Friday, June 27, 2008

تضامنا مع اخواننا الشباب



مش عارفة شو هالضجة الكبيرة الي بيعملوها الناس لكأس امم اوروبا ,, او شكلي انا مش عايشة بهالدنيا والاحتمال التاني اقوى واصح ...
انا ما بحب المبارايات .. كلها نفس الشي يالله .. كلها فيها 12 لاعب او صححولي معلوماتي يمكن 11 وكلها فيها فريقين وكلها فيها مرميين وحارسين وسبحان الله القاسم الي بيجمع بين كل المبارايات هو كرة القدم الي بتنلطش بالاجرين من هادا وهاد .. كيف بترضى على حالها بالاهانة .. ولا احنا نظرنا بيكون عليها قال .. وبنلاحق فلان وفلان .. شووووووووو المتعة بالفرجة على المباراة؟؟ نفسي افهم شو المتعة؟

على كل حال بالتأكيد في امور احنا البنات ما بنفهمها ... والصراحة كرة القدم عمرها ما كانت حكر لحدا .. في كتير بنات بشوفو وبشجعوا وبيلعبوا كرة قدم كمان .. ما شاء الله عليهم ..

الامر بالتأكيد ما بيخلو انا بحب مباريات كأس العالم .. وبشجع الفريق الالماني والفرنسي والتركي .. انا الحمد لله مريحة راسي ازا خسر واحد بننتقل على الي بعدو ... وانا بالتأكيد بنبسط لما اعرف انو الفريق الي بشجعو وبس ما بحضرلو مباريات فاز .. وطبعا انا بتفلسف الي بسمعو من هالناس .. بس الي صدمني انو معظم الفرق الكبيرة طلعت متل ايطاليا وفرنسا .. يعني ما هاي فرق بتاخد بطولات كأس العالم شو مالهم؟؟ ولا وكمان صدمني :: هم هيك الناس بيحكو يعني :: انو المانيا ما لعبت متل ما بتلعب دايما يعني ما اعطت الاداء المطلوب .. على كل حال .. بديش اتفلسف كتير بشي ما بعرفو .. بس ان شاء الله تفوز المانيا مع اني والله ما بعرف شو الي بيصير ولا مواعيد المباريات ولا مين بيلعب ومين بيخسر ولا شي صراحة ولا شي .. بس هيك يالله دعم من بعيد لبعيد .....
السبب الي بخليني ادعم فريق المانيا هو انو لعبهم حلو كتير وهم حلوين صراحة ... وكمان وجود :



والسبب الي بخليني ادعم فرنسا وجود :




وسلامتكم .. ما ضل مواضيع نكتب عنها غير المباريات ...

18 comments:

Anonymous said...

wel aqba7 mn hek enni ana shofet shabab 3arab, 3araaaaaaab, bodrobo ba3ad 3ashan mobarayat ben fereq orobeyeh, ya setti 3adi mosh jay mn elqadam,-- :( italy out -- o ana ka shab 3arabi a9eeel o6aleb be mobarayat weddeyeh been elmonta5abat elnesa2eyeh el orobeyeh la korat elqadam
wa domti
koni be5air
darktotti

Abed. Hamdan said...

ana mashofet wala mobara wala ba7eb el football wala batabi3 eshi

Mona said...

لا أتابع مباراة كرة القدم بشكل مستمر ولا ضير من مشاهدته ولكن العالم مهتمة زيادة عن اللزوم وذلك بوضع الأعلام على الشرفات أو على السيارات
ولسه فرجة مباراة كرم القدم ألذ أو أحلى من باقي الرياضة مثل الفورمولا وان وشو في متعة بحضور هذا السباق سوى ان السيارات تدور حوالي 70 لفة ولمدة ساعة ونصف ساعة يتابعون السباق

Anonymous said...

loool..
bara2 w el football ,,,
lool,,,,
hay shu bdhum y3malo el nas bokra b el mubarah el neha2yeh !!!lol......
ana ma btabe3 wala bahtam !!lol

Anonymous said...

noo.... don't say that you like germany...

Anonymous said...

darkrain:
la wallah ma 6alabet kteer w allah ydeem el2sale el3arabeye ele mn halnoo3 .. betba9be9 3la banat bara w btensa banat bladak?
ma kan el3asham feek heek ya darkrain >>> :: howa bene w benak a7sanalak :P ::
w elnas sa5efe bedhom 3oros yza3'redo feh :)
:: 7abet baskoot ::

abed:
enta 3'er ya sede :P
a7sanlak wallahe .. sho bedak bewaj3et halras :)
:: football hadeye :P ::

Anonymous said...

mona:
وجعتيلي قلبي بهالخبر تاع الفورميلا هاي .. شو يعني بضلها السيارة تدور واحنا ندور وراها؟؟ بصيبني دوار التلفزيون :)
خلينا على الفوتبول احسنلنا :)
:: فوتبول هدية فاخرة كمان الك ::


razan:
t5ayalene la3ebe mash-hora w bawaqe3 lalnas 3la elkora :P >> tet5ayalesh wala eta3be 7alek .. ya 7asra .. w a7sanlek ma etab3e she ..
:: 6abe mwaq3a ana 3leha :P ::


hhm:
why???????????????????????

