Sunday, July 8, 2007

دكتور الاسنان : شر لابد منه

دكتور الاسنان ومع احترامي لكل حدا دكتور اسنان هو عدوي اللدود ، من طول عمري ما بحب ازورهم .. بس الحاجة بتذل الواحد .. لما كان عمري 12 سنة ، والله 12 سنة صغيرة على عمل الاسنان .. وياريتها اسنان .. إلا اعصاب .. المهم دكتور شاف طاحونتي الي بضلها توجعني وحكى لماما هاي بدها سحب عصب .. حكينالو ماشي ..ومن هبلي وما اهبلها من لحظات سلمت اسناني العزيزة الى الشرير .. و3 جلسات وهو يسحب بهالعصب .. مع اني كلي متر ونص مش عارفة يعني التلات جلسات لإيش .. المهم .. بعد 6 سنين :: شوفو الدنيا دوارة وصغيرة وبينتج عن دورانها حول نفسها مرة كل 6 سنين تصحيح وتعديل احد اسناني الاعزاء:: مش موضوعنا ..المهم لما صار عمري 18 سنة وجعتني اسناني مرة تانية .. كنت توجيهي .. وبتعرفو لما امسكها حجة انو سناني وما بدي ادرس!!! هيك صار فيني .. الساعة 11 بالليل وتضرب طاحوننتي المصونة علي ..يابابا وياماما على الطبيب ... والله وحزنو علي واخدوني على الطبيب وهناك ما شفت ابرد من هيك بني ادم .. اول شي ساعة لحتى فتح الباب مع انو هو شايف انو احنا شايفين انو هو موجود .. وبعدين ساعتين لحتى قدعني على الكرسي وهنا حدثت الكارثة .. مسك هاي الي مابعرف شو بسموها الحديدة الطويلة الي اخرها دائرة عشان يشوف.. الله بهبلك ما الطاحونة هي الي تحت ولويش بدك هاي؟؟ اتاريه بدو اياها مو عشان يشوف.. بس عشان يخبط على طاحونتي الحزينة .. على بالو طاحونتي خشبة وهاي شاكوش .. المهم انا كتير صارت توجعني ومسكت ايدو وابعدتها وهو يحكيلي هون مركز الوجع؟؟ ماما غلطت .. غلطت ها وحكتلو انو انا وانا عمري 12 سنة شلت العصب .. صار يخبط بزيادة عليها .... وانا خلص قمت من الكرسي وعصبت .. يعني انا طاحونتي بتوجعني وانت بكل برادة اعصاب بتحكيلي لا ما بتوجعك .. طاحونة مين هاي يعني؟؟
هو بوجه حكي لماما وبابا: هاي بتدلع عليكم ... كيف يعني مشيول منها العصب وبتوجعها فهموني .. قام وبطل بدو يعملي شي .. انا عصبت وخلص قمت وحكيت لاهلي يالله .. واهلي طلعو يحكولي مزبوط كلامو .. وانا ابكي والله بتوجعني والله ... المهم تاني يوم اخدوني عند دكتوري الي عادة بروح عندو .. ولما عمللي صورة اشعة .. طلع العصب مو مشيول .. حطيت الصورة بعيونهم كلهم وحكيتلهم شفتو ؟؟؟ مين الكزاب انا ولا هو؟؟؟
وكرهتهم كلهم بزيادة من بعدها ..
الحمد لله على سلامتي وعلى سلامة اعضاء طاقم فريق تمي ..

16 comments:

Mnoosh said...

sho ya kolo b7ke 3n elasnan ,sho post w elthane 50% looooool

ana msh jay 3'er a6a3meke atle mratabeh :hitttttt:

2odorse mnee7 :hug:

Mohanned said...

Snan na3ouri wala 6a7oontek :P

bara2 said...

ma ana entabahet .. ana 3'eret w 7aket metelhom ......
loooooooooooool leh bedek e6a3mene 2atle walak habooool??
lesh ?? ana baleee2a :P

bara2 said...

mohanned:
loooooooooooooooooooooooooool
7aram 3lek ... salamet na3ori w snano .. beset eljeran wala howa :P
w ba3deen ya3ne btetbara3 be asnan 3'erak?

