Tuesday, September 11, 2007

رمضان كريم


رمضان بكرا


بحب رمضان كتير.. يالله اجواؤو ما احلاها .. بس زمان واحنا اطافيل كانت احلى .. كنا نطلع على السطح قبل الأذان ونطول في هيك عنا سلم خشبي كبير كنا نحطو على وحدة من العمدان الي طالعة شوي ونعمل سيسو .. ونستنى الأذان .. ولما كبرنا صرنا نروح على السوق نغير جو ونرجع قبل الأذان بشوي ... غير انو السهر هادا كان حلو كتير .. مع اني كنت اسهر لحالي .. او مع صاحباتي اول ما جبت الموبايل ... كتير كانت ايام حلوة ..


هادا غير اللمة والجمعة والعزايم والاهل وكل يوم فتوش وشوربة واشي زاكي .. انا الي نفس على الاكل برمضان وبحب اتفنن بالسفرة وبحب ازينها ..


كنت زمان اروح على صلاة التراويح بس الي سنتين ما عم بروح بتلاقي الدنيا شغل والحالة حالة .. بس ان شاء الله هادا الرمضان بدي اروح ..


طبعا انا هلا بحكي وفي زكريات بتمر بخيالي .. ايام مطبوعة متل كأني عم بشوف تلفزيون ..

ما بعرف مالي مو جاي على بالي اكمل البوست .. متحمسة يمكن اروح اسهر معهم ...



حبيت احكي كل عام والجميع بخير ..

11 comments:

Maher said...

aaaaaa!! ana awal wa7ad!! :P

Ramadan KAREEM! Bee :>

Qabbani said...

رمضان مبارك )

يلا ان شاء الله بتكيفي و بتنبسطي هلسنة كمان

و ماتنسي التراويح

Anonymous said...

و انتي بألف خير
و ان شاء الله ينعاد على الجميع بالصحة و العافية

Anonymous said...

kol 3am w enty b7'eer too....

Adoosh said...

Ramadan kareem :))

Anonymous said...

kol 3amo enti be5air... o Ramadan Kareem ya 7elwe :-)

Amjad Wadi said...

مرحبا براء
كل عانم وانتي بخير
والله ذكريات رمضان أحلى ذكريات

Anonymous said...

Ramadan moubarak to you and your family :)

sweetlikearose said...

علينا وعليكم جميعا يارب
شكرا الكم :)
:: حبة تمر لكل واحد يالله عيشو ::

Life said...

7abet el el farfasheh elle fe el post.. :)

ana biddi kitkati fe ramadan .. MA DA5ALNIIIIIIIIIIIIIII... :D

ramdan mubarak...

Anonymous said...

life:
ahlan ahlan ... listen .. i'm gonna send u an email so soon .. i wanna go out with u, redrose, naryat and razan .. so people what do u think?? i think it would be so great .. so i need ur emails girls ..or if u have another idea it would be nice ..
i'll give ur Kitkat :P wallahe .. i like this idea ..so....!!!
Ramadan kareem :: helal w nejme ::