Sunday, April 13, 2008

ليه ما زلت أدون مع كل هالغيبات؟




مع انو انا صايرة من الاشكال الي جد ما بيلبقلها التدوين بس انا بحب مدونتي كتير لانها المساحة الي بتخليني اتواصل مع اشخاص كتار من الاردن ومن خارج الاردن وبالتأكيد انا ما اخترت الا النخبة ..

انا انسانة كتير مشغولة .. ما بقدر اقعد هيك بس واحكي خلص اليوم بدي اطلع مشوار او اليوم بدي اقعد بالبيت اعمل ريلاكس .. كل اسبوع بيكون عندي من بدايتو خطة اسبوعية كاملة لباقي الاسبوع ازا ما كانت لأسبوعين لقدام .. وجد الوضع صار يصير ممل .. انو مافي شي بالدنيا مستاهل اضغط حالي عشانو ..بس المشكلة اني لما اقعد بالبيت ما بعرف شو بدي اعمل ... هي حياة وبتمشي بروتين قاتل جدا .. عشان هيك ومن بداية ما دخلت عالم التدوين كنت كتير احب اكتب .. بس كتاباتي دائما مرتبطة بوقتي .. وياريت لو فيني افك هالربطة ... ازا قدرت اسرق وقت من نفسي واكتب هيني قدرت ازا ما قدرت ممكن المدونة يطلع عليها كومة غبرة لا انا ولا غيري زايرها ...

انا فكرة التدوين كتير عاجبتني ... ووجود مساحة الي بالنت بتسمحلي اكتب الي بدي اياه واتواصل مع اشخاص متلكم كمان عاجبتني .. وانا والله اكتر من مرة احكي مو فاضية مو قادرة اني اتواصل خليني اوقف المدونة للعطلة الصيفية برجع بحكي ممكن اخسر الناس الطيبة الي بحكي معها ... جد والله مو مجاملة انا في ناس كتير ما بتواصل معها الا من خلال المدونات وجد بحب اتواصل مع هاي الناس بسبب عقليتها وسبق وحكيت بالنسبة الي ما اخترت الا النخبة الحمد لله وسعيدة بوجود هيك ناس بالنت

هيك بكون جاوبت على التاغ الي من سنة جدي الاول الله يرحمهم جميعا وهو عندي ...

يمكن طلع عشرة غيرو وانا لسا مو مجاوبتو ,, بس ان تصل متأخرا خير من ان لا تصل ابدا :)

13 comments:

@ !\! o o o $ said...

ولك اوسوكتي
ومش انا اجاني تاج كمان
XD

Amjad Wadiِ said...

يا أهلا و سهلا و الله
الحمد الله على سلامتك

ان شاء الله تكون رجعة مستقرة للتدوين

نورتي

Qabbani said...

ياهلا :)

طيب مافي وقت لتقرأي كمان ؟؟يعني بطلتي اطلتلي

و بعدين معك ومابدك تشيدي حيلك بعدين بتخسري الزباين

Summer said...

good to see you back, even just to say hi and check out things here and there....at least you are not going to quit blogging, so this is a good sign!

Naryat said...

يا أهليييين :-)
ولك والله و احنا كمان بنحبك و بنحب مدونتك...
و انا شخصانيّاً بتدايق لما تطولي الغيبة...
سوووو ضلّي اكتبي، و ضلّي طلطلي،
و حسّك عينك اجي يوم الاقي المدونة مسكرة... بوصلِك!!! :-D

Naryat said...

يا أهليييين :-)
ولك والله و احنا كمان بنحبك و بنحب مدونتك...
و انا شخصانيّاً بتدايق لما تطولي الغيبة...
سوووو ضلّي اكتبي، و ضلّي طلطلي،
و حسّك عينك اجي يوم الاقي المدونة مسكرة... بوصلِك!!! :-D

vagueraz said...

welcome back bara2 ,,,
....
mdawentek kteeer 7elwh ,,, ma t'3eeebi 3an-ha kteer ...

cheer up :)

hisham said...

Viva la tadweeen... people always post and write and enjoy

sweetlikearose said...

anoooos:
لاااااااااااااااء!!!!! لا تحكيها..
اجاك تاغ؟؟ ياعم ودخلت على التدوين :)
:: واحد بيباركلك ببكيه ورد ::

amjad:

اهلين فيك والله يسلمك :)
والله الرجعة شبه مستقرة انا عم بحاول قدر الامكان اني ادون .. بس ان شاء الله الرجعة الاكيدة ان شاء الله تكون بالعطلة الصيفية لما اخلص امتحانات ما انت عارفني بالجامعة يالله يالله اعرف ارد على التعليقات .. فتنزيل البوست عندي بدو مجهود :)
:: فنجان قهوة عربية ولو اني ما بحبها :) ::


qabbani:

لووووووووووووووول لا والله انا لما افتح النت يا دوب بقرأ مدونتي يا دوب بقرأ التعليقات .. لاني بكون مستعجلة .. انا مهو يا موفق بدرس وبشتغل وبدخل على البيت هلكانة وماكلة الهوا بحالو ... ومع الواجبات والدوام اليومي 5 ايام بالاسبوع مو متل زمان كنت بس 3 ايام هلا ازا عندي واجبات بعملهم بالليل وازا بدي افوت اونلاين على المسنجر بتلاقيني عم بدرس وانا جوا .. بس ان شاء الله اول ما تخلص الجامعة برجع احسن من اول ..
شكرا لسؤالك واهتمامك :)
:: فنجان قهوة عربية الك كمان اليوم يوم القهوة العالمي ::

sweetlikearose said...

summer:

thank u sweetie ... good to hear from u .. bedalek a7san mne wallahe :)
w ana kaman sara7a 7akeet ene astamer law shwai shwai is better than quit blogging
thank u very much for passing by :)
:: warde 7amra kteer ::


naryat:

بطلعلك انتي هههههههههه بتوصلني بسهولة :) :: واحد خايفة وقاعد ساكت ولا همس ولا نفس ولا صوت ::
والله الله يسعدك يا ناريات .. ان شاء الله على طول حضل ادون واتواصل معكم لانكم جد ناس طيبة .. شكرا كتير الك :)
:: بس بصير اشوف اجرب اعرف كيف بدك توصليني ؟؟؟ سؤالن صعبن سؤالن يحيرني ::


razan:
mo a7la mn modawantek w ketabatek .. w esnhallah ma 7a3'eeb howa bas lalama a5ales w barja3 maf3ole a2wa mn awal :P
: warde 7amra kter kter ::


hisham:
mo mohem el people elmohem enta bta5od mn wa2et elsho3'l la toktob w tnam w te6ala3 3la el7elwat wela la2?? :P
:: fenjan a2hwe 5aleek da2eman edalak awake :P

hisham said...

ana 2aslan 6ool el nhar ma3joooo2... ma fee wa2t 23mel postat, aw lal noom aw la 2ayya shee tani.. allah ysam7ik
:-p

hamede said...

Hala walah.

bahloul said...

don't worry bara2 even if you don;t write any thing for a while just don't stop , and try to be in touch from time to time. ;)