Tuesday, May 12, 2009

كبرت افكاري


مو عارفة يا جماعة من وين ابدأ ... طبعا هدول شهور وشهور الي غبتهم ورجعت ولئيت كل شي مختلف ... كتير ناس راحو ما عاد بنلائيهم وكتير ناس من الي بحبهم وبعزهم ما زالو والحمد لله بالمدونات ... ناس كتير سكرت مدوناتها وحذفتها مع انها كانت رائعة .. وناس كتير فتحت المدونات لناس معينة وانا كنت افوت على المدونة مرة كل ستة اشهر :: مش عارفة ازا الي ست اشهر غايبة ولا اكتر::

بس بالنهاية سعيدة اني رجعت وححاول قدر الامكان اكتب واعطي الي عندي .. لاني واخيرا بحب اني ارجع للمساحة الي كنت اكتب فيها النهفات الي كانت تصير معي .. وما تتخيلو كم بضحك لما اقرأ الاشياء الي كاتبتها ايام الجامعة .. واااااااااااااااااااو كأنها الها عمر ..

من لما تخرجت من الجامعة الي بالتأكيد كنت اغلبكم بعرف اني ما كنت احبها .. من وئتها وانا مبسوطة اني تخرجت .. ما بعرف صراحة ما بحس حالي ندمانة اني تخرجت .. يمكن بشتائ للجامعة 10% كل شهرين مرة .. :: لاحظو اناما بحكي بالاشهر صرت اخوف :: بس صراحة عالم الشغل عالم غريب غريب غريب ما فيني احكيلكم كيف انا شفتو ...

اشتغلت معلمة .. طبعا لهدف ببالي فكرت انو سهل اني اوصلو .. اكتشفت انو مو سهل واني يمكن اضطر اشتغل معلمة سنتين تانيات لحتى ائدر اوصل لهدفي ... مترجمة ... مترجمة محترفة .. لانها بدها دورات وخبرات وتدريب ..

درست في مدرسة خاصة .. ما ححكي اسمها هلا ... وما ححكي شي عن الظروف الي عشتها ... بس انا اكتشفت من خلال التدريس بهاي المدرسة انو الشغل مو متل ما انا كنت متوقعتو .. اصطدمت بالواقع واخيرا ... حلو اه .. بس التعامل مع اصحاب الشغل شي سيئ ... خصوصا ازا ما كانو بخافو الله .. بس الحمد لله طلعت من التجربة مبسوطة بإني فدت واستفدت .. وتعرفت على مجموعة طيبة من البنات الي جد حبيتهم ... من معلمات او طالبات ... ما فيني احكيلكم جو المعلمات شو جو ------ :: مشفرة :: لكن جد تعيس .. ومع ذلك ممنونة للخبرة الي اخدتها بالتعامل مع الناس وممنونة انو اتيحت الي فرصة اكون معلمة ...
ورح يطلع كتاب حسميه " المعلمين في ضرب الاسافين " قريبا ترقبو :)

درست ولاد وبنات .. وبالتأكيد ححكي ببوست تاني على رواء عنهم .. لكن خلي هاد البوست افتتاحية ... وان شاء الله ائدر اضل مستمرة هون ...

بالاخير بحكي لكل الي حكولي الشغل عالم اخر : انا هلا صرت بآمن بهاد الشي ... ومقتنعة

ياريتني ارجع طفلة .. بنت مدرسة بتلبس زي المدرسة وبتحمل الشنتة ام 10 كيلو :)

14 comments:

vagueraz said...

yay ana awal 7ada byktob comment :)
mmm. awalan ah el shogol 3alam tany , w keeef tet3amalee ma3 el
3alam w heeek ,,, yes w ana 3arfeh mo3anatek ,, kuntii te7keliii:) ...
yala bnstanna postat el tanyeen

mnoosh said...

miss bara2 miss ya miiiiiss :D isht3'lte m3alme? wallah 7ilew :D met5yeltek m3 6abshora o 3assai wa2fe 2odam ello7 :D

good luck in everything ;)

مياسي said...

والله ألف الحمدلله عالسلامه

لسا اليوم في بالي بحكي البنت غابت وحكت عدولي:)

بالنسبه للشغل انسي انا متأكده بعد خبره انو غير

ومبروك الرجعه يا حلوه:) اشتقنالك

Mona said...

ما في أحلى من الطفولة .. لا في هم ولا غم ولا مسؤولية

sweetlikearose said...

