Wednesday, January 2, 2008

تساؤلات





حلو من فترة لفترة نحكي عن شي فيه اختلاف بالأراء .. وانا اليوم خطر ببالي موضوع لقصص بتصير مع هالعالم الي حولي وبفكر فيها وبحكي هل يا ترى متل هيك مواضيع صح ولا غلط ..


على سبيل المثل :: قلبناها لغة عربية يا جماعة :: المهم .. يعني هل ماضي الشب مهم متل ماضي البنت .. للأسف مع اول فرصة بتسمح للخطيب او الصاحب او الحبيب انو يسأل بيسأل نفس السؤال : شو كانت علاقاتك؟ :: مع ملاحظة جانبية انو حبيبتي ما بيهمني ماضيكي انا كل الي بيهمني انتي هلا وطبعا كلو حكي :: مجرد ما تحكي البنت عن ماضيها بحطها عليها نقطة حتى لو ما اتأثرت في العلاقة ..:: الشب الشرقي وما ادراكم ما الشب الشرقي :: بينما لما تسأل البنت الشب عن ماضي ببلش يعد .. بعطيك قائمة من الاسماء الي ممكن تستخدمها ازا تزوجت وصار عندك بنوتة ومحتار بالاسم .. وفلانة عملت وفلانة سوت من دون تحفظ .. طيب ليه؟؟
يعني ليه الناس ما بتهتم كل هالقد بماضي الشب؟؟ بالكم من الصح انو الشاب يحكي للبنت عن ماضيه ؟؟


بعض الشباب بتباهو والله انا كنت محبوب بين البنات .. :: طبعا ولا وحدة بتكون بتطلع بخلقتو :: واني انا اخترتك من بين كل هالي كنت بعرفهم .. بس هادا الشي لازم يترك اثر بقلب البنت .. حتى لو انبسطت انو هادا الشب اختاارها من بين كل البنات بس بضل بقلبها انو هو حيضل ملاحق خصوصا بمجتمعنا الحمد لله والشكر المتزوج والمو متزوج واحد ... والحمد لله العرسان مافي طارو فصارت البنات راضية على حالها انها تكون التانية وبس ولا وحدة بترضى انها تكون الاولى وغيرها التاني او انو حدا يجي بعدها ..



شو الشي الي بخلي الرجل يحكي انا كنت ملاحق وانا بعرف كتير بنات وانا وانا وبعمل حالو دون خوان زمانو حتى لو ما كان شي؟؟ شو المسج الي بدو يوصلها للبنت ؟؟ :: المسج ببلاش ديرو بالكم لانو ازا فيها الشغلة فلوس ببيطل يوصل مسجات سلامتكم ::



اما عالم النساء عالم ما بينفهم .. ممكن تتوقع كل شي منها .. ممكن يكون عقلها كبير قد ما يكون بس لما تغار تغار وكأنو مافي عقل ابدا .. وبكلمتين بينضحك عليها ومرة تانية بترجع تحب .. هل هادا العالم عالم ساذج؟؟ او عالم كلو قوة بس من وراء حجاب؟؟ شو مدى قوة المرأة ؟؟؟ لوين بتقدر توصل؟؟

34 comments:

wonders said...

wallah ya bara2 mawdo3ek 7elo. ana br2ye lesh elshab mo'3ram bsard 3lakato sababo eno elshbab btabe3hom b7ebo ykono markez qoweh be7eb ykon msayter 3la kol she, men demenha elbnat ele 7awaleh. o no2ta tanieh lama ykon 3la asas howe e5tar elbent ma3nato howe sa7eb solta o enha mo hye ele bte3rf alf wa7ad o e5tarato.

Allah a3lam ya sadekate, bs lel asaf lesa fe nas bto7kom 3l benet la asbab as5af men hek.. 5aleha 3la Allah maybe i'll write that in a post coz it's a long story

sweetlikearose said...

wonders:
ahlan sweetie ... u're right about the reason ..it is a logical one... still i can't get why?? 2d ma a7awel astawe3eb elwade3 mosh zab6a eno lesh be7eb yetbaha be3laqato .. w eno law kant el3laqat 3adeye lalbanat 7ayetbaho home kaman ???
7ere :P
and about the story really shekelha moshaweqa .. so waiting for ur post .. let it be so soon :)
:: 3aseer zakee kteer ::

36o0o0oR (^_^) said...

