Sunday, March 30, 2008

الي معووش ما بيلزموووووووووووش




يعني انا بعمري بحياتي ما شفت ناس ما معها تتزوج وبدق على بواب الناس ... هلا لو انا رجال وحكيت كلمة والله اموت ولا اتراجع عنها بهادا الموضوع بالزات .. لما تشوف بنت الحلال الي تعجبك كشكل وكمضمون ويعجبوك اهلها وانت ناوي على الزواج ... واتقدمتلهاا وفجأة وبعد ما اتفقت انت واياها واهلها واهلك سهلو عليك المهمة ..بتقرر حضرتك انك انت مو جاهز للجواز!!!!!!

شوفو هالقصة

وحدة بعرفها ومن الناس الي كتير مقربين الي اعجب فيها شب ... وسأل عنها واتقدملها ومشو بالموضوع ... وطبعا اهل البنت سألو عنو والوضع كلو تمام ... اجو اهل الشب واتفقوا مع اهل البنت على المهر وتاني يوم اجى الشب لحالو وقرر انو هو ما بيقدر يدفع هادا المهر بس هو شاري البنت واهلها ... وطبعا ابو البنت من باب التيسير على الشب راح وحكى للشب ماشي بدك ليرة دهب وتجيب وتجهز على راحتك ما عنا مانع وشو ما جبت احنا موافقين وازا نقصكم شي احنا بنعوض .. والشب طبعا اعتمد بعد ما رجع بكلمتو ومشى بالموضوع وراح واجى عند هالبنت وطلعو واشترو الدبل .. وهم بسوق الدهب اكتشف انو الدهب كتير غالي وانو ما بيقدر يجيب دهب ,.. راح حكى للبنت واهلها انو شكلي بدي اعيد حساباتي .. شو تعيد بحساباتك؟؟؟ انت من ال 3 الاف الي طلبوها اهل البنت انت مش حتجيب الا بس الف و500 ولسا بدك تعيد حساباتك؟؟ وطبعا الشب عاد حساباتو ولقى انو مو موفية معاه الزيجة .. وبهديه اغنية بدري عليك بدري ان كنت ما تدري .. هلا جاي تعيد حساباتك حبيبي بعد الهنا بسنة؟


يعني يا ناس الي ما معو يتزوج ليه بيحط حالو بهيك مكان وبحرج نفسو وبحرج اهلو وبثبت للناس انو ولد صغير وما دخلو بالرجولة بشي؟؟؟



انا وانا بنت بستحي ارجع بكلمتي لما احكي كلمة ... وبنات العالم مو لعبة .. ماشي انو الدنيا غالية بس ابو البنت خفف عليك نص المبلغ كمان فوق ما هو استقبلك ببيتو وسامحك بالمبلغ الباقي انت تروح تترك البنت بس عشان طقم الدهب الي طلبتو بألف دينار وبدها كسوة ب 500؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



الشباب بعترضو بيحكو بطل في بنات تنفع تكون امهات وزوجات المستقبل وشريكة الحياة .. بس انا بعد هاي القصة اكتشفت انو بطل في رجااااااااااااااال والشباب لا قيم ولا اخلاق ولا دين ولا في شي بالدنيا كلها بيحكمهم كل واحد داير على كيفو ... وانا بحكيلها ولا يهمك ولا تهتمي الي بيزرع قمح ما بيحصد الا قمح وبنات العالم مو لعبة بإيدو وحيجي يوم متل ما املك وبطل عنك عشان الفلوس، وحدة حتبطل عنو عشانو بخيييييييييييل

13 comments:

bahloul said...

masa2 el 5eer, sho malek ya benty shway shway, hada heek sar ra2yk bekol el shabab, allah ysam7ek, walla ennek zalmeh, y3ny fekrek el shabab elly ma btzawajo lal 27 w 28 hommeh mabsoo6een la2 bs bekoono ktheer menhom masakeen 3been ma ykawen 7alo w ysta3ed eno yrtabe6 bebanat el nas.

Qabbani said...

