عصام عمل وابو عصام سوا ...
المسلسل الاردني اسمو نمر بن عدوان وبيجي على الساعة 12 وشي على ام بي سي وعلى الاردن الساعة 1 وابدعوا طبعا بالموسيقا وبالحبكة كانت حلوة ..
الجامعة : انا ما بحب الجامعة الاردنية .. صحيح الها وحشة بأماكنها بس يعني الصراحة الدكاترة والمحاضرات مو تاركة مجال انو الواحد يشتاقلها ..
ولوووووووووووووووووووووول على اغنية الاماكن واتزكرت مسج وصلني بحكي :
مجاري
حمام
مطبخ
بالوعة..

صرصور بغني لحبيبتو اغنية الاماكن .. :)
:: واحد بيهديك الاخبار لأنها حاليا اكتر شي متوافر على التلفزيون ::

mnoooooshe:
ولك وانا والله اشتقتلك .. شايفة بالله الضغط والهم شو بيعمل؟؟؟ بيترك الواحد مو قادر يشوف احبابو .. وانا بحاول اطلع من فترة لفترة عالمسنجر ولك هبول ما بشوفك .. خلينا نشوفك انا كمان جد اشتقت احكي معك ..وسلامتك يا عسولة ان شاء الله بسة الجيران ولا انتي قولي امين قولي امين ..
:: واحد بيهديكي ورد سلامات بيجنن ::

maiooush:
لوووووووووووووووول .....زهههههههههههههههههههه تحشيش انتي يا بنت .. والله انو بحزن صح؟؟ يعني انا ما بحب ابكي على المسلسلات معروفة انا ما بحب حدا يشوف دموعي بس قبل مبارح حسوني بدي ابكي وحسيت حالي خلص مو قادرة دخلت وعملت حالي نايمة ونزلت بكى الله ياخد اليهود .. والمسكينة مرة عمك ماشرحتيلها الوضع؟؟ انا حزنت على وضحة لما حكت انو لو صحى احكولو انو وضحى تصبح عليك ولو مرض احكولو وضحى بتحكيلك بالعافية والكلام الي حكتو وهي بتموت كان كتير حلو .. يا زين الحريم يختي يا ميوش ...
:: وردة حمرا كتير كتير ::

bahloul:
الله يسلمك يا رب .. والله بهالدنيا الي حكيت عنها .. شغل جامعة عزايم رمضان دراسة .. ومواضيع اخرى ..
والله انا اشتقت لمدونتي وللجميع ..
:: واحد بيراضي الواحد الزعلان الي عندك وهي حبة شكلاتة ::

وبالمناسبة انا حابة اعرف عنجد هو قصتو هيك ولا يعني الموضوع فيه لف ودوران؟؟ والرجال الي زيو لا قلال .. صدقني حكي مو فعل للأسف ..
والجامعة والله بحاول قدر الامكان وان شاء الله تزبط .. يا اما حستقيل :: واحد بتخوت تصدقوش ::

summer:
thank u ... wallahe i missed u kaman ..
w bab el7ara .. a5 law awsalhom bas .. el2esa bten7aka berobe3 sa3a 5aloha 30 7al2a .. she bejlo6 .. w ana kaman bede ashof nehayto :P
thank u for passing by :: warde 7amra kter ::

Anonymous said...

Wallah I didn't have a chance to see any of these programs..I wanted to see two programs: "3amaret ya3qoubian" and "Soukout gharna6a" but couldn't..
Glad to see you back :)

Anonymous said...

noura:
hey .. ahlan ... i missed u :(
yallah mo moshkele be3edo kolo ba3ed ramdan ...
:: warde ::

Amjad Wadi said...

والله و 100 مرحبا .. هيك ما بتطلي ولا بنشوفك .. والله اشتقنالك

والله انا ما بتابع مسلسلات غير باب الحارة ... بس مشان جميلة و دلال .. ي}بري عدامي شو حلوين
:-)

طيب شو اسم جامعتك مشان نعرف :-)
و شو بتدرسي؟ يعني عشان التربيه مش عاجبيتك

darkrain said...