اه وليش ما يتباها يعني
مهو هيك احسن بخلي البنت ترقص من الغيرة
هههههههههه
اشرار الشباب
مطعم السفره كلو بحالو

Maher said...

3ajabtene bel mawdooo3..cause its so true..
3enna el mojtama3 mota'7alef (o nos banat amman mfakreeen 7alhom eshe) loool

bas sara7aa..banat amman homeh el sabab kol el msayeb :P

ma 7atta etfakre etnaqshene LOOOOL

(ma ba3raf sho da'7alo bel mawdoo3 bas i always blame amman girls )

sweetlikearose said...

36oor:
ههههههههههههههههههه بتعرف شغلة؟؟
كنت بدي احكيلك طول عمرك نذل بس لما شفتك بتقدملي محل الشورما بحالو حكيت لا خلص بنسكت شوي على نذالتو ..
اما بالنسبة للغيرة .. فالغيرة حلوة بس الشك مو حلو نهائي والله .. لانو ممكن يفرق تنين بحبو بعض كتير .. وممكن البنت تعمل شي تندم بعدين بس ما بتكون هي السبب بكون غباء الشب هو السبب :)
واحكيلك .. بستنى المطعم انا اليوم :)
maher:
looooooooooooooool ma 7anaqshak belmawdoo3 la2ene sara7a i agree with u .. bas la limits .. ya3ne home sabab eno elshabab ye3rafo alf wa7de mash .. 6ayab leh elshabab ye7ko enhom be3rafo .??? banat 3mman kaman home elsabab??
if u answered me then betsaketne .. hada elso2al ele ben6a7 nafso beqwe :P
:: banat 3mman baklo shawarma w enta la2 :P ma tes2lne leh elshawarma .. ana ba7ebha la2ene :P ::

Bos6ar Gadeem said...

شو مواضيعك كلها عاطفيه ورومانس .. أكيد الصح إنو مايكون ماضي لا للشب ولا للبنت ... بس بصراحة هاي وقاحة إنو الشاب يتبجح بماضيه ... مع إني متأكد إنو كلو عرط ... الحمدل أنا مش ملاحق من البنات ولا مطلوب

يمكن بسبب البسطار

Bos6ar Gadeem said...

أنا عايز أضيف ...

المشكله إنو معضم البنات بحبو هي النوعيه من الشباب : العريط إلي عمل حالو كازانوفا

bahloul said...

awal shy yslam temak ya amjad 3la 25er kelmeh, el banat be7ebo heek naw3yeh men elshabab, 6ab3an mo kolhom bs ktheer menhom.

5leeny 27keelek ya bra2, el moshkeleh enno elbenet lamma tfaker b shreek el 7ya ma btfaker emn mon6alak deeny y3ny lamma yjee shab moltazem y6lobha bte7kee la2 hada m32ad w mrabby l7yto w mo 3aref sho kman, bseer kol 3youb el dunia feo leesh l2no moltazem, m3 enny b7lf ymeen enno law kan e5tabrato w shafato fahman ( y3ny mo deen ta3asob w bs) la kan 3ashat a7la 7ya ma3o w hey damneeto 6ool el 3omor, bs hommeh bedhom elly shaf w jarrab w 3eref yd7ak 3leehom zay ma de7ek 3la kteer 2belhom, f sara7a wella la2 7aram ma betjooz el shamateh, Allah y3eenhom elly zay heek. ( 6ab3an 3shan heek kethrat 7alat el 6alag).

blog said...

يا الله شو انبرى لساني و انا احكي في هاي المواضيع

طيب
ماضي الشب و البنت مهمّين بالطبع، و البنت الشاطرة و الشب الشاطر بيتعلم من اخطاء الماضي
لكن الأهم هو انه يعرف ان الماضي مش ملك لحد
ليش الشب بيتغير لما يعرف ماضي البنت؟ لأنه ما كان متوقع كل البلاوي اللي حكتلو عنها بالأضافة للمعادلة الشهيرة و المعروفة
في حالة البنت ×3 و في حالة الشب ÷ 3
يعني بتاخدي قصص الشب و بتقسميها على 3 علشان يطلع العدد الحقيقي لمغامراته
و في حالة البنت بتضربي في 3 لتعرفي العدد الحقيقي لمغامراتها