:)

كلامك في منو , بس انا بحكيلك يلي صار مو انه مامعو ,ريلي صار انه تردد و ماعندو ثقة بالله بس مو أكتر
الزواج ربك بيسرو ولو ماكان معو بالمرة , بس يكون متوكل على الله و عارف شو بدو و ناوي السترة :)

اما يلي بحسبها اكتير ما بتزبط معو بالمرة و هاد الشب انا بحكيلك قلب مو شغلة مصاري , لأنه كان بإمكانه يدبر حالو بطريقة او بإخرى و مادام اهل البنت ميسرينها المشكلة في هوة , مو شغلة رجال ولا لأ , الشغلة انه في تردد بالموضوع , وشاري البنت و اهلها ما بيعمل هيك إلا اذا كان ببالو بال

على العموم وأنا بحكيلك ياها من خبرة , لما خطبت ماكنت ناوي هلأ لأنه وضعي المادي مو جاهز , بس سبحان الله لما نويت و توكلت على الله , تيسرت الأمور بطريقة عجيبة و الحمد لله اشتريت الدهب و كل ما يلزم

و بالعكس اهل العروس طلبو شي و نحن زدنا على يلي طلبو

ف الموضوع اذا مافي ثقة انه ربك بيسر ما بيمشي الحال

و الشب يلي عم تحكي عليه ايمانو ضعيف :)

تحياتي لك و نهارك سعيد و روقي
و كلامك يلي معوش ما بيلزموش بالزواج بالذات ما بصير تحكي :) لأنه هي الشغلة متل الرزقة ربك بيسرها لما الواحد بصدق بنيتو

Adoosh said...

الموضوع مش موضوع مصاري, وإذا ع حسبة الأرقام مافي حدا بتوفّي معه.. بس هاد الشب ببساطة "ولد" ومش خرج جواز خرج يلعب..
بدي أفهم أنا وين هالأيام بتلاقي ناس يحكولك بدنا بس ليرة ذهب وجهّز براحتك واذا التحقت بنساعدك!

بعدين وين أهله عنّه؟ كيف بروح وبرجع بكلامه هيك؟ وكرامتهم؟ وكلمتهم؟!

في حدا في الدنيا بستغلي يشتري دبل ياالله!

Naryat said...

يعني موفق و أدوش كفّو و وفّوا
هاد الشب مش مشكلتو بالمصاري، مشكلتو انو ما عندو كلمة
الوضع كلو مساعدو، و أهل البنت ما بيلتقى منهم هالأيام... بس هو ولد و ما عندو كلمة..
أو.......
انو جد بحياتو جديد و هو مش عارف كيف بدو بنسحب فتحجج بقصة المصاري... ازا كان هيك يروح الله يبعدو و يسعدو بالناقص منو ما بيلزمها للبنت

hisham said...

wallahi ana moo 3aref kteeer men el nas la ween ray7eeen...
la 25la2 wala mabade2... wel shabab wel banat kteer menhom bs bedhom y2addoha lo3ob w teslayih...

ya3ni debal w 5 talaf walla 10 hadool mawdoo3hom sehil... elli 3endo beet w da5l thabet hadol ma befr2o ma3a law betdayanhom 7atta
bs el wa7ad shoo beddo y2ool 3'eeer allah ysame7 el nas 3ala elli be3malo be 7alhom

sweetlikearose said...

bahloul:
masa2 elward.. w ana shwai shwai w akeed mo heek ra2ye bekol elshabab bas enta 3m te7ke 3n el23'labeye .. sad2ene wallahe 3dm ta3amolak m3 hai el2shkal la ya3ne 3adam wjodhom ..
w ana ma ba7ke eno elshabab ele foo2 el 27 mabsoo6een .. allah y3enhom ya bahloul bas ba7ke lma enta ma m3ak w l2eet nas tsa3dak lesh la7ata tshof 7alak 3la hodol elnas?
alla y3een elshabab 3la el3'ala wallahe jad allah y3enhom ..
:: 7abet choco 6aybe 3shan ma tez3al abadan :P ::

