Thursday, June 26, 2008

تخرجت


شعور حلو كتير انو الواحد بعد اربع سنين تعب بالجامعة يوقف على المنصة وياخد الشهادة ويصيرو اهلو يصوتولو ..

تخرجي كان ب 22/6 وفعلا كان يوم رائع جدا وما تخيلت انو انبسط بالتخرج كل هالقد .. الصراحة انو ما بعرف كيف في ناس بيجيها قلب ما تحضر تخرجها او تخرج ابنائها .. مابعرف بس البروفو الها هيبتها والتخرج نفسو الو هيبتو .. من لما لبسنا ارواب التخرج وفتنا على القاعة الرياضية لحتى نصف واهالينا يتصلو فينا وين انتو واحنا قاعدين هون وفلان قاعد بالمدرج الي هناك وهيك .. وبالتأكيد هادا الرصيد ما حدا يسأل عنو ... بتشحن بنفس اليوم بطير بنفس اليوم :: يمكن شارب ريد بول :: وبعدين لما طلعنا ومشينا حولين الستاد وشفنا اهالينا واديش هم مبسوطين فينا ما بعرف بشو اوصف هالشعور ... شعور جد رهيب ... طبعا والطلاب العرب الحمد لله والشكر انسيت احكي عنهم .. حكولهم ممنوع تفتحو الروب فتحو .. ممنوع تحطو اجر على اجر للي بالصف الاول احتراما للاهل حطو .. ممنوع تحكو تلفونات وانتو قاعدين حكينا :: انا شخصيا حكيت ليه الكزب ؟؟ :: كل شي ممنوع الحمد لله والشكر عملنا ..

الحمد لله تخرجت بعد اربع سنين من الجامعة الاردنية بتقدير جيد جيدا .. تعبت لحتى اخدت الي بدي اياه ,,, صابني نوع من الانقطاع عن الصنف البشري خصوصا بآخر شهر ... بس ارجعت بدي امارس حياتي الاجتماعة حسيت حالي ماوكلي فتى الادغال ... جد اول يومين حسيت حالي مش عارفة اتواصل معهم بسبب الانقطاع الرهيب عن الحياة الاجتماعية سواء بالبيت او بين الاصدقاء او هيك ... بس الحمد لله مرت الامور على خير وصار كل شي بدي اياه ..

الصور لسا ما طلعت حتى انا لسا ما رحت اجيب صور الجامعة الصراحة ... كسل :)

في شي واحد بتمنى يصير من كل اعماق قلبي لحتى تكتمل فرحتي ... الله كريم وان شاء الله بيصير ...

ادعولناااا دعوة صادقة

27 comments:

mab3oos said...

الف الف مبروك
التخرج دايما الو بهجته

Maher said...

alf mabroook!
shareb red bull? LOOOL!

Qabbani said...

MObaaark :)

;)

lost within said...

Mabrook w menha lal a3la :)

wonders said...

mabrooooook girl!

SimSim said...

1000 mabrook :)

hhhttpm said...

1000 mabrook w inshallah rabna ywaf2ek ya rab.

hhm said...

that was me .. lol

Jasim said...

Alf alf mabrook ya rab. :)

Inshallah elli bi balek yseer o tekmal far7etek. :D

vagueraz said...

alf mabroooooooooooooooooooooook :)
zakarteeni b yum ta5arojeee last year :) ....
jad sh3ooor 7elo :)
allah ynawlek ely f balek w ywaf2ek :)

Diana said...

Congratulations and good luck! :)

Anonymous said...

mabrook B!

Adoosh said...

Mabrook Bara2, welcome to the real world :)

Mona said...

Alf mabrook :D

sweetlikearose said...

Mbab3oos:
الله يبارك فيك يارب .. جد انا كنت احكي التخرج شي عادي ما حبيت الجامعة ما ححب التخرج بس صراحة انصدمت من حالي لما حسيت ببهجة التخرج اكتر من ما اتخيل :)
وشكرا لمرورك ..
:: بكيت علكة بحالو :) ::


maher:
allah ybarek feek ya rab ... w 3o2bal el3ayzeen ..:)
bede a3edha 3shan at5araj kaman mara :P
:: 7abet 3elke zakye ::


qabbani:
allah ybarek feek ya rab ..
:: bakeet 3aseer ..:P ::

sweetlikearose said...

lost within:
thank u sweetie .. allah ybarek feke .. w thank u 4 passing by :)
:: bakeet 3elke lazeze ::


wondeeeeeeeers:
heyyyyyyyyyyyyy ... MISS U :)
allah ybarek feke 7abebte ..
:: bakeet choco ::


simsim:
allah ybarek feke samsome .. how are u doing?? Miss u girl ..
:: 1000 warde 7amra ::


hhhtpp:
allah ybarek fek/e...
thank u for passing by ..
:: bakeet 3aseer ::

sweetlikearose said...

hmm:
Thank u for informing me ...
bas ma elak 7abet choco falaset w ana awaze3 7elwan :P
ma tkoon 6ama3 :P
:: wa7ad be7ke m3 wa7ad 3a2lo kbeer .. aywa :P ::

Jasim:
Heyyyyy .. welcome to u in my humble blog .. allah ybarek feek ya rab w 3o2bal el3awzeen :P
thank u 3la elda3we thanx w allah ynawlak ele bebalk too ..
thanx 4 pasing by ..
:: bakeet MR. chips beljebne ::

roro razan :
allaaaaaaah ybarek feke ..
heek ya3ne el2shya2 betseer bel2a5er zekra??
ro7et akamel sho3'le beljam3a .. lama fotet 7aseet 7ale 3'arebe :(
:: 100 warde 7amra ::

diana:
allah ybarek feke w thank u sweetie ..
thank u 4 passing by :)
:: bakeet chips zake :P ::

sweetlikearose said...

