Tuesday, January 22, 2008

مش فاهمة ظلام غزة انا يا ناس




انا خلصت امتحانات وجيت بدي اعمل بوست الا هو النت فصل ...


جد في كتير اشياء بدي احكي عنها.. لكن قبل البوست الي كنت ناوية انزلو .. بدي احكي في هادا البوست عن غزة ...


الي عم بصير شي انا مخي البشري المصنوع من التفافات دماغية :: انشاء الله ما يقرأ البوست واحد طب :: انو مو راضي يفهم انو كيف يعني مسموح انو تصير كارثة انسانية بغزة وبفعل ايد البشر ولما تصير كارثة انسانية بمكان تاني بفعل الطبيعة الكل بيودي مساعدات وبحاولو يوقفوها بتشاطرو على الطبيعة .. هلوووووووووووووووو تشاطرو على الي بتقدر علي .. او اوبس ويت أ مينيت .. انسيت انكم ما بتقدرو تتشاطرو عليهم ...


كيف يعني الناس ما عندها كهربا؟؟؟ ما عندها اكل؟؟ مافي خبز مافي اشياء على القليل اساسية ؟؟؟ كيف يعني مياه الصرف الصحي بتغرق المكان؟؟ كيف يعني الناس بدها تعيش من غير وقود؟؟؟ يس ازا كان اهل غزة عندهم اجرين فحضرتو عندو اجرين كمان ليه ما يستعملهم؟؟؟ ولا اه نسيت مسموحلنا الي مو مسموح لغيرنا... انا جدا منفعلة من الوضع.. وفعلا مو قادرة افهم .. يا الحياة هاي الايام ما عادت سهلة ... جرت الغاز بطير .. شاربة رد بول قوي ... يعني صراحة الي متلنا ببدل غصب عنو 4 جرات غاز بالاسبوع يعني بنا نصير نحط 180 دينار جرات غاز بالشهر؟؟؟ يعني راتب موظف بحالو؟؟ في ناس ما الها قدرة .. ولا بعتقد احنا النا قدرة على هادا الشي .. وبضلها اهون من وضع غزة ... انا جد مو قادرة افهم ليه بيعملو بأهل غزة كل هالقد .. وخليهم يخافو على ارضهم ما كل فلسطين بيقاومو ايشمعنى غزة يعني؟؟ عشان الصواريخ؟؟ هلا عشان كم مواطن اسرائيلي :: مواطن ؟؟؟؟ :: عشان كم جبان عايشين بهالارض مليون بني ادم يموت؟؟؟؟؟؟؟؟؟؟؟؟؟؟؟


على قد ما ححكي ما حعبر عن الي بداخلي .. جد انا مستائة من الوضع .. جد اتمنى يكونو الناس حاسين انو هاي كارثة انسانية بإيد البشر ... وانو ارواح بتموت ما الها زنب غير انو وطنها بيتاخد منها .. هاد وطن .. ومين بيعرف معنى الوطن؟؟

12 comments:

Adoosh said...

اعتمدي.. بدّك تحكي عن غزّة ولا عن جرة الغاز؟

بالنسبة لغزة, هم متعودين ع قطع الكهربا.. ماظل ثلاجة بتشتغل في القطاع.. بس المأساة إنو وصلت للمستشفيات القطعة!
وانشالله إنهم بمشوا ع قبروا للي قال خليهم يمشوا..

جرّة الغاز.. عادي.. وستّين عادي.. كما قال الشاعر: هيك مضبطة بدها هيك ختم!
هاي في غزّة عم بطبخوا ع الحطب من زمان.. احنا عم نتدلّع بس..

Bos6ar Gadeem said...

والله يا براء هذالموضوع بالذات ما بده كلام .. يا فعل يا بلاش ... الله بعيتهم

Naryat said...

I second Amjad...
welfe3el mesh eshi 3atefi ertijali, lazem ykun madroooooos jeddan o madmoon ta2theero...

sweetlikearose said...