قبانيِ:
والله كلامك والله مزبوط ... والله انا حكيت يا قباني من البداية انو والله لو اتداين وادبر حالي من هون وهون خلص بمشي الموضوع ولا اطلع بسواد الوجه بس زي ما انت حكيت الموضوع في تردد بس الي انا مو قادرة افهمو تردد لشو؟؟
اهل البنت وانت عجبوك والبنت انت الي زهئتها قد ما حاولت معها وانت الي عجبتك وانت الي بعتت اهلك عليها وانت كنت تقعد عندهم بالساعات وكنت ما احلاك وما احسنك لحد ما شفت انو الدهب غالي .. طيب يا قباني ازا مو موضوع تردد عشان الفلوس تردد عشان شو بالزبط؟؟
وفعلا لما الواحد ينوي ربنا بيسرها انا بأمن بهادا االشي بس انا لما حكيت الي معوش ما بيلزموش هادا الشب بيحكي ما معي وبيجي طيب ازا كان ما معك وما بدك تدبر وما حيكون معك بالوقت القريب لكان شو بدك تتزوج بنات العالم ببلاش؟؟ صراحة انت ما بتلزمهم .. فهمت فكرتي بالي معوش ما بيلزموش ؟؟ ليه يحط حالو ويحط غيرو بمواقف محرجة بس عشان اكتشف حضرتو انو ما معو ؟؟؟؟؟؟؟؟؟؟؟؟؟؟؟؟؟؟؟
ونهارك اسعد وحبة شكلاتة طيبة :)

sweetlikearose said...

adooosh:
والله يا ادوش اسألتك هي نفسها الي سألأتها لنفسي ... نفسها بالزبط ومو عارفة اجاوبها ... يالله في واحد بيجي يخطب بنت عالم وناس وهو مو حاسب حسبة مرتبة وزايد عليها مبلغ احتياط؟؟ طيب ازا الشغلة مو شغلة فلوس لكان شغلة شو بالزبط ؟؟؟ وانا حكيت عنو ولد وبلعب واحرج نفسو واحرج اهلو وهو اهبل بصراحة ... والله يعينو على هبلو .. ياريت لو في اجوبة لكل الاسئلة الي انت سألتها ...
خليه بكرا بيروح يدور على بنت واشوف من بدو يطلب ليرة الدهب ويساعدو كمان ...
:: حبة علكة العلكة منيحة لشغلك :) ::

naryat el2mora:
شوفي يا حلوة على قصة جد جديد بحياتو .. يعني زي ما حكيت فوق هو الي لحق البنت وهو الي ضل بدو يخطبها وهو الي اجى وكان اقل قعدة يقعدها عندهم 6 ساعات وهلا جاي بكل بساطة ينسحب لانو جد جديد؟؟؟ يعني البنت ما سعتلو هو الي سعالها ...ولو فعلا جد جديد بكون مافي اتفه من شكلو ولا اصغر من عقلو .. وفعلا هو ما بيلزمها ..
:: بكيت شبس كبير زاكي يالله عيشي :) ::

hisham:
saaa7 ... eldebal ma bte3ne she .. la howa eshtarahom ... bas lama shafha 3ajabha 6a2em dahab be 1000 enjala6 .. 7kalak sho haltalbese?? ye5reb beto maho ma 7aylabes 3'er 6a2em wa7ad mesta5ser feha el6a2em ykoon t2eel???????????
7asbona allah w n3ema elwakeel fehom
:: kaset 2hwe 3shan edalak msa7se7 been elcomputers :P ::

hisham said...

thank you for the coffie...

vagueraz said...

بوستك حلو و من الواقع ..
بس ما بتقدري تعممي على الكل ... لأنه في هيك و في هيك ...
أنا مع أدوش و قباني إنه الزلمة هاد ما إله كلمة .. و ربط بنات الناس برضو مش لعبة..
و منيح إلي صاحبتك خلصت منه جد !!!
يعني كان إزا ضلوا سوا و إجا أولاد يطفش من البيت !!!!!!!!
.... هاهاه......
الواحد لازم يكون مدرك تماما و واعي خاصة بمسألة الزواج لأنك بتتكلمي عن عمر مش يوم أو يومين ....
الله يهدي الجميع ...
:: و هاي المرة أنا بدي أعطيك بكيت
شيبس :) :: عيشي ... لووووووووووول .