Maioush said...

walahi ana shayeftelek enno kol fatra eljama3 abemseko mawdoo3 :D, hai sarelkom osboo3 maskeen mawdoo3 el snan.. OUCH... ma 7ada 3ala dakatret snan addi b zamani, wselet la mar7aleh batalet tefre2, sho ma ysawo ana 3aaaaaaaaadiiiiiii LOOOOOOOOOL .. salamat aneseh bara2 ;)

Sel3 said...

ana 5ala3t 3asab martain, bas kan 3adi ya3ni ma waja3 kteer, ya emmo kna el daktor fahman ya emma kan el3asab melt3en sansafeel ahlo o ma ba7es fee, bas 5ebrete ma3 dakatret el asnan men o ana be saf awal ba2.

MQabbani said...

سلامات

و ما تشوفي شر ,

:)

SimSim said...

لسة انت على اساس شالك العصب ! انا خلعها بالمرة :S و انسى شغلة انه مشيول العصب و لسة بتوجع !! هلأ عندي طاحونة هيك ..

انا كل ما بروح على دكتوري بحكيله انا بكرهك و بكره كل زملاءك

bas haad el doktor el wa7deeh elle ba5afesh menno looooool

:D

Na3ouri said...

سلامتك الف سلامة
عجبتني بتدلع عليكم ، شو هالدكتور النص كم :)
هي مشكلة الاسنان انه الواحد اذا تعود على دكتور معين صعب يروح عند غيرو
و ان شاء الله انو الوضع الايام هاي منيح و مافي مشاكل

Na3ouri said...

Mohanned

بتمون يا سيدي :p

Naryat said...

Salamat baru2a salamat...
lol
ana hala2 bedi2ktob post 3n doktori elsnan kaman...
yala esmo elkol 3m ye7ki 3n elsnan :-p

bara2 said...

maiuooooosh:
allah yasalmek .. be3deen men 6akalek eno ana btefre2 m3e ?? bs mo metlek ente sho ma ysawo mo far2a .. ana sho matwaja3et ma barooo7 :P
allah ysalmek :: warde ::

sela3:
oraje7 el5ayar eltane ana ..
ba3deen looooooool mn ai saf??
wala eshe ...:P

mqabbani:
الله يسلمك :)

simsim:
طيب حبيبتي احكيلك سر؟؟
انا خلعت نفس الطاحونة لما صار عمري 20 طبعا الدكتور الي خلعها حكالي لازم تحطي بدالها شي عشان ما يصير في ازاحة ومن هالحكي وحكالي انو اجي بعد عيد الفطر .. طبعا انا لهلأ ما رحت .. وجعتني قبل فترة الطاحونة الي جنبها.. كمان مارحت ... خفت ينصدم انو انا لسا ما عبيتها .. بس لاني بكرههم وعنجد بخاف من هاي الحركات
وسلامات يا سمسوم :: وردة ::


na3ori:
انا ميت واحد صرت مبدلة الله وكيلك دكتوري بعيد فبحثنا عن قريب بس لما لقينا كنت شو مارة على الف واحد بس هلا خلص تعودت عليه
على كل حال سلامتك مستر عبسي ولووووووووووووول @ مهند ... بتبرع بسنانك يا زلمة .. :: واحد شرير بيحاول يخلق خناقة بس انا عارفة ما حيقدر ::


naryat:
w ana ba7ke oktobe esta3'ele elwade3 :P
allah ysalmek sweetie :P
:: hug ::

vagueraz said...

wala eshy baraaaa2 ...
salamet 6awaaaa7enek 7bibty :)
wala ma bystahalo :)
bs jad 6aree2et ketabtek jedan mushaweka w ra2e3a :) .. btjthebi el wa7ad ta ykamel kul el mawdooo3 :)
mu mujamaleh walahe ..
GO ON DEAR :)

bara2 said...