الكل كان محبوب في فترة من الفترات ... عادي مو شي غريب
بس شو قصة انها تكون التانية؟ كله زي بعضة لا الشب منزّل و لا البنت ملاك.. الكل بيخبّص.. و بيتعلم من اخطاءه

اللي ما بتغار ... ما بيكون عندها احساس! اي البنات بتغار على الشب اللي حتى ما بدهم اياه! و زي ما قالو زمان.. لولة الغيرة ما حملت النساء
و والله.. والله... والله شفت غيرة النساء بعيوني.. طبعا ما بحب اعمم.. لكن النسوان بغارو من بعض.. و دايما بدهم غيرهم يغار منهن

سوري على الكومنت الطويل

vagueraz said...

موضوع قوي يا براء :)
شوفي .. مهما حكينا ما راح نقدر نغير مفهوم المجتمع عن فكرة الشب و البنت ..
يعني الشب بكون عامل السبعة و ذمتها و بياخد أحسن البنات .. أما البنت فبينمسك عليها .. لأنو هيك مجتمعاتنا و هيك التفكير ... !!
مم، البنت إزا حكت عن ماضيها للشب إنو يمسكها عليها هون بترجع لشخصية الشب .. مو كل الشباب بيفكروا أو شخصياتهم زات الشي .. برأيي الشب الفهمان .. بيقدر و بيحترم صراحة البنت .. حتى لو كان يشوفها .. لأنو ما بتعرفي الأيام و اظروف إلى صارت متلا حتى إنو البنت تركت أو هيك .. فاهمة علي ؟ و إنه الشب إلي بدو يبني بيت و جد بيحب هاي البنت ما بيمسك متل هيك مماسك .. و كمان ما لازم يتفاخر بعلاقاتوا و البنت برضو مالازم تمسك على الشب .. هيه الحياة مماسك على بعض و حروب .. الإنسان الراقي بأفكاره بيطلع لقدام مو لورا ... ..:)

vagueraz said...

موضوع قوي يا براء :)
شوفي .. مهما حكينا ما راح نقدر نغير مفهوم المجتمع عن فكرة الشب و البنت ..
يعني الشب بكون عامل السبعة و ذمتها و بياخد أحسن البنات .. أما البنت فبينمسك عليها .. لأنو هيك مجتمعاتنا و هيك التفكير ... !!
مم، البنت إزا حكت عن ماضيها للشب إنو يمسكها عليها هون بترجع لشخصية الشب .. مو كل الشباب بيفكروا أو شخصياتهم زات الشي .. برأيي الشب الفهمان .. بيقدر و بيحترم صراحة البنت .. حتى لو كان يشوفها .. لأنو ما بتعرفي الأيام و اظروف إلى صارت متلا حتى إنو البنت تركت أو هيك .. فاهمة علي ؟ و إنه الشب إلي بدو يبني بيت و جد بيحب هاي البنت ما بيمسك متل هيك مماسك .. و كمان ما لازم يتفاخر بعلاقاتوا و البنت برضو مالازم تمسك على الشب .. هيه الحياة مماسك على بعض و حروب .. الإنسان الراقي بأفكاره بيطلع لقدام مو لورا ... ..:)

sweetlikearose said...

bos6ar:
اهلا وسهلا .. وين هالغيبة؟؟؟ شكلك كاين عامل مقاطعة عشان البسطار .. انا بأيد نظريتك الي بتحكي انو ما حدا لاحقك بسبب البسطار.. انا بس لو حدا بيسمعني؟؟ انت لو بتغير البسطار كل البنات بصيرو واراك :: واحد بيغمز بعينو .. واحد مو وحدة لا تفرح كتير :) ::
بالنسبة للموضوع يا ما دخلو بالرومانس والعواطف هادا بالعكس يعني هاي ظاهرة انا ملاحظتها بشباب هاي الايام .. على قولك كلو بعرط بخرط بحكي اشياء ما بتصير .. والأقطع انو كزب .. بخرب علاقتو وبخلي الوحدة تشك فيه وبيطلع قال كل شي كزب .. طيب ليه؟؟
ازا الشباب مو عارفين يجاوبو هادا السؤال انا كيف بدي اجاوبو ياربي؟
ولووووووووووووووووووووووول انا ما بحب هادا النوع ... ومعظم البنات ما بحبو هادا النوع صدقني .. بس معظم البنات هبايل بصدقو .. وانا الحمد لله مو منهم :)
وبالمناسبة ححل عن بسطارك بس ان شاء الله السنة الجاي :: ملمع بساطير اصلي يا عمي من شان الله تغيرش البسطار بس استخدم الملمع :) ::
كل سنة وانت سالم ان شاء الله هاي السنة تكون سنة خير عليك وعلى بسطارك العزيز :)