anonymus:
thank u so much .. w allah yabarek fek/e
thank u 4 passing by ..
:: 7abet choco lazeze ::


adoosh :
adoosh bede a3raf 3ende fodool .. kam sar ratbe ba3ed el2qte6a3at besabab el3'eyab sir??
w allah ybarek fek ya rab ..
w hai el real world 5awafatne .. shwai shwai 3lai :)
:: bakeet 3elke 7amda :P ::

mona:
allah ybarek feke ya rab ..
thank u for passing by ..
:: 3elbet choco malyane :P ::

Amjad Wadiِ said...

أيوا هاي الأخبار إلي بفرحلها الواحد

بتستاهلي الله يعتيكي العافيه

عقبال ما تتخرجي من داركو :)

sweetlikearose said...

amjadwadi:
ah wallah a5bar 7elwe .. mdab2a mn 7alawet-ha :P
loooooooooooooooooooooooooool 3la tet5araje mn darkoooooooo ... hehehehehehe
allah kareem :)
:: 7abteen choco ma benas7o ::

Anonymous said...

o hay kaman mabrook 3ashan el7afel, i hope kolshi btetmaneh yseer, o belnesbeh lalli ma 3endhom qalb yro7o 3ala 7afel elta5aroj taba3hom - methel ma 3melet ana - fa hathoul nas ma elhom 6olet bal 3alrouten o ma byerdo bel enqeyad , ana ma barda amshi o a7ki o aqoom o aq3od methel ma bedhom elnas - -- esma3o hal5are6 3ashan ma yshouf benet fel ham3a ma sajjal fel 7afel -- fa ana baqool enno hathoul elnas okin lahom kol al e7teraf.
wa domti
darkgraduator

sweetlikearose said...

darkrain:
same 7alak she mara wa7de thabet .. 3shan mo kol mara at3'alabe bel2esem :P
w stana .. ma ro7et 3la el7afel????????????????????? whyyyyyyyyyyyyyyyyyyyyyyyyyyyyy??
marfood 3ozrak .. w 7elwe hai "o ma byerdo bel enqeyad " .. hehehehehe ...
mahma ykoon fe 2omor ma btetkarar abadan .. :)
:: 2hwe zakye ma btetkarar :P ::

Naryat said...

و الله مبروك براء خانوم :-) و الله و عشنا و شفناكي متخرجة يا ضرسانة ;-)
ما شا الله حولك لك كبرتي و صرتي عروووس

لووول
هداك مو انا هاي كانت جارتكم الشامية و صتني هيك احكيلك :-)
مين جارتكم؟ شو عرفنيبجارتكم؟ مين طفاالنور؟ مالي عالصبح؟ لوووووووووووووول

لا لا جد جد، انا ما كنت بدي احضر تخرجي، بس امي كتير حبتني انو احضر، فاا حضرت :)
و ما ندمت اذا بدك الصحيح...
بس بالله بالله يا براء ما هي اغنيتنا تبعة الجامعة الأردنية بتقشعر البدن قد مو هي حلوة؟ اوكي كلو شقفة بكالوريوس صار ينباع عالبسطات، بس برضو... و الله بتحسيها الاغنية بتقدر تعبك كتير منيح...
يالله حبيبتي الف الف مبروك يتستاهلي كل خير..
الله يتمملك فرحتك ياااا ربّ و تعيشي حياتك كلها مبسوطة و متهنية...

sweetlikearose said...

naryat:
ثانك يو سويتي والله يبارك فيكي يارب .. وعقبالنا بالماستر وهاي الحركات الي ما الها معنى ..
والتخرج زي ما حكيت شعور كتير كتير حلو .. وصراحة؟؟ انا ما عمري كنت فخورة اني بالاردنية غير لما تخرجت وشفت كيف كان تخريجهم حلو ومنظم .. والاغنية فعلا بتئشعر البدن ولك حفظتها وانا اغنيها .. هههههههه مش هالصوت اهلي دايما بحكولي ارحمينا وسكري هالراديو الي فاتحتيه .. :)
المهم تخرجنا وكان تخرج حلو والحمد لله على كل شي .. والبكالوريوس احسن من الي ولا اشي على القليل هو الخطوة الاولى من دونها ما بتمشي اي خطوة تانية
:: حيلوان التخرج .. ازا اخدتي حيلوان قبل هيك احكي اعترفي عشان نخلي للناس الي ما اكلت ..والا احكيلك .. انتي بيطلعلك يا عم ::
sweetie heek she yoom I'll call u balken elta2ena.. 3endek mane3??

Naryat said...

nop :-)
sure not sweety... enshalla :-)

bahloul said...

walla ya reeto alf alf alf mabrook bra2 5anom, yalla endamy 2la sooq el 3amal aw sooq el 3a6leen 3n el 3amal :), deery balek 3la 7alek w sam3eena el 25bar el 6aybeh

sweetlikearose said...

naryat:
thank u sweetie lakan be2a2rab forsa :)


bahloul:
7aram 3leek tsha2emne :(
w allah ybarek feek ya rab ..
blaGe 3endkom sho3'ol ??
:: 7abet choco :P ::