adoosh:
لووووووووووووووووووول اعتمدت الموضوعين ما بصحلي؟؟ زمان الي غايبة عشان الامتحانات.. هالمرة بس سماح :)
بالنسبة لغزة.. جد انا خجلانة من نفسي اني مابعرف هادا الحكي يا ادوش.. انا كل حياتي بهاي الفترة كانت انشغال مو طبيعي .. مافضيت الا اخر فترة وهاي المعلومات الي بتحكيها عن غزة ما عندي فكرة نهائي عنها.. تخيل لوين احنا مقصرين؟؟ انا ما بعرف انو ما عندهم كهربا من زمان ...جد انو عيب علي ... اما يمشو على قبورهم .. فلوووووووووووووووول من تمك لباب السما امين ..
بالنسبة لجرة الغاز المرة الجاي ما بتيجي على المدونة هيك فاضي الإيدين بتجيبلي معك جرة غاز هاي هدية ثمينة :)
:: بودي جارد على الباب عشان ما يدخلك الا ومعك الجرة :) ::


bos6ar Gadeem:
وشو بتقترح يا امجد؟؟؟؟؟؟؟؟؟
شو الفعل بالزبط الي بدهم يقومو فيه؟؟
يعني هالموضوع بالزات ما بدو كلام وما حدا عم بيعمل شي فبالنهاية لا واصلنا حكي احنا ولا واصلنا فعل .. قاعدين نطلع .. اشك انو في ناس فاضية هالايام تطلع .. ما احنا مشاغلنا كتيرة وقدرو يشغلونا عن قضيتنا .. فشو الفعل بالزبط؟؟


naryat:
كلامك انتيييييييي دخيل ربك شو فهمانة والله انك فهمانة انتي .. جد الكلام الارتجالي وهاي المواقف الي بتصير مجرد مواقف تعبر عن العاطفة انا بحكي الرجال يتركو العاطفة ويخلوها النا ويتصرفو وفق استراتيجيات مدروسة اشرفلنا ....

vagueraz said...

salaaaaaaaam,,,walahe el awdaaa3 sawa2 kanat hoon b el balad wela barra mush wala bod !!
jaret el gaz w ertefa3 el as3aar w bkra bnseeer nsh7at 3la bab el jawame3 :p ,.,, shu bdna n7ki !!
amma b el nsebeh la gaza , shu b2edna n3mal '3eer enna nd3i allah ,,
allah ynt2em mn el yahoood ...
w ysabber el ahaly b Gaza ,,,
y3nii 7atta el kalam ma bjeeb nateeejeh !

Noura said...

From experience I know that lack of electricity has a ripple effect on every aspect of daily life, Allah y3inhom ..

Ma feena n2oul shi illa Allah yefrjha 3al jamee3..Ma tkhafi Allah ma b yensa 7ada bas 2ouli ya rab...

redrose said...

ana batlt asm3 akhbar ya bra'a shi besem el badan..ma 3ad el wa7ed nafsetro tet7aml..alla ysa3ed el jami3

sweetlikearose said...

roro razan:
ahlan ahlan
wen hal3'ebe ya 7elwe??
esma3i, bema eno elwade3 sa3eb w 7anseer nesh7ad .. ana mn hala2 shabab ba7jez masjed elmalek 3abdallah .. me7rez hada :P :: la sama7 allah ::
w belnesbe la gaza .. sara7a ana da2eman bad3e eno allah yefrejha 3lehom ya rab .. w allah yenta2em mn elyahood ..
:: 7abet choco e mlabase belfarawla :P ::

noura:
ahlan sweetie ..
wallah ana da2eman ba7ke YA RAB ... sho bne2dar asasan ne3mal 3'er heek??
3la kolen fe3lan el7aya mn doon elkahraba kteer sa3be 5ososan eno kolshe be3tamed 3leha .. jad allah y3een :)
:: 7abet choco m3 mlabase belkaramel zakye ma t5afe :P ::

redrose:
WELCOME sweetie .. ween hal3'abe???
MISSED U alot ..
ana basma3 3shan a3raf sho beser .. ente 5odeha mn hada elmon6alaq : el25bar aktar film action w ro3ob .. 7a2ez 3la ja2ezet el bebe lal2flam elmo5efe :P
:: 7abet shoco belmango eza ma 3ajbateek badle m3 noura eza bterda :P ::

SimSim said...

شو بده الواحد يحكي الا حسبنا الله ونعم الوكيل

من وين ما بتجيبيها نكد

بعين الله

sweetlikearose said...

simsim:
hey ahlan ahlan ya 7elwe .. nawarte elmakan :)
w 3la 2olek yse7 lsanek .. mn ween ma jebteha ...... NAKAD ..
:: 7abet choco 6aybe kter kter ::

bahloul said...

آل غزة عذرا وليس لنا عذر والله اللي بيصير من عمل أيدينا. صبرا أل غزة فاليسر مع العسر والنصر مع الصبر

sweetlikearose said...

bahloul:
ba3ed el23tezar mn 3'aze, sho?? bashofak 2labet aw la2 Galaber sha3er???
akeed ba3d el3osor yosr w akeed labod yeje elnaser,,, bas kam beydfa3o thamano yatora?? w mata??