Amjad Wadiِ said...

موضوع رائع و بخص شريحة واسعة من زباين مدونتك .. كما هو الحال هون

بس بصراحة انتي واللي علقوا عالموضوع ما خلوا مجال للزيادة ...
بس حاب أضيف انه الموضوع ما يكون تجارة من وجهة نظر البنت و أهل البنت .. و لا استغلال و بخل من وجهة نظر العريس

البنت من حقها تلبس و تتزين و تفرح بالعرس .. بس برظوا الشب من حقه يتجوز و ينضب ... بدون مايكون عليه 33 ألف جي ديه للبنك + 5 آالاف سلفه + 6 آالاف عالكريدت كارد + ...

بس البنت اللي حكيتي عنها لازم تكون مبسوطه انها خلصت من واحد مش عارف راسه من رجليه و لا عارف يتخذ قرار

و برأيي .. زي ما حكى مستر قباني (هو بحكي عن تجربه و أنا بسرق منه) : اللي بنوي ربنا بيسرها معه .. و المرة والأولاد بيجوا رزقهم معاهم .. بعد السعي والتوكل على الله

vagueraz1 said...

UR tagged sweety :)

sweetlikearose said...

hisham:
u're more than welcome :)

razan:
انا ما بعممممممممم على حدا ... شوفي صحيح انو الدنيا اتغيرت بس بعدو الدنيا فيها خير .. بس انا بحكي اجمالا اخلاقيات الشباب تغيرت ما عادت نفسها الاخلاقيات الي كانت ايام زمان فهمتي علي؟؟؟ بعدو في ناس مأدبة ومحترمة وووو بس مو كل الناس هاي متل زمان .. يمكن انا هلا متأثرة بغير رأيي لحالي بعدين ... اما انها تركتو الحمد لله صراحة انها تركتو .. كان اتغلبت معو كتير ... هي الحمد لله مدركة وعارفة هادا الشي .. وزي ما حكيتي هادا عمر مو يوم ولا يومين ..
ولووووووووووووووووول على بكيت الشبس نزل من السما انا نفسي اكل شبس هههههههههه ..
:: خدي هي حبتين لانك انتي الي جبتيه :) ::

amjad:
اااااااااااه .. نزلو العرسان على الساحة ... هلا بنا ندورلك على عروس حلوة وطويلة ونحيفة وبيضة وشئرا وعيونها خظر ولا هي زرك وخفيفة دم ودارسة وبتشتغل وعمرها لا يقل عن 22 سنة شو كمان بدك اسمها بالمرة ؟؟؟
هههههههههههههههههه تخيل؟؟
يا امجد هي المفروض ما تكون تجارة من اهل البنت ولا بخل واستغلال من الشب هيك المفروض بس صدقني احيانا بتكون من جهة البنت او اهلها طبعا او من جهة الشب ... ما بتخلى الدنيا من العجايب وعاد ما حدا عارف مع مين يضطر يتعامل ...
ومتل ما انت حكيت مو شرط عشان البنت تنبسط انو يتداين الي فوقو والي تحتو ويضل يسد بديونو عشر سنين لقدام .. خلص هي تفرح وتنبسط بس ما تزودها وهو كمان ما يبخل .. والله انو انا بحس بالشباب الله يعينهم ... وفعلا الحمد لله انها خلصت منو .. وبعدين زي ما حكيت ويسلم تمك الواحد ينوي ويتوكل على الله مو بس ينوي ويتواكل على الله ... عمرها ما بتمشي الامور وقتها صح ..
:: كاسة شاي مع نعنع مع اني ما بشرب الشاي انا بس هادا كرم ضيافة مني :)::

razan:
ok sweetie .. i'll do it enshallah hala2 baro7 bashof sho el2osa :: hate kaman 7bteen chips :P ::

Amjad Wadiِ said...

اجيت اسأل وسينك ... هيك موجوده