Roro razoneh:
3alm talet elsho3o; .. b3eed 3anek ba3d elnas ma belba2elhom yestelmo manaseb :P w ah ente 3arfe elzoroof w kont a7kelek ... azahGek yemken :P
w elpostat eltaneye JAYE JAYE .. :P
:: kees chips LP ::

mnoooooooooooooooshe:
ya benet ente w e5tafete :P
6ayab ana w e5tafeet mn hoon bas 3la el msn??? Helloooooooo wenek ... MISS U katheraaaaaaan .. w ba3deen 3'ayre sortek ana m3alme ah bas 3ende white board w markers hai eltabshora ma basta5demha .. a7saaaaaaan :P
w ana la6efe ma badrob :P
btw: a7san mn el el2bre ele 7ameltele eyaha w dayre :P
Good luck to u too..
:: 7abteen choco la tkone 6ama3a :P ::

mayase:
والله واهلا بماسي ... والله يسلمك ويخليلك اولادك واحفادك والشلة ...
وياي انبسطت اني كنت ببالك :) جميل :)
احكيلي انتي بتشتغلي ولا لسا بتدرسي ولا شو وضعك بالزبط؟؟
ومس يو جميعا جميعا والله يبارك فيكي وعئبال الشلة كمان مرة :)
:: بوكيه ورد واحلى ملبسة::

Mona:
الطفولة عالم اخر .. والله حلو والله .. عنجد اتاري الواحد كل ما بيكبر بتكبر همومو معو .. وبينصح كمان :)
:: على سيرة النصاحة بلاش شوكلاته خديلك صحن سلطة :) ::

SimSim said...

welcome back elmohem and welcome to the teachers club :D I worked in a many different fields but to tell u the truth they r all the same ... completely different from uni. because u have to deal with every body either u like or u not and also it really strength ur personality and make u more open minded ... way more than uni. .... and honey don't stay too long in teaching ... especially if it's not in a good school because it will take all ur strength w ba3ed fatraa betamsee w maa bte2daree tetrekee :D

allah ywaf2ek ....

Naryat said...

walek barrrrrrrrrrraaaaaaaa2 :-D
welcome baaaack!!!
shu had? shu had? heek elwa7ad be3'eeb 3n s7abo ya benti?? :-(
any ways elmohemm ennik rje3ti :-)
7amdellah 3alsalameeeh...
and let me admit, 3anjad kabraneh!!
even the tone of what you write is different :-)
and yes, the world of career is waaaaay tooooooo different...
el samak el akbar wel 2asra3 wel 2a5bas byakol el samak el 2az3'ar wel 2ab6a2 welli neyyto asfa...
bs bardo 3adi :-)
elwa7ad be3eeeeesh o bet3allaaam...

sweetlikearose said...

Simsim:
thanx sweetie for ur nice advice .. everyone says that private schools are the same ... but i think eshe 3an she wallahe befre2 .. bala 3an bala befre2 .. i learned so many things w bel2a5as that i don't want to be a teacher for along time ... so wish me luch sweetie ..
thanx for passing by and leaving a comment :: warde ::

Nayat:
waleeeek Nareyaaaaaaaaaaaaaaaaat
MISsssssssssS U honey ... keefek??
walek ween hal3'ebe ?? la be6ole wala bets2ale wala mnk wala 3la balek?? :: la t5afe ba7ke 3n 7ad tane :P ::
ya nareyat ana kberet?? wak ana ba3dne 15 w arba3 ash-hor 7aram 3leeke leh el2eftra???
to tell the truth, YES I feel i'm 10 years older in every thing which is good w not good at the same time .. but u know what?? experince is actually very good .. el7amdulelah sar 3ende 5ebra motawade3a belnas
e honey thanx for passing by w stay around
:: Hug ::

eNAS said...

سلام براء
كيفك :)

اهلا وسهلا فيكي , بعالم المدونين
اسفة لاني ما كنت اقرألك كتير بالاول
بس ان شاء الله رح ضل متابعة لمدونتك
وهاي اسمك على البلووج رول عندي

ومحظوظة لاني لحقت رجعتك من اولها

دمتي بخير :)

Amjad Wadiِ said...

الله يعطيكي العافية
طيب هاتي احكيلنا شو بحكوا المعلمات بين بعض
:)

والله كل مجتمع عمل بكون فيه بلاوي شكل و صدمات شكل

بدك تحضري حالك مع كل شغله جديدة صدمة جديدة

sweetlikearose said...

enas:
شكرا حبيبتي على زوئك وكلامك الحلو ...وان شاء الله يارب ائدر اضل اكتب لاني انا بتعرفي كيف يعني بسابئ الوئت مسابئة؟؟
وان شاء الله انو تعجبك كتاباتي :)
:: حبة شوكو ::

amjad:
شو احكيلك لأحكيلك يا امجد ... والله كتير بضربو اسافين ببعض اشي بطعمة واشي بلا طعمة .. وبدك الصراحة اكتر عالم تعبان هو عالم البنات بمدرسة بس للبنات المديرة فيها مرة ماسكة وتكيد لهالنسوان التانيات وئاعدة تئاهرهم بس ... والمصيبة العظمى لما تكون متفرغة للمدرسة لا زوج ولا ولاد وبس لا عندها شغلة ولا عملة غير تنئ فوئ كل حد عشان يصير الشغل متل ما حضرتها بدها واكتر .. والمصيبة الاكبر واكبر انو الي بدها اياه مستحيــــــــــــــــــــــــــــــــــــــــــــــيل :(
:: بويا تنضفلي هالبسطار ابل ما تفوت على المدونة :) ::

H said...

2alf el 7amdellah 3ala el salamah... w mabrook el sho3'ol.....w allah ywaf2ek la kol ahdafeik... yallah bedna postat 7elweh zay zaman.

hamede said...

يا هلا والله

sweetlikearose said...

H & Hamede:
thank u very much :)
t3alo kol yoom :P
:: 7abteen choco :P ::