bahloul:
يمكن انتو الشباب بتتعاملو مع البنات عشان هيك شايفين كل الانواع بس صدقني انا بشوف متل ما انت حكيت انو البنت الي بتاخد واحد فاهم الدين صح هاي بتتهنى لانو عمرو ما حيظلمها بالعكس حتى لو ما حبها .. بس هات وريني مين بطبق الدين صح؟؟ مين فاهم الدين ؟؟ يا بتلاقي ناس فلتانين يا بتلاقي ناس متشددين .. ولا تنسى انو الحياة مع المتشددين ازا البنت ما كانت زيهم بتصير شبه مستحيلة ... لانو هيك بصير اسمو عندها هادا بني ادم معقد ما بدي اعيش معو .. يعني احنا البشر الشي الي ما بعجبنا بنحكي عنو تعقيد سواء بالدين او المبادئ او العادات او اي شي تاني سواء محرز او تافه يعني ..
وبعدين .. الشب الي بيحكي عن ماضيه سواء نيتو التفاخر او الاتعاظ او انو يحكيلها انو شوفي اديش انا بحبك انا اخترتك من بين كل هالعالم .. المهم يحكي عن ماضيه شو بنعتبرو هادا الشب؟؟
صدقني عندي كتير تساؤلات وياريت لو شاب يعرف يجاوب :)
:: شكلاتة وببسي وازا ما بدك ببسي بنعطيك سيفن اب :) ::

sweetlikearose said...
This comment has been removed by a blog administrator.
sweetlikearose said...

blog:
بتعرف؟؟ كلامك كتير حلو ..جد جد عجبتني المعادلة .. الشب بميل للمبالغة والبنت بتميل لتخبي نص الحقائق .. بس انا بعتبر البنت الشاطرة هي الي بتخبي كل الحقائق مع انو ما بعرف ازا كانو بيقدرو .. بس الي ما بدها يكون عندها اشي تخبي ليه بتخبص؟؟؟
صراحة تحليل حلو عجبني .. كل الكلام الي كتبو الشباب والبنات جد حلو .. بس هاي المعادلة لفتت انتباهي ..اما الغيرة فهادا موضوع تاني تماما ... هادا بدو مجلدات .. لانو الغيرة عند البنات انواع منها الغيرة على الي بتبحو والتاني الغيرة من البنات التانين واطرح واجمع واقسم واضرب بيطلع عقل البنت بالغيرة ولا شي .. وانا بحكي عن حالي بتخيل اني حغار على الانسان الي حرتبط فيه .. شو هادا ارتباط على بالك مزحة كل يوم والتانية يشحطلي صبية وراه؟؟؟
الغيرة شر لابد منو :)
مرة تانية شكرا على زيارتك وكلامك الحلو وكل سنة وانت سالم يارب :)
:: فهي بكيت علكة كامل مع بكيت عصير :) لا تاكلهم ورا بعض عشان صحة اسنانك :) ::

razan:
رزان حبيبتي هادا لانك راقية بأفكارك بتحكي عن الانسان الراقي .. احنا ما بنحكي عن الانسان الراقي .. وبعدين شو ما كان شو ما كان الا الشب يتأثر بماضي البنت لما تحكي .. بينما البنت بتحكيلك خلص ارتبط فيني ليه لحتى اطلع على ماضيه؟؟ صدقيني الشباب الفاهمانين من هاي الناحية على ابواب الانقراض.. عارفة ليه؟؟ انو الشب هاي الايام صار حتى لو البنت ما حكتلو عن ماضيها يفكر يحكي : اممممممم ياترى هاي البنت شو كانت عاملة بماضيها؟؟ حتى لو ماكان هدفو يشك حتى لو ما كان شايف عليها شي .. بس دايما بعتز انها بلا ماضي حتى لو اخفت الماضي عنو :) هيك الشباب هاي الايام .. مالازم نهرب من الواقع ونعيش بالمثاليات .. المثاليات انقرضت :)
:: عم باكل شبس تفضلي :) ::

Adoosh said...

