Monday, July 9, 2007

شكلي ختيرت .. اسنان وهلأ عيون

بتعرفو هاي الاعلانات الي بتكون عبارة عن قماشة بيضة وبيكتبوعليها وبعلقوها بين شجرتين ؟؟
عنا بالجامعة وحدة على مدخل الجيلوجيا .. انا بروح على الجيلوجيا عشان اخد مادة اسمها الرياضة والصحة .. وانا كتير مستفيدة ومخصصة اعمل بوست عن بعض المعلومات بس مو هلأ قبل الامتحان بيوم عشان بالمرة براجع الي حفظتو :: والله الذكاء يا براء بيتعب الاذكياء:: فكرة حلوة .. المهم مو موضوعنا ليه بضل اطلع عن الموضوع مابعرف ... هادا المهم مكتوب فيها التالي :
يعلن مركز فلان وفلان عن بدء التسجيل بالدورات التالية ...
وحاطين اسم الدورات

هلا انا ملخومة وعز دين الظهر والشمس براسي والنضارة الشمسية دابت من الشمس .. المهم شو قرأتها يا حزركم ؟؟ قرأتها يلعن مركز فلان الفلان .. واستغربت .. واتسائلت انو شو القصة .. واحنا راجعين من المحاضرة بحكي لصاحباتي بالله شوفو شو مكتوب .. مكتوب يلعن ــــــــ الخ .. طبعا حششو علي

بس العتب مو على النظر العتب على الشمس ... ولا حرام شو دخلها؟؟ العتب على الي صنع النظارات الشمسية .. وقبل هيك الحق على الي علقو الافتة وقبل منهم الحق على الي صنع اللافتة لأ على الي طلب انها تنصنع يعني بالنهاية والنتيجة انو المركز هو الي طلب انو تنصنع هاي اللافته .. النتيجة: انو المركز هو الي جاب اللعنة لحالو :)
:: واحد حاطط اجر على اجر ومصيف ومكيف على التحليل المنطقي .. واخيرا بلش يفكر بعقلو ::

11 comments:

Na3ouri said...

سلامات كمان مرة
بس لأ لا ختيرة ولا غيرو هذا بس من الشوب و الشمس الحامية اكيد
المرة الجاي خدي نظاراتي لما بدك تقرئي اصلاً انا صار لازم اغيرهم بطلت اشوف فيهم :)

Mala2e6 said...

عادي عادي كل يوم بقراء شغلة بالجريدة بالمقلوب



احكيلك شغلة مهمة

مش قضية النظر

دايما الانسان بقراء يعقلة قبل عيونة يعني انتي كنتي عم تفكري باشي و الكلمة يعلن شوفتيها يلعن

انا دايما بس اكون اغكر باشي بقرا متل ما بفكر و النتائج صرعة

تزكري وقتها يمكن كنتي شوبانة و بعثلك بتقولي يلعن هالشوب او اي اشي تاني

bara2 said...

na3ori:
لا انا الحمد لله ما بحط نضارات لما بدي اقرء بس الشوب عاطل .. ستو لو شافتني حاطة النظارات الشمسية شو بتحكيلي؟؟ ياستي شيليهن .. شو يقولو عنك الناس؟؟ شيليهن خليكي تنفقي :: تنفقي يعني تتزوجي وبعدين فاجئيه انك لابسة نظارات :: ..
ختيرت انا ... :: وحدة بتدعي البكاء ::

mla2e6:
حرام عليكي انا ما بستخدم هاي الكلمة خير شر .. بلعنش .. وعن حبك ابتزحزش .. بس شو المشكلة ؟؟ انو انا مريت بسرعة .. وفعلا شغلة انو العقل بيقرأ قبل العين صحيحة وعندي الها اثبات بس مو عارفة وينو .. المهم يمكن من التسطيل ..
ثانك يو الك :: الفين وردة .. اسقيهم منيح ترا هدول غاليات من النوع الاصلي ::

Mohanned said...

3shan hek mesh lazem teshtari nadarat shamseyyeh mn ta7t el nafeq ta3 el jam3a el ordonyyeh :P

bara2 said...

mohanned:
la mo mn ta7et elnafaq .. ana basameh nafaq mall ma dal she ma ba3o feh .. 7ata elfawakeh ba3oha ... ana ma eshtaretha asleye ... i had one w kanat lter 3'alye bs enkasrat .. ana ma belba2le nadarat 3'elye :P
bs shokran la2enak 7a6et el7a2 3la elnadarat mo 3yone .. rafa3et ma3naweyate :P

MQabbani said...

سلامتك نظرك

ولسة الفصل بأولو شدي حيلك

Naryat said...

loooooooooooool
ta7sheeeeesh ya benti...
Shu ya bara2? lessatek sabeyye!
shu y2ulu el5etyareye eli 2dna :-p
bs elta7leel elmanteqi, tageeee3! :-D

vagueraz said...

Loool.. btseer b a7san el 3a2elaaat :)

bara2 said...

mqabbani:
اول شي الله يسملك نظري بيحكيلك
تاني شي الفصل بنصو لو بأولو بنتحر
:)

naryat:
loooooool ente 5etyara ya5te???
ana ba3edne 3omre 15 w ba2ele 9 sneen w baseer 20 :P

razan:
sho shayftene 7ajem 3a2ele ya3ne tseer be27san el3a2elat??
loooooooooool kidding :P

vagueraz said...

la wala 3la salamtek ya baraaa2 :)
loool

eman said...

3shan hek ma kont anzel sefe!
:)