Wednesday, July 4, 2007

علاء الدين وانا :)


هاي علاء الدين هي اللعبة الوحيدة الي ممكن اقعد عليها اكتر من نص ساعة وانا العبها ... زمان على ايام كمبيوترنا القديم الله يرحمو ويعفو عنو :: الفاتحة على ارواح المسلمين انتم السابقون ونحن اللاحقون :: المهم كمبيوترنا القديم كان اول ما اشترينا واو سريع وما احلاه بس انخدعنا فيه سنة سنتين تلات والرابعة بدأ يبطأ والخامسة سلامتكم والسادسة ها والسابعة هيو محطوط بالممر عشان نلعب عليه الالعاب .. يعني المفروض يخدمنا 10 سنين على القليلة عشان يقولو اهلي :اه صار قديم شوي لازمكم كمان واحد ؟؟
المهم ، بس بلعب علاء الدين بتصيبني حالة غريبة يا اخوان ... انا شاطرة بأول خمس مراحل :: التكرار بيعلم الحمار :: قد ما بلعبهم بتشاطر فيهم .. وعلى مين؟؟ على اختي الي بالصف الرابع:: :× كتمو على الموضوع:: ... هادا يا اعزائي علاء الدين بالمرحلة السادسة الي اسمها ذا ايسكيب .. والي ثقافتو انجليزية اسمها الهروب .. هادا علاء الدين مو مصلي على النبي :: اللهم صلي على سيدنا محمد :: مو راضي يتعاطف معي ويمرء من هالمرحلة ... لا واسطة ولا زفت مطين ماشي معاه .. في صخرة بضل توقع على راسي .. وتحققت اللعبة وقبل يومين وقعت صخرة على راسي .. :: حتسألو: ليه هي كمان الالعاب بتتحقق؟؟ بحكيلكم طنشو واعملو حالكم ما سمعتو :: الزلمة مو راضي ينط .. ولك نط .. الي بتنط هي حرف الدال ... خربتو يا جماعة على الفاضي انو يستوعب هالعلاء الدين ما في فايدة ... قد اسمعت اذ ناديت حيا لكن لا حياة لمن تنادي ... هلا الشي الي قاهرني بكل هالموضوع هو انو اللعبة بتحتاج لتركيز كل فكري وايدي باللعبة .. ما بنفع اترك ايد مثلا ... بس وين الكارثة؟؟ كل ما ابلش باللعبة بيصير شي بوجهي يحكني .. مرة شعري :: يالله والله متحممة بشامبو دوف :: مرة عيني مرة خدودي ... والله كل مرة شي ... وببطل اركز ابدا ... بتضرب معي الامور فبخسر ... طيب شو اعمل مع علاء الدين الي مو راضي يقدر هالموقف؟؟ جلطني ... بدي افوز يعني بدي افوز... هلا في ظاهرة جديدة ... حرف الدال يا جماعة عفن مو راضي ينط .. وينط للي ثقافتهم اجنبية معناها قفز يقفز قفزا ... استغفر الله ... يعني شو بدي منك يا علاء الدين غير تتعاون معي افوز هالمرحلة ؟؟ فضحتني قدام خواتي .. والعرب ... شو حيقولو عني النشميين ؟؟ مو عارفة انط من صخرة لصخرة؟؟؟؟؟؟ لا وبعدين بس اخسر بيطلعلي هادا القرد بيطنطنط .. قال تعيدي اللعبة ولا لاء؟؟؟ شو رايك يعني؟؟ اكيد اه .. بس اختار اه ...برجع بخسر بقول هلا بيطل القرد الحليوة :: القرد بعين امو غزال :: بقوم بيجيني الشرير بيحكيلي يو جيف اب .. يعني استسلمتي للي ثقافتهم سويسرية .. طيب ما استسلمت انت استسلمتني من حالك .. بقوم بكل شرف عن اللعبة بس يحكيلي هيك .. بلاش لا يفكرني عنجد استسلمت هادا ترا بدو اياني اعيد من مرحلة واحد ... شو جايني من وراكم؟؟ حل عني ....