براء هدول 14 موضوع مش موضوع واحد!

هيّ ببساطة تابوهات مجتمع فقط لاغير, طبعاً باستثناء إنو الواحد يكون مخبّص مزبوط بماضيه..

الشب بتباهى بهالشي لإنو عارف إنو الشب مابنعاب بشي وبس يقرر يتجوّز الحجة بتدوّرله ع بنت قطّة مغمّضة باب الدار عمره ماشاف طولها..
بينما البنت -في مجتمعنا- كل راس مالها كلمة بتخرب بيتها..

wonders said...

Bara2 i just posted the thing, unfortunately i am not familiar with pingbacks

sweetlikearose said...

adoosh:
يس بعرف انهم 14 موضوع .. بس الموضوع الرئيس هو الماضي ..
لوووووووووووووووووول على الحجة بتدورلو على قطة مغمضة .. هههههههه بالك في هالايام قطط مغمضين؟؟
مزبوط الشب ما بينعاب والبنت راس مالها كلمة بتخرب بيتها .. كلام سليم في الجسم السليم مع انك ما رحت على النادي من زمان .. كيف لو رحت؟؟؟

wonders:
i'm commingggggggggggg :)

Anonymous said...

بتعرفي براء أنا مرة قرأت جملة كتير معبّرة... مع اني ما حبيت الأسلوب بس كتيييير في منّو
المرأة تنظر الى الرجل كحلية تتباهى بها لذلك يعجبها أن تشعر أن جميع النساء تتجه أنظارهنّ لرجلها... أما الرجل فيرى في المرأة ملكيّة خاصّةً لا يحتمل لأحد أن يشاركه فيها حتى لو بالنظر...
كتير مزبوط!! و كتير في منّو!! البنت كتير بتستلز بشعور انها أخدت واحد الكلّ قاتلين حالهم عليه... بينما كتير من الشباب المثقّفين و حتى الدارسين برّا بيدوّروا على البنت الـ"مغمّضة" واللي ما شافت اشي...
هلّأ هل غلط يكون في ماضي؟ لأ مش غلط!! لأنّو اللي بيتدبّس بأول حدا بيشوفو بحياتو بيكون يا أهبل كتيييير يا كزّاب كبيييير... يمكن ما في حدا بياخد أول حدا بيعجب فيه -ها! بيعجب فيه،مش بيحبّو- كتيييييييير قليل ما تصير... فالشب اللي بيغيّر رأيو بالبنت لأنها حبّت حدا قبلو أو حدا حبها قبلو بيكون "قليل ناموس" لأنو باختصار كأنو بيقوللها: اكزبي عليّ يا حبيبتي اكزبي عيني عينك... و بالعكس، البنت لازم تحكي للشب عن ماضيها و لازم هو كمان يحكي عن ماضيه، مشان ما واحد فيهم يغشّ التاني و مشان تنيناتهم يتعلّموا من أغلاط الماضي...
و الحمد لله على سلامتك، نوّرتي :-)

Naryat said...

wups!!
Sorry :-p the last anon. comment was mine :-)

hisham said...

nice post sweety.. great subject and it will always a delima...
boys and girls...
but life has to go on.

sweetlikearose said...

naryat:
هههههههههههههههههههه بتعرفي ليه بضحك؟؟ لانوالجواب الي اشبه ليكون مقنع اجى منك انت وانت البنت .. جد لما قرأتو من غير ما اقرأ مين كتبو متت بدي اعرف مين الي كتب هيك حكي .. هي اكيد بنت من اللهجة .. كلامك جد حلو يا نريات .. جد جد مقنع .. والمقالة المعبرة الي سمعتيها كتير عجبتني وبدي اعيدها وافهمها واحفظها عشان اضل متزكرتها لانها جاوبت على جزء كبير من السؤال... بس النكتة انو الشباب ما بيعرفو يجاوبو على هيك سؤال وكنت متوقعة الجواب من بنت ... جد شكرا جد كلامك كتير حلو وهادي :)
:: وردة حمرا وبكيت شكلاتة وكمان حيلون انك حكيتلي نص الاجابة وبتفوزي معانا بمحاي بمتحي ماضي الشب وبريموت سحري بكستو ازا بدو يحكي عن ماضيه ::

hisham:
thank u :) it always be a delima t3awadna ... but i hope enha elnazra tet3'ayar
:: bakeet 3elke 3shan ma lazem a36eek she ye3areb el gym ele betroo7 3leh :P ::

vagueraz said...