طيب
منيح
شاطرة
بكره المسلسلات
يلعن ابو الجامعة والدكاترة اللي مزعلينك
متا بخلص رمضان..؟؟
سلام

Anonymous said...

bos6ar:
اهلين بالعقيد بسطار قديم .. يحيي اصلك عمي .. والله انا ما حضرت الا هدول التنين صراحة .. مو فاضية حتى احضرهم الي كم يوم بحضرهم على النت بس افضى ..
والله بالنسبة للتربية .. هادا يا سيدي انا بدرس ادب انجليزي .. وباخد بكلية الاداب المعفنة باخد 3 محاضرات واول محاضرة دايما متأخرة عليها وتاني محاضرة ولا غياب عندي والي هي شكسبير بخاف اغيب فيها اقوم ما افهم مو ناقصني .. تالة محاضرة هي الترجمة وخدلك بس الدكتور يطلعني متأخرة 4 دقايق وبدي اطلع على كلية العلوم التربوية الي بدها مشي 10 دقايق وحاملة كتب بلاوي والله وزنهم 3 كيلو على ايدي وازمة على باب الاداب لحتى ما اطلع من كلية الاداب عادة باخد 6 دقايق وببئالي 4 دقايق اطير الى التربية وبس اوصل بوصل بعد اسمي بكم اسم وما بيرضى يمحي الغياب .. وعنيد مو زي دكاترة الانجليزي .. ولا برسل ولا بستقبل .. شكيتلك همي انا شايف بالله؟؟ اعملت بوست جوا البوست :: واحد مصدوم من حالو ::
:: مافي عيدية ؟؟ ناوي على العيد تشتري بسطار جديد؟؟ مبارح كنت بالسوق شفتلك بسطار بيجنن روح شوفو ازا بتقتنع ::



darkrain:
لووووووووووووووووووووول ما قل ودل .. شو اخبارك انت ؟؟ زمان عنك ..
والله رمضان قرب يخلص .. والله ما حسيت فيه انا هاي السنة كتير مر بسرعة .. وقرب يخلص .. قول انك بدك العيد يجي عشان تاخد العيديات يالله اعترف :: واحد بعمل تحقيق بمساعدة ابو جودة :: ابو جودة هادا بباب الحارة :)
:: بكيت شكلاتة كبير كل واشبع عشان العيد ::

Maher said...

wallah ya Bee ana ba6alet a7dar hal mosalsalat 3ashan its my studying time..

o mesh ma32oool el jam3a sho zayreh zay el 3ama!!
cant wait la a'7ales!

eish mnazeleh 7ora?

Anonymous said...

ولكم باك براء
والله انا ما بحضر غير باب الحارة بس آخر 3-4 حلقات زعلت و بطلت احضر لانه بصراحة جد صار ممل و مطوها زيادة

اما بالنسبة لنمر بن عدوان فسمعت اكثر من واحد بقولو انه كثير حلو بلكي اذا عادوه بعد رمضان بحضره

Anonymous said...

maher:
i'm dancing ... do u know why??
la2eno fe 7ada bekrah eljam3a metle .. welcome to u in my club :: raqsat elfara7 ::
wallahe ana enhabalet w nazalet mharat derasye ... beltarbeye .. w enta??? ana enshallah 5areeje 3la eltanee .. w enta?? allah y5ales-ha 3la 5er ..
:: sharshabelat karhaneen eljam3a kteer ::

na3ori:
اهلا اهلا .. فعلا صار باب الحارة جدا ممل وبزهق وحالتو حالة .. بس بدي اعرف شو بدو يصير .. لعل وعسى واخواتهم واخواتهن وبنات عمهن والشلة الطيبة .. ونمر بن عدوان ازا انت الك على الشعر الي ما فهمت انا نصو والك على القصص الرومانسية والحب الخرافي راح يعجبك والله ..
:: واحد بيقدملك شي زاكي الك ولام حلا ولحلا الكتكوتة ::

Amjad Wadi said...