17 comments:

Qabbani said...

لووووووووووووول

رهيبة يا بنت , بس لو قرأت البوست هاد و انا بالشام كان لقيتلك حل عندي ابن خالة مريض العاب و مافي شي بعجز عنو , ة علاء الدين اللعبة من اللعب يلي بيبدا فيها و بخلصها بقعدة وحدة ..

يلا انتبهي على راسك المرة الجاي و بعدين اليسي خوذة :)

Mohanned said...

Walla 6ele3 dammek 7'afeef, sheklek bteshrabi mayyeh ktheer, aah?
I gave up playing games when I became 16, since then I can't even touch anything that says game..

Anonymous said...

LOOOOOOOOOOOOOOOOOOOOOOL .. ta7sheesh ya bent, walek batni wja3ni o ana ad7ak 3ala el part elli wejhek feeh be7ekkek LOOOOOOOOOOOOOL .. y3admek el yahood ya bara2 2ooli ameen :D
tayeb esta3eeni b sadeeq, 5wanek el s'3ar.. ana kont a3mal heak, a5aleehom y3addo el mar7aleh elli mtan7a ma3i o akamel la7ali :D hehehe

Anonymous said...

mqabbani:
لوووووووووووووووووووول
انا مو مريضة العاب بس علاء الدين بحسو بيتحداني شخصي ما ضل خيارات الا وعملتها ... وبخسر بالاخير .. دخيل الله .. ما حستسلم .. المفروض انها تخلص بجلسة وحدة بس الحق مو علي الحق على تياسة علاء الدين :).. وراسي؟؟ تحطم من ورا هالقصة .....

mohanned:
looooooool ya i do .. ba7eb elmai w ma bashba3 mnha... eshrab enta kaman hek beser damak .. 5afef mo mafe dam eshrab 34% w badmanlak elmawdo3 ana :P ... wallah ana el she ele ma 7akbar 3leh : GAMES :P

Anonymous said...

loooooooooool ya maiosh :P salamet ba6nek .. ba6en ele za3alone :: m3 3'mze :: wala ba6nek 7abebte .. ed7ake elda7ek 3laj lakol el2mrad .. bs ma t2ole meen 7kalek hai elma3lome :P
looooooooool walek fekra .. i'll try it :P ymaaaaaaaa mnek ma ente 2alele :P !!!!!!!!!!!!

Amjad Wadi said...

loooooooooool
نيالوا علاء الدين ... دوري على النت بتلاقي
cheating codes
للعبة و بتخلصي مرحله 44 بربع ساعة ...

وين قهوتي؟ اكسترا سكر لو سمحت مدموزيل


انا ما عمري حبيت العاب الكمبيوتر .. بس زمان كنت مدمن لعبة اتاري .. وكنا نفك ايد التحكم عشان نكبس على 4 كبسات مع بعض .. و كنا نجيب أرقام خيالية .. بعدين أخوي كسرها .. و لو ما عمل هيك كان بعدني بعيد بالتوجيهي

Anonymous said...

bos6ar gadeem:
لاااااااااااا من هنا؟؟؟ يا مرحبا يا مرحبا .. اهلا وسهلا نور البلوج ... وقهوتك زي ما بتحبها يالله عيش..
لوووووووووووووول عليك ؟؟ضحكتني والله .. منيح الي كسر ايد الاتاري ... لوووووووووول .. اما الكود لا ما بحب ... ازا ما كانت بعرق جبيني ما بحب اني اغش .. ما بحس بحلاوتها ..بحسها دلعة هيك ما بعرف .. ثانك يو مان :)
واهلا وسهلا مرة تانية .. ابقى عيدها ..

Mohanned said...

6a33ajteeni, hassa beddi zyara 3l bayader ajjales 7ali :"(

Anonymous said...