كلام نيرات حلو كتييير ...
و مزبوط و أكتر الشباب هيك بيفكروا ...
أصلا لازم العلاقة بين الشب و البنت من البداية مبنية على أساس متين من الصراحة و الثقة و التفاهم و الإحترام ...عدا عن هيك مش حياة
إنت بدك ترتبط بإنسان العمر كله مش يوم يومين .. !!!
لازم الواحد يترقى بأفكاره شوي ...
لأنه الماضي سواء للبنت أو الشب ما لازم تكون عائق و نحكم على أساسها ....
.....

Naryat said...

hehe...
Thanks girls!!
We girls understand each other, bs do THEY understand?

roalaj said...

يا ستي تساؤلك بمحلّو، انا شخصيت مريت بهالموقف، وسبحان الله ترددت نفس الكلمات بالحرف الواحد، وهالشي خلاني اضحك وانا عم بقرأ البوست، انو لهالدرجة فلم بيتكرر طول الوقت ومع اشخاص مختلفين

سررت بالتعرف على مدونتك، ابقي بخير :)

bahloul said...

eish ya set bara2 enty w naryat nazleen 6s bel shabab, te7ky enhom kolhom ze2ab w est3radyeen w mo fahmeen 3'eer 7alhom, ay walla ento 3alamkom ktheer mo3agad w el shab el meskeen eza byoga3 m3 wa7deh men hal banat betdaw5o walw kan 23kal shab 3la wejh el2rd. b3deen daroory ne7keeha bel mshrma7y ma 7akalek amjad el banat moshkeltehom bdhom shab faye3 w cool w madry sho, w foog heek mo 7aky m3 benet b 7ayato w la sayer ma3o ay mawkef, amma el shab elly b7alo w el moltazem f ma b6ee2ohom 7ayartona baga...!!!

Bos6ar Gadeem said...

طيب شو النتيجه؟ نحكي شو كنا نساوي والا لأ؟ حيرتونا

:-)

sweetlikearose said...

razan:
ya sweetie ... shofte keef jawabatna benet???
:P

naryat:
looooooooooooooool faGa3o elshabab mnk .. hehehehehehe shofte keef?? :P
u really rafa3te ma3nawyeate ya 7elwe :P

roalaj:
شكرا لزيارتك لمدونتي المتواضعة الي بمر عليها كل ست شهور مرة نظرا للامتحانات ..
والصراحة انا متأكدة انو حيجي يوم على كل البنات ويتسألو هيك سؤال لانو هادا لا مهرب منو .. :)
:: بكيت علكة كامل مافي حدا ياكل منو لانو اول مرة بتشرفونا على الموقع ::

bahloul:lak rawe2 3me shu bana?? :P
:P :P :P :P
wallahe elsara7a e7ne be3jebna elsadeq w elsaree7 wele ma belf w bedor 3lena w kol shwai nektashfo w ne3mal 7alna ma 3refna .. bel3arabe : benkaber 32olna e7na :P
ana ma ba3mem bahloul bas elmo3zam heek :)
:: bokra 3nde shushu shakespeare so wish me luck :) ::

bos6ar:
سؤال بمحلو .. والله الاغلب انو الواحد ما يحكي التهبيبات الي خبصها .. خلص يكتفي بظواهر الامور .. وازا ما حكى بكون احسن :)
:: بكرا عندي شكسبير بسطار .. بحل عن بسطارلك ليوم بس ويش مي لوك :):: واحد بمتمصلح ::

bahloul said...