Anonymous said...

hehe... lol
any way germany lost.. hard luck

Anonymous said...

hisham:
Ka2eno fe 7ada beshmat hoon????
Yes it lost y3ademne eyahom elteams elkbere kolhom fashalona ... 5alas ana elmara eljai bede ashaje3 ele befoz meen ma kan ..
:: wa7ad za3lan 2we ::

Anonymous said...

laaa la tez3ali wala shee.. me fee shee bestahal za3alik, hadol el 2alman heek, 3'adareeen, bs be3rafo ye9na3o sayyarat :p

Anonymous said...

hisham:
home besan3o sayarat??
yallah fal7een beshe .. rafa3tle m3naweyate ba3ed ma fashalone ...
la teshmat bajeblak baba y6o5ak w yodlobak..
:: wa7ad behaded::
3la kol 7al ana wala 7adaret elmobarah wala she ... a7sanle :)

Amjad Wadi said...

على فكرة البنات هون بكندا بهتموا بكرة القدم و بلعبوها أكثر من الأولاد ... و معضم الأوقات لما بنروح نلعب بالساحات العامة بكون فيه بنات بلعبوا و فيه منه برفيشينال و خشنات كمان ..

و بالنسبة للتشجيع و الحماس و الجنون .. بالرغم من اني شفت ناس كثير بهتموا فوق العادة و بشجعوا بجنون .. بس ما بعتقد انه فيه حدا كان يعمل زي ما كنا نعمل بالدار عندنا .. خصوصا بكأس العالم 90 ... تفاصيل أكثر تجدوها عند زيارتنا

بس مع هيك أنا بكأس العالم 2006 شجعت منتخب توجو .. عشان شو ما صار يكون أفضل من المتوقع .. خسروا 3 مباريات و روحوا عالبدري و بعدين ريحت راسي
:-)

Anonymous said...

هاهاها
انا المباراة الوحيدة اللي حضرتها من اولها لآخر لحظة فيها هي النهائية تبعت الكأس الماضي...
طبعاً انا بشجع المانيا -مش لاشي بس لأني آريّة اولاً (احم احم) و بعشق المانيا تانياً- فاا المانيا خزتنا و طلعت عالنص نهائي و حضرنا النائي مع ايطاليا و فرنسا...
و هاااات اقنع هالألمان ما يشجعوا فرنسا!!! ولكو ايطاليا غلبتنا و اللي غلبنا مشمفروض حدا يغلبو (لأنو بيطلع غالبنا بخاصية التعدّي) بس عالفااااضي... ادن من طين و ادن من عجين

بس اذا بدك الصحيح انا كنت كل ما حدا يجيب جول انطّ و انبسط لوووول
و بعدين اسأل: "هو مين اللي جاب الجول؟"

Anonymous said...

amjad:
انا اتوقع بنات الغرب غير عنا كمان ... هون الستيريو تايب للبنات واحد .. بنهتم بالبينك والاشياء البناتية .. بتلاقي بنات بيهتمو بكرة القدم اكيد .. وبنات بيهتمو بالسيارات اكيد .. بس هدول شو نسبتهم عنا؟؟
وعلى كل حال انا بكأس العالم الي قبل الاخير تشجعت وتحمست وشجعت المانيا وما بعرف شو .. بس لما بطلو ينقلو المباريات بآخر كأس ما حسيت لهالدرجة الحماس .. بس ضليت اشجع المانيا ما عندي مشكلة .. وفي الها طبعا بديل عندي .. هم خربو كل شي .. كل شي صار تجاري بطل الو طعم ولا معنى .. فعشان هيك انا هلا مو مهتمة بشي .. وعلى سيرة مو مهتمة بشي : شايف نتيجة الاهتمام بألمانيا؟؟ تفشيلة ولا هي :)
:: كرة قدم موقعة من اشهر نجوم بيبسي ::

Anonymous said...

naryat:
لوووووووووووول هبولة ... تنطي وبعدين تسألي؟؟
شفتي بالله المانيا؟؟ مشكلة مشكلة ..
وههههههههههههههههههه على خاصية التعدي قرأتها مرتين لأفهمها .. ناقصنا كيمياء احنا؟؟ ههههههههههههههه
لا شوفي انا شجعت المانيا وفرنسا وتركيا ما عندي مشكلة مين يفوز فيهم بكأس العالم .. بس الحمد لله ما حدا .. انا ايطاليا ما بحبهم .. ما بعرف الناس ليه بيحبوهم .. شو فيهم شي ينحب؟؟
وبعدين انا لما كان الفريق الي بشجعو يجيب جوول كنت انط من الفرحة واجاكر الي بشجعو الفريق التاني.. بس لما الفريق التاني يجيب جوول كنت اختفي من المكان حتى ما حدا يجاكرني .. سبحان الله بعطش او بيجيني تلفون او بتعرفي الحجج :)
::واحد بدو يدبرلك لقاء مع مايكل بالاك ::

Anonymous said...

shu 6a5 w ma 6a5... ya sater
:wa7ad 3m bohrob:

Maher said...

LooL! mesh ma32ool sho nahfeh!
sara7a...ana ba6alet enjoy soccer that much!
bas eza bedek temshe be my advice o wanna enjoy it...watch Messi play!
he will def take your breath away!
o ba3deen shbaiiib lesato...20 years old..ya3ne sho'3ol jezeh ! LOOL

sweetlikearose said...

hisham:
looooooool ana jebet seret el6a5??
la teftare 3lai wak :: wa7ad ma zal yhaded :P ::

Maher:
looooooooool ma benfa3ne abu el 20 as3'ar mne .. but anyway thank u for trying :P
:: eza 7elo beser feha wejhet nazar :P ::