اهم اشي بالموضوع انه الجماعة هما يلي حكولك يو جيف اب ، و هذا الاشي اكيد اهم من الاستسلام
ان شاء الله بالمرات الجاي بتقدري تنطي و بتزبط معك دال النحس :)
و سلامة راسك

Adoosh said...

LOOOOL 3a nahfatek ya bara2 :D Aha heik elrawag wella bala..

Ana aktar shi momken al3abo 3al computer hwe el bubble shooter eza bte3rafeeha.. le3beh tafhaaaa w bay5aaa w b'9alny mballe6 bel.s3at w 2eedy bet5asheb 3al mouse ta a5alle9ha!

Anonymous said...

mohanned:
loooooooooooooool tara el2en6e3aj dalel salbe yadol 3la elmorona elza2eda elsalbeye .. lethalek ma teshrab mai 3shan ma tseer mn el ra5aweyat .. w bansa7ak tel3ab Aladdin 3 marat belyoom kol mara te5tenha .. w berser 3endak ta5ashob .. hai madmone .. :P

na3ori:
يا زلمة بيجي بيضحك وبيحكيلي يو جيف اب ... عليك العوض ومنك العوض باختصار من غير مطرود .. انشاء الله اخلص من هالهم والله جايني امتحانات ما بنفع هيك .. والله يسلم راسك تشكرات ليرم :)

adoosh:
ah ba3rafha .. ye5reb betha sho ba7ebha w ban2aher mnha .. hai kont adal 2areeb el 2 hours wana bs ba5abe6 .. ba3deen malet .. :P ana bamel besor3a :)
loooooooooooool btet5shab?? loooooooool funny wallahe 3ajbatne hai :P aywa mothaber .. 5alek heek :P

Anonymous said...

هاها...يلعن شيطانك, والله ما ضحكت من قلبي من زمان متل اليوم...منيح في حدا طلع متلي..

أنا صايرة معي على لعبة نيد فور سبيد موست وانتد, ضللي بس 1 حتى أهزمو وأفوز, وكل مرة بوصل معو للسباق النهائي وهو كذا لفة, ومع إنو بكون سابقوا وانا راكب هل اللمبورغيني بتاعي, فجأة بيطلع بوشي سيارة بوظة بتعبى فيها وبطير بالهوا عشر لفات, وهو بيطلعلي بشاشة على اليسار وعم يضحك علي بسخرية حقيرة...ضغطي بيرتفع وبينزل وبيصير وشي أزرق واخضر وبكسر الجويستيك, صرت شاري أربع جويستيكات....

ومنزل اللعبة أكتر من سنة, ومع إنو نزل إصدار جديد إلا إنو والله مالي حاذفها لأنتصر عليه, وحالف يمين إنو بس شوف سيارة البوظة بدي أبطل السباق وألحق هل المعلون وطالع البوظة من عينيه

Anonymous said...

علوشة:
ههههههههههههههههه لووووووووووووول على كلامك راح اوقع من حالي ضحك .. هادا انت زي لما تيس معنا بتييس مع تشديد الياء .. هاي نيد فور سبيد انا ضليت وراها حتى انتصرت .. مع انها لعبة للاولاد بس اخوي واخواتي عملو فيها تحدي .. بس ما فزت عليهم صرت العب على تخلص معي او ما تخلص .. بس خلصت .. طبعا بالغش ..
لووووووووووووول على الي بدك تعملو بس تشوف سيارة البوظة .. حششت عنجد .. هههههههههههه

Sel3 said...

ele3be el wa7ede ele l3ebt.ha kanat super mario 3ala atri el family.. o kont lama yno6 mario ano6 ma3o, bas ma ba7eb al3ab el computer kteer.

Anonymous said...

sel3:
w mario kan 3nde hawas feha ... ya salamlam :P
ana hala2 bakoon ba7ke m3 3ala2 eldeen w babahdeel w ba7kelo sho ye3mal :P

Anonymous said...

ana 3am fatashlik 3ala 3ariss w inti 3am tal3abi !!

Anonymous said...

maho jeebeee w 5aleh yjeble al3ab :P