razanoooooooo:
thank u sweetie .. u know ur lovely comments always make me wanna write more :P hala2 be5no2one .. wallahe mba6le askot ??
ana ya razan ba7ke ma yoqareb el 100 klme belda2e2a ... bs ma bamalelek ... bs ba7ke kol eltafaseel ... :P loooooooooool hada la7alo bemalel :P

Anonymous said...

dark rain:
هاي يمة, كيفك

معلش بدي اعلق هون لسببين الاول انو بس جاي اطمنك اني عايش والثاني عجبتني قصة دكتور الاسنان مع اني بصراحة ما قرات الموضوع لاني قرفان اقرا اي اشي بس لانو سبب الحالة النفسية اللي انا فيها هسا دكتورة اسنان (لسا ما تخرجت بس قريبا
)تصوري من اخر بوست نزلتو ما فتحت النت, فتحتو اليوم لاني كسرت قراري بمقاطعة دكتورة الاسنان, شو القصة: هاي البنت تعرفت عليها من سنة ودخلت راسي من اول قعدة, الله وكيلك البنت الوحيدة اللي بقعد معها وبنبسط لحكياتها من يوم ما دخلت الجامعة قريبة كثير لتفكيري, المهم علاقتنا قويت كصداقة وحبيت البنت فوق العادة, وحكيتلها وكانت ردة فعلها غامضة وقاتلة(يعني لا اه ولا لا)المهم قررت من فترة احاول ما احكي معها بلكي نسيتها, من اسبوعين ما حكيتها, صرت عصبي كثير وما بعرف انام وبفش خلقي باي حدا قدامي طفل امي اختي يعني صرت لا اطاق, الليلة قررت ادخل عالنت واحكي معها وكنت ناوي انزل بوست, ما لقيتها اون لاين وما بدي انزل البوست, سامحيني على هالقصة اللي ما الك دخل فيها بس لانك الوحيدة من اللي بعرفهم سواء عبر عالم الانترنت او في العالم الحقيقي اللي سالتي في ف حبيت افضفضلك, شكرا ع السؤال واسف علازعاج
ودمتي بخير

bara2 said...

dark rain:
بتعرف شو مشكلتنا الي انا ما بقدر افهمها ابدا ؟؟ انو احنا بنربط حياتنا مع اشخاص وبنعلق حياتنا عليهم ونتوقع منهم انهم يعملو نفس الشي بس لما يحسو فينا ويروحو بنسأل نفسنا ازا كانو بيستحقونا او لاء وهادا مو سؤال صعب بس الاصعب انو انا ليه انسان انا عارف انو ما بيحبني بزعل عليه كل هالقد وليه بدايق وبنجرح والاغرب من هيك ليه بيتغير سلوكي مع الاخرين .. هو الحب هيك مو مفهومة اسبابو ولا اعراضو ... مو مفهومة تصرفات الانسان بالحب .. ما تلوم على حالك وخليك قوي وتزكر انو الي بيبيعني ببيعو والي بيشتريني بفديه .. انا ما ححكيلك سنة هي فترة قليلة لا هي مو قليلة والحب ما بينقاس بالزمن بس بالمقدار .. لكن قدامك الحياة يا دارك رين بتفتح ابوابها دايما وبتتيسر من عند ربنا ... لو رفضتك ارفضها من حياتك حتى لو كانت الها غلاوة بقلبك ... والي بعتها حيبعت غيرها الاحسن بإذن ربنا ... حتسمعك وحتعرف قيمتك ولما تحكيلها بحبك حتردك اياها قبل ما تكملها وبأحلى منها .. هيك بصير للحياة طعم ولون احلى من الي انت هلا عايشو .. وكون اقوى من هيك وكرامتك لا ماتهينها .. عزيز النفس لا يمكن بكلمة يفقد العزة .. بصلب الارض متمكن وعمر الريح ما تهزه..
بالتوفيق من كل قلبي :)