طيب ما دام عجبك البسطار ... ليه ما جبتيلي اياه هديه؟ والك مني قزازة عطر ماركة ون مان شوووو هدية بالمقابل :-)

أنا رجعت حضرت باب الحارة 1 على الانترنت كله .. ما شفته العام .. بس صرت أخربط بين الجزئين

قلتيلي أدب انجليزي .. الله يعطيكي العافية و يعينك

ذكرتيني أيام أخوي ما كان يدرس أدب انجليزي ... و طلب مني أجيبله عن الانترنت (كانت أيامها النترنت جديده) نقاشات عن رواية كان يدرسها و بعدين أنا حبيت الرواية وقرأتها .. كان اسمها
A farewell to Arms
انشاء الله قريب تتخرجي و تخلصي من المحاظرات و قرف الامتحانات .. أنا بس ارجع على الأردن تعالي خذي ماده حرة بالهندسه و بحطلك 100

Amjad Wadi said...

بعدين خلص اعرفت انك بالأردنية .. مع انك طنشيتني .. بس مش راح أحكيلك كيف عرفت
:-)

Anonymous said...

Bara2 7abibti,keef bthsoufee el baramej 3al internet??
Thank you ya 7elwe :)

Amjad Wadi said...

نورا:
بنفع أنا أجاوب؟

http://www.livearabictv.net/

http://phady.spaces.live.com/

Anonymous said...

bos6ar:
لوووووووووووووووووووول عليك اختتامية حلوة هاي بدك تعطيني 100؟؟ يا عمي ارجع انشوف وباخد مادة بالهندسة بس يكونو ولادي ان شاء الله تخرجو واحفادي بيكونو بيقدمو توجيهي وكنايني ان شاء الله وحدة منهم عميدة كلية ... :) :: واحد بتخوت بس ما تروح تصدقو ::
وبعدين الدراسة على الانترنت يا كتير صعبة .. بس اسهل من دراسة دكاترة الاردنية المعقدين الي بعقدو البني ادم وبطلعو براسو الشيب .. بس يالله انا بحاول قدر الامكان اني اتأقلم .. وحرام عليك انا ما طنشتك يمكن سقط سهوا .. ومابدي اعرف كيف انت عرفت عشان انا بعرف :: واحد بتفلسف :: وبالنسبة للبسطار فأنا خفت ما يعجبك زوقي اقوم ادفع حقو على الفاضي .. بس ازا بتحب بعيدك رباطات البسطار بجيبهم زهري بلبق على الرمادي .. ما انا بدأت اقتنع بالبسطار لانو اللون الدارج هالايام رمادي وممزع ومعاه زهري فيعني بدأت اقتنع ..
:: سندويشة سنيورة ولبنة :: ما بعرف جاي على بالي :(

noura:
ahlan ahlan .. yes ya noura mn ele 7akalek eyahom elsaied bos6ar gadeem elmo7tarm :P .. w bte2dare mn el www.youtube.com .. mnazleen el7ala2at kaman .. :)
:: warde w sandweeshet sanyora w labane ::

Maher said...

ana nazalet edaret a3mal jebtha A ,
o nazalet Computer Skills (ta3et el a3mal) o nazaltha bardo A

sehleeen kteer
ana handaseh 3am ba7ke lal kol ene i need two years (5 3al add) bas inshallah ba'7alesha abkar be fasel! :>

Anonymous said...

sho el computer skills 7ora???
ana bel3'aseb 7akeet ah la2 lazem adros-ha .. lesh ma nazalet oral skills??? kol elhandaseh benazloha .. jedan sa5efe :)
w 5 sneen?? kan zaman enta7aret sara7a :P
yallah beltawfee2 .. wish me luck w eno allah ysaberne :)

Anonymous said...

o hay kaman comment ::elyoum dorek fel comments;-)::

I watched only one episode of Nimir bin 3adwan, and I loved it a lot. it is very nice. Allah yer7amha Wad7a

Anonymous said...

sel3:
لوووووووووووووووووووول
على الدورية؟؟؟ متى بيجي دوري كمان مرة :: واحد بيعد على اصابعو ::
اه هو نمر بن عدوان مسلسل حلو .. انا ما بميل للبدوي صراحة بس والله هادا حلو عجبني وحلو ... والله يرحمها وضحى والله كانت زينة الحريم عجبتني ..
:: واحد بيوزع ملبس لحق حالك :) ::