wish you 100% with Shakespeare w deery balek 3la hamlet w Macbeth,shedy 7eelek bedna el full mark.
el moshkeleh ya bara2 ana kman shofet w jarrabet w bokra enty betshoofy akthar w betjarby keef el banat tafkeerhom bet3'ayer b sa3et el jad, y3ny wagt el jad ktheer e3tebarat janebeih 3'eer el 25lag w el sara7a w el sedek betbalesh tod5ol 3la el 5a6 w ahamha el floos.

sweetlikearose said...

bahloul:
hey man ... thank u enshallah ene zaba6et bel2mte7an .. w enshallah ajeeb 3lame mne7a bas bokra 3nde kaman emte7aneen w salamtak mo jai 3la bale afta7 kelme .. bas kaman wish me luck :P
w belnesbe lal2e3tebarat eljanebeye....................... yaaaa i know .. elflooos 3amel ra2ees lel2asaf :)
:: wa7ad labes nadarat w bedo yeqra2lo kelmetan :p ::

Naryat said...

mmm... had atari sar fi hoshe men warana :-D
2wal shi el7amdellah 3alsalameh barru2 o 3o2bal ma te5lasi men ba2i el emti7anat...
taneyan 2ostaz bahloul ana mesh 3m ba7ki elshab hadi wela mesh hadi o faye3 wela mesh faye3 :-D
ana elli 3mba7keeh mesh 3'ala6 el wa7ad ykun mjarreb men 2abel, o ma 7akeet elshab eli besta3red wel cool wel msa7eb seteen wa7deh hu el sa7, NOOOOOO!!! ana 2olt eno tneenat-hom lazem ysar7u ba3ad iza 3endhum tajarob sabeqa... o by tajarob sabeqa -belzat lalbenet- ma ba2sod EJAHA 3AREES noooo! this is mesh tajrobeh... i mean 3erfat 7ada, 7ada 7abha 2w heye 7abbat 7ada... o ana halla2 ba2olak lw 2dma elshab el sharqi 3emel 7alo metfahem o 3a2lo kbeer o shaja3 el benet tsar7o, shuf lama t2olo enha kanat t7eb wa7ad 2ablo kef r7 tet3'ayar nazreto elha o y3amelha ka2enha wa7de hamleh... el tajarob be madi el benet 2adma kanat baree2a o law kanat mujarad masha3er ma tjawazat 2albha bten7asab 3aleeha... amma elshab, momken ykun fi bemadeeh tajrobet zawaj kamleh fashle o bedal 2albo 2awi o be7eb o be5tob o betjawaz mara tanye bedun ma bani adam y7asbo...
see what i mean?
mesh el moshkele meltazem o mesh meltazem o faye3 omesh faye3 :-)
wa dumtom...

vagueraz said...

walahe kalamek dorar ya nayyeraat ... :)
shuft ya amjad w bahloul: :)
y3nii law el bnt 3nd-ha tajrobet zawaj fashleh ,, w ka2nno by3malo x 3leeeha !!! leeeh ???
aw 7atta 5atbat 7ad w tarkat !!!

Na3ouri said...

بعتقد انه مرض نفسي اكثر منه مباهاة و بجوز فيه منهم عنده عقدة نقص في هذا الجانب و بالتالي الحكي ببلاش فهو بيحكي و هالناس بتسمع و مش بالضرورة تصدقو

كل عام و انته بخير صحيح

sweetlikearose said...

naryat:
i have nth to add :)
yeslam temek ... fashete 3'ole wallahe ... :P
hai 7abteen choco la27la naryat fahmane ..

razan:
la razan ma be3malo x 3leha ... ma beshofoha mn asaso :)

na3ori:
والله ويا هلا دكتور ناعوري مشخص الامراض النفسية ... الصراحة انو كلامك والله انو مزبوط .. هو بيجي الحزين يتباهى انو شوفي انا كنت " جدع " زماني وما بعرف شو بس للأسف ردة فعلنا احنا البنات بتكون تنفير مو تقريب .. انو شو بخبص هادا ؟؟
وعقدة النقص بكل شي مو بس بهادا الموضوع .. حيصير عنا قريبا عقدة نقص بالغاز .. بدي اشوف كيف بنا نعالجها .. من هلا فكرلنا بحلول ...
:: بكيت علكة كامل الك ولحلا ولإم حلا .. وضلك زورنا ::

موقع زواج said...

nice zowaj